ccysl's Profile

朋友唔聲唔聲買左個蛋糕一齊分享，仲要係聽過好多人講好好食，但我仲未試過既Butterfly Patisserie!!😍唔記得影下個盒，但個包裝真係好精美。見到已經好想開黎睇下個蛋糕有幾正～😆一開記見到係拿破崙蛋糕，原來佢地有3種味，朋友就揀左海鹽焦糖千層拿破崙蛋糕！🤤海鹽焦糖千層拿破崙蛋糕（$580）呢個蛋糕都幾大！酥皮酥脆充滿牛油香既酥皮夾住香甜既吉士醬～😋平時食拿破崙蛋糕係會覺得漏，但佢最驚喜係食落一啲都唔漏！讚～👍🏻🤤…Read More

朋友仔話想試呢間一段時間，終於黎開呢頭，就去左買個古早蛋糕黎開心share!!🥳其實門面見到咁多古早味蛋糕已經好吸引！仲發現唔單止有好多唔同口味既古早味蛋糕，佢地仲有千層古早味蛋糕！🤩芋泥千層古早蛋糕（$89）個大認為古早蛋糕仲要千層真心有難度，但呢間店真係整得好好！👏🏻即使夾左層芋泥喺中間，古早味蛋糕仍然企身保持到個形，同埋蛋糕既質感都keep到鬆軟又唔會太甜，配埋茶一齊享受係正既！🤤…Read More

第二次黎，裝潢轉左，帶點工業風～但咖啡同野食既水準仍在！✌🏻1️⃣牛油果忌廉芝士麵包圈（$70）有我鍾意既牛油果同忌廉芝士，一定唔會差！😂🤩但留意返呢度既麵包圈唔係嗰種煙韌煙韌既口感。2️⃣秘製蕃茄醬烤蝦意粉（$102）秘製醬汁完美咁掛喺意粉同新鮮彈牙既烤蝦上面，好味！🤤食完就知點解佢地會咁有信心寫‘Trust me. It’s amazing!’喺餐牌上面！😆☕️仲有，千祈唔好錯過佢地既正咖啡！👍🏻…Read More

上個月朋友帶左我食板神（觀塘店）啲野食真心正！🤤估唔到咁快又有機會再黎，不過今次係灣仔既分店！🤩因為位於層數高既位置，所以可以高空望到周圍既高樓同維港景色！😎上次食既係一人前，今次就食二人前～我今次比上次影少左相，但部分野食同上次都相似～席前商務鐵板燒套餐·美國牛肉薄燒 - 二人前（$1480）1️⃣前菜、沙律呢份沙律好睇又好食！🤤2️⃣刺身三款3️⃣南非鮑魚4️⃣本日海鮮5️⃣季節野菜6️⃣炒飯7️⃣漬物8️⃣麵豉湯9️⃣甜品或咖啡仲有最期待既美國牛肉薄燒！😋建議大家叫薄燒，因為覺得時間火候比燒扒更講究，咁就更食到師傅手勢！呢個餐仲送鐵板燒活龍蝦一隻。🦞今次服務差啲，因為食完甜品後，侍應先發現未上炒飯，次序亂左感覺就冇咁好。…Read More

朋友帶左我黎呢間穩秘酒吧，係佢其中一間喺中環會去完再去既酒吧。🤩雖然環境，但一枱頭就會見到成個天花都係甲蟲裝飾，而且每隻都唔一樣！🐞呢度最特別既地方係冇menu，你只要調酒師講你想杯酒點，例如用口酒底，或者甜啲苦啲，又或者係既啲咩味入去，佢地就會整杯啱你心水既酒你飲架喇！👍🏻😆朋友既呢杯酒，飲夢仲要燒一燒面頭既草，成件事勁似表現！🤣我地坐左喺bar枱位，仲可以同bartender吹下水講下笑，係開心既～🥂🥂…Read More

上次黎過，所以都知佢地呢度有9款特色既透明雞尾酒～根據bartender所講，第1至5號既透明酒比第6至9號既透明酒相對清新易入口啲，所以唔飲開酒既朋友好似我咁就會揀1-5號，而我既朋友通常比較飲得，就接受到濃味啲既6-9號！同埋鍾意呢度既環境，幾啱兩三個朋友飲住野吹下水～😎上次黎我同朋友試左Cut the Fog（2號）同Gone Gimlet（7號）。今次就同左另一朋友黎，我地各試左兩杯～如果我冇記錯，我係試左Dew You See What I See? (3號）同3:09 PM（5號）。朋友就試左Crystal Old Fashioned (9號）同7號！🍹🍸價錢大概$130-$140一杯。唔識品酒既我唔講咁多，但我想講朋友幾鍾意呢度既野飲～😆…Read More

2個鐘任食點心。🤩🥟週末點心餐單($358/位）🥟以下係我地叫左既點心，要加$既點心我地只係叫左兩款。😆1️⃣頭爐叉燒腸2️⃣口水桂花腸（+$58）個汁好食，我地食完仲留左啲汁點其他點心！🤤3️⃣黑松露珍菌咸水角4️⃣藤椒拌翡翠5️⃣菌皇醬炒煙肉蘿蔔糕6️⃣煙燻四喜素卷7️⃣魚香脆茄子8️⃣水晶蝦餃9️⃣賽旁蟹鱈魚餃（+$38）幾好食，可以叫黎試下！👍🏻🔟黑蒜燒賣1️⃣1️⃣珍菌菠菜餃1️⃣2️⃣懷舊酥皮蛋撻個人都係鍾意曲奇皮多啲。🙃1️⃣3️⃣綠茶紅豆脆網卷1️⃣4️⃣黑椒燒雞包1️⃣5️⃣松茸冬菇包係幾貴既，但環境、服務、食物都令人滿意！🤓…Read More

今次一齊食英國菜！ 🤩 其實英國菜唔單止得炸魚薯條～🤣1️⃣香腸、蘇格蘭蛋、薯蓉（$180）蘇格蘭蛋、香煎豬肉香腸同薯蓉係一款唔可以錯過既傳統英國小食！！👍🏻2️⃣火腿卷無花果、蜂蜜檸檬香醋沙律（$108）無花果同沙律可以完美咁平衡充滿鹹香同油脂既火腿～😋3️⃣炸魚漢堡（$180）全麥麵包配霍基魚、芝麻菜、芥末醬、塔他他醬、松露薯條我地冇揀炸魚薯條，揀左炸魚漢堡～魚炸得唔錯，酥脆外皮包住柔軟既魚肉。👏🏻薯條都好食！！🍟😍4️⃣平底烤豬排（$240）紅菜頭泥、小紅蘿蔔、羽衣甘藍、焦糖洋蔥醬5️⃣恐龍（$130）伏特加、Godiva巧朱古力、酒、鮮奶、美祿冰球、美祿粉美祿粉同自製冰球的黏性同耐嚼既質地係好難以抗拒。 🦖6️⃣唔記得左係咩…🙃全部野食都好正呀！😊…Read More

因為冇耐之前先黎食完壽司，所以今次我揀左食拉麵。紅鯛魚拉麵（$88）賣相認真麻麻，一啲都唔吸引！😑湯底…應該係冇湯底🤔，最多只可以話佢係清湯…直頭好似就咁淥個麵俾你食咁。☹️拉麵都冇咩特別，配菜就有紫菜同荀，主菜當然係紅鯛魚，弱弱既4片喺清湯面浮下浮下，成碗麵都似自己買料喺屋企整既咁。望住對面碟壽司，即刻吸引好多…係有啲後悔唔揀壽司揀拉麵既…🥲所以如果黎呢間，建議大家叫壽司，覺得同拉麵對比之一下好太多！…Read More

食左咁多次outback，有一樣野我係永遠麵唔會厭既，佢就係黑糖麵包！😍黎呢度，上其他野前，一定上左黑糖麵包先，仲可以無限添食！我點麵會添返一兩次，因為呢度既黑糖麵包配埋whipped butter實在太正～🤤咁除左食麵包，我地麵點左兩款主菜，一款係扒，另一款係燒雞肉芝士夾餅。扒係唔錯既，但擺盤就可以靚啲，一隻蝦好獨獨咁喺旁邊，係慘既～😑至於燒雞肉芝士夾餅，我都反兜過好多次，係好食既！👍🏻…Read More

朋友食過話好食，所以就買左呢盒大埔名物一齊分享～🤩🥜糯米糍🥜一盒三粒，粒粒都幾大粒下，食完晚餐再食咁大粒糯米糍係真係要另一個胃～😂一咬之下，雖然略嫌皮太厚，但入面係幾足料，滿滿既碎花生、碎黑芝麻同糖，食落又唔會太甜。👍🏻唯獨是味道有種說不出既怪…🥲朋友話之前食唔係咁，係好食既，所以先再買。我信既，所以可能只係我唔好彩，遇著頭既一時失手？又或者間鋪既水準真係差左？🤔如果有機會，要再試過搵答案～😬…Read More

呢間餐廳我間唔中都會黎，除左食清清地既米粉，又可以食豬扒包過下口癮。但如果叫飯呢，就要睇當日餓既程度喇，如果餓呢我就就唔建議揀牛肝菌焗鴨飯，因為份量比較少。😆咗揀咩好呢？一定係佢地既焗豬扒飯！焗豬扒飯（$88）午餐包餐湯、餐飲，而且份量多焗鴨飯好多～🤣👍🏻份量多得黎就唔會淨飯冇豬扒，所以都算抵食！❗️如果有用Storellet，食呢間可以儲分換佢地既現金劵，消費10蚊賺1分。20分開始就可以換$20現金劵喇～…Read More

想食呢間好耐，但聽朋友講呢間鋪長期排長龍，所以每次講完都放棄，但難得我今日放假，一於幫朋友排埋！我6點左右到，因為尚早，只需要等一張枱，但因為店舖細小，又限時，所以要等齊人先入得，黎排隊既朋友仔要留意返！見好多人推介魚介湯，所以我就點左呢款！1️⃣魚介豚骨沾麵（$78）佢寫住清湯底，開頭諗清湯點沾麵，但麵係叫黎睇下咩情況。其實湯底麵夠濃郁，可以掛麵！2️⃣辛辣沾麵（$78）試左啖，唔算太辣～3️⃣海老拉麵（$83）勁多海老好吸晴！總括黎講湯底同麵質麵抵讚！價錢又唔貴！唔錯～👍🏻…Read More

想食壽司，朋友帶左我黎呢間。午市有三個壽司定食選擇。我地揀左壽司定食A餐同C餐～1️⃣壽司定食（$128 & $78）兩款定食都有7款唔同既壽司（有手卷嗰款係$78定食），壽司既款式都幾唔同，$128嗰款對我黎講就吸引啲～定食仲有沙律、麵豉湯、墨魚軟骨。勁多壽司～🤩質素味道都可以～一開始唔記得係咩以為係雞軟骨，但食落覺得似墨魚，睇返原來真係墨魚軟骨，幾好食，又可以補下骨膠原～😆2️⃣火炙帶子&三文魚壽司勁厚切，我鍾意！😍3️⃣芝士年糕呢款年糕偏軟，中間有芝士～如果鍾意食煙韌口感年糕既你就未必啱食～…Read More

下午茶時間～🤩環境好靚～茶餐（$588/人）上主菜前有杯青汁，不過青汁就唔係個個鍾意。😂1️⃣主食（6個選擇任選一款）· 焗羊奶芝士梳乎厘· 香草烤Herefordshire牛柳配焗薯批· 經典蘇格蘭鴨蛋全部都好正，特別鍾意羊奶芝士～🧀😋2️⃣鬆餅（免費添食）· 原味鬆餅· 水果鬆餅配凝脂忌廉、Fortnum & Manson士多啤梨果醬、檸檬酪鬆餅同凝脂忌廉都勁好味，無論味道口感都一流！💯所以我地其中3個人每人食左4個鬆餅！🤤其實食完3個已經好飽，但就係好味到想食多個，然後食完個胃真係想爆開咁款～🤣💥3️⃣下午茶蛋糕（免費添食）多款糕點選擇專注左喺鬆餅度，糕點唔係試左好多款。最有印象係香蕉蛋糕同玫瑰士多啤梨蛋糕，係幾好味～👍🏻4️⃣Fortnum茶品（免費添飲）人地high tea飲茶，但我地個個都揀咖啡～😆…Read More