birdman_goh's Profile

今日一早就同老婆同埋個女去睇電影西遊2之伏妖篇十點場，睇完之後就覺得好肚餓因為未食早餐，行行下路睇到呢一間餐廳有人喺度排緊隊，因為未食過呢間餐廳所以就同老婆講不如試下啦。一入到去，覺得個環境都唔錯，然之後我哋就點左一個人二百幾蚊有澳洲和牛嘅放題90分鐘任食，跟住點咗個鴛鴦煲，一邊係新出嘅湯底龍蝦清湯同埋麻辣湯底 ，兩種湯底嘅味道都算唔錯，材料都幾新鮮，澳洲和牛好新鮮好好味，仲有啲甜品都幾唔錯，呢一餐都食得幾開心幾開胃，下次有機會再來試過。…Read More

今日有個客約咗我喺apm食午餐，一去到呢間餐廳勁多人，等咗半個幾鐘終於到咗我哋 ，因為係第一次去呢間餐廳 ，所以唔知食咩好，隨便就叫咗個粒粒牛鐵板燒定食， 殊不知當食物送到嘅時候，賣相又真係幾好喎，食咗之後又覺得又真係幾好味，啲牛肉唔會太硬又唔會太生，食落又幾多汁，唯一遺憾嘅係，個客人喺度，唔好意思影相，下次一定會再返嚟食過。…Read More

過咗尖沙咀拜年，順便約埋幾個老友一齊去下午茶，聽朋友話之前食過百樂酒店嘅buffet口碑不錯 。於是乎心血來潮想去試下下午茶。去到嘅時候，環境係幾好，衛生都唔錯，座位都夠寬敞。搭正三點鐘，開始攞嘢食啦，啱開始嘅時候攞咗小小嘅甜品小小嘅中式小食同埋少少嘅 三文魚魚生，可能太肚餓嘅關係，覺得啲味道還可以，以為陸續會更新食物嘅款式，點知来来去去就係炒飯同埋雞翼同埋菜等等， 食到半冷框濟濟地走咗去飲杯即磨咖啡， 又苦又澀，之後又走去車仔麵度叫咗碗米粉湯麵，得兩粒牛丸兩片魚片兩粒芝心丸嘅配料，認真慳皮呀，唯一值得讚賞係甜品雜果啫喱杯同埋米糠布甸，四個大人一個細路 食咗809蚊，覺得唔係好抵， 味道總括嚟講 一般般，絕對冇酒店式嘅buffet水準， 老實講下次就唔會再試啦！！！…Read More

夜晚覺得有啲肚餓 ，十二點幾同老婆兩個走落去存記食宵夜， 舖頭就嚟閂門啦 ，事頭婆都好好人 ， 即刻叫師父開爐，我哋點咗一個避風塘勁辣海鮮炒河粉，同埋一個雲吞鯪魚肉湯米線，點知碟河粉一啲辣味都冇，完全失曬水準, 材料用雪藏魚肉兩片，蝦三隻， 淡而無味 ,河粉勁乾身唔夠油， 炒得唔夠熱 ，完全冇避風塘嘅風味 ，成碟河粉得蒜蓉碎 ， 至於雲吞鯪魚肉湯米線 ， 啲雲吞唔夠新鮮，鯪魚肉還可以接受， 但係米線湯底淡而無味 ,一句講曬 ,失望!…Read More

黃大仙拜完神覺得有啲肚餓，過咗龍翔中心 嘆意式下午茶， 三個人嚟到呢間餐廳，聽朋友話唔錯，所以就嚟試下。食咗二百幾蚊，覺得食物嘅味道麻麻地唔抵食。 pizza勁差，只有蕃茄酸味、意粉還ok、 麵包布甸唔好食 ，只有蒜蓉多士不錯，夠脆夠香、牛角包可以接受，搭配腸仔通粉抵食。…Read More

初三赤口一家大細本來諗住去旺角畀人老點，其實試過之後覺得老點點心並不老點，價錢合理、服務態度唔錯、食物味道幾好，下次約埋三五知己必會再嚟。唯一遺憾嘅係 食物款式選擇不多。…Read More