0靚妹 のプロフィール

我好一段時間前食過波仔嘅"柱侯牛腩麵"，味道唔錯，但唔係個個supermarket都有得賣，即使波仔店都唔係成日有……之前食嗰陣牛腩舖面，大約有四、五片左右，可惜叮完後，牛腩變得乾乾、硬硬。今次食有驚喜wor~第一個驚喜係叮完發現無牛腩（佢suppose唔使開紙盒叮），天大嘅笑話，"牛腩麵無牛腩"，麥兜啲故事咩?!再"new"下發現嗰幾舊牛腩原來喺底。注意，係"舊"唔係"片"，個size大咗啲，數量有四。因著驚喜一，驚喜二就出嚟啦！第二個驚喜係以前乾乾、硬硬嘅牛腩不再，反而好似乎出面啲麵店食到嘅軟硬度，而味道亦依舊不錯。而啲麵雖然係面，但叮完都無話"乾爭爭"，份量適中，幾好。以十六大元嚟講，真係超值！呢排咁凍，完全適合我呢啲唔願洗、唔願煮之懶人…さらに見る

好耐無幫襯過，所以要幫襯下一去到門口，發現有好多人，可能因為人人都放lunch啦！所以就買外賣。今次叫咗個排骨擔擔麵，本人唔好辣，所以叫咗唔辣。轉頭返去拎嗰陣，問清楚職員係咪唔辣嘅，因為前前後後好幾個人買外賣……職員姨姨睇下張紙話唔知，皆因落單張紙無寫……佢即刻打開聞下（我聞到好香），再叫我拎隻匙羹試下，係唔辣嘅！Good!!!開餐啦！外賣得就預咗塊排骨無咁脆，麵又可能淋咗啲，佢味道又OK wor~個湯幾濃。呢個價錢都可以ar~但堂食抵啲囉~佢堂食有杯熱飲跟埋，同埋外賣要加盒錢……（百物騰貴，師奶心態出現）…さらに見る

我今日有緣見到呢間'見佢拉閘多過開門"嘅舗頭開門，就試下牛肉丼。原來有大小之分，本人為飯筒，要了個大的。又真係幾大，牛肉炒得好香，可能因為有啲洋蔥、蘿蔔絲同青椒絲，好"野"味！不錯！原來呢啲飯係有埋一小碗麵豉湯，天氣咁凍、咁乾燥，有兩啖湯飲下又唔錯wor~但好似咖喱飯無……下次，再試第二款先~…さらに見る

呢間新開嘅舖頭，我見佢拉閘多過開門，嗰日lunch見佢開門就試下，叫咗個咖喱豬扒飯。等候期間，仲問咗個職員佢哋開幾點，佢話開12:00pm至啲飯煲無飯(通常1:45pm就無.......)同6:00pm至啲飯煲無飯(通常8:05pm左右就無........)，喺太安樓呢啲時間極罕見，仲要星期日唔開，我懷疑我可以見到呢間嘢幾耐......但佢又唔係好差wor~****Staff A答完我開幾點同收幾點之後，同Staff B講"仲要睇下師父心情......"爆!!!食落又唔錯wor~個豬扒幾脆，咖喱汁又幾香，飯嘅份量都可以。呢個質素，$35，又OK ar~所以都有唔少學生幫襯。可惜無嘢飲……都可以有下次嘅~…さらに見る

原本諗住要個沙嗲牛肉炒河粉，點知個呀姐話牛肉賣曬......而家先十一點幾，咁就賣曬我懷疑根本無prepare牛肉........最後要左淨炒河。個呀姐仲不停游說要隻蛋.........見到啲煎釀三寶好似幾吸引，但係真係好細舊.......要左$5，有四件，點知另一個呀姐掉埋去炒緊嘅炒河度，問佢唔係應該分開嘅咩？佢幾然話"諗住咁會好食啲ma~"sorry~0靚妹唔覺lor~我只係會覺得啲脆卜卜嘅煎釀三寶會變淋，盒河粉會感覺怪怪地lor~我覺得佢問下個客先掉落去會好少少..........服務態度要改下~食落去，煎釀三寶完全唔熱，佢連番熱功夫都唔做。煎釀三寶要熱食先正ga ma~而嗰盒河粉，又"鞋"又碎.......以前都有啲韮菜起鑊，而家無曬已經無咁香la~貴就唔貴，但味道no good.........…さらに見る

大年初三夜晚，我地一家例牌同埋成大班朋友(廿幾人)食飯，順便團拜。今次去左"御滿庭"，地點都算就腳。叫左好多味，想講下比較"突出"嘅幾味。個"南乳炸肉塊"炸得幾脆，味度都可以，但食多幾件就會膩。有味"發財好市大利"，上面有啲size唔係好大嘅冬菇，得幾隻。一圍枱有成十幾人，一人分半隻都未必分到.......我覺得最經典嗰味嘅係"炸子雞"，隻雞一定係冰鮮。冰鮮雞如果處理得好嘅，都可以整得好好味。可惜佢隻炸子雞係"梅"嘅.......而且可能未解凍得透，啲雪味好勁。除左雪味之外仲有上幾味嗰個"南乳炸肉塊"嗰啲味，深信係用同一鑊油去炸。搞到好似同一味食左兩次但肉質唔同lor~而外觀方面，隻雞切得唔靚之餘，本身隻雞嘅表皮都唔係完整。對於隻雞我唔會奢望好好食，但至少可以擺得入口，隻雞真係有少少失敗。而個紅豆沙同糯米飯又唔錯，紅豆沙幾多紅豆。…さらに見る

0靚妹成日去西灣河搵食，之前都食過泰軒，都唔錯。係之前有一次食過個乾炒烏冬油左少少。咁啱今日娘親唔想食飯，我哋就去泰軒買左兩盒外賣炒粉麵做晚餐。一個係乾炒雞肉河，一個就係黑椒牛柳絲炒意粉。經過上次經驗之後，0靚妹仍然失策，落單嗰陣唔記得話少油，到十分鐘之後拎嗰陣先醒起。打開盒乾炒雞肉河嘅時候，娘親有啲驚訝。因為份量幾夠，絕對適合我哋呢啲大食之人。再睇真啲發現佢地用嘅係幼身嘅河粉（即係出面食魚蛋粉之類嗰啲幼河粉）。通常啲食肆炒親河粉都會用粗身嗰隻河粉，佢地用幼河粉，我幾欣賞，因為幼河粉係滑少少嘅。而啲雞肉份量都唔少，幾好！然後，打開埋盒黑椒牛柳絲炒意粉，份量同樣地都係幾夠。啲黑椒好香，坐左喺附近嘅淹占細佬都因為啲香味行過唻八下，仲整左啖食下。佢咁淹占都話好味，就真係唔錯！而個黑椒又唔會話太辣，但夠香，會好開胃。而啲牛肉就大塊啲，唔係牛柳”絲”，但味道OK嘅！兩個炒粉上色上得幾好，幾均勻。我幾欣賞佢哋會落少少蔬菜落去個粉度。乾炒雞肉河就有啲芥蘭苗、粟米仔同紅蘿蔔等，而黑椒牛柳絲炒意粉就有啲青椒、紅椒同紅蘿蔔等。本身個粉已經上色上得唔錯，再加埋啲蔬菜落去，賣相個吸引度增加唔少。有少少菜，食落唔會好膩。另一樣我幾欣賞嘅就係佢地會落下蔥同洋蔥之類嘅野去釣下味，會香啲，又可以有啲野咬下。我覺得最重要係啲蔥同洋蔥之類嘅野可以幫到佢地落少啲其他調味料或者味精，唔會搞到啲野太鹹，食完都唔會覺得好口渴。不得不提嘅係0靚妹怕呢兩盒嘢會多油嘅問題，最後結果係幾好，唔係多油。至少食完之後，個飯盒上面唔個仲有好多油留左喺度。呢兩盒外賣係跟埋飲品，我哋揀咗熱檸茶。由於佢地唔係提供一包包嘅糖，係幫我地落埋，落單嗰陣呀姐仲會問我地要幾多糖。通常人地都係求其幫容落少少就算，唔會問，但佢哋又幾細心喎兩盒味道幾好嘅外賣仲要連埋飲品都只係64大元，真係夫復何求？…さらに見る

今次唔使等位好耐，食lunch時間算係咁~叫左個最平嘅"味千拉麵"，唻到睇落好似有好多、好似好大碗咁，但實際係有好多芽菜喺個碗底度.........不過，味道又真係幾好嘅，聞落都好香下，而且上菜都幾快。而且麵係熱ge~可惜，佢啲麵一次細碗嗰一次........上次都唔係咁細碗ge~d staff又唔多理啲客wor~叫左好耐先有人理下，人地都未講曬要咩就想行開咁.......我地有朋友遲唻，我地叫野食先。明知仲有人未唻、未叫野食，個staff都仲要收起曬啲menu，叫住佢先掉番低一本menu喺度........佢都唔知係咪做生意ge~如果唔理碗麵嘅size同埋啲staff嘅態度，加左一之後，都要$37嘅lunch都尚可嘅。…さらに見る

之前去過一次都覺得一般，無諗過再去食。點知琴日朋友話想試下，唯有跟大隊......我地總共叫左五款野。今次試左佢個招牌"燒龍蝦仔"，以龍蝦唻講$38一隻，好似幾抵。我地揀咗用蒜蓉燒，蒜蓉夠多，幾香。不過，佢啲蒜蓉超鹹......我地仲叫左個"燒菜心"，都幾硬。我唔肯定係條菜老，定係佢都燒熟透，又抑或呢個係"燒菜心"應有嘅口感......朋友話除左見到塊菜好似有少少燒到煨煨地之外，食落唔似燒.......跟住，有燒鰻魚，呢個無咁鹹，還可以。另外，我地仲一人叫左隻"燒蚌"食。由於都係用蒜蓉泥燒，所以同"燒龍蝦仔"一樣都係咁鹹。最好笑係佢張紙寫話係$10一隻，個職員話琴日要收$12一隻，或者呢啲就係嗰啲所謂嘅"海鮮價".......最後，我地叫左個"燒魷魚筒釀糯米飯"，我地用左半個鐘頭有多嘅時間去等.......我地見得左好耐問下個呀姐，佢竟然會同我地講"整緊ga la~要食好野，就要等下ga la~"我唔知俾咩反應佢好lor~"好野"wor~終於等到上菜，唻到嗰陣，佢幫我地切開左，好多糯米飯喺個魷魚筒度跌曬出泥。佢地糯米飯有幾粒臘肉喺度。呢味係咪真係好野就見人見致la~PS: 味道呢啲就真係好個人嘅，以上係我個人對食物嘅感覺..........…さらに見る

當時身在佐敦，有啲口痕，聽人話佐敦八文樓有幾間串燒食，走入去搵，搵到呢間"龍蝦燒"。見一個人食就叫左一串雞同一串牛，諗住呢啲係最大路嘅野，差極都有個譜。今次係買外賣，拎返去原本身處嘅地方食。一拎上手，隔住個袋摸一摸，會係比暖嘅程度再高溫少少，至少唔係熱到會縮手。經過短短三、四分鐘路程，已經變到微暖。我有好大疑問，串燒呢啲即刻燒嘅食品唔係應該會好熱熱到會令人縮手嘅咩？聞到都幾香，味道就一般la~食完先大件事，幾口渴，呢間啲味精都幾重手......…さらに見る

大年初三夜晚，我地一家同埋成大班朋友(約30人)留左兩圍檯叫餸食飯，順便團拜。一入到去，侍應帶我地經過廚房同洗手間去到一個地方安頓我地。每一戶人一入到泥除左講啲例牌恭賀說話，就會立即問「呢度係咪僭建ga？」明顯地，嗰度係間舖嘅後巷用啲金屬板搭嘅「廳房」。另外，由於呢間「廳房」近洗手間，所以亦會不時發出一啲「飄香」。呢度嘅環境確實麻麻，但就我個人而言環境並唔係最重要，最重要係啲食物質素。有人負責拍板叫餸，每張檯各叫左1隻燒鵝、1隻豉油雞、羊腩煲、鮮魚三食、胡椒豬肚魚湯、西芹炒蝦仁、清炒菜心1碟同清炒芥蘭1碟，每人仲叫左一碗白飯或者湯米粉。可能肚餓嘅關係，覺得第一樣起嘅燒鵝幾好，隻鵝都烤得夠香。鮮魚三食先開始嚟料，其中一食係豆腐魚骨湯，都過得去嘅，但鹹左少少，有少少味精；第二食就係條魚起肉炒球，都幾多塊，勝在夠「襟夾」，都係啲普通質素；我覺得最大問題就係第三食－炆頭腩，啲頭腩嘅脆漿甜到飛起，嗰啲甜味唔係落糖嗰啲甜味，係過多味精嘅甜味。之後嚟嘅羊腩煲亦都令人失望，羊腩唔夠「淋」。煲野都幾大煲嘅，但係成煲野佔大部份都係筍同支竹，羊腩得嗰少少，佢咁大煲都係靠啲筍同支竹墊高。豉油雞同西芹炒蝦仁相對呢講叫做無咁大問題，亦無驚喜，因為大家明知隻雞係冰鮮嘅。個胡椒豬肚魚湯嘅味道麻麻，有啲講唔出嘅味道。最可悲嘅係嗰兩碟清炒菜心同清炒芥蘭，我地連呢兩碟菜都食得出有大量味精。本來兩碟菜心同芥蘭都好靚、好嫩，可惜上菜嘅次序同大量味精搞到變成失敗之作。最後，我地加多一碟揚州炒飯，可惜一見到呢碟「油淋淋」嘅炒飯，再諗番之前食左啲特大味精含量嘅餸，我已經無興趣再食……佢地仲送啲唔多靚嘅綠豆沙。總括而言，每一樣餸都落左大量味精（雖然我知道出面應該無乜邊間食店係唔落味精，只不過佢落嘅份量過量……），相信成餐飯唯一無落味精嘅會係白飯。如題，今餐係可以試清味精係咩味……P.S. (1) 我地叫左幾支啤酒，佢全部同我地開曬放喺個啤酒筒度，仲要俾多左我地，好似屈我地幫啲啤酒妹填數。搞到我地飲唔曬又無得退，開左又拎唔走。 (2) 佢個女洗手間係喺廚房入面，女洗手間就對正「執碼」嘅地方，可想而之佢嘅衛生情況係點……我諗我喺食野之前見到呢個景像，我應該唔會點敢食野………さらに見る