小王子's Profile

對上一次到「泰豐廔」已是1年多的事，當時覺得佢價錢平、服務好、食物唔差、又少人，但係今日再去，已覺今非昔比……一行7人，同樣叫個6 - 8人o既「北京填鴨套餐」，價錢一樣$738，但食物就有少少唔同。「鐵板牛肉」變成「宮保明蝦」，酸酸甜甜，蝦又夠爽，算唔錯。「炸春段里脊」變成「京燒排骨」，呢個比較差，排骨炸得又乾，而且醃得唔夠無乜味，似係返炸再返炸果隻。其餘菜式一樣，不過總覺得唔及以前好食。尤其是個高力豆沙，上次食係新鮮熱辣剛剛做出o黎，個個真金黃色，仲有掌心咁大，今次就縮晒水，變成一口一個………Read More

麥當勞的新新口味已經愈來愈無誠意，竟然出個N年前出過o既「黑椒漢堡」當新o野！<br>好在今個月都仲有「蜜桃芒果新地」同「菠蘿特飲」。兩樣都試過，不過就唔係好欣賞個菠蘿特飲，總覺得有d怪。而蜜桃芒果新地就幾好，幾清新，果然係消暑妙品。…Read More

自蔡瀾美食坊開業以來，雖然引來不少劣評，認為店舖的質素下降，但你有你鬧，美食坊依然經常都人山人海。平心而論，美食坊雖則有十多間食肆，但值得去吃的不多，「阿斗官」可能係其中一間。<br>半開放的舖面，令本來細小的舖頭減少焗促的感覺，食物方面則以廣東順德菜為主。<br>推介「家廚秘製手撕雞」，名為手撕雞，啖啖肉理所當然，而且皮、肉分開，鍾唔鍾意食皮<br>悉隨尊便。白雪雪的雞肉，入口唔會唔夠味，又唔o鞋口；雞皮更加充滿鹹香，一絕，不過還是少食多滋味。<br>另外推介「陳村河粉」，雖名河粉，但不是放湯或炒的，而是蒸的。一小碟白雪雪，蒸出o黎好似「齋腸」咁，以為好寡，殊不知出奇地好味，滑滑的蒸河，配上獨特的醬油，好味得不停口，難怪細細碟都要$28。<br>同一集團在黃埔花園另有一潮洲菜館「潮洲姑爺」，我就未去過，唔知有無人試過﹖可唔可以講講﹖…Read More

以前新港中心地庫的美食廣場環境較差，總是令人提不起勁吃東西。自易手後，耳目一新，感覺較以前舒適，可以一試。<br>「鹿兒島」以賣「黑豚肉」馳名。黑豚肉拉麵<br>$56，並不便宜，所謂黑豚肉，並不覺得特別好吃，只是較有咬口、味道有別一般豬肉而已；而且麵質較腍，沒有咬勁，湯底濃得來亦有味精之嫌。有點名大於實的感覺。<br>隔鄰「達磨」專賣弁當、飯團。看似是招牌貨的「達磨精選定食」$48，有煎三文魚、煎帶子，另有麵豉湯、蒸蛋等，夠份量，惜味道不是太特出，只屬一般。<br>下次有機會試試其餘的檔口，看看水準。<br>…Read More

佐敦「松記」已開了一段日子，但似乎愈做愈旺，經常都有人在店外等位。<br>店內所賣的都是一般貨色，無啥特別，但就貨真價實。一般糖水都在$15以下，算很便宜了，味道亦不俗，而且店內座位不多，難怪經常客滿。<br>特別欣賞他的「奶黃湯圓」$12，奶黃餡夠香，但不太甜，是造湯圓的一流材料。<br>順帶一提，店內D「阿姐」好好禮貌，招呼不錯，值得一讚。<br>…Read More

去銅鑼灣行完花展，走o左去世貿「意粉屋」食tea。下午茶餐價錢由$25 - $48，算ok。點o左「蟹肉菠菜卷」$32，有兩條，好似腸粉咁。味道唔錯，個汁係意粉屋一貫作風—濃濃的白汁，而菠菜就中和o左白汁o既飽滯感。「Tiramisu」$36，是令人失望之作，連最基本的東西都欠缺，而且味道太甜，甜得有點「黏喉嚨」的感覺。還好剪了報紙的優惠券，買一送一，抵！…Read More

還記得小時候屋企附近的酒樓有焗西米布甸食，自酒樓易手後一直未有再嘗。終於「的起心肝」，去一趟以焗西米布甸馳名的跑馬地「滿屋」。果然無令我失望，仲食均兩款﹕芋頭味同芝麻味(各$19)。我較鍾意芋頭味，同西米夾得o黎又唔會蓋過焗布甸的味道，西米、芋頭、蛋香，編織成我久違但仍熟悉的美味。另外，小食「煎釀三寶」($20) 味道亦唔差，魚肉幾彈牙，可以一試。…Read More

第一次幫襯銅鑼灣的新店，店的大小與嘉蘭圍總店不相伯仲，大不了多少。食物方面與嘉蘭圍店一樣，亦同樣引來不少日本人幫襯。叫左set A 同set B，同樣都係$83。set A 有一小碟炒飯同一碗拉麵；set B就一小碟咖喱飯加一碗拉麵。炒飯味道唔錯，不過比較普通；咖喱飯就日本道地風味，香而不辣。拉麵的水準亦與總店一樣，不過唔知係咪心理作用，新店的麵豉湯底好似無咁濃，定係我記錯﹖…Read More

約9 點去到「鼎泰豐」，唔洗點等，不過要同10個唔識o既人share 一張大圓檯，有D唔慣。馳名小籠包，我就唔係咁欣賞。D 皮薄是薄，但有D 怪，總覺得好似有D 膠膠地，唔怪得唔漏汁！但就同D 餡完全唔夾！大家知唔知佢D 皮加o左D 乜﹖我總唔信同平時食的小籠包一樣。另外，想食「蝦仁燒賣」又無，好似成日都無咁，究竟佢有無賣過﹖「紅燒牛肉麵」o既牛肉確係好食，夠腍又夠味；最好食的算是「XX餃」(裏面係菜)，其他的不外如是，好在唔洗排隊食。…Read More

是晚食o左二人套餐，有一個沙律、兩個餐湯、一個飯、一個主菜、兩個甜品及飯品，$200加一。食物麻麻地，感覺上呢個餐唔係咁抵食，散叫會好D。表面上D侍應好似好有禮貌，但其實你要叫好耐先有個侍應o黎，呢方面要改善下。…Read More

出面睇入去以為好細，但原來裏面別有洞天，都幾大，正因為大，所以坐滿人的話都幾嘈。「瑞士雞翼」--- 十足十滷水雞翼，睇o黎係個瑞士汁材料o既份量有問題，要改善下。一碟四隻，夠晒的骰！「燒雞膝軟骨」--- 味道唔錯，用o既係雞髀關節位少少肉連脆骨，燒出o黎有少少焦香味，值得推介。不過一碟三串，四個人唔夠分！「炒貴刁」--- 同樣有水準「什菌墨汁麵」--- 好味，意粉有咬口，惜份量又係偏細！「燒羊扒」--- 肉質好敕、好滑，又夠羊味，可惜一碟得兩件，食完都唔知去o左邊！食物一般幾十蚊有交易，上述最貴羊扒$89，四個人叫埋四杯飲品，每人都係一舊水，不過飽唔飽就係另外一個問題，份量比較適合女仔，大食o既就應該叫多幾樣。…Read More

七點半去到，以為要等位，點知一個人都無！仲以為佢唔做生意。叫o左一個二人餐($270)，份量足、味道好，一定要試。先o黎一個「和風沙律」，唔知用乜o黎整，味道少少酸，好似仲有花生醬味，好醒胃。跟住o黎「雜錦刺身」，有三文魚、吞拿魚同一款唔知乜魚，每款兩件。微凍o既魚入口即感到陣陣鮮味，大大件一啖入口，爽！然後有「壽司精選」，六款唔同o既壽司，魚生全過飯面，飯亦唔會搓得太實，o岩o岩好。再o黎「酥皮焗海鮮湯」，湯中有一舊三文魚同一舊帶子，幾足料，惟獨酥皮唔夠化。跟住有「炸軟殼蟹」及「鰻魚燒」，炸軟殼蟹雖得一隻，但大大隻，外面只有薄薄的粉，都仲係第一次食到炸軟殼蟹有肉同膏；鰻魚的肉質結實，並一般超市貨式可比。每人仲有一細碗「帶子拉麵」，雖然細細碗，但用料十足，帶子有鮮味，麵亦有咬口唔會「淋patpat」，不過湯底就差D，有味精湯之嫌。最後仲有甜品「和果子」，豆沙餡，不太甜。三百蚊可以食到咁多o野都算抵，而且高質素。坐係商場通道，仲增添幾分閑情逸致。…Read More

新開o既快餐店，裝潢比其他快餐店靚，但係食物就差唔多。佢好似係主力粥麵，因幾多選擇，快餐有飯、有湯、有o野飲，都係廿零蚊，算係咁。不過店內有圓檯、有方檯，加上人又多，感覺上好似亂o左D。…Read More

呢間o野睇落都幾舊，屹立咁耐，睇怕都有D 料掛，點知就失望收場。生牛肉河，湯唔夠味，亦唔夠熱，牛肉稍韌。牛油蒜蓉雞翼，雖然幾香，但炸到「乾憎憎」，食到口都損埋。叫多個春卷檬，兩個人，每人$50，好唔值。…Read More

7 點半去到，竟然無人，仲以為目己包o左場，兩三個侍應招乎我o地，簡直係上賓式招待。其他貴賓式服務，之前幾位食家都講得好清楚，今次想講下食物。食物無想像中的貴，4 道菜o既set $590，3 道菜$490，menu 中的頭盤約百多元一個，普通主菜二百多三百。頭盤最好味，鵝肝大大塊，香煎，半生熟，入口時香味直入腦中；煙三文魚，不是我們普通食開果隻，煙味唔濃，魚身充滿質感，比三文魚刺身還好吃，配埋生洋蔥，味道相得益彰，強烈推介！主菜一般水準，不太突出，但物有所值。羊扒完全無羶味，怕羶的朋友可以一試，喜歡食羊o既，就可能有D 失望。餐飲推介咖啡，出奇地香濃好飲。如果係慶祝生日o既，記住訂位時講聲，到時有蛋糕送，會幫你影保麗萊，同有人唱歌。…Read More