lcs122's Profile

在十三姨用餐的經驗相當令人失望。食物的品質讓人感到差勁，尤其是鵝肝飯，鵝肝完全沒有鵝肝的味道，而蟹粉也只是平庸無奇，陽春面沒有口感。加上不良的服務體驗，例如在門口宣傳的優惠卻在結帳時無法兌現，門口明明有新開張優惠搖骰盅可以有九折或者全免，我埋單後見到有得抽獎問係咪可以抽個員工居然同我講：哎呀係喎，下次再抽。咁你擺出嚟做乜嘢呀？令人難以接受。希望餐廳能夠改進食物的質素和提升服務水平，以提供更為滿意的用餐體驗。…Read More

由佢裝修開始就已經十分期待，知道佢最近開咗，上網又見到啲人post啲相好似唔錯，今日就去試一試。首先講餐廳嘅環境，今日我下午三點幾去正值太陽猛烈之時，佢開喺朗豪坊平台，啲太陽曬住前半個場啲枱，冷氣已經唔夠，咁我見佢後場有位問吓佢可唔可以坐入去，佢同我講員工用餐唔可以入去坐，咁唔緊要啦我就坐喺前面，但係當我食到一半嘅時候，見到有一台新客人直接就行去後邊坐，個staff睇住佢入去又冇出聲喎，我心諗你唔係話員工用膳咩？當然最後我食晒佢哋都未用膳啦🙂btw唔係我麻煩，中間有客人入嚟都表示太囇坐唔到。然後講吓食物，可能咖喱湯嘅關係都係偏淡，並唔係我想像中或者日本嘅味道，賣相就一流啦，味道確實一般，不過個烏冬唔錯，但係價錢嚟講性價比絕對唔高，試一次可以我就唔會有第二次。每一張枱都有個牌話做會員可以有迎新優惠，可以選擇八折優惠或者送一份小食或飲品，咁我本身就有個Apps嘅，然後我就問個staff我係咪全部飲品都可以選擇，（因為我覺得正常特飲都唔會有得送，咁我就問清楚佢啦），然後佢同我講話全部飲品都可以揀，正常落單然後埋單嘅時候會減，咁我就落左一杯特飲，當我埋單嘅時候個長頭髮男仔同我講話特飲冇得減，然後我同佢講我問咗你哋同事佢話全部款式都可以所以我先叫咗一杯特飲，然後佢話因為試業期間啲同事可能唔係好清晰，然後佢居然講咗句“咁今次free俾你囉”，講到好似我R佢咁，我心諗你咩料啊，服務態度絕對唔OK，佢再同我講話下次邊啲可以free，我心諗不如你同啲同事溝通好啲先，真係唔會有下次。:)…Read More

尋晚8:00去到，訂咗枱三位，去到嘅時候全場坐滿得一張二人枱，佢居然叫我迫少少坐埋去，我即刻同佢講‘’我哋三位喎”，佢就好晦氣咁同我講咁等一陣啦，我心諗，咁我訂位嚟做咩？主菜當然係食羊腿啦，羊腿嚟到嘅時候，並唔係我喺OpenRice見到嘅樣，OpenRice上面嘅圖片係佈滿孜然粉，見到都流口水，我嘅羊腿送到我嘅面前嘅時候，都唔係嗰個樣嘅，白雪雪好似冇味咁，只有少量嘅孜然粉喺碟入邊嘅角落頭，咁我就叫店員幫我加啦，佢居然只係加咗少少去返個角落頭度，我話‘’想多少少‘’，佢話“你用匙羹自己整上去啦”，我叫佢擺低樽孜然粉，佢唔應我就走咗🫠OK！咁我就食啦，食到一半多啲啲孜然粉已經食晒，我再問另一個員工想要多啲孜然粉，佢終於放低比我自己加。係呢個時候，頭先好串又唔肯俾多啲孜然粉我嗰個員工見到我自己加既時候，佢居然同佢另一個同事講叫佢過嚟收返，然後另一個同事就行過黎同我哋講“用完啦係咪啊？用完我拎返走”🙃以上情形係我親眼望住。講番啲嘢食先，個酸奶名副其實非常酸，升嘅程度就好似飲緊檸檬汁，不推薦。羊肉餃子$180 15粒除咗佢大粒之外，完全冇優勝之處，入邊啲羊肉勁老，另外叫咗個炒土豆絲，普通水準，唔難食囉。食完嘅時候都九點幾，我同另外兩個朋友喺度傾偈，佢走過來同我講要唔要打包？我都未俾反應佢嘅時候，佢再用普通話同我講一次😒我話唔使啦，佢就同我講‘’要賣單呀，我地食個半鐘架咋‘’，個重點係餐廳當都有幾張吉枱，出邊又冇人等位，佢居然吹我走。提提大家晚上9:00係佢哋食晚飯嘅時候，佢哋所有員工會同一時間食飯，廚房同埋樓面都會同一時間食，大家盡量唔好喺九點嘅時候落單啊。總括嚟講，啲嘢又唔係好食，服務態度極之差，而且亦都唔平，我唔明點解佢可以連續咁多年米芝蓮⋯⋯鐘意試伏既朋友推薦！…Read More

我都未食過啲咁老嘅片皮鴨，啲肉仲老過我呀嫲，咬到我牙都軟，好似食緊香口膠咁，嗰塊餅皮又厚，仲有個醬汁勁鹹，最好食就係個青瓜架啦，都算係我人生食過最難食嘅片皮鴨叫咗個六人套餐，個龍蝦伊麵同條魚唔錯嘅，但係揀三個小菜嗰度，全部得啲齋既小菜，得個咕嚕肉同埋豬頸肉炒雜菇叫有啲肉，不過味道還算可以既。性價比黎講絕對極低，場地環境唔靚，一入到去就感覺到伏，酒樓黎講都算係最差，總括嚟講唔會再去，唔怪得知去到冇乜人。…Read More

好多年前食開天后分店，不過自從佢越嚟越差之後就冇再食，尋晚想食Shari Shari不過已經收左所以咪試吓囉，點知真係中伏，翻版始終都係翻版，啲冰好易跌，啲汁又麻麻，食多幾啖就唔會想再食，重點係佢個價錢仲要貴人好多。終於有個扎馬尾既女staff黑口黑面。冰？我以後只食Shari Shari。…Read More