cyyip's Profile

几年前黎过,以前样样都好好味,今次真系好失望,可以话唔难食,但好普通.片皮鸭,冻,皮又唔脆.招牌菜--京烧羊肉,无乜特别.赛旁蟹ok,或者好过出面少少.糖醋鱼片尚算ok,但都比以前差,无以前咁外脆内软.最好系津白,配埋D金华火腿,味道好夹.做饮食水凖一定要维持到,老师父退休唔系借口.见到有D网友评佢D菜式好味,可能系师父间中失手,但有要求既酒家唔应该比呢D情况发生.我决定以叫投票,好耐都唔会再去. …Read More

寻晚点咗沙窝云吞鸡,酸辣汤,支竹羊腩煲,担担面,九王炒蟮糊同蟹粉小笼包.酸辣汤辣味o岩o岩好,但系唔够酸.羊腩煲好味,虽然未算好淋,够入味.沙窝云吞鸡清清o地,不过无咩鸡味,云吞唔错,D皮唔烂.担担面&九王炒蟮糊都可以.不过蟹粉小笼包真系唔得,唔觉有蟹粉,只得少少蟹粉味道,但睇落同一般小笼包一样,里面白雪雪.…Read More

前日同朋友去呢间食.两个friend都话听闻几好,但今次亲身经历真系差好远.我地叫咗椒盐九肚鱼,尖椒猪颈肉,同埋招排菜沙拉骨,铁窝鸡煲,炸猪手.全部菜,D葱多过乜,大概有2/3.九肚鱼面粉好厚,无乜鱼肉;尖椒猪颈肉怀疑系用"咇"水猪肉,味道算合格,但一路咬,一路出水;沙拉骨&铁窝鸡煲味道最正常,但系都只算正常,无咩特别.炸猪手好曳,无肉,D皮又炸到痴牙.呢餐真系好差,坤钱唔紧要,但真系好无诚意.呢D就系真正浪得虚名.…Read More

早两日去friend屋企开枱,路过此店.见到有人排队,即管买些少.其实我对卤水野兴趣不大,但系废事两梳蕉上去.买咗卤水鹅,大肠,etc,一共九十几蚊.上到个friend度,佢话呢间野佢有买开,一个月总会食两三次.好正咁话wor.好,开枱前食一件试吓先.wow,真系好好味.个卢水好过平时果D,好入味,而且肉质好好.于是我地牌都唔打住,食晒先算.我仲学蔡澜讲咗句"好满足,好满足".真系诚意推荐.…Read More

食物质素还可以,特别系个招牌鸡.未食过正宗肉骨茶,只系觉得佢个肉骨茶唔算好好味,算ok啦.但最令我惊愕既系阿姐将我地吐出黎既骨徒手攞走.相信阿姐唔会特登洗完手先攞菜出黎.仲有就系冷气好弱,今后相信唔会再去.…Read More

我点咗个羊鞍, 朋友点咗鹅肝牛柳,同带子露荀饭.味道同环境都可以.只系份量小咗D. Iced chocolate味道ok.价钱相对份量算贵咗D,但西餐一般都系呢个份量.…Read More

我未去过台湾间总店,但朋友话两间质素相约.每样都几好味,而且上菜上得奇快.服务态度一流.小笼包系必食,真正皮薄涵靓,好过好多酒楼同会所.对其它菜印象唔深,但样样都唔错.台北朋友话次次去亲台北总店,蟹粉小笼包都卖晒,因此未曾食过.所以如果有机会就一定要黎呢间食.…Read More

一共去过三次,新开张果排去过两次.好好食,D肉好新鲜.点样烧都好味,唔需要特别技巧.隔咗几个月再去就唔同晒,D肉质几差.烧两烧就干晒,毫无口感可言.非常失望.都要成三百几蚊一位.收得呢个价,唔该比好D o既货我啦.之后就无再去喇. …Read More

价钱公道,有大酒店水凖.而且服务态度一流,环境不俗,有情调.头盘有多种选择.最好食系安格斯猪扒,系食有机飼料,唔需要煮到十成熟.其它菜,好似羊扒,牛扒都好味.生蠔重类好多,全部都新鲜.甜品有多种口味梳扶利,朱古力hot cake, etc.都好好味. 必试…Read More

未至于难食,但最基本o既饭,竟然都捏到好松.师傅功力成疑.D鱼生又唔新鲜,唔肥美.樱肉夀司D马肉好多渣,第一次食无得比较.但总之嘛嘛.另外熟食点咗个野菜汤荞麦面,D面太林,汤底一般.总结味道只属合格. …Read More