cwwk's Profile

朋友到香港旅遊探親 , 盡地主之誼陪同去尖沙咀睇維港景觀及行商場名店轉轉，歎冷氣。朋友想食上海菜，我記得海港城有間翡翠拉麵 剛裝修完改翡翠 江南，我地提早時段食晚餐 ，好快入坐。店員推介多款菜式 ，選了好幾款小食 脆脆海蜇頭 蒜泥黑豚肉卷 椒鹽小黃魚 黑松露海膽帶子炒飯 小籠包 菜肉雲吞拉麵 擔擔麵 三角海鮮餃。 朋友讚不絕口 海鮮餃賣相一流 朋友都不停打卡拍照。 而且坐窗邊 可觀黃昏日落維港景色。我鍾意食小黃魚 有驚喜 香脆可口 連骨都想食埋。裝修後 格調高檔 價錢相對亦提高，但在尖沙咀旅遊地區都可接受。有海港景 食吓飲吓茶 ， 我地行到攰 不停要求加茶水 店員禮貌招待，值得一讚，唔該哂！…Read More

又去Airside行街，再入翡翠拉麵，門外多人排隊，等咗十分鐘就入坐，又encore 原盅花膠雞湯，原隻花膠，真喺好滋補又好味。點咗擔擔麵，香濃花生味仲有啲辣，每條麵包住湯汁，成碗麵連湯汁都清埋。今次唔食韭黃炒鱔糊，要一份梁溪脆鱔，香脆可口，成碟我食哂，食唔停。…Read More

麵尊車仔麵終於在香港仔開一間，店舖位置前身喺味千拉麵。車仔麵都喺啱香港人味道，真喺好味，仲可以添湯，但依家食車仔麵都唔平，佢飲品就比其他店舖貴囉，食完要出去7仔買嘢飲。…Read More

十一長期，去啟德站新開Airside商場，店舖陸續開業，入到翡翠拉麵，景觀開揚，望到對岸。唔去外遊留港消費，一於食好西，原盅花膠雞湯，醉豬手，蟲草花翡翠苖，蘿蔔絲酥餅，上海小籠包。湯盅有成隻的花膠，啖湯香濃，真材實料，好味過阿媽愛心湯，蘿蔔絲酥餅，香脆唔油膩，蘿蔔清甜，熱騰騰真喺好好味，花雕酒浸豬手夠味道。我地揀咗輕盈份量的菜式，唔怕飽又可以試食幾樣，正呀…，好多嘢仲想食，留返下次再嚟幫襯，。…Read More

約朋友到沙田翡翠拉麵，方便就腳，叫奶油津白，重慶水煮牛肉，酸辣湯拉麵。見幾檯客都飲夏日特飲，青蘋果qq椰果苿香綠茶，多瑙河荔枝爆珠梳打及紅柚多肉苿香綠茶，今次唔飲豆漿改特飲。辣配凍飲品真夾，啖啖果肉，酸酸甜甜，綠茶甜度啱啱好，無諗到水吧水準高，應記一功。…Read More

經過北角有間馬會冰室，以為只喺招待馬會會員，原來喺由翡翠拉麵主理，任何人都可入去幫襯。雖然喺冰室，都有手工拉麵,套餐,下午茶等，價錢同茶記差不多，但環境非常寬敞，坐得舒適，任何位置都可睇到電視賽馬直播及賠率，如似置身於馬場，一般茶記不能比。叫咗一碗擔擔雲吞拉麵及鮑魚雞煲全日套餐，真喺有驚喜，鮑魚size唔細又煮得好味，麵仲喺手工拉麵，值得推介，價錢唔貴。…Read More

又到中午放飯時間，出面又熱又焗，堂食唔想等位，翡翠拉麵有外賣小菜套餐。前菜有4款，小菜6款，叫咗韭黃蝦炒蛋，紅燒獅子頭，糖醋魚柳，用whatsapp落單，唔怕講錯聽錯。飽飽齊齊吹水及煲劇。套餐Good Good 👍 …Read More

夜收工，唔想煮，到屋苑樓下老二食晚餐，2個人都唔知食小菜或雞煲，餐牌有風味特色烤魚及剁椒味烤魚。為了另一半唔食得辣，唯有叫少辣。有個電爐煲住，配菜都多，有白蘿蔔，金菇，豬大腸，豬紅等配料，因為少辣，我就食得唔過癮。套餐配2碗白飯，套餐無飲品，就差少少。如果晚餐有送前菜，如青瓜，薯絲就完滿。…Read More

香港仔新開一間食店，叫老二，今日入去食下午茶餐，上海排骨拉麵，排骨好入味，厚切豬排，外層鬆脆，肉質都軟腍，仲帶有肉汁，排骨是另一碟上，唔怕被湯汁浸腍，清湯拉麵加咗香葱，拉麵湯底清唔渾濁，但食得出師傅精心製作，豬肉豬骨熬煮出清湯，外觀看似清淡，卻好好味，食麵仲飲完整碗湯。酸辣湯拉麵，唔似其他店舖的酸辣湯加麵，而喺仲有其他食材，我地要咗凍豆漿，豆味香濃，感覺健康啲。仲加點一份煎餃，一碟4件，見到隔離檯嘅小籠包，我忍唔住又再落order，下午茶餐仲有其他選擇，下次再幫襯，good 。…Read More

忙了一個下午，慰勞自己食個Tea，記得金鐘廊有間上海菜。於是order小籠包，黑椒洋蔥煎餅及椒香牛肉炒飯。小籠包當然是我至愛之選，而黑椒洋蔥煎餅令人有喜出望外，黑椒洋蔥夠惹味，黑椒洋蔥至佳配搭，熱烘烘的外皮，香脆可口，值得推介，椒香牛肉炒飯，令人有飽肚滿足的感覺，食飽飽又要繼續努力工作。…Read More