Misaki Chiu's Profile

Lunch揾飯食，聽識食同事食過話好好味，所以都試下！舖面唔算大，不過lunch食飯最緊要快靚正！去到岩岩有人食完，即入啦一叫左個招牌牛肉麵，一上檯，嘩！不得了？我以為得幾片牛肉，點知係三大舊牛肉，好夠淋好入味，帶有小小牛筋，非常好食！麵底有得揀粗幼，我要左粗，好彈有咬口！到湯底，有淡淡牛肉味，唔係死咸死落鹽果隻，我都飲左唔小！坐坐下有人走老闆娘仲問我地要唔要調位坐得舒服啲，明明舖細又係lunch time，服務超好！又多一間飯堂了！…Read More

一向好鍾意飲Godiva嘅朱古力，今日行過試下珈啡飲品，由忌廉，黑朱古力雪糕，沙冰同焦糖醬組成嘅咖啡飲品，賣相討好，先飲齋啡底，再搞勻飲，兩種味道都好正，仲送多一粒朱古力，超值…Read More

之前成日見排哂長龍，今日六點就肚餓，見到唔使排隊，就入去試下。店內佈置好有台灣感覺，周圍都有台灣嘅感覺。見到呢個綜合水果茶好吸引我，即叫，入面有好多生果，有菠蘿，蘋果，話梅，青檸，橙，加個茶包，味道好好飲，有唔同果香味，熱辣辣的天氣下飲好正。鹽穌雞有唔同味道的粉，可以自己揀鍾意嘅味道，岩哂鍾意試多款嘅人。滷水拼盤(大)整體好入味，係鴨腎爭少少，有啲雪藏味。有好多鴨舌，好淋好入味。柯仔豬腸麵線，好有台灣嘅味道，諗起夜市啊！埋單剛好$200，兩人食好滿足…Read More

好小黎大角咀，聽朋友介紹話好食就黎食下，地點唔算方便，但我有巴士到都ok，一試出乎意料咁好食！飲品賣相好靚，又多款式揀，幾好！薯蓉湯好濃郁有口感，正！魔鬼魚造型，醬汁好夾，好開胃另一款前菜，夠咸好食！主菜黎嗽，燒豬仔骨，慢煮的，有陣陣烤肉味，又淋又多肉汁，超好食！燒春雞成隻，細細隻，慢慢當手撕雞食！燒鯖魚燒汁好食，意粉有好香檻欖油味，加埋香草好食。最後有甜品，朱古力同奶皇心太軟，好流心，超滿足咁飽住走。質素好好，唔係是旦俾啲野你食。會再來啊…Read More

開張見到樓下派coupon，望到佢裝修幾好所以上去食喇。上到去好光猛，坐位都幾寬闊舒服。飲品望落個樣好靚，所以叫左黎試下，好好飲，果味夠又fresh ，唔係勁加糖水味牛舌串燒，牛肉濃郁，正！帶子刺身，有小小似他他醬味，酸酸地好帶到帶子鮮味，好開胃，幾特別，好食！刺身飯，刺身份量幾多鰻魚飯，好食，兩個飯的份量不是太大，男仔可能唔夠飽，女仔就剛剛好。西京燒魚，點沙律醬勁好味超夾！推介炸軟殼蟹好脆好惹味，正！CP值高，食物質素幾好，地點就腳，會再幫襯呀！…Read More

今次係第二次幫襯，行開諗起有呢間就上去食。6點幾未算多人，一入去就有位，但之後都幾full，要等位了。如果有3-4人坐卡位會舒服啲，今次係2人幫襯，坐位有點窄，同隔離檯好近，不過還可以的。$36 2個軟殼蟹手卷幾抵食，味道唔錯。我見都好多人叫，因為都幾抵食。串燒盛合，有燒烤香味，好食！壽司表現幾好，大件抵食!刺身新鮮嘅。刺身拼盤$98，另加一隻生蠔$30。蠔不太大隻，但都新鮮。刺身表現合格。2人埋單三百幾，ok啦…Read More