love01hk's Profile

今早行完山，返到將軍澳，好鬼肚餓，見這間沒有人等，而且見到坐得應該舒服，一於入去食野及休息一下。一見個餐牌，第一個感覺就覺得好貴，以及心諗，究竟值唔值這個價錢，我見到鰻魚飯定食要$120左右，睇落好食少少的午餐差不多$100左右，好在我見到有個魚生飯定食$90左右，而且打晒星星，應該店舖推介。魚生果然足料，面頭全部都是魚生，而且有好多款式，有三文魚、吞拿魚、玉子、還有幾款魚.......但一食落口，覺得有點奇怪，為何個飯咁熱，好似同魚生唔多夾，個飯放耐些，魚生有些被熱熟了，失去了魚生新鮮的感覺。定食還有一些雜豆，味道是咖哩味，好特別。還有個湯，入面有些蛋花，飲左都唔知係咩湯。熱咖啡： 應該係用機即磨，咖啡味香，但杯咖啡好快凍，可能太細杯。但有些驚喜就是綠茶的味道不錯。 …Read More

今日中午去了紅磡食野，去到紅磡都會美食廣場，雖然有幾間店舖，但睇落去間間都好似唔吸引，見自己未算太肚餓，就食碗車仔麵頂頂肚。四餸麵：1. 魚旦：味道唔覺得新鮮，仲要較硬身及少少腥味，一定唔係好質素的魚旦2. 豬皮： 沒有特別，沒有評價3. 蘿蔔： 有些硬，好似唔多靚及好食4. 雞翼： 有少少鹵水味，但唔夠入味，而且又較細隻熱咖啡： 不要有任何期望，應該係雀X即沖的咖啡整體來說，質素唔掂，但價錢唔算貴 …Read More

中午沒有食飯，到了下午茶時段，去了這裡食下車仔麵，我已經太耐沒有食這間車仔麵，對上一次也忘了幾時食過，甚至忘記了食過甚麼。見到這裡不多人，而且下午茶時段有九折，可想市道差之餘，這裡受歡迎程度都不太好。我點了這個三餸麵，有雞翼、咖哩魚旦、蘿蔔配油麵，加牛腩汁，飲凍奶茶。雞翼：只得一隻，而且好似沒有味道，太普通了。咖哩魚旦：我個人認為車仔麵店最重要係咖哩魚旦，可惜這裡魚旦不覺得新鮮，而且咖哩汁不香也不辣，即係唔得。蘿蔔：最好都是蘿蔔，可能冬天蘿蔔會較甜。牛腩汁：見到有牛腩汁，但沒有牛腩味，整碗麵的湯太味精了。牛油方包：下午茶時段送，但方包較硬。凍奶茶：太甜了，茶味唔覺得夠甘香，有點失望。 …Read More

近幾年蝴蝶邨商場不斷裝修，好多舊餐廳都結業，近月開始有集團式經營的食肆開張，這間台式餐廳，早餐都值得食。炒蛋、腸仔、吉列魚柳及多士：單是這一碟，份量都好足，水準穩定，這個是集團式經營的優點，食材、質素比較穩定。炒蛋好大份，炒得算香滑。吉列魚柳夠脆，肉質算新鮮，沒有太多雪藏味道。多士脆身，沒有過燶。炸菜肉絲公仔麵：質素穩定，炸菜肉絲應該是比較好質素的供應商，算不錯，麵質適中，還有好多粟米粒，感覺健康。熱咖啡：咖啡好香濃，入口感覺舒服易入口。 …Read More

我相信好多屯門人都唔知這裡有間正宗印度餐廳，價錢算便宜，味道不錯，家庭式經營，其實值得推介。今次叫了個二人餐，望落去好似唔係好多野食，但其實食食下就知道份量好足夠，好飽肚。兩件燒雞：燒雞看似好乾身，而且好細件，但一食就知唔係，個雞好香味，香料好味好十足，而且烤得不乾身，點了一些汁，個燒雞仲好食，好好味。兩件咖哩角：好正宗的印度咖哩角，細細件，但入面好足料，有雜豆、薯仔，而且咖哩好香，個皮好香脆，又好好味。咖哩羊肉、烤餅及白飯：我覺得係絕配，烤餅好香酥，加上咖哩汁香料味十足，而羊肉煮得好鬆軟，可能咖哩味夠香，唔覺羊太騷，烤餅點了咖哩汁，食了好多都唔覺。如果大食的人，更可以白飯配上咖哩汁，白米應該是印度米，米較長身。另加，薯仔烤餅：比普通烤餅更香酥，餅中間有著仔，其實好飽肚，大家都食唔晒。芒果奶昔：芒果味夠香，又甜，而且又夠奶味，食飽後最好飲杯奶昔消滯。 …Read More

晚上宵夜，又想食麵，又想食甜品，就試下這間，這間糖水店出名即撞豆腐花，要試下是否特別好食。黑椒雞扒炒公仔麵：黑椒雞扒都算好食，黑椒夠多，味道都強，雞扒煎得好香好味，但可是炒公仔麵就差些，公仔麵只有蒜蓉炒，又沒有蔥及洋蔥，公仔麵炒的香味不夠，要收$40就不值了了。薑汁撞豆腐花：其實都是個名，沒有甚麼特別好味，其實這樣即撞，豆腐花不夠時間撞得實，太稀，而且不夠豆香味，一般。 …Read More

本身見到門口個餐牌麵唔敢入去，普遍價錢都算貴，但見到下午茶時段，三餸車仔麵加飲品$32，叫到價錢合理就入去試試。我叫了比較要技巧的三個餸：咖哩魚旦、牛腩及鹿兒島豬軟骨，配河粉及沙爹汁（加$2），飲茶走少甜。咖哩魚旦個汁有香的咖哩味，但魚旦軟硬，不算新鮮彈牙。牛腩炆得好鬆軟，但是不夠牛腩汁味，不夠入味。豬軟骨都好好食，但是汁都是不夠濃味。河粉算多，加上個沙爹汁，其實個汁似李X記的沙爹汁，不似廚房自己調配。我叫了茶走少甜，但都是好甜，奶味比較重，茶味不夠甘香，被奶味及份量搶走了。 …Read More

等了半個鐘左右，終於試到咖啡弄，這間cafe多人排隊仍有多人支持，我都要試試。我叫了紅豆抹茶班戟、北海道蝦多士及薯仔、手工咖啡、柑桔柚子。紅豆抹茶班戟：見好多人都必試班戟，以為有保證，但其實只有外表討好，看起來好吸引好想食，但實際味道一般，班戟太厚身，厚身都不緊要，但味道一般，蛋香味不夠，雖然有四件，但忌廉、雪榚及紅豆份量不班戟分配，單食件班戟好dry，而抹茶雪榚及紅豆味道都是一般，有點失望。北海道蝦多士及薯仔：外表都是好吸引，沙律菜配柚子汁都不錯，薯仔味道一般，蝦多士的蝦好多，成塊都有蝦，但其實好普通，自己返屋企都可以整到，一般般。手工咖啡：咖啡味道不夠香濃，有點失望，如果要傾下計，過一陣就好快凍，凍了味道仲衰，建議快快飲完仲好。柑桔柚子：柑桔味好濃，而且好甜，加幾杯水都仲唔淡，唔掂。 …Read More

這間餐廳話自己雞扒出名，既然稱得出名及好食，真係要試試。中午時間特別多人等位，等唔緊要，最緊要好食，我當然要試下出名的雞扒飯。雞扒飯：雞扒大大塊，仲要有兩大件，雞扒煎得金黃，外表色澤都好吸引，個飯來到，即刻咬塊雞扒試試，果然好食，個皮脆，雞肉嫩，好正，不過個飯吸了雞扒的油，太過油。凍啡少甜：唔知係咪個阿姐聽錯，杯咖啡唔甜，而且咖啡味唔夠濃，餐飲太普通了。 …Read More

臨近聖誕，好多人出街，中午都好難有位食飯，結果行耐一陣街先去食野。屯市一帶周圍都係人，惟有行遠些到華都試下這間韓國菜。兩個人叫了一個炒粉絲及海鮮薄餅。炒粉絲：一點廚房就即炒，好有醬油味及麻油味，又夠熱，可惜食唔出韓式味道，沒有泡菜，也沒有韓式醬味，而且又細碟，如果唔加些韓式辣椒醬都唔覺食韓式炒粉絲。海鮮薄餅：都是廚房即做，到來熱辣辣，有點像酒樓成日食到的煎薄罉，不過是海鮮配料，有魷魚、蝦、蟹柳等，都算新鮮無異味，算好食！ …Read More

到了紅磡想食些小食，本身想食雞蛋仔，但俾我找到好多人推介食這間的班戟，就算要行多幾條街都要去試下。我叫了這個較多人推介的沙律淨芒果班戟，雖然要$16，但都要試試。班戟熱辣辣，軟綿綿，有蛋香味，加上芒果份量超多，最重要就是芒果好甜，加上了沙律醬，味道好新鮮，果然值得一試，我相信叫普通的班戟都會好食。 …Read More

今日路過尖東，經過這裡見過好多人都買這間魚旦食，今次經過自己都試試。我叫了細份的咖哩魚旦，咖哩汁香濃，似印尼舖買到的咖哩汁，其實配起這些魚旦都幾夾，魚旦爽口彈牙，我自都加了少少店舖秘製的辣椒油，真係好正，好惹味，好香。 …Read More

北角是一處多好野食的地方，但我在中午時間來到搵食，出名的舖頭已排晒隊，要等好耐，既然要等，不如去食北角最出名的雞蛋仔、格仔餅個間頂住肚先。自己叫了一件格仔餅食下，中午時間無咩人去食，但格仔餅要等，等了5分鐘左右先有，我沒有特別要求多醬多奶等，試下沒有特要求下的質素如何。結果好失望，雖然格仔餅個皮保持脆身，但餅的蛋香味不足，我試過其他分店，好似仲好食過佢，最慘就係牛油只揩少少，牛奶、花生醬及砂糖都好少，個格仔餅都食唔出醬的味道，好失望，是否吹捧得太誇張。 …Read More

龍門居地下這條街好多野食，就算今晚無飯食都可以搵到野食，行了一轉都唔知食咩好，見天氣較涼，就食些香辣的晚飯。今次選了這間的咖哩豬頸肉飯，雖然要等10分鐘左右，但是即叫即整，個咖哩豬頸肉即炒，就算隔了一陣先食，個飯都是熱辣辣的，個咖哩汁是泰式的味道，不但辣，而且有香茅的味道，好開胃，豬頸肉又多，最值得讚的就是有即時整好的生菜伴飯，總算有些蔬菜消化一下。正！…Read More

今晚又出去搵食，平日經過屯門碼頭近海翠的兆禧餐廳，都沒有入去試過晚飯，今日就去試下。兩個人的晚餐，大家都唔算大食，點了兩碟小菜食。1. 椒鹽鮮魷：好快就來到，鮮魷好新鮮，肉質滑溜，而且又大大塊，份量好多。2. 西蘭花XO醬班塊：效率好快，點了一陣就來到，大大碟，不過西蘭花比較硬身，班塊有些腥味，不過用來送飯還可以。3. 例湯：兩個人食晚飯，餐廳都大大個例湯送給我們，老黃瓜豬滑湯，味道較鹹，我們飲湯都飲飽。…Read More