地球上的豬's Profile

收左工約左朋友晚飯，我地都鐘意d 一口價任飲任食，包食得飽又多元化咩都有得食，唔洗就住就住。不過好多任放題都係得兩個鐘，其實就幾趕下，朋友介紹依家「校長燒肉放題」有個高質plan可以任飲任食3個鐘！！咁一於去試下。3個鐘包d咩呢？每位$298加一，包任飲啤酒生啤、刺身、火鍋、燒肉、同貴價雪糕🍦性價比確實無得輸餐廳好大，座位好寬敞，慢慢食慢慢傾，確實唔錯！食物款式好多，花茶、汽水、夾糖、甜品等等，應有盡有，我相信都無嘜人有本事試得曬全部燒烤類勁多款重有火鍋配料重有靚肉一碟炸物新鮮熱辣即叫即做，香脆可口呢個餐堅抵食除左係三小時外，貴價雪糕同任飲特色啤酒絕對係翻本之選！！！大大杯，好好飲，估唔到芒果沙冰既芝士奶蓋又幾出色，重要超大杯，無限點。早排去食韓國嘢，單點一杯左手邊蘋果酒配芒果士多啤梨沙冰，已經$78好滿足，經濟實惠，值得再來…Read More

呢間食過十次以上，三百幾蚊黎講都幾抵食，食物質素唔錯。但幾個月無黎，今餐就非常失望。1.平時食開top 2 ，無左120分鐘揀，依家得返最貴果三款先有120分鐘，咁唔緊要喇食貴幾十揀左$399個餐，120分鐘。2.坐低揀湯底，依家連麻辣湯底都要加錢，$19/位，感覺真係唔多好，湯底選擇都唔係多，幾款都要加錢。揀左紅燒牛肉，個湯底又稀又淡，唔加錢既結果就係咁。3.一黎上盤牛肉，好大碟，上一碟就隊飽你，但最慘碟牛又唔好食，肉味唔多，脂肪過少唔洗講都知會鞋口另一款牛又係鞋到嘔見隔離枱碟200日幾靚，但落完單又無黎4.天花出風口滴水，好大滴，滴左好多次，有無滴落煲都睇唔到，要求左轉枱應左好但轉個頭無左件事。飲品同小食質素都保持到好好，但d牛真係好一般，$400幾蚊位但都食唔到兩三塊好食既牛。…Read More

住左馬鞍山30年以上，終於食到一間令我覺得讚嘆既火鍋-一鼎台式火鍋！平時久唔久星期六都會同朋友食午餐邊邊，大家都住馬鞍山，唔會突登出去食，但馬鞍山選擇唔多，食黎食去都係果兩間連鎖日式嘢。而今日竟然比我路過見到聖安x隔離開左間台式火鍋，即刻打比朋友轉移陣地試下新嘢地方唔係好大，但非常亁淨舒適，燈光明亮，坐位寬闊！舖頭前面賣台式飲品，唔打邊爐行過路過都可以買返杯未夠12點我地就入去做第一枱客，之後陸續已經開始多人午市限時90分鐘，任飲飲食，價錢豐儉由人，最平既餐$229已經有交易難得開左新嘢，我地對自己好d，揀左$289 澳洲200日純穀飼牛自助區好乾淨，荔枝都有得食基本醬料齊備，重有唔常見但我又好鐘意既泰式酸辣汁，絕對加分飲品款式都多，重有雪糕食每個餐都有包一鼎既即沖手搖飲品，記得要點，記得留肚其他食物手機QR code落單，勁多款台式小食同配菜，多到我地都試唔曬:(湯底我地各自點左麻痹鴨同紅燒火牛，兩款都勁香濃，係一上台已經聞到好香好肚餓果種，湯底好濃郁好惹味，絕對係100分枱面已經有湯，可以隨時加湯唔洗等。澳洲純和牛入口肉味濃郁，口感嫩滑多款台式小食都好好食，牛腱、鵪鶉蛋、花枝丸，鹽酥雞都一定不能錯過最後，點埋兩杯即沖手調，估唔到既高質，諗住呢d包埋既應該一般般，卻出奇地驚喜！我可以夠膽講，佢一定好飲過成個馬鞍山既飲品店！茶底香，正常糖都唔會過甜，百香果又唔會糖精味遮曬茶味！確實驚喜！呢一餐我同朋友都食得好開心好滿意，以後可以轉移陣地…Read More

好耐無出荃灣了，朋友想暴食一餐，我就揀左呢間係悅來酒店樓下既牛之鍋，貪佢一個價錢，咩都有得食🤤8點黎到，估唔到星期一都咁多人，9成滿座。有三款套餐揀，豐儉由人，我地就揀左B餐，已經包火鍋、刺身、日式料理、甜品！兩小時任飲飲食！座位大部份都係卡位，坐得舒服，QR code落單，無漏單，上枱快！食物方面，火鍋料正常發揮，最驚喜係有扇貝同鮑魚任食！！！！絕對翻本！！刺身新鮮，唔會好薄；壽司都好食！日式料理唔算好多款，但勝在主打既有齊，榴連波、芋頭波、雞軟骨、台灣腸、燒菠蘿、炸蠔呢d都有！最後，甜品係最大大大亮點，一直都保持住高水準，窩夫、抹茶芭菲、榴連芭菲，真係唔可以錯過，個肚一定要留位😋😋埋單連加一每位$306，性價比高！…Read More

難得平日放假，食飯唔洗同人逼，食早d又平d，又唔怕消化唔切🤣朋友想食燒肉，又唔想太貴，就即刻諗起校長，確實係窮人恩物，價廉物美😋7點前離座，連埋刺身，先$188位再加一，包兩小時任飲任食，刺身、燒肉、點心、火鍋、甜品5點鐘入座人唔多，兩個人都可以坐窗口卡位，坐得舒適又舒服🥰飲品款式好多，重有超多款花茶食物方面，當然不能同貴價燒肉比啦，當佢燒嘢食咁，就好滿足喇，燒烤款式好多，應有盡有，醃製味道唔錯，唔會好咸但又夠入味😋大推雞腎、一口牛、雞扒、魚柳；重有燒秋葵都唔錯呀😋重可以一邊燒一邊烚，亦有d熟食小食咁，二百出頭，無投訴喇🤭…Read More

今晚同朋友收工去左觀塘駱駝漆Add Some Thai食泰菜，位置好方便，觀塘站行5分鐘就到！個人比較鐘意去呢類上樓食肆，因為通常地方都夠寛敞，又唔會好嘈，好適合三五知己或二人世界慢慢食😋去到門口，裝修好靚，好有泰國風，地方大，枱同枱之間重維持緊當年防疫既距離🤭傾計唔洗怕隔離聽到😜打開餐牌，選擇都好多；另外Add Some Thai 有個二人套餐好豐富，$388包前菜，小食，主菜，炒菜同甜品，岩曬選擇困難既我地！▶️椰清雞湯好清甜，有雞肉同菇，啖啖椰青清甜味😋▶️自選四款小食拼盤，蝦餅結實彈牙😋▶️海鮮菠蘿炒飯，有蝦同青口，肉鬆量超多，每啖飯口感都非常豐富😋▶️蒜蓉炒椰菜苗，非常香蒜味，份量亦多▶️＋$48升級芒果糯米飯配雪糕，賣相吸引，味道亦充滿泰式風味😋另外重加左非常香脆既蒜蓉包同啖啖肉，扎實嫩滑既豬仔脾😋泰式奶茶同龍眼冰二人餐份量已相當豐富，味道好，坐得舒舒服服，唔洗逼又唔洗趕住走…Read More

荃灣好出名既校長燒肉，大埔都已經有分店喇😍😍位置係大埔廣場，星期六晚食，一定要提前訂位，我地食19：15，基本都全場滿座👍我地揀既係全包套餐，星期六$258/位另加一，兩小時任飲任食連刺身、火鍋燒肉等等，全場任吃！大埔分店地方唔算大，但食物款式亦唔少，一排飲品柜，有自家製冷泡茶，又有清酒梅酒，又有熱飲花茶等。甜品有雪糕雪條、涼粉、啫喱等等！款式都唔少，能得利果汁條、椰子雪條都好好食，重有冰菠蘿冰西瓜有即食熟食，又有日式料理，壽司款式亦都唔少！肉類同火鍋配料區都有好多款，人多但都keep到好乾淨，不停有人refill同清潔👍整體人均$300唔洗，嘢食又好多選擇，味道又唔錯，性價比高！…Read More

今日五點半就收得工，同事話佢上次同男友係附近食過間燒肉好正，見今日難得早收，問我有無興趣😌有得食，點會無興趣😜位置超方便，係地鐵站/巴士總站隔離既好爵中心，食完搭車歸家都好方便👍又無葵廣新都會咁多人👍餐廳好光猛，門口好多打咭位🤤地方好乾淨好新，坐位闊落，兩個人並肩而坐都唔逼。餐牌有套餐/定食，亦有散點燒肉及炸物、雪糕汽水都有；套餐價錢由幾十蚊到百幾蚊都有，選擇彈性豐儉由人👍餐廳除左可以提早用THE GULU提早拎位外，亦有QR code自助落單，方便快捷；枱面又有齊多款醬汁，唔洗行出行入，用餐廳過程愉快🥳我就非常推介$172既特選牛三食，有三款牛包括牛胸腹、牛小排同牛舌，每款100g，夾埋300g，有齊下圖三大碟👇試齊三款之餘又分量十足，點兩個餐一齊share絕對大滿足🤤除左分量足之餘，牛肉質素都好靚，牛小排油脂分佈均勻，肉質嫩滑，味道濃郁；回味無窮😋另一款都強烈推介既係牛舌心😍$108，足足有六大條，非常厚身，口感好爽彈，內裏肉汁爆燈💡，非常有驚喜👍炸物款式唔算多，但每款都好新鮮即炸，上枱重好熱，好脆忌廉蟹肉萬餅，外脆內綿滑，勁正兩個餐已經包飯包湯同泡菜，＋$8可以轉紫菜飯，另外再散點d炸物、點多兩款肉咁，人均三百蚊有找，大滿足😋…Read More

雖然世界已經復常，好多人已經周圍飛去食好西🤤但總有一d人係行唔開，飛唔到😢；唯有留港消費，食好d，食高質d，對自己好d，補償下。位於旺角呢間Outdark，好出名，環境靚，食物水準高，晚飯時間7點後要等位，好在我地6點鬆已到，用餐廳時間90分鐘，吃飽出來已經好多人等位了。餐廳裝修好靚，微暗燈光，浪漫潢裝，朋友情侶一樣適合❤️食物我地點左炸雞、海鮮薄餅、甜薯芝士條同豬肉炒粉絲▶️炸雞原味全份，好抵食，好大碟好豐富，除左雞，重有薯格、薯條、薯皇，一碟已經嘆到多款美食！！雞皮脆肉嫩，juicy唔鞋口👍全部上枱熱焫嘴，正！▶️甜薯芝士條，$38/四條，放埋炸雞邊，呢個都好正，食到啖啖甜薯香味，再加芝士，邪惡到呢。。。。芝士重勁拉絲，絕對要試！▶️海鮮薄餅，基本必點，差唔多枱枱都有，餡料十級豐富，每啖入口都勁多料，口感豐富有層次，勁好食！▶️豬肉炒粉絲，對比上面幾款超水準美食，呢款普通一點😌粉絲好有麻油香，只係對比下上面果d太出色😜柚子梳打同青蘋果梳打，大大杯唔洗飛，一樣食到好味正宗韓國菜…Read More

今日約左朋友銅鑼灣午餐，已經好耐無見喇，想搵個坐得舒適、寧靜既地方慢慢食慢慢慢傾🤗朋友揀左呢間係銅鑼灣廣場2期6樓既西餐廳「Mini Friday」，朋友之前黎過，話食物質素好，坐得舒服，最岩嘆個優閒午餐✨午市都有主餐牌可以點，亦有lunch set，包一份主菜、餐湯及飲品😋🥢餐湯忌廉南瓜湯，味道好濃郁，口感綿滑，溫度夠熱👍🥢我點左香煎美國雞扒配冬蔭公忌廉汁配意粉雞扒煎得香脆，肉質嫩滑保留到肉汁，冬蔭公忌廉汁有驚喜，個汁好香好有冬蔭公味又出奇地同雞扒夾🤤🥢朋友點左炭燒紐西蘭頂級牛柳配黑松露燒汁配意粉朋友點左七成熟，切開少少紅沒有血，理想既熟成度👍牛柳夠厚身，食落口感較好，肉汁豐富肉味亦都濃郁😋地方好大好寬敞舒適，的確好適合食一個輕鬆午餐😘…Read More

今晚約左朋友銅鑼灣晚飯，大家都鐘意食辣，又想坐得舒服慢慢傾，於是揀左呢間係銅鑼灣京都廣場6樓既「川滿居」😍上到黎地方唔算好大，但坐位舒適，四人枱為主，因為大廳已經坐滿人，重安排左我地坐廂房餐牌選擇多，川式為主亦有中式配搭😋冷盤、小炒、烤魚款款都好吸引🤤最後我地點左👇🥢金湯酸菜魚魚既份量好多，配有彈牙薯粉、 萵筍、菇、酸菜等等，非常豐富！魚肉一d骨都無，口感好滑，有魚既鮮味，湯底味道鮮甜，正！辣度還可以自選👍🥢片皮鴨半隻皮脆肉質結實嫩滑，鴨皮充滿油脂香，配上又熱又軟既麼麼皮口感一流，＋$80還可以二食！🥢涼拌黃金皮蛋皮蛋新鮮，做到流心既口感👍🥢泡椒炒牛肉味道甜甜辣辣，好惹味開胃🤤🥢牛肉香鍋似乾炒牛河既味道，好重鑊氣味，牛肉份量多，而且好多配料，一碟食到好多款嘢🤣非常惹味滿足既一餐👍…Read More

今日黎到尖沙咀隱世小巷，無誇張喇，的確平時好少會行到入黎嘛🤣位於尖沙咀既亞士厘道，呢條街有唔少餐廳，我地揀左食泰國菜既Asok Thai Garden😎門口望入去，好優閒渡假風，門口位置重有榻榻米 ，感覺好舒適！我地點左兩個lunch set，可以半價轉飲泰式奶茶，奶茶完全就係泰國既味道，好香濃既茶香，但又無泰國飲既咁甜！最正係佢無冰樽裝，另外再比杯冰，咁就唔洗擔心越飲越淡👍跟餐重有柚子沙律/冬蔭公湯冬蔭公偏酸一點，帶少少辣，好開胃醒神另外lunch set加$25甜品有芒果糯米飯，雖然只係$25，但誠意十足，上枱個糯米飯暖笠笠，好軟熟綿滑，椰汁香濃，正！主菜揀左羅望子脆魚柳金不換意大利飯及魷魚墨汁意粉。一上枱，兩款顏色顏色相影成脆🤣望落又綠色又黑色，但味道不受外表影響😋環境舒適、服務好，過左午市人流無咁多，坐了很久也沒有被驅趕絕對適合傾計相聚…Read More

今日放假，同朋友去左尖沙咀厚福街食韓國菜，我地揀左人氣極高既釜山過江龍-Outdark 餐廳裝修好有情調，門口有一排情人鎖，室內枱頭有漫天星星，燈光微暗，氣氛浪漫，打咭一流！我地點左芒果梳打、柚子梳打，大大杯，好清新好夠味！▶️海鮮薄餅，好多人大推，當然要試下🤤果然驚艷😍賣相靚，未食見到已經流口水🤣好足料，口感非常豐富，帶少少脆邊，點埋個醬汁更加惹味，一份有好多塊，但一d都唔油膩👍▶️泡菜豬肉炒飯，勁開胃惹味，飯粒粒圓潤飽滿，豬肉同泡菜份量都多，每一啖都食到咁滯😋▶️雙拼炸雞，我地揀左蒜香蜜糖拼醬油炸雞；兩款都係無骨啖啖肉，皮薄外脆，內裡juicy，肉質嫩滑🤤蒜香蜜糖就外面有醬，醬油就本身舊雞已經有味，兩款都一樣好味！配埋薯條、薯角、薯格，非常豐盛😚沾滿蜜糖又帶有蒜香，勁的確高質，難怪好評如潮…Read More

眨下眼都有兩年無黎過「米走雞」，試過出面咁多間，沒有誇張，呢間既芝士雞煲真係冠絕全港👍真正做到濃而不膩😋食過呢間，好難返轉頭！今晚我地叫左半隻雞，依家QR code落單，好方便👍芝士份量重可以自選，揀激量都唔洗加錢😍雞煲上枱絕對嘩一聲出黎，超澎湃既芝士，毫不吝嗇，對得住個價錢！雞肉同洋蔥份量都好多，芝士拉絲，未食望到聞到真係會流口水🤤雞肉非常嫩滑，肉質結實，入口啖啖肉，芝士同雞肉好夾，好濃郁好香但一d都唔覺得漏😋雞食到咁上下，我地唔加湯就落左個出前一丁嘩真係不得之了，完全無浪費左d芝士，每條一丁都沾滿芝士醬，完全無得輸食完先加返芝士湯再邊邊哈哈哈中寶好好食，蝦膠包住d原隻蝦，結實得黎爽口彈牙，好足料👍響鈴好厚實，好多層，輕輕一淥已經好正👍五香鮮牛肉，大片鮮嫩；但望到隔離枱碟頂級和牛封門柳就被比下去了🤣如果早d見到，一定會點，一睇就知係靚貨😍💡整體食物質素保持高質，服務比之前更好；為左個芝士雞煲，值得再去！…Read More

係長沙灣元洲邨附近做完嘢，想搵個地方午餐經過呢間「八月茶室」，覺得同成條街好格格不入，因為門面好光鮮、入面好光亮、寬敞、乾淨，好適合舒舒服服咁慰勞下自己四四方方，都幾多位，卡位坐得舒服兩點鐘有下午茶餐牌、午餐及正價餐牌欣賞凍飲用保冷杯，冰無咁快溶，味道無咁快淡，大大杯凍奶茶幾滑，凍飲都飲到茶香添餐牌有幾款川式系列餸菜，我地揀左個手撕包菜，好惹味，好有川式風味，少少少辣＋蒜香，正魚柳焗飯上枱時邊位d汁重係熱到起泡豬扒包個包外脆內鬆軟，豬扒好好食，夠厚身咬落有口感；夠大塊，夠淋又唔乾流心奶黃西多士配薯角奶黃足料，一開9每粒都食到奶黃香，口感濕潤綿滑…Read More