今日同朋友幾個一齊揀係呢度食午餐，叫左鹽酥雞飯，點知我個飯黎到啲雞粒係最細舊，同兩個朋友嘅size都差勁遠。咁我要求佢處理（表達左我果份同朋友的分別），點知個女人（應該係個場話得事嘅）大大聲態度勁差叫我番埋位先，一陣先補番粒雞比我喎。之後仲大大聲同啲同事講我：「由佢囉，咪比番粒佢囉。」係餐廳大聲議論顧客，態度極差！令人無曬胃口，心情極差！再者，啲飯水汪汪一坨坨，口感差！後補一舊雞都係敷衍人，勁細舊。補番比我之後仲要不斷議論我，大大聲似潑婦罵街！一啲都唔尊重顧客！自問自己要求唔高，又唔係為左貪你舊雞，新年流流食餐飯都要受呢啲氣，超級不滿意！早知情願光顧隔離大家樂，一樣價錢起碼款式服務多過佢！…Read More
