neville628's Profile

每次放假都會同老婆兒子去這餐廳吃早餐，因為兒子喜歡火腿通粉，平常我們都會於10點半前到，因為會比較少人。今天遲了10分鐘，拿了3人飛，還有2張就到我們，常理，15分鐘應該差不多，怎料等了15分鐘才叫了一張3-4人，我好奇企近D去留意下，之後的15分鐘，總共5，6次，有3人的檯，門口那個阿姐就會2+1或1+1+1咁叫人搭檯，唔怪之得我等成半個鐘都冇三人枱，原來一有三人位佢就會咁樣叫人搭枱，我跟阿姐反映：咁樣我永世都等唔到三人枱啦！！去先至好不情願咁講下一張到你，垃圾的管理安排！！…Read More

每個星期六帶老婆去搵食已經係疫情下既指定動作，今日去食牛扒，去到太子金鳳，排長龍，大肚婆唔企得，膽粗粗去試下金翠，因為有位唔使等。Order 兩個餐，鐵板西冷 5 成 同鐵板牛柳 4 成，湯同餐包唔錯，到上主菜，賣相幾好，開始從邊切過去食，肉質 ok，係西冷筋多，但去到中間就瀨野了，5 成西冷變 3 成，4 成牛柳變 2 成，完全唔掂，兩個餐放哂喺檯，侍應收野問係咪唔要，我點點頭，笑左一笑，同佢講問題所在，佢一句唔好意思說走開左，即係點？以後唔會去幫襯…Read More

同老婆去吃碗粉面，大排檔，衛生一定比其他差，但起碼食物要乾淨，食碗牛腩米有4條毛，問侍應，竟然話牛腩一定有毛，我真係第一次聽，連幾十年街坊都昆，以後唔會幫襯。之前已經有好多次外賣側側搏雙拼變單拼，打去問，佢話你拎碗面返轉頭，俾返錢我，試問有邊個會？一來一回都變哂質啦。不知所謂。…Read More

同老婆行過旺角有少少餓，見到呢間裝修唔錯，下午茶時段都有幾台客，門口餐牌D相又唔錯，所以入去點左兩個餐，澳洲西冷，手打漢堡，漢堡勉強接受，但西冷連切都切唔開，唔係 overdone, 完全係老。差爆，最搞笑係埋單老闆見到問都無問，呢種做生意既態度，掂…Read More

星期二有朋自遠方來，上網見到呢間，就買左 coupon 夜晚去食，點知坐低先知原來要預訂，自己 overlook 左，唯有散叫啦，張 coupon 留下次用。叫左個煙三文魚 Cesar salad，好大盆菜，但三文魚得幾塊。卡邦尼意粉，個汁太 solid，入口個汁完全一 pat pat，味道唔夠濃。主角登場，肉眼扒，五成熟，上檯幾靚，但一切落去知瀨左野，完全切唔開，入口韌到呢，完全唔想食。呢餐盛惠 $477，唔貴，但唔值。今日去用埋張 coupon，salad，湯，蠔都可以，到主菜我死唔信邪俾多次機會佢，都係 order 肉眼扒，點知我咀叼家姐跟我一樣，結果，當然係媽媽聲啦，我要5成，上檯3成，一邊食一邊滲出血水，又係切唔開的。真係大家樂好過佢，決定永遠唔再去食。…Read More

走了一整天, 跟朋友在旺角搵食, 經過標記樂園, 諗住求其一餐。 點知食果個求其, 煮果個更失敗!!!椒蜜牛柳, 又老又“鞋”, 衰過漢堡包入面舊肉椒絲腐乳通菜, 傳統野無難度, 都炒到一舊舊生粉蠔餅, 上檯見到就唔想食, 皮厚到死, 一夾開就見到蕃薯粉, 蠔餅都咁唔掂, 開乜打冷!!! 垃圾…Read More

辛勞左一日, 可以說得上廢寢忘餐, 一上雅x, 就見到團購介紹一代日式料理, 又有生蠔, 所以便決定約朋友去試下....大約 7 時 30 到達, 個場裝修幾好, 但見個場有 8 成位吉左.....已經開始滴汗侍應好有禮貌咁招呼我地坐底後, 便開始睇 order 紙剔嘢食,魚生：三文魚( ok ), 魷魚( 切太幼, 太難夾), 甜蝦( ok ), 希靈魚( ok ), 八爪魚( ok ).... p.s. 雖然用冰墊底可保持溫度, 但沒有加上保鮮紙隔開, 冰碎黐住魚生, 不太好, 感覺不太衛生.生蠔：真的十分意外, 生蠔用魚生盤上, 而且生蠔一般上檯是連底殼上, 但這個是沒有, 是完全脫殼既生蠔, 完全吃不出鮮味( 不像即開 ),加上他們所調的醬, 太甜, 感覺像茄醬加糖....no good......壽司：蟹子( 紫菜唔脆), 八爪魚粒( 紫菜唔脆), BB 象拔蚌( 味道有點怪, 似唔新鮮)前菜：蟹子沙律, 不夠凍, 差不多係室溫, 加上沙律醬已出了很多水鐵板燒：只有 4 款......牛舌( 多汁, 軟硬適中), 雞肉( ok ), 帶子(真令我很驚訝, 因為從未吃過像 5 毫子般大小的帶子, 比磯燒元貝還要細)串燒：雞翼( 推介, 味道適中, 外脆內軟 )天婦羅：蝦( ok )熱品：三文魚炒飯( 推介, 味道適中, 飯夠煙韌), 清酒煮蜆(一般, 但很多碎殼)總括計, 食物款式太少…Read More