jenjentsoi的个人专页

今天雖然星期一但仔仔放假所以就同佢去左元朗一個農莊玩個農莊好大有個自家的小農地仲有好多遊樂設施比小朋友去玩燒烤嘅地方有得遮陰同有好多風扇吹住所以會涼快些裡面嘅活動好多有鈎蝦、釣魚、戲水池、小型遙控車波波池、沙坑、小公園等我個仔就勁忙因為樣樣野都想玩🤣🤣🤣星期一係平所以人流不多老闆仲好有耐性咁同我地介紹每樣設施其中有個泡泡機仲係六月先新設嘅活動泡泡小朋友就最鐘意玩阿仔不停追泡泡玩到唔捨得走因為有個大草地所以有寵物嘅朋友都可以帶寵物去玩如果週末放假就會更多小朋友同寵物奔跑講返燒嘢食佢地係放食物喺個架上面用夾去燒食物種類雖然唔多但勝在調味唔錯最好食係燒豬肉同雞中翼燒完啲肉勁嫩一啲都唔柴每個人仲包一罐汽水同一支水佢地嘅涼茶就係來自佢地自家種嘅草藥冇放糖但係勁好飲有百花蛇舌草添！勁有媽媽細個煲嘅涼茶回憶🤣🤣🤣我諗下次週末黎多鳴小朋友玩阿仔更加唔想走推介👍🏻👍🏻👍🏻📍 富來休閒農莊 (元朗)元朗錦田水尾村#元朗放電 #放電好去處 #太好玩 #草地 #釣蝦場 #草坑 #泡泡機 #自家制涼茶 #燒烤 #bbq #hkfoodie #yuenlong #遛小孩 #動物友善餐廳 #食玩 #香港好去處 #週末好去處 #放電一流…查看更多

香港的親子餐廳唔多想揾一個可以比小朋友玩又可以食野真係唔易好彩我朋友介紹我去一個雖然遠啲啲但入面玩的類型也不少的而且又有哺乳室帶Bb去都唔驚唔知邊度餵奶好佢個餐廳一入場都要除鞋嘅同埋一定要著襪不過冇著襪都唔緊要因為現在可以用$10 買一對入面有好多野比小朋友玩有衫仔角色扮演、有跳彈床有車仔、有滑梯同波波池仲有男仔同女仔都岩玩嘅煮飯仔我仔太好動所以佢主要玩滑梯🛝一歲以上嘅小朋友入場要比$138可以玩2小時45分大人就免費入場但餐點就有低消$150啲價錢就係中規中矩但食物質表係唔錯份量都好大因為一路食一路玩所以食物由熱辣辣食到凍冰冰但係冇令到食物質素下降凍左都好好食我地點左蜜椒汁雞翼$88本身炸到脆脆加埋個汁甜甜地大人細路都岩食超凡黑松露炒飯$98份量好大同埋黑松露都幾多走鹽原味魚湯飯$68呢個唔錯因為勁多蝦佢附有鹽 可加可唔加返璞歸真葱油拌麵$48呢個勁正因為葱油味好香又唔會咸加上啲麵唔太硬小朋友一定鐘意食低温香烤牛肋骨$238呢個勁有驚喜因為佢係成條大條嘅牛肋骨上啲肉已經起埋切左一片片方便左我地食配上粟米粒同埋薯角兩個人食都夠啊！而家入黎玩仲可以抽海洋公園門票非常抵！滿$388就可以抽獎啦！📍紙飛機親子空間 (九龍灣)九龍灣承豐道33號啟德郵輪碼頭B區北面平台…查看更多

呢排迷上上海菜所以同朋友一齊去覓食聽講屯門美食多所以今次就去朋友推介位於v city的上海菜館我地見到啲菜式勁多每樣都想試所以就揀左啲特色菜試試佢金湯酸菜魚$268呢個不得之了勁大一碟魚肉勁嫩而且超級多湯頭勁濃郁一啲都唔死咸帶有微微的辣味食唔到辣嘅朋友都食到最底有薯粉所以勁飽肚松子大黃魚$188呢個係糖醋魚成條魚炸到鬆脆啲魚肉幫你一片片起左只要夾開就得啦上面有啲蝦仁三色椒同菠蘿粒酸酸甜甜勁開胃松子雞米配叉子$95呢個勁抵四個叉子（芝麻）同勁多配料將啲配料放曬入去叉子度食口感勁好有松子嘅香肉粒嘅鮮仲有一啲芹菜嘅提味上海粗炒$82好大碟望落油光滿滿但食落去一啲都唔油入面有啲香菇、蔬菜同肉絲炒得勁入味砂煲花膠雲吞雞湯（位）$68一碗湯但配料都多有娃娃菜、雲吞、花膠同雞肉啲花膠大大片勁爽口雞肉都好嫩滑湯頭奶白色一睇就知真材實料飲落去勁濃郁上海小籠包$45呢個勁好味👍🏻👍🏻👍🏻👍🏻每粒小籠包都好大粒肉都是滿滿的湯汁一咬就喺口入面爆開我食左兩粒第一粒就趁熱食食得太快太辣口但勁鮮甜第二粒放涼左先食但啲湯汁仲係好多凍左啲食都冇話「琼油」都仲係好鮮甜紅糖糍粑$48呢個應該係我食過咁多間紅糖糍粑最好食嘅一間因為入面嘅紅糖仲要係流心！！外面炸到酥脆唔在講咬落去軟軟糯糯的勁好食好食到未食主食都食左兩件 🤣🤣🤣雪糕黑糖冰粉$38一碗細細但四個人分住食每人都有一大條多左右嘅冰粉黑糖唔太甜配上雪糕勁消暑絲苗白飯$16豆漿$18茶位$6/位整體黎講勁高質四個人連加一都係九百幾抵食又好食果然冇推介錯最鐘意金湯酸菜魚、小籠包同紅糖糍粑決定下次再帶屋企人黎食📍 尋魚記 (屯門)屯門屯門鄉事會路83號V City 1樓L1-10號舖…查看更多

今天週六，同朋友打完波諗住買個外賣返屋企見到有間有賣海南雞的外賣店就諗住買隻無骨海南雞比屋企人加餸我自己就諗住買多個飯食見左兩樣野無骨海南雞飯（全隻）$165一隻無骨海南雞$165唔算太貴見隻雞色澤均勻一睇就好有食慾返到屋企，屋企人見到都話食指大動加餸佢地都勁開心雞肉非常嫩滑一啲都唔柴去骨去得好仔細啲雞肉一啲肥膏都冇除左皮就係肉勁正👍🏻👍🏻👍🏻附上的醃蘿蔔都好好食酸辣度岩岩好勁開胃洋蔥豬扒煎蛋飯$60 配的是太陽蛋飯量超級多兩個大人都夠食豬扒好貼心咁切成一條條配上特制嘅醬汁勁惹味而且豬扒是香煎個邊焦脆的勁正啊跟餐加青檸梳打$12酸酸的好解渴夏天飲一流📍 麻甩雞 (大埔)大埔寶鄉街47號地下D1號舖…查看更多

今日帶阿仔去完學游水經過大埔墟發覺有間外賣店勁多人排隊所以就去八下究竟賣咩點知有飲品有甜品仲有煎餃一次過可以滿足多個願望阿仔話想飲黑糖鮮奶同食煎餃所以我地就試下呢個新開嘅外賣店綜合芋圓燒仙草$40用料勁多有紅豆、芋圓、仙草、珍珠、西米成杯滿滿的料而且椰汁味勁濃令鐘意椰汁嘅我非常有驚喜唔好個杯好似唔大但食極都仲有好多份量超級之多啊黑糖波波桃膠鮮奶$26呢個小朋友飲都得因為冇茶係鮮奶雖然係黑糖但唔似其他飲料店咁勁甜反而甜度岩岩好雖然食粢飯同煎餃好飽但飲呢杯野唔會增加負擔咸蛋黃煎餃$50比個讚佢呢個同啲肉勁夾食落咸香咸香咁唔會死咸反而令人想一直食雖然外賣到家已經唔脆但係竟然一啲都唔油即包粢飯$25勁大一個粢飯唔會太咸油炸鬼仲係香脆的一啲都唔油膩裡面有炸菜同肉鬆用料十足📍 洪記糖水雲呑餃子 (大埔)大埔寶鄉街47號地下D2號舖…查看更多

今日約咗朋友收工出去北角食飯，一出地鐵站就已經見到呢間新間嘅京川滬料理餐廳，地點位置好方便，裝修新淨，菜單款式多，menu都有好多頁，真係揀食咩都要諗好耐呀🤣川味蒜泥白肉平時去食開四川嘢都一定會嗌蒜泥白肉，呢間都整得好好味，用咗半肥瘦嘅五花腩包住爽脆嘅青瓜，調味蒜香好重，配埋辣辣地嘅醬汁，作為前菜真係最好不過👍🏻麻醬雞絲粉皮上海嘢嚟講我最鍾意食雞絲粉皮，呢個組合一定唔會難食，粉皮嘅份量都好多，調味適中唔會死鹹，好惹味😆酸菜原條鱸魚原條鱸魚份量好多，仲有不同嘅配料有萵筍、薯粉、酸菜、蘑菇等等，湯底調味有少少辣，酸味比較重，食落都係好開胃，令人食極都停唔到😋另外鱸魚基本上都起晒骨，都唔使驚會有食到骨嘅問題，好啱我呢啲唔識食魚嘅人食！啤酒鴨我哋都係第一次係啤酒鴨，原來係用煲上，嚟到都係熱辣辣，鴨件份量好多，每件都係大大嚿啖啖肉，用啤酒炆煮過嘅鴨肉有淡淡的酒精香氣，食落唔會有鴨肉嘅羶味，煮出嚟嘅肉都唔會好鞋，送飯一流，可以叫嚟試吓👍🏻👍🏻📍 食為天 (北角)北角英皇道433-437號珠璣大廈地下B號舖…查看更多

今日同老公去咗黃埔AEON辦年貨，買咗好多嘢準備過年，買完開始有啲肚餓，一行出超市就見到呢間裝修精緻嘅泰國餐廳，又有好多菜式選擇。我哋叫咗2人海鮮精選套餐，有頭盤、主菜、湯、主食，埋單都係$388加一，嗌埋泰式奶茶都係加$12，好抵食！ 泰式燒牛肉沙律沙律份量都算多，牛肉燒完唔會乾爭爭，調味係有少少辣嘅，好惹味香口，總共有差唔多十塊燒牛肉，每一塊都算厚肉，性價比高泰拍耶招牌黃咖喱麵包軟殼蟹一上枱見到個份量都有嚇親，原來係咁大碟嘅！ 軟殼蟹大大嚿，炸粉唔會好厚，黃咖喱調味適中，唔會過咸或者好辣，配埋麵包真係好好食，個麵包有烤到卜卜脆再吸晒啲咖喱汁真係好正😆😆泰式椰汁雞湯平時嗌冬陰功湯就試得多，泰式椰汁雞湯我都係第一次飲，味道好好味，既有泰式嘅酸辣味，但又有椰汁煲雞嘅滋潤，配料有好多雞肉、菇同埋蕃茄仔，好多料。上枱時熱辣辣好適合今日咁凍嘅天氣飲，飲完個身都暖晒，好推介😋😋👍🏻泰拍耶招牌泰式牛肉船河船河味道好正宗，完全係我之前去曼谷食嘅一模一樣，好回味😆牛肉片唔會老，份量都有好多片，河粉唔會煮到爛晒，鍾意食湯麵嘅一定要嗌嚟試吓！另外+$25有是日精選泰式甜品，今日甜品係椰汁西米糕，一份有四嚿，食落好清甜滋潤，用來做飯後甜品真係好滿足！📍 泰拍耶 (紅磡)紅磡黃埔天地第5及6期地庫AEON StyleB02號舖…查看更多

今日去咗朋友馬鞍山嘅屋企，發現呢個we go mall商場，睇落都好新淨，入面嘅呢間泰國菜餐廳好似好多選擇，環境都好乾淨企理。🍍黃金菠蘿鮮蝦炒飯泰式菠蘿炒飯大大碟，仲要係超多配料，有雞肉粒、菠蘿粒、提子乾、肉鬆、蝦、腰果等等，調味好適中唔會好鹹，飯粒炒出嚟都好乾身。🐏辛辣串燒羊肉（3串）羊肉唔會好肥，燒完外脆內軟，辛辣調味比較香口，辣辣地好過癮，串燒有羊肉撲鼻嘅羶味，真係好啱冬天食👍🏻🐤泰式酸辣無骨鳳爪酸酸辣辣嘅開胃菜，次次食泰國嘢都會叫，食食吓就食晒成兜，真係唔夠喉🐟泰式青檸浸原條烏頭烏頭魚啖啖肉冇乜骨，份量都好大條，下面仲有熱爐一邊食可以一邊保溫，食到最尾都仲係熱辣辣，泰式青檸味酸酸辣辣咁，好提鮮唔會有腥味，仲有店家特製嘅調味料可以點魚肉食，好好味🥰🐮泰式沙嗲特色串燒牛（3串）串燒牛嘅係一口牛嘅形式，一啖一嚿，燒完出嚟唔會老同乾，配埋特製嘅沙嗲醬超級惹味🐽辛辣串燒五花腩（3串）五花腩肥瘦均勻，一咬落去啲油脂爆晒出嚟，啱晒我哋呢啲重口味人士😋🍲星洲肉骨茶呢個一上台枱已經勁大浸藥材味，好香，湯料有大大嚿嘅冬菇同排骨，今日天氣咁凍，飲一碗已經好暖胃，超正！📍 都薈亞軒 (馬鞍山)馬鞍山保泰街16號We Go Mall地下G07號舖…查看更多

好掛住日本嘅串燒同居酒屋，適逢今日去咗旺角行街，經過見到呢間居酒屋裝修得超靚勁有feel，簡直係繁華嘅酒吧街入面嘅寧靜地方，一於試試！ 🫛涼拌枝豆每次食日本嘢必食，一盤份量好多，食極都仲有🐮磯煮牛舌牛舌唔會好韌，配上特製嘅大葱醬汁提鮮，令人食到停唔到口，唔會死咸，值得叫嚟食🌱秋葵燒秋葵都係第一次食，表面鋪有木魚碎，作為燒烤嘅蔬菜嚟講原來都幾好食🫓汁燒豆腐（2件）豆腐嘅外皮燒到好香口，但又保持到入口嘅嫩滑，汁燒嘅味道有微微辣，令到平日清淡嘅豆腐變得好惹味！好食😋🐔雞小腿呢個串燒燒到皮脆肉嫩，肉質非常Juicy，食落去有肉汁流出嚟，真係好好味！推介！🐥雞腳根第一次食雞腳根，食落有少少似雞軟骨嘅感覺，好有咬口，口感都幾特別🦑花枝一夜干充滿香噴噴嘅燒魷魚味，份量係超大碟，好抵食，配埋店家特製嘅花椒醬汁，唔會好麻但好惹味，作為佐酒小食真係一流😋🍍焦糖菠蘿每次去食串燒都一定會叫燒菠蘿，今次店家仲加埋焦糖喺面，令到菠蘿嘅甜度再提升，作為飯後甜品覺得好滿足💗📍 博居酒屋 (太子)太子通菜街223號麗明大廈地下D號舖…查看更多

今日同老公去咗九龍城睇戲拍拖，睇完戲周圍行吓見到呢間友誼泰國菜原來重開返啦😍😍我哋以前都成日去食，新舖頭裝修簡潔光猛，牆上面仲貼滿好多嘢食嘅靚相，真係令人眼花撩亂樣樣都想食呀！🐟明爐燒烏頭泰國嘢必叫一定係明爐燒烏頭！烏頭好新鮮啖啖肉，個爐火一路熱住熱辣辣，唔洗驚會凍咗，好啱冬天食😋配埋店家特製嘅泰式酸辣汁，好提鮮好惹味👍🏻另外仲配埋碗魚湯，可以一路煮一路補返啲湯，個湯都好香香茅味飲落都無味精👍🏻😍🐥燒雞半隻燒雞用咗泰式風味嘅醃料，有黃薑粉，食落好juicy唔會過咸，皮脆肉嫩，見到隔離幾檯都有叫燒雞食，相信一定係鋪頭嘅名物😍推介大家下次嚟都要叫嚟食下！🍜泰式炒金邊粉次次食泰國嘢都會叫，炒金邊粉嘅調味適中份量充足，味道唔會過咸或者過甜，仲配有好多嘅芽菜、花生粒、碎蛋同埋新鮮大蝦，好似去咗泰國食地道嘢咁😍🥗馬拉盞炒通菜 份量都好多，夠晒我哋兩個人食，仲用咗少少辣嚟調味，好好食好惹味🧋龍眼冰清清甜甜嘅龍眼冰絕對係配泰國菜嘅不二之選😋飲完好解膩👍🏻📍 友誼泰國菜館 (九龍城)九龍城城南道5號地舖…查看更多

今日同老公嚟咗荃灣買餸，荃灣買餸真係抵！喺路德圍覓食嘅時候經過見到呢間小店，專門食川菜辣嘢，好啱我哋，所以決定試吓啦水煮魚片好好味，辣度夠又唔會死鹹，魚片嘅份量都好多，爽脆又無骨，食落啖啖肉真係好正😆配料仲有金菇、青瓜、萵筍，全部吸晒湯都係好好食。食完仲可以加湯打邊爐，餐廳自家製嘅手打墨魚丸好彈牙，韭菜餃都好好食，落足料大大粒👍🏻食辣嘅邊爐我最鍾意食黑栢葉，好爽口，配埋辣嘅湯底真係超惹味，食完一片接一片😍豬頸肉唔會好油膩，一碟份量都好多，夠晒我哋兩個人食🤪食麻辣邊爐又點少得鴨血，好新鮮無怪味，連平時唔食鴨血嘅老公今日都大讚🤤小食我最鍾意藤椒爽脆魚皮，魚皮好脆辣辣哋好開胃，川菜嘅涼拌小食真係永遠都唔會令人失望😍😍呢間鋪頭嘅店員都好親切友善，間唔中都會嚟問吓我哋夠唔夠味，又會嚟加下湯咁，好好服務，態度又好nice，真係街坊小店先有嘅情懷🤭🤭🤭渝香莊 (荃灣)荃灣富華街9號地下L號舖…查看更多

今日收工約咗朋友去圍方行街，新商場果然又大又好行😃😃行到攰攰哋搵嘢食，不過圍方真係太多人排隊食飯，所以出咗去附近覓食！呢間位於田心村嘅烤魚店好近圍方，行過去都係幾分鐘路程，鋪頭座位舒適，抽氣系統都好好食完個身都無味👍🏻我哋叫咗海鱸魚試吓，上到檯真係嚇親，條魚好大條好厚肉，外皮仲要炸過，超惹味🤤🤤海鱸魚唔算好多骨，有啲位嘅肉仲要好厚，啖啖肉好正！調味揀咗麻辣中辣，麻香重唔會死咸加埋個爐一路熱住真係好好食，食食吓都不知不覺食晒成條魚🤭配菜仲有蓮藕、金針菇、芽菜同埋木耳，呢啲索晒湯又係好好味😋麻辣口水雞係我私心推介，好多肉，性價比一流，食熱辣辣嘅烤魚再配返個冷盤是必須的🤭呢間鋪頭嘅串燒都係店主推介，我哋叫左烤羊肉串，唔會好油膩夠羶味好正🤪🤪烤肥腸一定係重口味人士必叫，洗得好乾淨一啖咬落去爆晒啲油出嚟😍燒年糕就係煙煙韌韌，鍾意食呢隻質地一定要叫🥰🥰店主仲推薦我哋食佢自家製嘅酸湯水餃，但我哋真係太飽食唔落啦，唯有下次啦😎飲品就叫咗百香果益力多，酸酸甜甜好解油膩，啱晒食辣嘢嘅時候飲，超清爽🥸📍 尋味 (大圍)大圍田心村199號地舖…查看更多

今日嚟咗將軍澳去朋友屋企House warming，順便喺附近搵吓嘢食，原來將軍澳南附近開咗好多餐廳，見到呢間小野人嘅裝修好靚，係簡約木系風，係專門食串燒，所以決定試吓！ 我最鍾意嘅係大漠烤羊肉串，一份有5串，羊肉味夠羶，肥瘦均勻，一啖咬落有少少油咇出嚟，勁正😆烤黑豚五花一份有2串，肉切得薄身所以食落脆脆地，唔會好油膩。另外推介清酒煮蜆，個兜好似啲瓦仔煲咁，打卡一流，一份都有好多蜆，好有鮮味好新鮮，隻隻都開晒口👍🏻清酒湯底唔會死咸，飲落熱辣辣好暖身！ 燒生蠔都好好食，蠔肉都算大隻，新鮮，下次想試埋芝士燒生蠔🤤飲品叫咗超C爆檸蘇打，嚟到真係好大杯，兩個人都夠飲，酸酸地好fresh好解渴，一邊食串燒一邊飲好解膩👍🏻餐廳環境舒服，好啱同朋友仔一邊食一邊吹水，又適合打卡影相，員工都好友善，下次都會想再嚟食😍😍📍小野人 (將軍澳)將軍澳澳南海岸唐俊街23號MONTEREY Place地下G25A號舖…查看更多

平時我都好鍾意喺熟食市場覓食，因為貪佢平靚正，今日呢間餐廳位於觀塘駿業熟食市場一樓，主打食抵食嘅西餐，有牛扒、鹹豬手、吉列蠔等等勁多款可以揀，睇Menu都覺得好吸引，一於決定試吓😋餐廳嘅裝修簡單乾淨，雖然位於熟食市場，但冷氣都好夠涼唔會熱。餐廳用qr code落單，好多菜式可以揀，雖然有啲已經賣晒🥲今日揀咗蜂蜜菠蘿扒燒焗豬仔骨配飯，見到個名都好正！燒焗豬仔骨好大舊，調味唔會死咸唔油膩，酸酸甜甜好好味，配埋蜂蜜菠蘿扒呢啲咸甜嘅組合真係令人胃口大開，好啱夏天食🤩肉同飯份量都超多，性價比真係一流👍🏻而另外叫凍飲只係+$3，真係好抵食😊兩位店主都好友善親切，好nice，下次我都會再黎食，最想試埋佢今日售罄左嘅美國安格斯牛板腱扒🍽️🍽️😍 📍 五月食堂 (觀塘)觀塘駿業街67號駿業街熟食中心1樓40及44號舖…查看更多

布袋澳出名食海鮮，又夠晒靜，啱晒兩個人拍下拖食下野咁。今日由將軍澳搭16小巴，搭到總站行幾分鐘就黎到呢間海鮮島墨魚刺身專門店，海鮮種類眼花撩亂，任君選擇鮑魚龍蝦二人套餐 $598我哋兩個人就叫咗個套餐，好多野食都好抵食👍🏻老公最鍾意係開邊龍蝦配上湯伊面，勁大隻好厚肉食落好新鮮，一定要叫黎食下古法蒸鮑魚雖然得兩隻，但好大隻，同我平時街市買開個啲大隻好多，肉質爽口彈牙海鮮豆腐湯好有鮮味，又有蝦、魚、蘑菇同埋白菜仔，好豐富 椒鹽骨好惹味，雖然呢間餐廳係專食海鮮，但整呢啲小菜完全同外面大排檔食嘅味道一樣郊外油菜揀左白菜仔，份量好多另外叫左豉椒炒蜆，勁新鮮，隻隻都開晒口，蜆肉又夠晒大粒，一路食一路配啤酒好快食晒👍🏻我最鍾意嘅係椒鹽鮮魷，份量多得黎又好食，新鮮炸起食落仲係熱辣辣，炸皮又薄，食到停唔到📍海鮮島墨魚刺身專門店 (西貢)西貢清水灣布袋澳6號地舖…查看更多