wayneckk's Profile

食物好一般，咖啡還算好。價格偏貴，只可以話空間感係比其他餐廳好, 價格反映用餐環境...多士厚，不過都係d芝士鋪面去焗，pizza好過佢......蛋，無味，唔嫩，有外表無內涵......牛油果蓉，少，無咩味又唔香......咖啡，醇厚微酸，奶都正常濃稠地點，唔就腳，無車到，自己行去或者踩單車過去。夏天就要諗諗。整體，有錢無地方駛可以試下。不過香港太多呢類餐廳，性價比高過佢多的是...…Read More

呢間餐廳前後到訪三次，頭兩次整體經驗中規中距，食物可以，服務員不足。今次中晒伏。第一，坐低即問飲乜茶，新加坡餐廳晚飯都要俾茶位，6蚊位，不過都叫有享用過，做法合唔合理見仁見智。我就無諗過呢類餐廳突然改成要付費茶位。其次，問完要乜茶轉頭放低左碟雲耳小食，諗住咁好無黎一排有改善送小食，最後收左15蚊。雖然平，但係無講就焗你要，呢種行為本我就覺得幾粗暴。第三，呢餐叫左個之前無既二人套餐，熱炒叫左碟「秘製燒汁排骨王」，結果黎左碟我個人認知既「茄汁豬排」茶記版。至於甜品「清心丸綠豆爽」，黎到見到既係貌似粟米羹既生粉甜水，唔好話綠豆，連綠豆皮都唔多見到。食完覺得人生浪費左自己編排既一餐。食完結帳人均250，本人只能心中說聲「伏左」。…Read More

兩餸: 生炒骨加肉碎煮白菜飯量: 比正常多價錢: 兩餸42 送包維他檸檬茶味道: 如題。白菜好多渣，肉碎好少，純粹食個芡汁。生炒骨入面又硬又乾，食落似一粒外面好多汁既豬肉乾，個汁超甜。..............................結論: 真心最難食既兩餸飯，或者其他餸好d喇，不過我就無下次囉。…Read More

長話短說，中午到亞泰買外賣，買左葱油雞排配檸水。先講飯盒，可能見識少，無諗過葱油雞排係炸子雞咁，仲乾掙掙似雞肉乾。之後見杯檸水就有火，成杯都係黑色浮點，似鑊撈。係都好d，完全唔知係乜。一杯檸水咁簡單都咁樣樣，其他不敢想像了。…Read More

晚餐點了二人餐，有畺葱炒蟹或蒸海上鮮 + 炒時菜 + 椒鹽中蝦 例牌+ 蒜蓉粉絲扇貝，盛為308。價錢中等，炒蟹用水蟹，一半用中蟹一半用小蟹合成一碟... 扇貝四小隻（好細），多油無味...中蝦四隻，好食不過份量太少。時菜最大碟，不過沒有選擇，廚房決定。兩碗白飯，很細碗，一個網球般大。每碗20。環境尚可，不過近馬路會食塵。晚上客人不算多，很多吉枱不用等位。衛生程度一般，正常大排檔......總結，不推薦亦沒有下次。…Read More

在Openrice找到了這一中菜餐廳，瀏覽了它的食評和相片，感覺不俗可以一試。結果，物非所值。從照片看上來，食物和環境不錯。食物算多選擇，看起來像很惹味。環境也算有特色，不像普通餐廳般單調。可惜，我這一餐有以下幾點感到失望。1. 很多在餐單上的食物都「售完」。大部份都是比較普遍和網民建議的菜式。如燒茄子、羊鞍、蒜蓉通菜...等。2. 價錢很浮動，餐單上的食物價格和網上看到的相差不小，而且日子相隔不遠。特別的是價格都用Label紙貼上，能隨時改動。3. 食物質素及烹調參差。我選擇的幾味菜式都相當油膩，如蒜蓉豆苗(而且是老豆苗)、蒸龍躉(名是蒸的，但成碟油)、炸桶蠔(油是流出來的)...等。另外牛仔骨煲沒熟透，有部份還能見血。4. 服務不佳。我倆人下單後數分鐘想到下單菜式太多，立刻通知服務員取消兩隻炸桶蠔。結果，她馬上遞上這菜式。雖然，有可能它真的剛做起，但我倆點的湯還沒到，可見沒有考慮上菜次序。5. 環境金玉其外，敗絮其中。雖然環境有特色，牆上掛滿舊香港老照，可惜清潔情況不佳。餐枱和椅子都沒清潔乾淨，還留下不是飲品跡和食物跡。還未坐下便要自己抹枱抹櫈。最後倆人吃了手撕雞小碟前菜，蒜蓉豆苗，黑椒牛仔骨，特色蒸龍躉，兩隻炸桶蠔和兩個湯。埋單加一 $640。…Read More