夢中見's Profile

中午太忙無時間食野，忙完啱啱好2點，呢間下午茶時間2點開始，咁就行左入去食，一坐低就比左個湯我，我就叫左個泰式船民湯河，份量足，有牛腩牛丸蘿蔔，d腩同蘿蔔夠淋，湯底味道都唔錯，好啱我口味，飲品個柸唔係細細個個d柸，埋單$41 ，好抵食。…Read More

中午去置樂街市買野，突然想食牛扒，見到呢間小店有得食，價錢亦唔貴，一於試下啦。牛扒加埋隻蛋如吸引，牛扒好juicy ，唔會好似茶記扒咁用粉整淋，隻蛋煎得好靚，蛋白煎完好滑，但唔係因為唔熟而滑，沙律菜都好味，以$108 呢個價錢，絕對食得過，一定會再幫襯。…Read More

老趙都算係越南餐廳中比較出名既老店，以前成日食佐敦另一間老趙，好鍾意佢個牛肉湯底，今日去佐敦搵朋友，見到老趙諗都無諗就入去嗌左個生牛河，上得好快，個樣同以前食個間都差唔多，不過食落就知變左喇，個湯味係濃，不過無左鮮甜既牛肉味，牛肉細細塊，肉有d 鞋，我應該唔會再去食了。…Read More

我好鐘意食海南雞飯，去親泰國都一定會去食水門海南雞飯，剛發現尖沙咀開左間叫水門既泰國餐廳，即刻去試一試，餐廳裝修簡簡單單，都幾有泰feel，叫左碟海南雞飯，等左一陣就到，雞味道偏淡，醬得一種，唔難食，不過$50唔係咁值得食。…Read More

今日要去尖沙咀拎野，中午飯時段既餐廳實在太多人喇，唔想同人迫，因此行陣街先去食野，厚福街既餐廳比較集中，見過左高峰期就行入去睇下有咩啱食，行到最尾見到間食烏冬拉麵又唔太貴既餐廳，於是就揀左呢間，叫左個蕃茄湯底既叉燒烏冬，另加溏心蛋，飲品就叫左巨峰提子乳酸，好鍾意個種濃濃既湯，入面有鮮蕃茄，叉燒細塊左d，不過味道唔錯,烏冬係我鍾意既真打烏冬，埋單73蚊，下次去尖沙咀都會再去食。…Read More

最愛的人話生日要去食西餐，本想去個間要等位，見到對面有間未去過既西餐廳,基於大定都肚餓，見唔使等就入左去，叫左3樣野食，加錢轉套餐，有碗龍蝦湯同飲品，龍蝦湯都幾好飲，有幾舊蝦肉仔，主餐有溫泉蛋卡邦尼意粉，份量算多，不過偏鹹，要改善，第二樣炸魚薯條，炸得夠脆，兩件魚柳好大份，不過味道淡，要加醬食，第三樣係芝士牛肉漢堡，最驚喜算係個漢堡，個包好香，外面有d脆，入面都算軟，牛肉夠味，係未算十分juicy,但可以接受，最鍾意d薯條，夠粗身，脆得黎入唔硬，如果下次想食西餐，都會再去食。:)…Read More

有事要去旺角，處理完正好晚飯時間，間間餐廳都好多人，見到呢間有位就入去，越南河其實好少難食，但呢間真係麻麻地，牛肉無味，湯底亦唔香，連飲品56元正，唔貴，但亦唔係平，唔會再去。…Read More

去V-city 行街，行到攰攰地，咁啱見到Haagen-Dazs 有堂食，就入去諗住舒舒服服坐下，仲可以食最愛既雪糕，叫左個可以揀六球既款，可以食六種味道，最愛cookies and cream 同焦糖杏仁，個餅底好脆口，配埋柸咖啡，得閒食下堂食都唔錯😊…Read More