波波食神's Profile

用app落單，非常快已經整好，店員有睇單，知道我想濃啲，有作調整，並話我知可以提出再調整，十分欣賞你地服務，依家香港服務變得好死板，一味淨係講set好左冇得變，但唔好飲唔好食就要變架啦，所以好多間都可一不可再，你地就唔一樣，先做左好尊重客人嘅第一步！我好滿意奶蓋味道，因為出面經常少冰都好啖茶味，你地冇，我飲得出茶香，手打鴨屎香檸檬茶都夠茶味，正！不過下次我會留言多甜，自己中意再甜啲，絕對有下次，加油！…Read More

呢間地鐵站出面新開，味道比其他分店好，最好係茶味真係有，好多分店開耐左，唔知點解茶越來越淡，呢間難得飲到茶味，希望以後keep到！幾個男或者女店員都好好禮貌，仲會覆單，真係好難得，前面有大單，要等耐啲都會提前講定，同埋佢地沖茶速度算好快，一般幾分鐘內一定拎到，拎飲品佢地仲會講多謝，好值得鼓勵呀！我最推薦係鐵觀音奶茶，茶味奶味比較岩岩好，伯爵奶茶都唔錯，唯獨珍珠唔係好甜，但我個人中意甜啲，冇少甜但都唔係好甜，唔知可唔可以叫多甜呢…Read More

真心唔錯，咁岩路過要左熊貓蛋糕奶茶，只係27蚊大杯，中係25，平時奶蓋或者蛋糕嗰啲都會貴啲，呢間差唔多平時飲開檸檬頭係35，所以抵！講番杯熊貓蛋糕奶茶，有oreo 碎同埋啲好似奶蓋嘅野（蛋糕）係杯身內嘅，加奶茶香港好少奶茶鋪有，有都好貴一飲，感動，居然冇因為少冰而變淡值得表揚！茶濃奶蓋多，好飲出面少冰成日慳錢唔肯加茶水，其實加番50ml茶水真係唔洗1毫子，唔會貴過冰，唔知佢地點計數所以呢間會再黎，希望keep到水準…Read More

下午時份左右經過眼見堂食都算滿座只買一個外賣奶茶試試先要左一杯鐵觀音奶茶茶味有，不過唔明顯，唔知道可唔可以要茶濃？冇要少甜，不過都算唔甜，但我個人中意飲甜啲，如果茶味濃啲會好好多，因為依家有70%都係奶味價錢黎講都少貴，因為28蚊係細杯的，鮮奶類都33左右，如果計滿足度嘅話，感覺好似XX堂嗰啲會抵少少服務就外賣而言，收銀幾好，但出餐嘅就麻麻，知道唔係咩高級餐廳，不過亦唔會係台灣餐廳嘅水平順帶一堤，出餐嗰位哥哥，，拎一枝飲管出黎嘅時間，另一枝拖埋出黎所以跌左落地下，佢執起就放番入飲管桶，係的確有獨立包裝，但都係注意下好啲，始終地下好污漕，啲客隻手掂完外包裝就會掂裡面，咁就飲埋落肚啦，唔係自己飲姐，都係咁e幫手用紙巾抹下都好丫，畢竟係你自己整跌總體裝潢：／（冇坐底堂食，唔評分）味道：3/5 （呢杯飲品未令我想試埋其他飲品）服務：3/5（不過不失，但一定唔係台灣風格餐廳水平）暫時未可以同其他分店比較，但有機會會試埋，亦會試堂食…Read More

第一次食金鳳嘅分店亦第一次試佢地嘅下午茶裝潢同餐牌都同總店好唔一樣西冷牛排配薯格（$51） （薯格已經換成薯角）西冷一向都比較硬身，可能因為價錢，都幾細塊下，同鐵板西冷唔一樣，牛味同肉質都唔同，鐵板好食啲。薯角方面就正常，都算脆，但本身好想食薯格，店員都唔知幾時會有番薯格，可能短期內都唔會轉番。蒜蓉汁就冇咩蒜蓉味，但味道唔錯嘅呢個餐有埋餐包同湯，同總店一樣，包熱湯熱！好食！吉列豬柳什果沙律（$38）豬柳有驚喜，好香豬味，炸皮夠脆，雖然好平，但比牛扒仲大塊，什果沙律好大堆，不過有好多西芹，味道太搶。兩個餐都包飲品，冷熱同價，冷飲唔駛加錢都好大杯，抵飲，但味道就麻麻，奶茶完全冇茶味，檸茶好少少咁多，當有啲野飲下就算。總體如果食mood去番總店，分店勝在唔駛排隊，未食鐵板比較唔到味道，另外服務亦幾好，有禮貌，上菜好快。…Read More

如果考慮高質四川火鍋的話，會有落差。本人因工作關係長居成都8年，當地亦有老碼頭火鍋，係連鎖店，唔知香港呢間究竟係唔係當地嘅分店，因為味道同價錢完全唔類似，係當地嘅火鍋店係唔會有醬料自助，除左海XX，而且湯底都係30至100蚊內，香港店清湯類嘅選擇多好多，百幾幾百都有，我地人多，叫左兩鍋，有一個底係花膠雞湯，一鍋麻辣。花膠雞好清淡，有料係入面，但冇雞湯味，麻辣鍋就好重好重味精，其實當地都係嘅，不過麻辣味道不一樣，正宗牛油火鍋最好食，不過呢間就還好，唔會覺得好香，麻味對於我食開正宗嘅完全唔夠，可能為左迎合市場，但我同枱嘅咁多人，全部要黎呢間都係為左想食好正宗嘅味道。至於菜式就得個貴字啦，其實好食唔會覺貴，全部都好普通，牛還好啦，不過都比出面好食嘅份量小好多，可能都係行高價路線掛，不似當地火鍋都係行平實街坊路線。總而言之，呢個價錢可以高質好多嘅打邊爐，順帶一提，個地下真係好油，如果火鍋一定係咁油嘅，我只好話，好彩我食過咁多間，得你呢間係咁，如果唔係真係好危險…Read More

第一次試香港大學站店味道不錯試左奶蓋台灣烏龍奶蓋入面有芝士粒香港唔多奶茶店嘅奶蓋有用帶芝士粒嘅奶蓋粉芝士粒味道香濃奶蓋挺身 飲左一段時間先溶落茶底台灣烏龍茶味道香 叫左走冰 因為好怕出面好多奶茶店茶已經勁淡 仲落好多冰 搞到好似飲緊茶餐廳比客人洗餐具嘅茶水咁呢間就完全唔會 茶味好好 我叫左走冰都冇倒番啲水落去夾硬整多啲茶量 所以比到我要嘅濃茶我 值得一贊第2杯試左珍珠奶茶 可惜呢杯茶味極淡 珍珠味道一般般 呢個唔會再飲 下次再試其他 會再光顧…Read More

朋友生日 提早訂左4位 有留言朋友生日有店員打黎確認時間時 有耐心講解有生日壽司蛋糕可以訂 或者keep蛋糕要提前 同埋切餅費幾多 亦有講解用餐時間 好有禮貌 最驚有啲餐廳係去到先講食品種類好多 有魚生 壽司 拉面 飯 燒物 炸物 雪糕等等岩哂唔食生野或者唔食海鮮或牛嘅朋友一齊食 因為我地一枱4人 已經齊哂有唔食得嘅野 但係呢到都搵到自己岩食嘅野壽司品質唔錯 新鮮 炸物同串燒都係叫先整 要等埋小小 炸雞軟骨特別好食 店員有問要唔要食哂生野先食熟食 好細心最後食哂枱面野食 其實已經到左用餐時間個半鐘 不過店員冇叫我地即刻埋單 仲問我地食唔食甜品雪糕 我地有叫到 食埋都冇催埋單 值得一讚 食得安心 坐位算好闊落 枱好大 一次過叫好多野食都放得落 整體黎講好好…Read More

芋香鮮乳地瓜小芋圓有驚喜其實飲過呢間好多次間間配方一樣 但唔同人沖就係會唔同味終於要寫下呢杯芋香真係有芋泥唔飲大部分茶飲都係得芋粉沖嘅茶入面芋泥仲好多食哂都幾飽要左小冰小甜都仲係幾甜下怕甜可以試走甜因為芋茶已經有甜味小芋圓偏硬 唔好期望太高另外飲過佢地嘅雲頂配茶茶香足 可惜雲頂好淡好稀完全唔係大家追求嘅奶蓋不過個名改得幾好 雲頂 聽落高級啲但真係飲完第一啖 再飲唔到個奶蓋如果個奶蓋要打挺身啲會好好多唔會咁快溶哂落啲茶到 變左奶茶咁…Read More

工業風格裝潢入門口樓底特別高，幾舒服，座位其實比較少，最好都係要book枱。餐牌都係西餐風格，冇圖，食物款式其實算特別小小，大家可以睇定餐牌先食左個西冷牛排，慢煮，鎖到肉汁，口感特別好，最有特色一定係把牛排刀仔，個樣係菜刀樣，好得意，仲好鋒利，一定係磨刀磨得好密，值得一贊！黑松露巴馬臣芝士薯條都好食，不過黑松露太少，明白成本好高，而佢地價錢算好平，所以會少啲，不過炸得好食，平衡番。 飲品，荔枝接骨木，朋友飲覺得比較普通，冇咩味道，下次會試其他。整體唔錯，不過坐最入嗰個類似房嘅空間，坐到後尾突然好大油煙，好攻眼，唔知係咪煮緊啲咩咁大煙，所以坐出面會好啲，不過冷氣好大，要著件外套…Read More

去過好多次，呢間嘅水準係最穩定，起碼食左咁耐都係一個味，唔似呢一間鋪，一時好咸一時冇味，服務就大部分伙記都幾好，茶記嘅服務其實真係最基本人與人之間嘅尊重就好足夠，食物最緊要新鮮乾淨，冇味精，已經好好。不過蕃茄湯真係蕃茄味冇以前香濃，可以同時節食材味道有變有關，不過都可以接受。雞脾就一直都中意，呢間整得入味之餘唔會老，又係新開另一間老到死。牛腩都好推介，燜得好林，硬嘅牛腩真係不如唔好食，咖喱汁少過餸，所以都抵食…Read More

星期日都唔多人。 叫左野大概十分鐘先上第一批，諗住係新鮮蒸。鳳爪，叉燒包都似酒樓味道，包仲差啲，表皮風乾左，但係又熱架喎，點知燒賣，蝦餃，蝦腸都唔新鮮，都係急凍味，好彩可以兩粒兩粒咁叫。經典嘅係咸水角……形狀超奇怪，超級多油係下面，味道就當然係不能描述，入面勁少餡，第一次食咸水角係咁痴牙，反正係唔推薦大家叫啦！茶錢4蚊一位都還可以接受，6個點心，總數132兩個人。淨睇價錢黎講都算平，不過計埋食物品質就真係浪費錢啦。…Read More

一入門口有空枱，企咗幾分鐘都未執枱，因為有好多人經過收銀地方，所以我地坐低咗先， 坐低之後叫女侍應執枱，但叫我出返嚟先執到，跟住我話我唔太方便出出入入，佢態度好衰咁問番我你有幾唔方便？ 仲特登望入枱底!極度不尊重!!! 我想強調呢度喺醫院隔離嘅金記 居然未見過又唔方便行動嘅客人？？？服務係好影響一間餐廳嘅質素，應該係全香港服務行業嘅質素，香港多左你呢啲害群之馬真係好慘，明明食物質素唔錯，我叫嘅雞翼香腸面都唔錯，雞翼仲幾跪，但所有心情被呢個講野唔正嘅女侍應破壞哂!…Read More

食物質素越來越差, 雞扒拉麵, 雞扒唔係熱ge, 麵非常林, 完全冇口感三文魚明顯係一陣水喉水味飲品更加唔使講, 比附近任何一間食市都要淡.... 非常失望, 價格亦一點都不便宜…Read More