Ivy0616's Profile

喺澳洲食過西瓜蛋糕， 覺得好好食，見呢間抄佢個款就試吓啦，去到個日夜晚已經冇乜人，個男職員態度極差，話諗定好揀邊件未㗎，係就快啦，其實我只係啱啱望左一望，寫生日牌，又話只可以寫幾隻字嘅，我寫緊嘅時候，佢個樣已經極度唔滿意，又話唔知師傅做唔做到㗎，其實咁唔滿意，可以唔做我生意，以後都唔會幫襯，1.抄人哋個樣就抄得一模一樣啦，味道到完全唔似，2. 唔值呢個價錢，3.呢個服務態度，好似唔擔憂做咁，唔會再幫襯…Read More

一心想食馬來西亞野，嚟到皇室堡見到呢間連鎖店，好多區都有分店，一行四人，或者係平日夜晚，完全唔使等位，好快坐低左叫嘢食，嘢食算來得快，價錢唔算貴，平民化，選擇也比較多，大家比較餓，所以叫咗一大隻海南雞，啲肉都好滑，冇骨嘅，好好味，再叫咗個肉骨茶，啲藥材味都好濃，熱辣辣，又多配料，飲完想再叫多個，最後叫咗個咖喱點薄餅，呢個就不過不失，好普通，可以唔使試，整體上來，算唔錯，下次經過其他分店，還會幫襯，試埋其他…Read More

今日經過灣仔，決定嚟試吓呢間幾出名嘅冰室，差不多個個黎食都係食個叉燒滑蛋飯或者蝦仁蛋飯，我哋啱啱過咗早餐時間11:33分，選擇唔係十分多，叫咗個豬膶通粉，加個煎蛋配多士，呢個冇乜特別，正常茶餐廳嘅野，再叫多個主菜叉燒滑蛋飯，配杯熱奶茶茶走，個飯賣相唔錯，一叫即有，完全唔駛等，d蛋的確好滑，聽講係用日本蛋，叉燒就冇乜特別，份量都比較細，男士一個飯應該唔夠飽，整體上黎都keep到個水準，但啲位就坐得比較迫，唔係好舒服…Read More

今晚成班朋友一行5人去銅鑼灣食晚飯:)，飯後甜品，一諗就諗起呢間成日要排長龍嘅幸福班戟，因為今日係星期一又差不多9:30pm ，所以唔使排隊，直入, 睇menu 好多嘢都想食，但好多都賣晒，叫咗個士多啤梨班戟，奶茶班戟同埋朱古力班戟，因為有最低消費，每人一定要叫一樣正價野，一人一個又真係食唔晒，所以叫咗兩杯野飲，我自己就覺得奶茶班戟最好食，味道啱啱好，又唔會太甜，其他都普通，冇麥特別，但如果要排長龍，我就真係唔會食…Read More

新年期間，好多鋪頭都唔開，見呢間鋪頭裝修得幾靚，就入去幫襯下，因為比較夜，唔駛等位，服務態度都好好，唔會催促你快啲點餐，仲介紹埋會員優惠，見呢度推薦龍蝦pizza 出名，我哋就點左個龍蝦pizza，11吋大Pizza, 因為其他地方都比較少有，都啖啖肉，幾好味，再叫多個軟殼蟹意粉，呢個就一般冇乜特別，唔夠飽再叫多個蟹肉意粉，食埋呢個就夠晒啦，想試吓d甜品但已經好飽，所以下次仲會嚟因為想試埋啲甜品，整體都唔錯…Read More

今日黎沙田行街，諗住食個午餐,但見周圍食肆人山人海，排晒長龍，度度都要等位，Pizza express 竟然完全唔需要等位，直入，或者中午來講佢算貴，叫咗個二人餐，叫咗個海鮮pizza，蕃茄意粉，有埋羽衣甘藍沙律，仲有小食拼盤，最後就係甜品，好豐富，連鎖店來講味道都保持到水準，食物都好精緻，味道唔錯，或者比較少人食，上餐上得好快，但價錢一啲都唔平，呢個價錢應該有其他更好既選擇，因為周圍都有，下次未必會再嚟…Read More

見到OpenRice咁多好評，一心諗住同班朋友去試吓，因為平日所以唔使等位就入左去，環境都好靚，尖沙咀小店來講唔錯，不過座位有啲迫，坐得唔係十分舒服，但一班朋友傾計啱晒，冇限時間任坐，一坐低就叫左個水牛pizza，味道好濃，好味，鵝肝菌意粉，生蝦，估唔到食意粉餐廳都有生蝦，都好新鮮，再叫左個沙律，年糕，樣樣野都唔錯，好味，d飲品都幾有特色，色香味俱全，朋友們都大讚唔錯，服務都OK，下次仲會再嚟幫襯…Read More

星期六尖沙咀嘅晚上好多地方都排長龍等位，見到呢間Cafe入去試吓，完全唔需要等位，侍應服務態度好好，環境好舒服，好難得係人來人往嘅尖沙咀會有間咁嘅Cafe，睇咗一輪Menu，我哋叫咗個蒜香蟹肉意粉，味道十分唔錯，雖然唔係十分大份，再叫咗個牛柳同埋大蝦，牛柳七成熟，色香味俱全，雖然個位置比較隱蔽，但可以坐好耐都冇人趕你，同朋友吹水一流，價錢亦好合理，好有驚喜，呢間店都仲有好多甜品，下次我都會再嚟幫襯，好滿意…Read More

朋友一直想試呢間野，因為出名扁皮鴨，同埋見到海景，一去到鋪頭，服務態度奇差，不停催你快啲點菜，俾佢催左幾次，我哋決定叫半隻鴨試吓先，完全係凍嘅，好似擺咗好耐咁，佢嘅爆炸糖唔係十分特別，再叫咗個蝦伊麵，油膩都不得了，食咗少少已經唔想食落去，再叫咗一個一字骨，呢個就普普通通，因為安排左我哋坐入邊，根本就見唔到任何海景，同埋呢間野啲員工真係好趕收工收11點，佢10點鐘已經想叫你走，不停叫你埋單，埋單，呢個價錢我唔會幫襯第二次…Read More

店長態度10分差，叫咗兩個餐加埋嘢飲，嘢食到咗好耐，問啲嘢飲幾時到，店長答：黎就嚟㗎啦，使鬼吹，跟住就勁大聲嗌機同廚房講催催催你啲嘢飲呀，態度10分惡劣，嘢食又麻麻，啲米線湯底勁油，又難食，唔使錢都唔會食，以後都唔會幫襯............................................差差差差差差差差差差差差差…Read More

襯假期同男友周圍行下街，見到呢間冇嘜人，又唔等位，就入去試下，叫左三樣野，1.墨汁奶油花枝手作麵，花枝有點難食，墨汁尚可，幾彈牙，2.炸雞排肉燥飯，雞块好香口，肉燥過咸，3.台式滷味拼盤，肉好咸，又冇汁，唔好食的，因餐廳限時，匆匆忙忙食完又要走了…Read More

今晚工作關係來到荃灣，路過呢間米芝連星級師父既蛇羹，心思思想試下，叫左蛇羹＋糥米飯，蛇羹好有鮮味，用料好足，糯米飯亦好有口感，好飽好滿足，見到餐牌還有好多想野試，但實在太飽，下次再來吧…Read More

今日搵食搵到來沙田，真係好多選擇，見到呢間人頭湧湧，心思思想試下，因為好肚餓，所以叫左好多野食，頭盤薄切燻三文魚，入口即溶接住落係藍青口大蝦海鮮燴飯，呢個都好搶手，一下就清曬，還有蝦.牛油果意大利瓜沙律，照燒雞肉薄餅⋯總結，樣樣都好食，但價錢有點貴…Read More

最鍾意周圍食食，今晚一大班朋友來到工廠大廈搵食，環境就普普通通，每枱有專人服務，上菜都好快，首先上鮑魚，聖子，好有鮮味，跟住上雞煲，我地叫左小小辣，非常惹味，食左兩大煲，可以任叫的，跟住到海鮮火鍋，嘩，好大盤，有部分食材可以任叫，當然貴嘢就冇，總結，服務唔錯，態度好好，食物美味，價格尚可接受，每人三百幾蚊，朋友話下次還會幫襯…Read More

星期六天可以一家人嘆下茶，食個飽，呢間酒樓每到假日都要等位，等左半個鐘，到我地啦，一行四人，叫左十樣野，點心味道尚可，賣相求奇，侍應經理態度十分差，叫左好耐冇人應，冇人理，價格又唔係特平，下次未必會再幫襯…Read More