唔食都肥's Profile

原本惗住去世貿間銀次度食，點知full咗，因為一陣有野做時間唔多，咁就直接在旁邊既Hooray Bar飲杯野食少少啦！Hooray 飲野就多，食野就第一次。一個年輕既waiter好快咁走來serve我地，佢介紹今日既special cocktail 係綠茶同西瓜味兩款，年輕既waiter似乎係新做既，佢帶點怕羞同緊張咁，介紹咗兩款既分別，最後我選了煙熏綠茶cocktail,特別啲呀麻嘩好有誠意下喎！個木盒好精緻呀～見到個setting都立刻忘記工作既煩惱啦！年輕又可愛既waiter打開個木盒蓋，啲煙熏味摸鼻而來，然後見到杯綠茶cocktail喺𥚃面，旁邊有一碗仔綠茶粉同綿花糖，waiter解釋個綠茶粉係用黎點綿花糖食既。雖然煙熏味喺開盒一刻就散晒喇，不過幾有心思吖～ 或者佢想俾食客一個4D既意境掛~~估唔到cocktail既味道係酸酸地既，綠茶味重過酒味，好開胃啱晒夏天outdoor飲至於食物就不過不失啦，唔好expect太多, 黎呢度最緊要都係同三正知己嘆返杯，享受個咁relax既環境姐~…Read More

今晚媽媽有野做，咁我地就同爸爸出去搵食啦喂！ 見到呢間食評唔錯，book咗8點，個阿姐話book咗都要等，有無咁勁呀！ 好，立刻飛車出去元朗會一會你先！咦，都唔係好多人等姐，但係原來要人齊先入得。。OMG你唔早講，姐姐同男朋友仲塞緊車呀。。都無法啦，唯有坐喺出面等啦。。  喂唔對路喎，越來越多人等既，出面啲紅凳仔都坐滿晒啦，好緊張呀，快啲啦！最後，姐姐成9點先到。。 不過好幸運地佢又快咁俾到位我地。  坐低咗，實在太香了！成間舖都勁香麻辣味呀！但係，淨係烤魚都好多款喎點揀呀。。爸爸話黃骨魚好食，呢啲位當然要信老人家啦！嘩，個烤魚真係好正！佢唔係平時咁大大條既，反而係5條細魚，啲肉好滑囉，之前在其他地方食大魚係無咁滑喎，超正呀！好滾動呀！好想encore呀！姐姐㩒住我話食埋其他野先，最多叫埋啲肥牛打邊爐啦。又好！啲肥牛跟埋好似粿條咁既粉，入晒味，正！其他食物都唔錯既：夫婦肺片：唔錯吖，幾爽口，不過我自己就對呢味菜一般炸饅頭 ： 好味呀！炸得外脆內軟水煮花螺 ： 個汁好正，不過可能花螺都唔易入味掛，好似無咩味咁…Read More

今晚同舊同事敍舊食飯在K11，其實呢一間以前好似來過但係沒有留下深刻印象。唔緊要，俾多次機會佢！前菜係水果，好點奇怪。。不過車厘子唔太新鮮，有苦味當然要食招牌烤鴨啦，第一道上，味道很好，夠熱即片，無乜脂肪，立刻有點期待。。可惜無惗到全晚既高潮就已經完結了。。  黑松露同素鵝本身好鍾意食，不過呢碟好油好肥，宜且完全無松露味  生煎包麻麻雲吞清雞湯雖然變成湯麵，不過算數啦。對我來說係甘露，正好清一清剛才食咗好油既素鵝菜無咩特別，但勝在夠清，呢一刻我需要！其實從來未試過呢味，見幾得意就試下。好柔軟，不太甜，味道ok啦…Read More

LadyE今朝過開黎中環見客，即日約食lunch,佢話想食Egg Benedict，好野!! 我同LadyE最鍾意試新野架,咁不如試下呢間係PMQ裡面既餐廳呀, 上次經過, 幾好環境呀~~~等我Book定位先~~ oh原來有分架, 如果你食three course set可以預約坐上層,地下就食Bistro menu無得book架, 12點幾應該唔FULL既,walk-in啦!雖然好黑心咁,但係我就係貪佢人少少,可以靜靜地傾下計~~ 果然即刻有位 食物款式唔算多，不過叫main dish加$50就有detox juice或茶啡+ signature cake, 都幾扺呀：P LadyE話個Egg Benedict好好味，我覺得隻蛋做得唔錯，只是味道單調少少，因為只有Ham無其他選擇，同埋早排食bricklane既有菠菜，太正了所以比較起上黎無impressive，overall味道都ok另外叫了呢個sea bass+BLT pork belly, 反為有驚喜。番茄碎酸酸甜甜好開胃呀!如果魚可以再淋啲就更好喇!Cake就叫Carrot cake 同 Grandma Chocolate Cake。Carrot Cake 有驚喜喎！好香橙皮味，甜度剛好。上面個mousse係caramelised white choco cream, 唔太好cream既我都連埋蛋糕一齊食晒！Chocolate cake 正常，唔差的Overall都幾好,價錢有點貴,上菜有點慢,環境好舒服,搵唔到位食野既話可以一試,只係中環行去SOHO既話仲近啲同多完化啲喎~ 應該未有咁快可以返黎喇~…Read More