cwingsere's Profile

想食米線，見到哩間餐廳有開就決定試下佢入到餐廳，嗌咗1）莞茜皮蛋牛肉魚湯米線，2）芝士雞扒魚湯米線同3)檸樂1）莞茜皮蛋牛肉魚湯米線佢個湯底有啲似住家湯咁,料都非常足夠2）芝士雞扒魚湯米線個芝士係芝士溶咗嘅漿淋上雞扒面個芝士漿會feel到佢粉粉地，有d粒粒甘，唔夠滑但個雞扒炸得岩岩好，佢個皮夠脆，入面嘅肉唔係太老個淨魚湯米線正常嘅，但個人覺得魚味唔夠濃，比較清淡整體嚟講，佢嘅份量係比出面多同足料~…Read More

約咗朋友放工係尖沙咀食飯，然後上網見到哩間餐廳，個裝修好靚咁我哋去到餐廳時，佢個啲枱已經好full,所以坐咗去bar枱個邊佢個餐廳Menu 好靚，好多手工插圖我哋分別嗌咗1)Smoked Salmon and Avocado Pancake 同 2) Tiramisu Signature Pancake飲品方面，分別嗌咗2款Detox Water -1) Berries & 2) Sunshine Smoked Salmon and Avocado Pancake 正正常常，無咩特別，個Smoked Salmon 唔會太鹹,個口感都夾嘅Tiramisu Signature Pancake個Tiramisu 味好重好明顯，佢啲Cream 好滑Berries Detox Water 無咩特別，美中不足係食唔到啲生果Sunshine Detox Water 普通嘅Detox Water 不過餐廳影相係靚嘅，用黃白色為主個人係哩個環境會好開心🥳…Read More

上網見到好多人都推介哩間食牛扒，所以就決定搵個晏晝去食啦星期六嘅下晝，餐廳入面嘅人唔係太多，坐底咗係餐廳嘅一角。坐底咗之後，店長問我哋有無嚟食過，我哋就答咗無，佢就逐一介紹佢地每款Signature Grill 最後我哋決定要一個 香草平鐵牛扒 同 客席主廚平鐵牛扒,仲有2杯 dirty lemonade.餐廳嘅特色係有薯條無限refill~ 落完餐後，店員即刻俾咗勁多薯條係我哋各自嘅碟，薯條係幼身嘅，然後薯條仲有陣陣黑松露嘅香味。餐枱上面，每個人都有一個飲品杯墊，俾店員知道仲要唔要Refill第一個上嘅係香草平鐵牛扒，佢個牛味比較重，食落都好juicy, 佢配菜係半個蒜，個蒜都焗熟咗，可以食㗎第二個上嘅係客席主廚平鐵牛扒，相比第一個嘅味道，會覺得佢嘅牛味無咁濃郁，同佢嘅油脂比較多所以食落有啲油Dirty lemonade 係用鹹檸檬做個source 加cider 食咗一餐好滿足嘅午餐，梗係嗌埋Today’s desert Today’s desert 就係Passionfruit 嘅Tart，食落唔會太甜或者太酸，個味道啱啱好…Read More

今日好想食韓國菜，因為睇完個韓國節目。喺Openrice 搵到哩間餐廳，話哩間韓國餐廳係由韓國"阿豬媽"打理，即刻去買外賣試試佢 餐廳個位置都有d難搵，但仲還可以 分別嗌咗，1）김치볶음밥 泡菜炒飯 同 2）비빔국수 拌面1）김치볶음밥 泡菜炒飯炒飯望落去比出面街食開嘅泡菜炒飯較深色。見到佢個炒飯係用咗紅米，但食落去個飯比較油，其他味道都正正常常 2）비빔국수 拌面佢個辣醬係分開俾您自己落，因為唔係食得好辣，大約落左2/3盒醬。佢個辣醬除左係普通韓式辣椒醬之外，仲有落到檸檬汁，令到個口感好Fresh。 佢嘅拌菜係芽菜，青瓜絲同椰菜絲，個面嘅口感係彈牙好食嘅。如果兩者之中要推介，我會推介비빔국수 拌面…Read More

係滿心期待嘅cafe ~ 佢開咗好耐，但我每次經過，佢都係好full，坐滿哂。今次專登係早啲起身去食大約10：45左右到，唔係好多人，仲有好多位坐 ～Order咗2款食物，1) FULL BREKKY & 2) HOUSE CURED SALMON W/ POACHED EGG，2杯飲品，1) UJI MATCHA LATTE & 2) ROSEMARY LEMONADE FULL BREKKY其實似all day breakfast, 佢個麵包係燕麥款嘅包，食落好煙韌, 個菇有少少偏鹹，煙肉唔係太Oily同係脆口嘅，overall 嚟講係okay 嘅 HOUSE CURED SALMON W/ POACHED EGG個Poached Egg 流心程度啱啱好，塊煙三文魚幾香，又唔會太腥。佢成個口感好好食～UJI MATCHA LATTE個Matcha 味好重濃茶味，茶味香過奶味～ROSEMARY LEMONADE Rosemary係一種Herbs 個Herbs 個味會重過Lemonade 味道…Read More

因為附近無咩餐廳，所以去南豐紗廠嘅話，都通常食哩間。店舖細細，但佢嘅裝修都好啱大家去打卡，可能佢位於打卡熱點裡面，所以裝修都靚之前都嚟過哩間分店食過2次，想同大家分享下我試過嘅3款食物 第一次食，食鳳城水餃撈粗麵，佢係分開湯水餃一碗，撈粗麵一碟嘅，都會有1-2條菜。粗麵嘅份量好多。水餃入面嘅材料係有蝦嘅，個味道都唔差，正正常常。第二次就係食北菇雞球粥，個粥都算大碗。佢嘅材料好足，您會食到好多菇同雞肉，味道就同出邊粥舖差唔多，無咩特別。今次試咗豬潤麵，一碗麵入面有大約4-5塊豬潤，每塊豬潤都係厚砌嘅，真係好厚！ 有足足1cm咁厚，豬潤嘅口感係滑嘅，但滑得嚟有少少粉 佢個湯麵係幼麵，對於男仔嚟講哩個份量可能比較少，唔夠食。…Read More

Foodbox 鰂魚涌一間由韓國人開嘅住家韓式小店。佢係好韓國人平時自己係屋企煮嘅feel, 會食得出佢食材係非常新鮮。每個套餐都包小菜兩款，係魚餅同泡菜。仲會有一杯玄米茶。其實食過好多次，每次都會食嘅係牛肉粉絲鍋，佢嘅粉絲鍋係特別入味，個湯都比較偏甜嘅。牛肉粉絲鍋真係好值得一試，食過會想再食嘅味道。牛肉石頭鍋飯，就同出面嘅差唔多，普普通通。之前都試過雪濃湯，個雪濃湯比較淡味。佢最出名係食醬油蝦同醬油蟹，可惜對蝦有敏感，無機會試下佢。…Read More

Bingo & cook同朋友約約咗一齊喺呢間餐廳度食生日飯，本身已經打電話嚟book咗位，但係上到餐廳度都仲係好多人，係要繼續等位嘅。大約等左15至20分鐘左右先有位。咁我哋一行六個人坐一張圓枱，圓枱同啲筷子嘅feel有啲似大排擋。叫咗1)泡菜餅 ,2) 忌廉芝士炒年糕，3）米酒生菜包肉&豬腳套餐 ，4）部隊鍋 ，5)韓式無骨炸雞原味半份，6)韓式無骨炸雞甜辣醬半份泡菜餅冇落太多其他配料，會食得出好濃泡菜味。因為泡菜餅通常都有好多洋蔥同大蔥去吊出泡菜嘅香。佢嘅口感係鬆軟得嚟又帶點綿嘅質感，唔會係出面食到死實實嘅泡菜餅。忌廉芝士炒年糕都係普通嘅忌廉芝士炒年糕，完全無特別，唔會話好Creamy 或者係好濃芝士味。米酒生菜包肉&豬腳套餐 個人好鍾意食生菜包肉，因為佢唔會好油膩，配埋生菜有好爽口嘅口感。米酒嘅酒精濃度比較偏重，如果就咁飲呢會覺得有啲澀嘅。當你食一口生菜包肉或者生菜包豬腳，飲一口米酒，會覺得佢哋味道好夾。部隊鍋普通部隊鍋，無咩特別。其實有啲後悔嗌咗哩個，因為同忌廉芝士炒年糕嘅材料一樣，又無咩特別。韓式無骨炸雞原味半份，韓式無骨炸雞甜辣醬半份炸雞無咩特別，只係普通炸雞…Read More

一間出名沙嗲湯底嘅火鍋店，有好多朋友都推介，今日終於有啲時間去一試。佢出名係牛肉同沙嗲湯底，牛肉嘅價錢可以高達1000幾蚊，我哋就叫咗一個比較中等嘅價錢去試，大約$200-300。牛肉嘅肉質比較彈，喺沙嗲湯底入面煮完，就變成沙嗲牛肉，都幾入味。我哋叫咗兩個湯底，一個係沙嗲湯底，一個係清湯，而清湯嘅湯底入面係有鹹魚，並唔係一個純粹雞湯或者係上湯嘅湯底。沙嗲湯底去煮肉，清湯去煮菜，各有風味。沙嗲湯底都幾濃，因為係自家制，唔會好似出面嘅沙嗲湯底只係清水再加沙嗲醬。所以煮比較吸汁嘅食材係幾好食，特別係佢個公仔麵，非常出色。因為公仔麵嘅麵質比較吸汁，成個面都充斥着沙嗲嘅香！…Read More

約咗中環返工嘅朋友仔，一齊食下午茶上網見到哩個餐廳啲食物幾吸引，所以就決定試下叫咗3款嘢食，1) Steak & Egg Hash Skillet 牛肉粒薯粒鑊仔 2) Pandan pancake 班蘭班㦸同 3) Blueberry & cinnamon crunch waffle 藍莓玉桂窩夫1) Steak & Egg Hash Skillet 牛肉粒薯粒鑊仔上網見佢個賣相唔錯同啲食評個個都幾好，就係一心嚟試佢。可能我哋期望過大，食落口，無令人會有wow嘅感覺。只係普通牛肉粒同芝士蘑菇嘅味道2) Pandan pancake 班蘭班㦸班蘭班㦸，班㦸上面就啲龍鬚糖，仲有食用花。班㦸，總共有三層，每層都夾住蘋果粒同cream。班㦸嘅味道係鹹鹹地，唔太好甜品嘅人都可以食佢。佢個碟仲有啲生果配搭。但龍鬚糖個人來講，覺得佢超級甜，甜到好膩。3) Blueberry & cinnamon crunch waffle 藍莓玉桂窩夫呢個係超乎我想像嘅，佢有三款味嘅雪糕俾你揀，我哋就揀咗朱古力味。佢係長方窩夫，每一格入面都擺一粒藍莓，然後再舖滿咗Cereal ，當佢配埋個雪糕落去，食落個口感好似食石板街雪糕，可能我鍾意食Nuts嘅,所以覺得好好食。…Read More

約咗中環返工嘅朋友仔，一齊High Tea咁岩我哋兩個都鍾意食甜品，上網見到哩間餐廳裝修同甜品都好靚～就決定嚟試下佢我哋無食晏晝，就即接嚟食甜品，所以一口氣Order咗 2個甜品1) Berry Blue Waffle 藍莓窩夫配雪糕(full) 同 2) Lava Diva 流心軟芝士麻糬厚鬆餅1) Berry Blue Waffle 藍莓窩夫配雪糕 （full) 個中文譯名可能譯得唔係咁岩，佢其實Toppings好多，有士多啤梨，紅莓同藍莓。您可以揀2個口味嘅雪糕，窩夫同雪糕之間有紫薯蓉～紫薯蓉好滑，唔會有一粒粒粉嘅感覺 窩夫好鬆脆，佢仲有一個macaroon 嘅甜筒做裝飾 雪糕，紫薯蓉，窩夫同一時間係個口入面，個感覺好豐富，令您食到唔會覺得覺口好乾2) Lava Diva 流心軟芝士麻糬厚鬆餅可能大家叫既時候要留意下, 因為佢係需要比較長嘅時間去製作哩個甜品真係可以做到流心嘅效果，唔似其他餐廳得個名 。流心效果好出色 ，一小刀個芝士醬就已經流出嚟 但係佢食唔出芝士味，只係好普通牛油味…Read More

新開嘅茶餐廳，佢入面嘅裝修格局整齊，又夠光猛，比人一種整潔嘅感覺大約2:30pm去食下午茶分別叫咗1）豬扒飽 同瑞士汁雞腿配沙律 1）豬扒包 佢嘅面包係好新鮮，同乾身嘅有一塊蕃茄加上沙律醬配個豬扒，食落有一種清新而不油嘅感覺豬扒軟滑程度恰度好處，唔會煎得太老，好"鞋"口成個包一齊咬，佢會好juicy 有肉汁出嚟 2）瑞士汁雞腿配沙律 瑞士汁雞腿好入味，一咬落去有好香濃嘅瑞士汁味，唔會太咸或太甜 個沙律係生果沙律，普通茶餐廳嘅味道，幾好食…Read More

今日同朋友去試咗哩間食蝦為主嘅餐廳:)我哋總共嗌咗4樣野食1)味噌蝦濃湯拉麵，2）緣屋原味味噌拉麵，3）唐揚炸雞，4）原味乳酸梳打味噌蝦濃湯拉麵湯底方面， 係香濃嘅蝦湯味，應該用咗足料嘅蝦去煲，另外再加上櫻花蝦，令蝦味更提升一個層次。本身櫻花蝦都帶點油，令到個湯都充滿蝦油，食得濃味嘅朋友可以試試。麵質比較硬身，豐有彈性，唔會因爲吸引收湯而變太得軟緣屋原味味噌拉麵湯底方面，味噌味唔係太重，反而覺得比較偏油麵質同味噌蝦濃湯拉麵一樣成碗拉麵只得一塊叉燒，叉燒係正常嘅。佢嘅獨特之處，就係有少少豚肉粒去豐富返個口感唐揚炸雞一碟大約有5-6粒，炸得幾好，雞肉仲保留到佢嘅肉汁好juicy ,會建議襯熱食，凍咗始終個味道差少少…Read More

經過中環茶記好幾次，覺得佢內部嘅裝修好靚，好有舊香港茶餐廳嘅感覺 終於嚟試下啦！！因為係下午茶時間，所以人唔係太多。分別叫咗2個常餐 ，常餐A）蕃茄薯仔肉碎湯通粉 配粉蛋厚多士 同 B）沙嗲牛肉麵 配奶油多 整體食物嘅溫度係唔夠熱，偏暖嘅～可能冷氣比較大佢食物嘅份量都係比較大，一定夠飽 多士嘅厚度真係好厚，可能個人比較喜歡食厚身多士，覺得係幾好食嘅 蕃茄薯仔肉碎湯通粉個人覺得蕃茄味唔夠濃，比較淡 覺得真係好普通好普通嘅常餐 完全無特別…Read More

太夜落街食飯，仲營業嘅餐廳唔太多，所以決定食哩間餐廳。整體嚟講，啲食物唔夠熱，味道偏淡。份量偏細，如果男仔食嘅話會覺唔夠飽，可能要嗌兩碗先夠肉鬆起司蛋餅蛋餅嘅味道係偏淡，只有肉鬆可以令起味道提升少少，起司都係偏淡味嘅整體口感係有啲乾，芝士有啲幾煙韌台南擔仔粿條粿條係指河粉，成碗粿條有芫茜，蝦，肉碎，如果唔食芫茜嘅人，記住走芫茜啦湯底方面，係幾香，同食得出佢有落少許五香粉阿元鹵肉飯鹵肉飯個汁有香濃鹵水味，佢同出面嘅鹵肉唔同，佢用鹵肉粒同鹵肉條，令口感豐富少少鹵雞蛋方面，覺得雞蛋鹵嘅時間唔夠耐，所以唔夠入味爆蛋雞肉飯爆蛋係指煎太陽蛋，雞肉係用雞肉絲，再加酸菜。雞肉絲偏幼身同有少少”鞋”口將蛋黃篤穿，然後撈埋一齊食個口感會更加好因為就咁單一食嘅話味道唔出炸甜不辣拼盤普通甜不辣，不過不失。味道偏淡，個口感似炸魚肉燒賣feel 地瓜球係以上咁多個菜式最好食嘅。佢有2款地瓜球，分別係黃蕃薯同紫蕃薯嘅地瓜球地瓜入面有地瓜蓉，食落口唔會太乾身，又會有軟棉棉嘅感覺珍珠奶茶普通奶茶味，珍珠係幾好咬口仙草奶茶普通奶茶味，仙草藥味唔係太重竽香奶茶正正常常，無咩特別…Read More