johnny y's Profile

今日去咗依間「茶餐廳」到食飯，真係俾錢買難受！話60分鐘用餐時間，但食到50分鐘店員已經唔停咁催，態度仲要好冷淡咁逼你埋單。去到65分鐘，我地仲食緊，一個微肥、條手臂有個月球紋身嘅女店員好惡咁同我哋講「夠鐘啦，起身交枱啦」，完全冇禮貌正眼都冇望過我地就趕人走，當我哋係咩咁！最離譜係，隔籬枱一班人比我哋早到，話係「老闆朋友」，居然可以慢條斯理坐足3、4個鐘，無人敢催！呢啲厚此薄彼嘅做法真係令人火滾！食物正常普通周街都係嗰啲味囉，但服務態度同呢種不公平對待真係垃圾到爆，食到食緊茶記咁店員冇基本禮貌，管理亂晒籠，呢間嘢唔推介！希望佢哋改進吓服務態度，公平啲對待每個客，唔好淨係錫「朋友」！…Read More

一入到去已經覺得唔妥，成間餐廳衛生真係惡劣到不得了，枱面黏笠笠，筷子同碗仲有啲污漬，望到都無胃口！服務員態度更加差，連基本禮貌都無。明明係非繁忙時間，餐廳得6成滿，仲唔俾人坐大枱。佢仲聲大夾惡咁問「你哋幾位啊？」，好似我哋唔係嚟幫襯咁。但我眼見店內好多大枱都係得兩個人坐緊，點解要咁為難客？同埋明明間嘢係冇得訂枱啲吉位又要擺個訂枱牌喺度唔知想點。總之入去幫襯嘅就唔該坐到有咁迫得咁迫，食完快啲埋單走。真係完全無服務質素可言！下次真心唔會再去，食返三哥起碼衛生有保證，服務都親切啲，點都好過呢度！…Read More

鋪頭坐位唔係好多，5張四人枱腸粉即叫即蒸超好味，皮薄餡多！仲有個蒜蓉辣椒醬，溝埋落腸粉度食簡直一流，買返去煮面食都正。平均28蚊一碟仲送一杯無糖豆漿，值價比超高！…Read More

之前見有foodie介紹經過見冇人排就試下，點知普通人買就係伏到痴線！！兜嘢就咁係雪櫃拎出嚟，舊麻糬已經雪到一啲都唔煙韌，其他配料都好普通個底係啲普通椰奶。個芒果布甸正常。完全係智商稅…Read More

假期過咗午市時間2點幾入去食，叫咗一個刺身set同一個燉豚肉set。刺身飯不過不失，啲飯熱到好似啱啱喺電飯煲度不上嚟咁，唔似平時啲刺身飯。個豚肉set就勁啦，等咗半個鐘都未上，個刺身飯都已經食完，追咗兩次啲staff，有個女侍應行過嚟同我講等3至5分鐘就有，俾多5分鐘機會佢都係冇，最後成個set取消咗。所以見到張單點解明明兩個人食但埋單得1個餐。諗唔明間餐廳已經唔多客，但成半個鐘都冇嘢食。總結啲staff好似全部暑期工咁，一個正常啲可以幫到你嘅staff係0，絕對不會再幫襯👎👎…Read More

大家千祈唔好俾門口個優惠呃到 覺得好抵！首先一坐埋去俾你裝水隻杯係黐立立，叫個waiter同我換咗佢，佢換咗隔離枱嗰個俾我點知轉個頭就有人坐咗落去嗰張枱，咁咪即係俾咗嗰隻杯人哋。嘢食叫咗個菠蘿炒飯同炒貴叼，兩樣嘢食都勁重顏色 個菠蘿炒飯入面啲菠蘿粒係一啲味都冇，炒貴叼加臘腸我都係第一次見。仲加錢叫咗2杯泰式奶茶你都係一啲甜味都冇，顏色仲要勁深但係我心諗泰國嗰啲顏色深都算啦，人哋起碼有甜味，佢嗰杯真係一啲味都冇，個嘴已經唔叫叼但真係覺得依間嘢係伏。…Read More