Big Spencer's Profile

為補祝母親節, 一家人經朋友介紹來一試日本菜, 先來一客加州卷, 劍魚刺身, 招牌菜活魚鰻魚燒一流, 問老闆何謂活鰻魚? 原來佢地嘅鰻魚不是空運, 而係新鮮游水鰻魚, 再來一客活鰻魚壽司, 好好味, 3.6牛乳火鍋內已有什菜, A4和牛灼一灼, 入口即溶好好味, $288一百克真係唔貴!讚岐烏冬好食, 仲有VIP ROOM可以一家人一間房坐得好舒服, 環境舒適..值得推薦!…Read More

食物都ok好食, 服務員態度好差好唔得.店舖好細, 得十零廿張桌, 叫人寫單, 有個明明見到我扮見我唔到有個忙緊同第二張落單, 望住我揮手, 又唔比single我示意叫我等一陣, 冇禮貌.落單, 我叫左兩個set lunch + 一個小食, 張台好細; 個侍應生好求其, 個食物盤放在一半係檯上, 一半縣空嘅, 就咁就走咗, 放得低就算....要我地自己擺返好....冇筷子用, 叫佢攞比我, 佢真係淨係攞一對比我, 我有兩個人坐左係度呀哥仔, 我同佢講我想要埋芝麻同五味粉, 佢好似好唔like咁係隔離檯攞比我.....埋單, 叫佢寫張手寫單, 15分鐘都未寫好, 要走出去企係度催呀催呀催.....呢間嘢唔識train up侍應生嘅態度應變, 請埋d後生仔冇禮貌, 踢一踢走一步, 做嘢又求其, 比起茶餐廳d阿姐, 冇得比...起碼茶記阿姐醒目過佢地d未瞓醒嘅後生仔....叫我再去食, NO WAY!!!…Read More

尋日上facebook, 見朋友介紹新開嘅譚點, 於是收工去試下, 店內環境清潔, 店員有禮貌, 點心即叫即蒸, 雖然款式不太多, 但樣樣都有別於其他點心專門店, 而此店比深水埔添好運乾淨很多又好食, 以後開飯多個選擇…Read More

食物款式小, 冇乜好選擇, 食完第一轉想再叫其他嘢食都揀唔落手, 唯有去維記食個豬膶麵!!!環境乾淨, 可能新開不久唔會太穢, 坐位太狹窄, D侍應行來行去會撞到我隻手, 招呼都算可以, 食物size太細, 我未見過三文魚壽司件三文魚又薄又細塊, 同三上好長個隻冇得比, 仲要加一服務費, 三上d嘢好食好多都冇收加一, 深水埗區嘅日本餐廳, 呢間最差, 保證冇下次, 不知所謂, 最後一蚊貼士都唔比!…Read More

今日年初四, 天寒地凍想食糖水滋潤一下, 因為冇得選擇關係, 松記未開工, 只好走入三姐松記, 入到去想食花生湯丸, 冇花生只有芝麻湯丸 (舊年已經係咁), 算...想食馬啼露, 佢又話馬啼露OUT咗好耐喎....唔怪之得D人多數去松記食都唔去你度食啦, 咁想食嘅兩樣都冇, 咁咪起身走人囉, 好彩行行吓入咗福華街石磨坊食日式焦糖燉蛋, 人地餐牌有嘅嘢就有得供應, 唔似三姐松記, 餐牌明明有寫花生湯圓但年年過年都冇得食, 以後都唔會入去幫襯!!!!!!!…Read More