Cur的個人專頁

又掛住d燒肉，又掛住d芝士，一於同朋友約起來，去炑八~- 厚！厚切五花腩套餐有齊牛，豬，海鮮，蔬菜，內容非常豐富。牛舌同墨魚燒好加海鹽食最鮮味~濟洲梅花肉同彥陽牛肉用生菜包住食最惹味~厚切五花肉同炑八牛扒店員會換一塊鐵板幫我地燒黎食，呢個時候可以一邊燒住棉花糖食住等~厚切五花肉外層焦香，入口鬆化，充滿油香。炑八牛扒口感軟嫩，牛味濃~- 夾心棉花糖配朱古力威化餅估唔到食韓或燒肉都可以玩下燒棉花糖，仲有朱古力消化餅夾住食，作為燒烤甜品真係唔錯！- 馬格利生米酒易入口既米酒，岩哂女仔飲，甜甜地比較清爽，配燒肉食非常不錯呀！…查看更多

私心推介樂天皇朝必定必定要食呢三樣👉沙拉排骨 $118厚切豬扒肉質鬆化有肉汁，外層炸得非常酥脆，沙拉醬帶點香甜，最緊要醬夠多，其實份量都不少，但太好食次次都要同朋友搶食😂大大力推介！👍👍👍👉驢打滾 $48糯米皮與紅豆沙餡卷成一條，外面沾滿黃豆粉。口感超級軟糯，冰凍凍，仲有紅豆沙既甜同黃豆粉既香，成件事說就係好味兩個字~食左最多肥兩磅，唔食會後悔幾日😌👉小籠包 $72招牌野唔洗多講，皮薄多汁餡靚，原味最好食🤤仲有個餐前小食栗子花生都好正，甜甜糯糯，但最近去食變左青瓜~推介完畢💓#樂天皇朝 #八色小籠包 #小籠包 #驢打滾 #沙拉排骨 #香港必吃 #香港旅行 #香港探店 #青衣美食 #hongkongfood #yummy #香港 #香港美食 #food #好吃 #美食 #香港餐廳 #美食推介…查看更多

香港有不少東南亞菜餐廳，但好吃的真的不多，而大角咀的越旺美食是我和家人都很偏愛的一家。由奧運站出發走路大概10分鐘就到店，餐廳空間不少，座位很寬敞，吃著也舒服，適合一家人或三五知己。 餐牌選擇不少，越式馬來印度都有。也有二人餐三人餐，很化算！我們今次選擇了散點！先來一杯椰汁綠豆冰，甜度剛好，冰冰涼涼的，太消暑了！叻沙海鮮參參 喇沙湯底十分濃郁，米粉油麵摻著吃，一口盡是吸滿鮮喇沙湯的米粉和口感實在的油麵，海鮮也有著鮮味。豉汁炒蜆蜆很大只，肉厚，味鮮。配搭著惹味的醬汁！馬來奶油蝦 蝦大只，每只都掛滿了奶油汁，非常濃郁的奶香牛油香咖喱葉香，必需用嘴巴剝殼，一點不留的把蝦身上的奶油汁啜乾啜淨，太好吃了，這個奶油汁絕對下飯。越式炒雜菜 多種蔬菜混合以蒜蓉爆炒，口感很是豐富，味道帶著一點點甜，再撒上炸乾蔥，更是惹味。平凡的菜式但是真的好吃。…查看更多

最中意炑八每隔一排都會出新款主題套餐，岩哂選擇困難症既我。每次去都唔洗左諗右諗，叫套餐兩個人已經好夠食，仲可以試到新野！今次係[蔥蒜的逆襲套餐] $895，有齊牛，豬，雞，海鮮，性價比相當高。我地仲另外加$45加左半份人蔘雞湯，湯頭都好濃郁，配個白飯應該好唔錯！除左沙律，所有前菜都可無限添加！溫馨提示:食得哂先好嗌。爐邊蛋同芝士都係可無限添加，芝士真係超級好食呀~極上蔥蒜牛助骨，蔥蒜牛五花，本身係甜甜既淹汁，上面再加上大量蔥蒜，燒起來特別香，好惹味！LA骨亦係淹左甜甜既韓色醬汁，肉質比較軟腍，呢款係我大愛之一！和牛西冷，油脂最豐富既一款，底面令邊燒一陣就食得，簡單加少少鹽已經好好食！梨汁雞肉亦係上面加左蔥蒜，帶點果香相當誘人。而醬油五花肉亦係我至愛之一，剪成小塊燒至油香四溢，焦香到不得了。兩只大蝦，帶膏，味道也鮮。青醬帶子生蠔帶子鮮甜，生蠔飽滿，但我更愛埋在下面的大量拉絲的芝士呢！最後飲埋杯氣泡十足既荔枝梳解一解膩就完滿了。又是大滿足的一晚！…查看更多

朋友來香港旅行，帶佢去大圍試下金牌燒乳鴿。新強記位於大圍站附近，上天橋過對面就到，好方便！下次朋友再來旅行自己去都輕易去到😃今次我地叫左個海鮮孖寶套餐，加多一個小菜，同一隻乳鴿，最後仲有糖水奉送~海鮮孖寶B餐 $288包括半斤白灼海生蝦，金銀蛋浸時蔬，蜜汁叉燒皇。有三樣野，都幾抵食！估唔到海蝦都幾大隻！色澤光鮮，鮮甜爽滑，好新鮮~金銀蛋浸時蔬叉燒雖然menu寫是小份的，但份量也不少，朋友要求要瘦叉燒，雖然肉比較瘦，但肉質軟林鬆化，不柴，醬汁香甜濃郁的。粟米龍躉石斑塊 $168魚塊好吃！但更喜歡這個粟米蛋花獻汁，晶瑩剔透的，濃稠適中，剛好掛在魚塊上，真的好吃。金牌燒乳鴿 $68/1隻未食先聞到香噴噴，令人好有食欲！皮超脆！肉質軟嫩有肉汁，食到停唔到口~最後仲有糖水送！又是大滿足的一晚！…查看更多

又去 chumchummi 止口癮😌對於我黎講實在太方便，葵興站一分鐘腳程，朋友都無值口唔過黎陪我呢個葵涌人食正野~店員先為我地送上前菜，有泡菜，江魚仔，蓮偶，翠玉瓜，作為開胃小食好不錯。仲有我至愛既既鐵板拉絲芝士粟米，非常邪惡！醬油蟹套餐 $220包含一隻醬油蟹同一碗芝麻炸紫菜碎飯，醬油蟹鮮甜，肉質有彈性，蟹膏又多又甜，沒有一點鯹味。將紫菜飯釀入蟹殼中，lo埋蟹膏同醬油一齊食更絕。雙拼炸雞(一份) $180選擇困難症就是喜歡一次試哂兩款味。我地揀左原味同蒜味，件件炸得金黃，令人很有食慾。一口咬下咔滋的香脆~肉嫩多汁。蒜味的比原味的更香更惹味，不過吃完小心咀臭🤣一邊配著旁邊的酸蘿蔔吃就是爽。紫菜飯卷+韓式粉絲+年糕魚餅好喜歡這個可以一次試三款美食~中意韓國飯卷同韓式粉絲充滿著好香既麻油味！年糕軟軟糯糯，很辣很過癮！又係大滿足既一晚🤰🏿…查看更多

相信一講起去大圍食乳鴿，大家都會第一時間諗起新強記。每次突然乳鴿癮起，都會同朋友搭地鐵過去食，地鐵行出黎過對面就係，好方便！今次我地無食套餐，散叫左兩隻乳鴿，兩個小菜，白飯，最後仲有糖水奉送~金牌燒乳鴿 $58/1隻一上枱香噴噴，令人好有食欲！皮超脆！肉質軟嫩有肉汁，食到停唔到口~新強記小炒王 $128大大隻蝦乾，魷魚，腰果，韮菜，真材實料，鑊氣十足很惹味，送飯送酒都一絕~蒜子炆火腩大鱔煲 $238火腩同大鱔塞滿煲中，沒有過多配料，很足料。鱔肉肉質彈牙嫩滑，鮮味足，火腩入口鬆化，帶出大鱔的鮮味~最後仲有糖水送，南瓜西米露，紅豆沙任君選擇~雖然係送的，但味道都唔錯，南瓜西米露食到一絲絲南瓜肉，唔會太甜~又是大滿足的一晚！除左散點，仲有幾款套餐可以揀~冬天有羊腩煲~燒鵝同雞粥都係必吃之選呢~…查看更多

天氣凍就好想食燒肉架啦❄️🤤要食無限refill芝士暖下個肚仔🧀炑八韓烤🔥－特級牛肋骨最中意呢個甜甜既醃料，非常入味又唔會蓋過牛本人既味道~韓牛前胸肉 牛味濃濃，口感彈牙有嚼勁~厚切五花腩 肥瘦均勻既花腩，燒到兩邊金黃，入口油脂係咀裡跳躍，滿足~蒜蓉牛油金針菇 份量很大，蒜泥牛油同金菇最夾，入口香濃惹味~韓式豬皮配炒芝麻口感軟糯qq，配搭著香口既芝麻同甜甜既醃汁，絕對會一塊接一塊咁食~海鮮煎蔥餅外脆內綿既煎薄餅上鋪滿了海鮮，又鮮又香，口感太豐富了~然後發現了新既吃法，放涼了既煎餅放上爐上，兩邊都燒一燒翻熱一下，然後在上面放上很多芝士再燒一會，絕了！當然不少得每人一杯梳打，大杯又好喝~又係大滿足既一晚~－走果陣見到韓牛毛巾好攪笑，好岩做聖誕禮物咁😝世界杯關係，餐門入口有勁大個backdrop可以行埋去影倒掛金勾相，幾得意😆…查看更多

聽到百多元的火鍋放題，通常都會聯想到不是環境差就是食物差。但今次想推介這家開業不久的[台北東南台式火鍋]，環境寬敞舒服，食物有誠意，晚市每位連加一$185食足兩小時，星期六日都係呢個價！飲品區各式罐裝汽水，紙包飲品，樽裝汽水，冷泡茶，選擇不少！各式蔬菜菌類，丸類，牛柏葉，水魷，涼拌小食等等，一應具全。各式台式炸物看著就好有食慾！推介香芋薯球，新鮮炸起外脆內軟糯，小小一顆，多吃幾球也不膩關東煮，茶葉蛋，肉燥飯，麻辣小吃另一邊還有各式甜品，糖水，人太多就沒有拍到照片醬料區很值得留意，衛生整潔程度值得一讚。醬料款式超級多，而且每款口味都很濃郁，相信店家是有用心去挑選過的。桔醬，甜不辣醬都比較少見，特別推介麻醬，麻辣醬，沙茶醬！讚好專頁免費送蜂蜜綠茶和水蜜桃綠茶我們選了秘製沙茶魚頭鍋，原湯及沙底都可以追加，特別濃郁食物上台很快，點完不久就送來了，滿滿一桌這個價錢給你肥瘦均勻的牛板腱，而不是平價肥牛，很有誠意了羊肉也好吃，嫩滑的，也有羊鮮味蛤蜊，墨魚仔鮮甜最推介牛骨髓，墨魚仔，牛板腱，羊肉這個午市半自助餐每位一百有找，我覺得也可以一試！…查看更多

近年香港有不少東南亞菜餐廳，但好吃的不多，而大角咀的越旺美食是我和家人都喜歡的一家。由奧運站出發步程不用10分鐘就到店，餐廳空間大，座位很寬敞，吃著也舒服。餐牌選擇不少，越式馬來印度都有。也有二人餐三人餐，散點選擇更多。馬來濃湯蝦麵可以選辣度，麵可以摻摻。這種細節位都兼顧到，未吃已先加分了。中間是兩只大蝦，魚片豆卜腩肉青菜伴著，還撒了蔥花和炸蒜，橙色的湯頭看著就覺濃郁，還有那個紅紅的靈魂辣椒醬，賣相很不錯。味道也果然沒失望，米粉油麵摻著吃，一口盡是吸滿鮮甜蝦湯的米粉和口感實在的油麵。馬來奶油蝦7只肉嫩彈牙的大蝦，每只由外到內都沾滿了濕潤的奶油汁，奶香牛油香咖喱葉香非常濃郁，必需用嘴巴剝殼，一點不留的把蝦身上的奶油汁啜乾啜淨。有條件的(不怕胖)建議加點一個白飯，這個奶油汁絕對下飯。越式炒雜菜抱著"越式即是什麼味道呢？"的心態來點了一份。菜芯，西蘭花，椰菜，芽菜，切片雞脾菇，蕃茄，洋蔥，多種蔬菜混合以蒜蓉爆炒，口感很是豐富，味道帶著一點點甜，再撒上炸乾蔥，更是惹味。看似平凡，吃著呢，又覺很不錯麻。其他菜式：餐牌：…查看更多

好掛住韓國既美食呀！唯有係香港食止下癮！kcc既 chumchummi 好味又正宗。今次夜晚黎食，環境寬敞舒服，同朋友邊傾邊食就岩哂。店員先為我地送上前菜，有泡菜，大豆芽，蓮偶，醃蘿蔔，酸酸甜甜辣辣非常開胃。仲有邪惡既鐵板拉絲芝士粟米都好好味，令我地非常期待黎緊既菜式。醬油蟹套餐 $220包含一隻醬油蟹同一碗紫菜飯，呢個醬油蟹新鮮甜美，蟹膏又多又鮮，配埋甜甜既醬油食味道更鮮甜。蟹膏配紫菜飯又係一絕。雙拼炸雞一份 $180我地揀左蒜味同甜辣醬，一上枱呆了一呆因為好大份。一口咬下熱辣辣，外皮香脆肉嫩多汁。蒜味的更香更惹味，甜辣醬的醬汁甜甜，配旁邊的酸蘿蔔吃很解油膩。炸蝦紫菜飯卷薄薄既飯包裹住滿滿既配料同香脆炸蝦，一口吃下多種口感同滋味，韓國飯卷真係好誘人！環境舒適，味道好，店員都好nice，今晚真係大滿足！…查看更多

雖然暫時唔可以去日本，但其實係香港都可以食到好出色既日本美食。今日就同朋友黎燒肉臻盡情享受高質日式燒肉~今次我地就選擇左吧枱位置，可以一邊食一邊欣賞師傅燒肉嘅技巧~先點了兩支果汁梳打，邊喝邊等待美食~也點了份青蘋果沙律，開胃也解膩。每次去住日本溫泉酒店，都會吃到燒魚干，在香港也能吃到真的很滿足！牛肉盛盒既幾款牛係師傅發板既，用梯架出場相當吸睛，眼見差不多每枱都作點一客。由上而下共有7種唔同嘅牛肉，主要分為日本和牛和美國牛，師傅介紹要由高層開始食到下層，上層是油脂最豐富，續層吃下去就是牛味愈來愈濃。美國盛盒Prime級三角肥牛，牛小排，封門柳美國牛雖油脂不多，但香濃既牛味就是令人愛她之處~國產A4級 SP 和牛肉眼這款是我今晚最回味，油脂豐富，入口充滿牛油脂香，每一口都是爆汁的，回味無窮。日本雞頸平常少吃到的部位，口感紮實爽口。活蟶子，活帆立貝，南非鮑魚肉厚多汁，鮮甜彈牙。食材新鮮，只要簡單嘅燒法，就充分帶出鮮味。食物高質，店員非常有禮及耐心，令客人吃得開心，今晚真係大滿足~…查看更多

之前親戚請我地黎新新食懷舊菜，覺得好唔錯，今日同朋友係呢附近整d野，就諗到再去食呢度食吧。好在預先訂左位，平日7點黎到已經全場滿座。我地一行四人，唔想諗，直接叫了四人餐。$738有鮑魚有翅，相當抵食。除左四人餐，仲有其他孖寶或散叫可選擇~招牌燒鵝拼叉燒皇叉燒係瘦叉，岩哂怕肥既友人口味，燒鵝皮脆有肉汁，充滿鵝油香~露荀炒花枝蝦球蝦球大只，彈牙啖啖肉，花枝味鮮，配搭爽脆露荀，味鮮清新~濃湯灼時蔬清清地的上湯浸生菜~咕嚕黑豚肉酸酸甜甜的咕嚕肉，肉質鬆化，外皮仍然保持脆度。鹽擦南非六頭鮑魚鮑魚個頭大，彈牙肉厚，椒鹽金蒜香口惹味~濃湯雞煲翅我自己本身唔食翅，目測翅量不少~友人則話湯頭濃郁鮮甜，真材實料~雞煲翅的雞，沾上豉油吃也不錯~總括而言，套餐物超所值，難怪平日也爆場呢~今晚大滿足！…查看更多

去大圍探朋友，之前都係下午過去，朋友就帶我地去新強記嘆點心同大圍三寶，佢既乳鴿真係一試難忘，皮脆肉嫩多汁，食到停唔到口~今次晏左入去，所以去食晚飯~我地叫左個$498餐，另外加白飯~套餐包括大班兩味，要自選兩款小菜~翡翠炒龍躉斑球斑球大件肉厚味鮮，配以甜豆彩椒，以xo醬爆炒，又鮮又香，非常惹味。金蒜蒸龍躉頭腩肉質紮實啖啖肉，粉絲吸收了魚油與鮮味，好吃~西蘭花炒雞片調味跟炒斑球是一樣的，同樣是以xo醬爆炒，嫩滑的雞片配以西蘭花，彩椒，惹味。梅菜扣肉煲肥瘦均勻，肉質鬆化。梅菜扣肉，一定要一山白飯，很下飯！另外仲有燒鵝乳鴿套餐，$398跟兩個自選小菜,很實惠！也有其他套餐供選擇~散叫亦可。今晚大滿足…查看更多

7月朋友生日一個接一個，今次朋友想特別啲食私房菜，我哋book咗呢間網上評價唔錯嘅榮哥私房菜。嚟食之前就睇到矩佢每款菜式都有獨特特色，多款菜式選用黑豚肉製作，菜式賣相精緻，令人好有食慾。平日七點半嚟到都差唔多坐滿，店面以多塊夾板分隔出不同區域，令人食得放心。我哋一同四人被安排坐喺一個角落位置，夠曬舒服傾計一流。坐下後店員問我哋要咩茶，我哋揀咗龍井 。 然後店員為我哋送上兩款開胃菜，一款係榮哥自家甜酸齋，酸酸甜甜，唔會太淋，夠入味。 另一款係黑白雲耳，酸甜爽脆，好開胃。然後係一份開胃頭盤，賣相非常精緻，分為三部分。中間嘅係雙色墨魚仔，彈牙嘅口感配上甜辣嘅醬料，味道唔錯。右邊嘅係本地水耕沙律菜伴芝麻醬，新鮮嘅沙律菜配上香濃芝麻醬，非常開胃。左邊嘅係茶燻流心蛋伴黑魚子醬配厚切茄子，茶燻流心蛋味道獨特，配埋下面嘅炸厚切茄子食，味道清新出奇地夾。原鼎燉龍利葉青欖柑桔黑毛豚肉湯一碗足料嘅燉湯唔需要靠味精同太多調味，呢盅燉湯十分足料，味道濃郁甘甜潤喉，各人大讚。蝦球水芙蓉香滑嘅蒸蛋白上面林上晶瑩剔透嘅甘筍芡汁，配以一隻大蝦球，味道出色也很精緻。黑松露醬炒花尾躉班球配鮮露筍班球鮮味肉厚，配上黑松露醬更顯矜貴。遠年新會陳皮黑豚肉排骨這個配搭令人有驚喜，能吃出陳皮香之餘，同時中和了炸黑豚肉的膩感。蜜椒比利時社洛克st.louis橄欖豬肋骨金銀蒜香有機時令蔬菜農坊獨頭糖心黑蒜炒飯炒飯粒粒分明，焦香軟綿，每口都能吃到甜甜糯糯的糖心黑蒜。最後還有甜品薑汁黑芝麻湯圓，濃濃的薑汁湯很夠辣，配上流心的黑芝麻湯圓。由前菜到甜品，每一味菜都能看見廚師的誠意和功架，今晚真係大滿足。…查看更多