偷得浮生半日閒，同老公拍拖去試下新嘢。晚餐主打set ，有前菜，主食（飯／麫），甜品，仲跟一杯嘢飲，$90。睇下餐牌，有d簡陋，諗唔到有乜特別好食，好似同普通餐廳冇乜分別。突然有個肥肥哋嘅男人走過嚟，同我哋打招呼，原來係間餐廳老闆。佢好耐心咁同我哋解釋每一道菜嘅原材料都係用最好嘅食材，而且冇味精，煮法同其他餐廳點解唔同。於是我哋就揀咗呢度嘅招牌擔擔麵，茶葉蛋，同埋餐廳老闆不斷推介嘅自製凍檸茶，甜品就要咗火龍果糕。1. 茶葉蛋 + 自製凍檸茶茶葉蛋好入味，見到隻蛋嘅色水，就知道老闆用咗唔小心機同埋時間去醃製
凍檸茶真係有啲與別不同，檸檬好新鮮，唔澀，但又唔係超甜，唔會好似其他餐廳咁飲完覺得有少少起痰。原來一杯少少嘅凍檸茶都咁有學問，用心做原來真係有啲唔同，值得一讚
2. 招牌擔擔麵平時好怕食擔擔麵，因為好多時啲醬都會整到一pat pat好 ”傑”, 一係就整到太淡唔夠味。呢個招牌擔擔麵，味道啱啱好，花生醬香得來又唔係太濃，要畀個讚 食完終於明白點解呢個係招牌麵
3. 火龍果糕食完咁濃味嘅擔擔麵，食一個火龍果糕，又幾清新喎，冇諗過火龍果糕做嘅甜品又幾好味喎。細細件，啱啱好
食完咁濃味嘅嘢，返到屋企都冇口渴，證明老闆果然冇呃我，真係冇用味精喎，值得一讚
希望呢間小店繼續努力經營落去，保持住對食物嘅執著，唔會用味精。但老闆真係要執執個餐牌
，等人哋知道佢做每道菜背後係有咁大嘅誠意
…Read More
凍檸茶真係有啲與別不同，檸檬好新鮮，唔澀，但又唔係超甜，唔會好似其他餐廳咁飲完覺得有少少起痰。原來一杯少少嘅凍檸茶都咁有學問，用心做原來真係有啲唔同，值得一讚2. 招牌擔擔麵平時好怕食擔擔麵，因為好多時啲醬都會整到一pat pat好 ”傑”, 一係就整到太淡唔夠味。呢個招牌擔擔麵，味道啱啱好，花生醬香得來又唔係太濃，要畀個讚 食完終於明白點解呢個係招牌麵3. 火龍果糕食完咁濃味嘅擔擔麵，食一個火龍果糕，又幾清新喎，冇諗過火龍果糕做嘅甜品又幾好味喎。細細件，啱啱好食完咁濃味嘅嘢，返到屋企都冇口渴，證明老闆果然冇呃我，真係冇用味精喎，值得一讚希望呢間小店繼續努力經營落去，保持住對食物嘅執著，唔會用味精。但老闆真係要執執個餐牌，等人哋知道佢做每道菜背後係有咁大嘅誠意…Read More
