MsLau的個人專頁

今天2024.12月21 冬至 凍凍地中午去食蛇羹。疫後再來以為關門，原來搬咗轉角位側。 地方闊落少少，木桌摺椅如是。 仍然搭枱今天2人選了B餐(細蛇+龜湯+細糯) $103 +多個細蛇$49, 總共$152 付現金，似冇電子支付蛇羹、龜湯 水準依然 糯米飯就黏咗少少（記憶中之前好食點） …查看更多

凍凍地梗係食蛇啦係元朗梗係食蛇王倫.. 始終平靚正比疫前貴咗少少，正常吖。蛇肉湯料仍然多龜湯仍然熱呼呼糯米飯仍然多臘腸又夠味盛惠$103，抵呀！ 我哋2人晚上吃，夠晒店仍然係細，枱仍然要搭，客仍然的多…查看更多

土瓜灣閒逛，無意間走到一間麵店。內部地方小但感覺乾淨。見有至愛牛筋，試一試。筋腩雙拼麵 $36+8=44, 地區來說小貴啦。幼麵爽口湯底味濃牛筋夠冧牛脾入味 重點係他們自製的 辣椒油點了菜心腩汁 $18 ，不過不失。冷熱水自助，接受電子付款全部姨姨營運，服務有禮:)*地址屬馬頭角道（門口實在係炮仗街）…查看更多

半島午晚都試過，食物唔錯。 今日周一放假特登同愛人去試下早茶7-11:29。9點前都係等1-2張飛(5分鐘)嘩原來1-2人全場搭枱，咁比多個茶錢$8 攞張私枱啦而且搭檯冇膠板格開，硬係唔知點咁 醒晨孖寶：蒸飯味道可以但唔夠熱涼瓜煎魚餅，啖啖魚肉，好味(共3塊）燒賣皇三粒 ：比平時大粒dd，食得出多蝦膠，味道咬口幾好，係個樣唔得囉雞粥食得多，見有「招牌鮮鵝生滾粥」試試佢第一啖入口...粥稍稀+重玫瑰露酒味+重師傅鵝肉碎上骨多肉韌帶羶味.... 冇下次都係食燒鵝罷啦！後記：早市特價點心唔太多，但小、中點算多，點心唔錯，雖然樓底低比較嘈，早茶都飲得過。…查看更多

年前去過一次，環境食物印象不俗。昨晚愛人已計劃今早再訪。 店開08:00, 仍有早茶（網上資料時間錯誤）環境仍然優美，窗口夠大，採入自然光，樓底又高，空調亦夠，坐得非常舒服 今天禮拜早上10點不用等，直入就座。一人一壺茶：龍井 & 蕎麥 茶錢一樣每位$184樣點心如下👇翡翠鮮蝦布拉腸：特$463小條腸粉，切成6小件，每件一隻大蝦加入翠玉瓜粒，有色有味，推薦👇啤梨鹹水角：大$46用機械人送上，有點點驚喜 啤梨形狀的鹹水角，皮有淡淡綠色，神似！餡沒有啤梨蓉啊，一般餡料而已,咪道一般。打卡好👇燕窩流沙包：特$46碳色+掃金面造型夠酷，瓣開流沙滴漏燕窩呢？食不到啊，建議廚師加多點點...👇熱辣辣鳳爪排骨煲仔飯 $58 真心熱辣辣。最正有飯焦 $58蚊一煲，超級抵埋單找數共 $252。…查看更多

戲院重開, 急不及待一個人馬上入場，散場見餓去下午茶。路過馬祖麵館，有麵餐（原來不只做火鍋的）二話不說，即入。平日下午人客不多，服務員偏偏帶我搭坐一張四人枱(己有一人在食)，左右枱亦都有人雖說疫情暫緩但進餐要除口罩嘛...「吓！唔坐嘞」便轉身走人，店長即時建議我選坐其他空枱； 一早咁咪好囉。服務打了折扣，坐下叫了一客最平宜的「藥膳養生湯雞(選吃新竹米粉)」飲品黑糖薑茶(好在冇貨,原來只是罐飲）轉叫熱奶茶。鷄米一上 “嘩！” 好大碗... 米粉，好多紅棗，芫茜一撮，杞子幾粒，黑木耳幾小片，鷄只有4小塊（見圖）那4塊鷄件味道OK，湯底藥膳味OK。新竹米粉浸泡湯後真心好味嘅，雖餓但也食剩，實在太多呀，紅棗也沒有食。奶茶港式無特別，一般啦！56元OK啦, 鷄件多一两塊，服務向道由顧客感受出發，評分會高些。…查看更多

疲情呢两年去長沙灣5隻手指都數得晒有餘。下午2點要去政府合署攪文件，早少少到隔鄰西九龍中心搵吃。望下食肆牆 紅蔥頭 重存在 記得以前去過都幾好坐，一於再去幫襯。門口show咗午餐牌，街坊價，入面裝修仍然舒服。加上5波疲情只有幾枱客，二話不說，安心入內。 午餐褲選擇很多(我只影了一面)兩人點了2個扒餐（含餐湯+牛油法包+主菜+咖啡或茶)先講下個餐湯「羅宋湯」(冇其他選擇)好濃多料味道好又夠熱配埋塊「牛油法包」 一流件包烘得啱啱好，上枱重熱嫌佢細塊咗啲 1。黑椒牛扒配薯菜（嘻嘻，食咗啲薯菜才記得拍照）牛扒煎得唔錯，有肉汁。薯條熱呼呼的，醮茄汁食2。吉列豬扒伴香草茄蓉汁（記得影咗先再食）麵包糠不厚，炸得剛剛好，面少少脆，裏面豬扒肉鬆軟腍香草蕃茄蓉汁不算突出，一般啦薯條同上 瓜菜相對份量較少，味道OK。一杯熱咖啡 一杯凍檸茶, 沒甚特別（所以冇影相）兩個扒餐，連埋凍飲加三蚊，找數$127 (只可現金或八達通)係咪抵先 …查看更多

去形點睇電器(遲下用消費劵嘛)又見堅信號，每次食飽至行過，緣慳！今日時間剛好下午茶，2人限聚入去嘆下。1）$30生煎包餐 +$2 轉豆漿一客4只，熱㗎 餡肉多汁，咬入即漏我對面位人兄嫌隻包細喎凍豆漿都幾滑2）$38豬手麵餐+$2 轉豆漿 追+$12灌湯小籠包兩只豬手講明得2隻，我碗2塊肉都夠淋入味上海麵都好煙韌彈牙灌湯小籠包追加12蚊兩隻，皮薄多汁名不虛傳！埋單一共$84, 食得過減埋$5電子支付優惠券實,付$79,抵 …查看更多

疫情嚴重，係嘅...但並非=食物服務下降吖嘛？！ 偶然知道Park Circle有金記，稔住私人屋苑+交通不算便利，膽粗粗早少少去堂食個午餐。 可能11:30太早客人真係好少，計埋我得2枱跟住都陸續有人入點左2個午餐:(客家蝦醬蒸腩片飯 :(+ 熱奶茶好鹹呀，又唔係好熱。已講出重點了粟米汁焗魚柳意粉一個字“熱”, 即焗✔️ 味道適中，ok最最最劣係個男仔服務員不是放下食物，係掟低食物。相對女服務員好好多。不過再比起同區另店就差好遠了，唔怪之得，疫情間果間金記仍客人不絕啦後記： Park Circle呢間冇掃碼落單，餐牌又唔同另一間（特別係午餐牌)，點解嘅…查看更多

愛人探老人常行經半島阿翁，次次都好多人等。不過見開飯評一般般....呢期見佢有$1優惠，今晚又放得早，專程去試試囉。2人同行晚5點45分抵達。 唔係講笑，成廿人在等！ 要問亞姐取票，準6點叫號派卡入座。內面環境都幾大，唔算太逼:)$1可三選一，2人選了燒鵝1/4隻。 上桌一望已流口水，🈶色🈶香嘩咬落塊皮..脆呀少少鵝油香滿口肉又夠厚，調味適中，2人均讚不絕口至鐘意佢有個小火慶住，使鵝油保持流動不會琼住本計劃再點兩個菜，但碟鵝份量真係夠，只點多一個「涼瓜班腩煲」真心份量好足，班腩好彈亦滑，好好味。忍不住叫個靚仔(白飯)，2人一碗完全KO整個煲呀 最後服務員姐姐送來两碗熱呼呼陳皮紅豆沙，(可能頭輪) 足料唔會水啷啷連茶介共$196。 齋睇價錢少貴但睇左份量及食材味道，抵！ 即約朋友食4人餐，哈哈…查看更多

太興上市前食左多次，早餐 晚飯都OK嘅。疫情好耐冇去了。今日住處停電，必須出走...呢輪見亞港版IRON MAN賣緊义神，好喎，試下啦。去左YOHO MALL店，哇！有人龍！睇下APP, 真係奇，明有取票系統又唔用，係都要排隊。當時14:50。10分鐘後有位，點左义鵝飯+熱奶茶 $69。下午茶不算平宜啊！又話逄一三升級金箔，冇冇冇喇！！飯唔係好熱，义燒真係燶邊，好燶添鵝肉肥過我，皮又唔脆 係杯奶茶還可以:) 服務呢：又冇掃碼下單，服務員又唔多...、無言總結：一次過，罷啦！…查看更多

話說賀宮煮與小芳工房玩慶生，尋尋覓覓搵到香香宮煮，見有68折卜左周日午餐。話就話座落TST，但位置有少少QK，地下冇易拉架，要係對面馬路 +頭愕愕至望到招牌門口較窄，不過一入宮門眼前一亮，金黃大龍椅，裝修呀 擺設呀都幾特別，我們入坐永和宮餐牌都卷成詔書，價格呢...都令人為之一振！2個壽星先點個卜卜蜆芹菜湯底，滾起食都食唔切，成斤重，好鮮味牛拼盤有7款不同部位，滿意 可惜牛舌冇...跟住點了 餃子拼盤、蟹子蝦滑拼墨魚滑、響鈴雙拼豆腐、水蓮，蔬菜拼盤，重有一壺薏米水食到脆鯇呢...真材實料，又新鮮,可能得一枱客廚房師父一開始切到擦膠咁厚，經要求，一舊變三片。服務算係咁吖水蓮第一次食，試過就算了呢盤蔬菜拼盤冇動過，要打包呢薏米水可以有4-5杯。本來只有凍飲，店員好好順應要求,溫了才奉上。總的來說，食物新鮮，服務超好！周日午市食足3小时(12點-3點)，感覺似包場，期間好似有一枱客入過 找數每人$550(68折後)，計番時間、食物質量，OK啦。。。如果沒折呢，就！…查看更多

取了消費劵，呀小弟就話要飯聚... 卻說農曆七月要食素喎 (時運高些嗎？哈！) 又指明近工作地點.... 哈哈openrice搵到「每日」【$88 素食放題*】評友相片望落尚算吸引，試試佢啦！*75分鐘咋 冇加一店舖位置唔算起眼，但都OK方便平日午餐時間，訂左1點...12:45到，嘩嘩嘩！巧多人；前面walk-in客冇訂就冇位嘞。食物真係好多款，呀咀尖小弟話平均有水準中西熱素 冷盤 湯水甜品 飲料 連薑醋都有我冇逐樣拍嘞 (可參其他評友食物相片）個人欣賞：客人要將用過的餐具放到回收處，沒有服務員幫你收杯碟啊！又有手套供應，衛生嘅“樓面”只見2位亞姐，忙到甩轆... 總結...$88 冇加一食75分鐘，食物質素OK，坐得逼囉服務唔講得有,但2位亞姐有問有答咁啦咁嘅價錢： OK →好評…查看更多

月初去左趟黃金海岸早餐，見到呢間日本餐廳頂左超市地舖個位，外觀乾淨簡樸，又見開飯好評稍多... 正值今日有市集，ok! 去試下。早11:30至開門，已有幾個客人搶先入閘我們第3張枱。靠牆卡位有勁風，巧涼呀！入正題，點兩個定食，都「紅葉」標誌㗎。👇牛肉壽喜燒定食見多人好評，梗試下啦！ 上枱擺設得嘅海帶湯夠熱。牛肉生熟適中，量亦多配菜內菇菇吸左汁，好味; 但那兩粒豆腐唔夠滑。隻溫泉蛋呢...吉家好過佢 雖然係咁，都5⭐ (4捨5入...) 👇生薑燒豚肉定食擺設基本同上。豚肉量算多。味道可以接受。不過生薑分開放(圖右下角黃色那小坨),其實食緊洋蔥炒豬肉片 唔食薑人士亦可點囉！👇海解炸物盛盒（蝦/廣島蠔）嗱，咁早食炸物，應該第一輪炸啦！典解顏色略深嘅？ 蝦，哈哈 食極都唔覺得有蝦肉蠔，我果塊係鯹的！另一個口話唔覺,但亦唔好味囉👇雪糕白玉牛奶 抹茶拿鐵$45一次過試晒甜品 ....點知極差(就到劣嘅) 抺茶味算有，香草雪糕冇意見。兩粒白玉,完全糯米粉糰,無添加呀,入口即 le最係冰粒，細細杯有11丁方粒,哇！特式後話：假日滿$300有兩小時免泊🚙 疫情周日半日遊，OK！…查看更多

一周前去遊下荃灣最大D超市，誤打誤撞出左西鐵C口，一出就見到間廿一堂見到餐牌幾吸引，咪試左個人氣#1號餐應該是太餓又幾好食,KO左至記得...O！冇拍照就冇得寫食評 但感覺良好...有下次嘅話咁快今日難得我呀"no Hair”清假，便特登同佢再去一趟。 因有經驗，入店內先找位置，識坐一定揀窗口位,有無敵大海景嘛睇下圖 呀遠眺青衣北橋，南橋在背後冇影啦！係咪先，哈！坐低嘆下個景, 再施施然出去門口點餐，可自助用機或者點餐專員幫你。👇#5套：生薑汁豚肉軟骨丼 $69豬軟骨3大塊，肉夠味軟骨夠冧, 巧有骨膠感覺 LIKE呀 隻溫泉蛋放中間，一篤穿蛋汁撈落飯超好味 選飲「麵豉湯」非常夠熱,味道適中,好！ 每個套餐都有粒抹茶小福送👇#4套：厚切牛吞丼 $64牛舌4大塊 (餐牌相有5塊噃) 厚切剛好，入口有豐足質感， 醬汁調得幾合我胃口(我非重口味) 美味 +$8轉「 巨峰乳酸梳打「小冰。個樣一般，但飲落酸咪咪涼浸浸，32度天氣一樂也。這個午餐真係嘆後記：望下開飯友『朝食』餐牌，發現同下午茶一樣㗎 哈哈哈哈哈…查看更多