wai wai sung's Profile

今日去咗上水同朋友食午餐，朋友之前食過覺得幾好、提議食呢間日式料理。店舖幾寬敞，我哋兩個人店員帶我哋坐卡位，特別一讚店員親切有禮👍中午有套餐另加$25可以揀一杯飲品同埋三款小食選一樣，小食我哋選咗芥末炸雞；炸雞炸得好脆加上芥末醬好惹味唔會覺得油膩、另外點咗唐揚豆腐：豆腐表面炸得香脆伴上特別醬汁香口好味😋主食點了一碗黑松露野菌豬骨湯拉麵；可以自己選擇面底嘅軟硬度、可選叉燒或豬軟骨，我選了豬軟骨好入味軟硬剛剛好，整碗拉麵好正宗價錢又抵食$68，加$10加咗一隻糖心蛋，糖心蛋係流心的好味，朋友揀咗三色井飯定食128元有海膽吞拿魚蓉同埋三文魚子、朋友話海膽好鮮甜、食材全部都新鮮👍唔錯、定食包括麵豉湯、前菜。朋友點了烏龍茶佢話夠茶味同埋冰凍解暑一流、我點了可樂。餐廳整體質素唔錯值得推介🤗️價錢親民，下次會試吓夜晚去食，因為見到串燒嗰啲都好似唔錯😋…Read More

這間海南雞專門店歺廳，已經第二次食、之前食過覺得唔錯，所以今日約咗朋友在沙田食飯，所以再一次光顧，餐廳尚算寬敞坐得都幾舒服，整體菜式水準不錯，坐下待應送上一壺熱的伯爵茶，我個人比較喜歡，點了二人套餐499，非常豐富😋前菜點了番石榴、士多啤梨和無花果沙律，酸酸甜甜幾開胃，正宗海南雞很嫩滑，一煲油飯、油飯粒粒分明又唔會太油、好食👍炒通菜味道適中不錯，苦瓜鳳梨干貝燉排骨湯，湯夠熱、味道非常好、清新的感覺，黑松露墨魚膠蝦多士香脆可口、又唔會太油膩上面鋪了有機菜絲和黑松露醬汁，好好味😋套餐包兩杯50年代飲品 我和朋友分別點了凍美祿和酸柚子都不錯，二人套餐份量好多、所以我們食到很飽，非常滿足，特別一提侍應們很有禮貌🥰🙏🏻下次都會繼續光顧…Read More

餐廳在19樓. 環境佈置非常少女心🌸非常適合打卡的粉紅色花牆.牆上貼上少女偶像Mirror嘅相片，餐廳也播放佢哋嘅歌，非常適合鏡粉到來，雖然我唔係鏡粉😂但係我都覺得環境氣氛幾舒服，我和朋友點了，一壺桂花烏龍茶，桂花清新配烏龍茶幾夾，炸魷魚圈、炸得香脆可口，好味，香蒜香辣大蝦意大利麵，蒜香味濃、大蝦新鮮、意大利麵做得剛剛好，不會太硬或太軟、喜歡吃辣嘅朋友必定喜歡💕黑松露蛋吐司，我喜歡食黑松露所以覺得好味😋朋友覺得正常😂抹茶紅豆疏乎厘👍同朋友一致覺得呢個最好味😋梳乎厘做得軟綿綿的好似棉花一樣，配上適中的抹茶醬和紅豆，甜而不膩，非常美味，餐廳氣氛非常適合和朋友邊聽歌邊傾偈😊食物質素亦都唔錯💕…Read More

餐廳位於油麻地譽發廣場23樓，環境非常之浪漫，落地大玻璃，玻璃上黐了大心心，非常適合情侶到來🥰由於是星期日, 我和朋友點了假日精選午餐，套餐包了餐包，安格斯牛肉漢堡配香辣薯角，麵包香脆可口、牛肉漢堡多汁，配上新鮮蕃茄生菜，非常不錯👍薯角亦都炸得很香脆，朋友點了餐魚伴忌廉汁薯蓉，魚煎得香嫩唔會乾、配上忌廉汁，好美味😋再點了一個，蒜香墨魚仔配蕃茄油醋汁沙律，墨魚仔新鮮爽口，配上蕃茄和沙律菜非常開胃🙂飲品方面佢有酒精和果汁方面供應，我點了冇酒精嘅熱情果汁，係有多種水果而成，飲落好清新嘅感覺，朋友點了有洒精的Orange vodka tonic，佢話味道幾好，唔會太重酒精味。西餐來說價錢亦都算公道，整體感覺幾好，下次也會再來😊…Read More

母親節當日食中午自助餐，餐廳環境舒適、桌子相隔有足夠距離，所以坐得舒服、坐下之後侍應為我們點一杯免費飲品，我們一行三人都點了新鮮橙汁，，手切魚生正常都新鮮，海鮮種類都有多款，大蝦、麵包蟹、蟹鉗、蜆，當中我最欣賞嘅就係生蠔，雖然生蠔細隻但係都幾鮮甜😋熟食方面種類唔係好多，有即切牛扒、羊扒，味道都不錯，有一個日式拉麵檔，但味道普普通通，另外有一個小攤檔有章魚小丸子和日式串燒還有大判燒，味道幾好👍還有一個即做的日本燒餅，全個自助餐令我最滿意嘅就係甜品，多款蛋糕都做得很出色不會太甜，當中的柚子蛋糕非常出色😋馬卡龍亦做得不錯，還有多款Häagen-Dazs口味嘅雪糕，雖然係自助餐但餐廳令我感覺偏向日式食物多一點🙂價錢尚算合理，整體表現不錯下次會再光顧😊…Read More

今日約咗朋友去上水午餐，因為依家冇晚市堂食，我哋又想吃火鍋，所以中午就選擇了這間連鎖火鍋店，店舖外有顯示各種套餐價錢，我和朋友選了90分鐘極上美國和牛放題，219一位，湯底選了博多美人骨膠原雞湯（未煮熱時湯底有牛摩的公仔好可愛）朋友選了蟲草花雞白湯。自助火鍋配料種類好多亦好新鮮，調味的醬料也有不少選擇，我喜歡重口味所以加了好多炸蒜😂飲品種類也有不少選擇，甜品有幾款選擇（布朗尼蛋糕好味👍）另外有二款沙冰，軟雪糕機，還有多款供雪糕的配類👍😊坐下第一輪店員先放下，一盤和牛，豚肉和雞件，如果再加就用手機下單，每次下單都很快送上。和牛肉質幾好有水凖😋👍鴨血幾滑必試，整體食物質素唔錯，會再次光顧😊…Read More

今日中午想食燒味飯，所以選擇咗去上水呢間太興，之前食過幾間都冇咁差、午餐本身燒味價錢都偏貴，但係不嬲水準都唔錯，今次第一次喺呢一間上水分店食，同朋友叫咗兩個午餐，我要三拼油雞燒肉燒鵝飯、燒肉臭蘇到食唔到入口，令人即刻反胃🤢燒鵝又好燶，連啲白飯都好爛，朋友要叉燒燒肉飯，燒肉同樣食唔到入口、搵待應佢話冇辦法佢唔知嗰啲豬有咩問題，我堅持叫佢幫我換走啲燒肉，改換叉燒，佢最後都有拎到叉燒嚟，但係叉燒都很差又硬又乾，而且待應佢極度冇禮貌咁同我講，你咁樣換咗啲燒肉，嘥咗啲燒肉，因為佢要將佢掉，我依然保持禮貌講唔好意思😅但我想問返佢如果佢好似我咁真係食唔落口唔通都唔出聲咩😡作為連鎖餐廳佢真係好差啲出品，比起街市或者任何一間燒味店佢都要差，上水間舖一定唔會再去😡…Read More

今日中午好想食炸物，所以揀咗呢間，餐廳地方都幾大坐得都幾舒服，中午有多款套餐選擇，待應會送上每人一碗芝麻，桌上有幾款醬汁，自行加配，點了一個吉列炸蝦、炸蠔、炸豬扒，配白飯麵豉湯，配上一小堆菜絲。炸物好香脆粉漿唔會太多、豬扒有少少肥所以唔會好硬、唔錯，炸蠔特別好味😋加咗$20配一杯香桃味梳打，好飲👍朋友點了吉列炸蝦、炸蠔、炸豬柳，配鳥冬，佢都覺得味道唔錯😊👍最美侍應送上每人一杯新鮮西瓜🍉，都幾甜，可能食咗啲炸嘢、再食西瓜覺得唔錯！價錢方面小貴，但味道幾好，下次都會再來😊…Read More

第一次試呢間餐廳，地方好大，座位有好多，有好多餐可以供選擇，中式西式都有，點了炸魚柳加蘋果沙律、配羅送宋湯通心粉跟一杯嘢飲，炸魚香脆，蘋果雜果沙律好好味，羅宋湯味濃，成個餐都好好味😋另外點了一個霸王雞配飯，味道都不錯但略嫌雞唔夠嫩，跟餐配一杯嘢飲，整體味道尚可、價錢非常便宜兩個餐只需要$109👍😊…Read More

店舖地方唔算大，正值中午坐緊窗口位太陽好曬，坐得有啲迫唔係太舒服，食物賣相本身都可以、但係味道真係麻麻，我點了喇沙豬軟骨年糕，完全冇喇沙味、年糕煮得太耐太淋，朋友點了午餐大蝦配天使麵，佢話味道可以但份量好少、跟餐湯同牛油麵包，凍檸茶，侍應態度欠佳，黑口黑面，落單好似好趕，結帳俾咗錢佢問佢係咪啱數，佢答都唔答，多謝都冇句，同朋友話以後都唔會再幫襯😡…Read More

今日去咗沙田行街唔知食乜好，朋友話想食茶木，之前試過其他分店、今日沙田這一間第一次😂食物保持水準，點了香煎沙朗肉操飯79元、熱柚子蜜，朋友點了豬軟骨手工面79元配柚子蜜，連鎖餐廳這間真的算不錯👍今日用咗積分1200百分換咗寶島三小碟，後尾發現原來唔記得影相🤣有得儲分換食物都係唔錯嘅😊…Read More

今日收工約咗朋友去沙田食飯，因為朋友生日由佢決定，佢選擇咗食放題，喺網上見到呢一間日式鐵板放題評語唔錯所以選擇呢一間，我哋6:00到達、每位318可以食兩個半鐘頭，餐廳地方都算大，坐得都幾舒服，每位客人送一隻鐵板燒大蝦，燒得好香非常好味，魚生都有多款選擇都幾新鮮😋有多款特色壽司，味道唔錯👍鐵板方面極推介燒鵝肝和燒廣島蠔（同樣燒得外脆內軟）燒鱈魚片亦都好好味，朋友話羊架是他至愛煎得剛好，點了一個牛肉火鍋，對於鍾意食菜嘅朋友係不錯嘅選擇👍飲品同雪糕就自己出去拎，飲品都係同日式放題一樣都有多種選擇，除咗杯裝雪糕仲有兩至三款雪糯，今日有芝麻味，雲呢拿味為我呢餐豐富嘅晚餐劃上完美句號😋👍非常之滿足，特別一提待應們都好有禮😊…Read More

今日中午同朋友去屯門行街，佢話想食鰻魚飯所以帶咗我去呢一間日本式小店，餐廳雖然細細，但佈置好有日本風，長相壁畫好可愛、中午有套餐我們點了鰻魚飯加倍燒玉子138（鰻魚飯份量好多、唔記得叫小飯所以食唔晒😂鰻魚飯幾好味、燒玉子鬆軟表皮香脆、甜甜地幾好味😋朋友點了特盛大阪牛肉飯加配燒雞肉丸98（牛肉飯份量同樣好多，朋友同我分享、牛肉嫩林、有別於一般牛肉飯，牛肉是一嚿嚿的好似牛腩，愛好食肉者必試👍燒雞肉丸不錯.另外點左燒鱈魚乾28，燒得香脆可口，朋友想試豬腩葡萄卷42，薄薄嘅豬腩肉包住綠色青提燒，燒得外香內甜好好味😋👍套餐加配飲品我和朋友都點了玄米茶，因為天氣凍飲杯熱茶係不錯嘅選擇！兩個人唔能夠試到太多嘢下次會再去試其他串燒😋😊…Read More

今日天氣涼涼的，屋企人話想食雞煲，選擇咗大埔這間八妹雞煲，晚上經常好多人所以我哋早咗少少去搵位，7:00入座等咗10分鐘，店內裝修好有懷舊特色、地方亦都坐得舒服，通風系統不錯唔會食完成身味，店內有自助醬料可根據自己個人喜好加配，我門點了微辣嘅雞煲半隻，雖然點咗微辣但係都香味濃郁，內裏有洋蔥和現世的配菜，雞件嫩滑，好吃食完半隻雞之後桌上有一樽湯可自行加落煲繼續打邊爐，我們再點了安格斯肥牛小碟：肥牛肉質不錯👍油脂分配平均，響鈴是店內即炸的，所以更加香脆，好評😋再點了適合二人份量嘅四寶丸共八粒，（牛丸，貢丸、墨魚丸和魚旦）都很新鮮彈牙，飲品我和妹妹點了烏龍茶、同汽水，結帳$570。價錢公道，整體食物質素不錯👍😋…Read More

之前有朋友介紹過呢這間餐廳話好食，今日轉成同朋友嚟呢度食晚餐，餐廳環境舒適，有好多款套餐選擇，有一人餐和二人餐，亦都可以叫小菜和小食，我們點了新加波特色菜咖喱牛腩火山包（一定要趁熱食，麵包香脆，因為有咖喱汁好快會淋所以要先食😋跟幾塊印度薄餅，配點咖喱非常之夾👍咖喱味道香濃、唔太辣、牛腩嫩滑有幾舊豆腐乾墊底，非常入味👍）泰式炸蝦餅：（蝦肉彈牙炸得外脆內軟。走地海南雞半隻：（海南雞嫩滑、皮薄唔會肥膩，非常好味😋原隻菠蘿海鮮炒飯：（用新鮮菠蘿加上海鮮炒飯 ，開胃、炒飯上有兩隻大蝦很貼心的剝咗蝦殼，還有兩隻大青口，唔錯👍餐廳也有多款特色飲品, 點了焦糖凍朱古力，個人非常喜歡因為我喜歡食甜😋跟餐只需要加$14、朋友點了芒果沙冰，佢都話好好飲、跟餐加$20元，餐廳食物質素幾好，價錢亦都公道！值得推介😊😋…Read More