heinrich's Profile

今日午飯搵咖啡精同事一齊去試Go Go Curry。Go Go Curry貴就預左，地方細都預左。我地叫左咖哩豬同咖哩雞。咖哩豬 – 即叫即烤，脆漿好味，但係好普通。咖哩雞 – 薄炸雞扒好鬆脆，可惜脆漿重厚過雞。但…呢個飯80蚊左d唔值wor…….…Read More

因為就近office, 南記已是我常來的外賣店。清湯米粉、小鍋米線都嘗過不下數十次。今次選了春卷、貢丸中辣小鍋米線。平常我只會食腩肉、雲吞中辣小鍋米線, 今次特別搞搞新意思…咦, 唔夠辣?! 原來南記腩肉有一點點辣汁融於湯內, 味道正點十倍!下次都一定要點腩肉!…Read More

是日係CWB行行遊, 本來想去兄弟得記食燒肉。行過泰靚, 聞到燒味香香的, 不禁改變路線試下佢- 燒肉十分脆, 就算係外賣返Office 焗左一陣, 香脆程度都比美堂食。我要走肥的, 肉底夾左一層軟骨, 正!- 叉燒味道足, 唔鞋口, 但顏色有點太紅, 唔知係味用多左色素- 對一個大男人黎講, 飯底有點細…Read More

是日元旦日，同家人去老字號食番餐。去到都唔係太多人，坐落就越黎越多，好彩早DD到。一睇餐牌，就知元旦日只可散叫同埋好多食物都唔整，如梳乎里。唔緊要啦，一心黎食鴿，其他都無所謂。食物：招牌鴿鴿、瑞士雞翼、瑞士牛河、咖哩石班飯招牌鴿鴿一d都唔肥，而且Size適中，有肉得黎唔會好老（龍華果d巨大版真係鞋過沙紙）。汁分開上所以唔會未食就浸淰哂。食落好香（因為個內臟汁），但係同其他燒(or炸)乳鴿無咩特別。瑞士雞翼非常入味之餘雞皮完好無缺，爽夾滑！極讚！瑞士牛河牛滑且甜，不過都係「lar」過，食得出有些少梳打粉味。不過個人認為比「米芝蓮級」的何洪記好食，原因係口味較甜（廢話呢個係瑞士汁整，果邊係乾炒方式）；另外唔會成碟成口都係油。咖哩石班飯完全唔辣的咖哩，普通。老字號總有點人情味，隔離台客外國黎一心食梳乎里侍應好心幫佢地問廚師，又真係特別造比佢地，如果係連鎖店？明天請早啦…Read More

第三次食十八克。上兩次都只係飲啡，咁啱睇完醫生，順便黎搵啡送藥。食物:CappuccinoNew York cheese cakeCheese cake好足料，足得滯，好實同硬。唔夠滑。Starbucks 或soulmate 個cheese cake 堅係一流。當然文華個芝士山係最正。咖啡係呢度嘅拿手，當然唔會令人失望。咖啡味濃，奶香同啡脂混合一齊，再加上玉桂粉，正!未食過呢度的食物，以芝士餅來說只係合格，咖啡一流!…Read More

好耐無打過食評了。何洪記只係我工作地方後面，但係我只食過一次。原因只有1個，就係名大於實，而且幾貴。食麵？池記正過佢！食粥？森記好過佢！咁有咩理由叫我黎呢度食先．．．是日同事好心買左個「咪吱年」乾炒牛河返黎。心諗咁正gei野一定要試。點知食完有以下評語：1.　肥，係好肥，每條河都被十斤生油包住，口感見仁見智，我就唔like喇！2.　:)牛肉好正，真係無(乜)比鬆肉粉搞過3.　:(鹹，可能我喜歡甜口食物，呢個牛河食落好鹹4.　用料係幾好，食完都唔覺口乾，但河粉都係有d散，牛河大忌如果淨係評個牛河，以味道計，我會覺得梨木樹村大排檔好佢多多聲。「咪吱年」d食評家要食下local野下下係中上環、老銅咁食，新界有大把好野！走左寶佢地唔知啦！！…Read More

好多年前已經食過老牌沾仔記, 中環之旅當然要再拜訪!數數餐牌、沾仔記只有5樣野比你叫: 雲吞、鯪魚球、鮮牛肉、油菜同汽水，今之食gei就係雲吞麵、鯪魚球麵加油菜。麵麵質爽口，有咬口，但個湯有d鹹，唔知係咪夜晚、d湯滾左一日雲吞雲吞大大粒，蝦肉彈牙；夾豬肉味；皮很薄，可能太薄、一夾就散鯪魚球好大粒，大過乒乓波；有少少骨，可能打得唔夠；有魚肉鮮味，但肉有d散，唔知係咪唔夠新鮮or加左水撈過油菜通菜少油，好食係中環，16蚊有個ok好食gei麵重想點！…Read More

御家西環店成日搞promotion, 忍唔住黎食多次。牛肉火鍋 - 好食, 配料足、可惜牛肉太肥喇!各壽司 - 叫做ok, 但好似人情咁、紙咁薄, 手卷真係得舊飯…綠茶冷麵 – 完全唔得, 個汁好怪, 好難形容, 整體係十分甜…典型將貨就價之店, 價係靚仔, 但係好質量都係唔得。好在有電視, 三色台d爛劇時都留到一d客ga…Read More

銅鑼灣出名越南食肆莫過於清亭, 但呢間「越色」係我第二之選, 平日多食午市, 今次試下晚餐!生牛肉河 – 湯底無其他幾間咁好味, 牛味唔足, 但係牛肉鮮嫩, 唔太薄, 而且味道幾好, 侍應會比芽菜等配料, 但唔會主動比辣椒, 建議將粒青檸dump哂落去。香茅雞翼 – 煎(or炸)得好香, 肉汁都保持到, 但…無香茅味gei? 如果佢叫香煎雞翼我會覺得幾好, 香茅雞翼就…「越色」店仔細細, 你叫我選佢最好食的食物, 我揀唔落手, 事關樣樣都ok, 但係又唔係好食到: 嘩!一家要試。一間中規中矩gei餐廳往往係飯腳之選, 但係評分制度就一定比下去。我推薦各銅鑼灣同事試下呢間無特式、但係有水準的店!…Read More

Burger Fever第三擊, 三個O burger係香港出哂名, 上次係中環試過一次都為之動容, 是日TST concert之前都要食多一次, 照舊, BC Burger唔該。BC Burger – BC burger係我係triple-O best buy! 牛肉鮮味, 加上厚煙肉香脆(係, 係脆, 煎炸唔透的煙肉就只好似肥豬肉咁, 好難食)! 酸瓜青油膩一流!Frites – 咁o岩係即炸的, 粗粗地好食! 如果唔夠脆、唔夠熱氣就唔得左喇。…Read More

平時行開都只係路過, 今日想食漢堡包, M記得唔想食, 一見良友, 就諗起時新, 所以即入去試下!芝士漢堡包 - 即叫即做, 煎肉時同老闆娘係咁嗲, 好搞笑。 個包賣相普通, 味道唔算特出; 漢堡肉叫做有肉汁, 芝士都做到融gei效果, 可惜包有d凍, 要靠肉gei熱力, 要整熱個包同埋芝士, 真吃力!雖然良友唔係咩非吃不可店子, 但係懷舊店已經買少見少, 港式漢堡包亦都無幾多間有, 大家要珍惜d!…Read More

呢期潮興burger! 有咩理由唔食shake em buns呀! 我地特登去左中環店!店仔唔太大, 有大約10 個位度, 落單全程順利!二人叫左:Guitar shop specialFrying nemoFreedom friesSpicy onion ring汽水+ice teaGuitar shop special厚牛肉加上蘑菇汁and其他垃雜野, 好厚好多肉汁、好牛而無牛羶味! 一路食要一路吸, 好彩唔係太厚, 一口勉強咬到。值得一提, 蕃茄好juicy, 好夾牛肉Frying Nemo高級版魚柳包, tartar醬好好食, 完全唔係mayonaise味, 而且都幾大! 怕腥的大人都話魚柳唔腥, 啊菜生話齋:食魚有魚味Freedom friesFrench fries就French fries啦, 學哂喬治布殊改名…又整得幾好名wor衰鬼。即炸粗薯條, 好脆。無落鹽, 要就自己加。點tabasco食一流。Spicy onion ring即炸袋裝洋蔥圈, 外面炸漿有一點點辣, 入面洋蔥重保持住蔥甜味, 對比好大。但, 炸漿有d硬, ruby Tuesday好食d汽水+ice tea唔係自家製, 無意見基本上係好好食, 但係抵唔抵就見仁見智。Burgeroom有set menu, 總體上會抵食過shake’em buns。我都係prefer Burgeroom多d…Read More

唱完K食d小食為大埔行作結，突然想食腸粉gei時候行過呢度，馬上買左兩樣野了。腸粉＋燒賣$9腸粉好軟好滑，５蚊有４條幾抵，燒賣中規中矩。生菜魚肉湯$12$12比市區有貴無平，佢值$12 gei原因係佢大件夾抵食，一個外賣碗居然d魚肉係本末底的，食極都有。魚肉尚可，但有d大條，唔得細滑。…Read More

是日單車樂, 去到大埔要醫肚，係超級城一路行，想搵間唔係連鎖店都幾難，見到沙隴餐廳可以坐街，又可以粗豪D，即刻去食返餐先。啊姐話2點有下午茶，點十就比我地落單，算唔話得…我地二人叫左一個鮮牛米：$19、下午茶set炸菜肉絲米＋凍啡：$19+$1、炸肶沙律＋凍檸茶少甜：$24+$1。炸肶沙律呢個係繼豉油西餐後又一典型港式食物！沙律係百份百地道，即係青瓜、薯仔、甘筍、西芹再加d罐頭生果撈上沙律醬，。如果你食開鬼佬果隻牛牛沙律、呢個沙律你一定唔o岩，但如果鍾意食呢味港式沙律，沙隴個沙律就可以一試，雖然港式沙律技術含量不高，但淨計「用料足」已經有好多餐廳唔合格，呢度份量足、用料算係新鮮。相對地炸肶較為失色，雖然炸完都食得出醃得名味，但係叫做細隻，而且還未去到脆gei程度…炸菜肉絲米不過不失，麵質幾好，但係份量都幾細，如果用$19來說有d唔抵。鮮牛米最好食的東西，成碗size大得不成比例，同個炸菜肉絲米有好大對比。湯底係潮州湯、加d芹碎同菜圃，好濃郁的魚味道。牛肉既多且軟滑，食落無渣，正！凍檸茶少甜，凍啡全檔最有問題就在茶水，太甜！凍檸茶已經少甜，但係只係平常無叫少甜果隻味；凍啡無叫少甜，立即甜到飛起…其實檸芋個茶係整得幾好的，又唔老又唔濁；咖啡都唔係難飲，但太重手的甜，全部破壞哂了……Read More

而家搵大排檔平時行過呢度一定會經過有利，我無時無刻都諗：要黎食一次呢間大排檔。有一日特登去食左一次。入面唔算多食物選擇，大都是大家係茶餐廳、大排檔食到gei早餐。眼見入面兩個師奶密密做, 滿開心的。呢一間街邊小店只有好少位置，兩三張椅檯就係咁多。我食左腿蛋麵加熱奶茶：腿蛋麵　－　好食，腿同蛋都煎到微焦加脆口，麵應該都係大光麵來的，個湯都ok, 濃淡適中，我走上times square就食得，所以麵重未食咩落ｄ湯度...熱奶茶　－　唔得左，好稀，無咩茶味，茶同奶都唔好...基本上唔可以話必食之選，但如果你係附近返工，有利都係一個早餐好選擇，好過係某包舖排哂長龍食豬油包...重有，有利午後就打烊了。…Read More