ｈoｎeｙ﹏ｂ＊'s Profile

平時係晚市熟客今日咁岩行過去飲下午茶第一次知有個咁既知客一黎唔會問我幾多位審犯咁大大聲問你飲咩茶呀？！！！由於我唔想搭枱，只係問佢可唔可以唔搭枱？一句「我問你飲咩茶呀？！！！」我唔知以為佢係我老細跟住我再問佢先答一句「唔洗呀！！！」勁其惡相，然後呼喝我地入去然後黎手見到個呀嬸想搶我地張枱後面男經理都識做示意個呀嬸去隔離張枱點知呢個時候個衰知客就冇啦啦衝入黎叫我地過住去隔離枱，繼續佢既惡人惡相！我有錢都唔會想比你賺！我點解要受氣飲食已經唔好景老闆真係多得你唔少…Read More

炸肶係招牌菜就如同主打歌1樣~有質素有保証 !而滷水肶就少不免被蓋過風頭成為待選的side track! 有時做人/待人接物不要抱有色眼鏡~包括在食方面~! 會令你損失很多這裡會令你明白到炸肶只是the best 但其他食物1樣咁出色~夏天皮膚唔好~更怕熱氣食滷水肶岩曬 😃不過等既時間被炸肶還要耐😅少啲耐性都唔得 等左15分鐘左右~一打開盒就有陣酒香 隔住手套都摸啲肉超級熱辣辣~要好小心食落去~雞皮好juicy好似蜜糖滷水味~雞肉好滑又嫩~唯一失色係啲味好似唔太滲到入肉~但個味道真係好一流我個人覺得甜既滷水比咸既好吃得多 同炸肶完全2種感覺~冇得比較~各有千秋未試過既朋友絕對可以1試~ …Read More

今日難得同好姊妹相聚本應十分開心~結果就係因為呢餐飯，心情由彩色變成灰色!本身在the one閒逛~原先想光顧的上海館已給別的餐廳承租了~很失望的說……我地肚仔餓~唯有係商場內再搵間好野食~星期六晚市時間~到處都是人只得這餐廳有空餘位置……就立刻進去了首先~其實不知是那裏開始的文化要規定客人用膳時間😒 如果放堤或多客人我會明白~但這兒確實是多餘！枱與枱之間很近~基本上都聽到隔鄰情侶的悄悄話 和我跟閨蜜的互相吐嘈~真的讓人咋舌……大聲點都不敢呢！水和茶更是欠奉~枱面上放上了一瓶sparking water 是要收費的……高級又不是高級我不知道這裡其實行什麼路線 沒1個服務員臉上掛有笑容~下單也非常心急感覺就是讓客人很不舒服！哈哈~來直接說主菜吧~真心講我可以告佢違反商品說明條例 ~ 有圖有真相說好的鰹魚汁香蒜海蜆燴飯？變左8爪魚丸專用裝飾木魚絲加海蜆加白飯1睇已經唔對路~咩叫燴飯？汁加飯1起煮先叫燴飯？ 雖然啲蜆係上面壓住~但我見到啲飯咁白已經知唔係燴飯~咁我嘗試搵侍應了解睇佢可唔可以比啲汁我我都算數~然後佢答我已經燴左落去……fine…我嘗試欺騙自己我係錯既……即管食左先答案如圖……我全餐飯只有無味蜆食……蒜香？ 蒜頭都冇落…哪來蒜香……說好的鰹魚汁呢？ 木魚絲從何而來？心裡面真係粗口夾雜……連姊妹點最basic既溫泉蛋豚肉飯都係1個伏每塊都係肥膏~點解唔直接叫腩肉/香脂？是餐牌/廚師的錯……我看不透……相片就是吃剩的……根本不能吃下去每人盛惠至少百元……換來就是吃不飽 口難受之後更要去別的餐廳再吃過……唔上黎打負評都對唔住自己完全垃圾! …Read More

☁一口白雲☁呢度出名性價比高，Pancake迷點可以錯過過左開業熱潮，終於冇咁多人排隊可以再試了閒日收工時間經過~只有小貓34隻諗住好快有得食……原來都要等半個鐘……值唔值得等真係見人見智首先~蛋香味真係十足🐣鬆軟就唔洗講啦~睇相都知震騰騰軟綿綿但個人覺得太多空氣了~冇乜咬口但亦都冇咁膩~而pancake同忌廉甜度剛剛好個人覺得topping唔太好味~所以今次點了原味~有少許蜜糖已經很好吃整體上，如果有番D口感就一流了…Read More

來到官也街買手信, 不難見到2條人龍左邊是晃記餅家, 右邊就是安德魯小妹熱愛葡撻的甜香, 一場來到當然要品嚐下店面裝潢較西化, 除了葡撻還有不少特式沖調飲品及盒裝曲奇出售當然還是專攻招牌食物好了星期天只是排了十數分鐘算快吧可能因係人潮關係, 葡撻一早已放在牛皮紙袋雖然沒有熱辣辣的刺激但還非常溫感葡撻表面經香烤依然平滑豐滿, 顏色分佈均勻外皮是一層層的酥皮但稍為厚硬, 當然, 厚實外皮能更穩固蛋心, 但沒有輕快口感個人認為皮薄鬆脆更為上品蛋心在這裡絕對是關鍵！雞蛋味真的十足真的每啖都是濃濃蛋味但敗的也是只有蛋味！ 絲毫甜味也沒有表面的焦糖化也只得樣子……在我有生以來所認識的葡撻是帶焦糖味甜甜的……若只有蛋味……那和普通蛋撻有何分別呢？有時名大於實……我跟某些食家1樣也覺得某連鎖炸雞店的出品甚至更出色不過一試無妨…Read More

一日一啡的我正當口喝非常, 在澳門大堂街附近遊遊走走, 恰巧就走到了蜂大面前~樂透了!小妹還未到過台灣~但對【蜂大】兩字意外地感到非常熟悉 一進鋪那種淡淡的咖啡香~真是非常香! 而不像連鎖店的只得一陣濃烈咖啡苦澀味愛咖啡人士還真不少~店鋪雖小卻擠滿了人周邊都是各種各樣的咖啡豆和沖泡用具大開眼界是3個水滴壺正一點一滴的滴出咖啡感覺每一滴也份外珍貴 (笑)究竟要多久才可流出一杯來~小妹比較怕苦又怕甜點了Iced Latte 正常甜 ~在香港我要點少甜的這裡的正常甜正正就是少甜~感覺很好!口感非常香醇 ~真正咖啡香爽不帶任何酸澀味無論價錢及質素,太平洋/星巴巴等完全給比下去 (讚)如果香港有店就好了♡…Read More

差不多每次過大海也會到這裡吃飯因為是屬於我和另一半的老地方 一種懷念以往這裡經常滿座，要提早1個月前預訂今次如常訂座依時到埗, 眼前侍應得1個……看到我們當看不見那樣~呆站了十分鐘才理會我們……面口更是相當難看……草草問我們什麼事……我說已致電訂位…並沒有核對資料便帶我們入座……一坐低已見碟有很多污積~完全像沒洗過1樣被茶餐廳酒樓的碟還要不堪我來這裡主因有我很喜歡的菜式, 講講先【1】【蒜蓉檸檬蜆】好像已沒有初嚐的驚喜今次落的芫荽蠻多, 完全蓋過了檸檬味還吃了一口芫荽根的苦 OMG但蜆份量還真不少 （讚）上次是這裡的2/3 蜆肉還要掉了 這裡也會奉上餐前包, 用匙敲打像石頭, 但實則外脆內軟 ♡ 【2】【牛油檸檬汁龍脷柳】龍脷柳香煎不錯~味道剛剛好~肉質又滑伴碟薯仔是白烚~沒任何調味~吃到的是薯仔本身天然的糖份甜~喜濃的人會覺得淡而無味【3】【葡式鴨飯】味道還好~飯內有一絲絲鴨肉, 飯面有煙肉加煙肉腸片…不過飯粒軟硬度每次都有多少出入【4】【雜果汁】吃完蜆和飯總覺得十分口乾水是要付費買的……我當然沒那麼笨橫豎要花錢……因不想喝酒~就點果汁好了雜果汁完全喝不出雜果味~得橙味……偏酸的還好是鮮榨的……$6x用大水杯盛載……向侍應了解餐牌…感覺很不屑的完全無服務可言, 感覺真的很差價錢與服務不成正比真的希望你們會有所改善說老實 葡菜不只你們一間這只是逼人光顧別的 …Read More

先母廚藝了得, 連搵好野食都1樣耍家!在小妹讀書時期, 當她不想下廚的時候,也總會買好野番黎比我呢個宅女食第1次嘗到新順興就是託她的福 :)找到這間最合我意的滷水!相隔多年, 小妹已嘗過無數潮式滷水店, 大多都淡而係味,肉質又靱又無口感,這裡的滷水真是最令我回味無窮! 味道偏濃和帶咸, 送飯1流! 所以為了它, 決定專程從屯門乘輕鐵到元朗😅想不到有這麽受歡迎, 十分多人幫襯 排隊也要用上半小時😅食物方面：滷水汁和醋分別是小袋形式包裝的~豬大腸很亁淨,唯一缺點切得比較大舊鴨肉實淨帶肉汁~不鞋口, 點些少附上白醋可中和番滷水的咸味! 味道非常好非常開心多年後都是同樣的味道~令我更懷念與母親的點滴!溫馨提示: 價錢並不便宜2個人的話可以試鴨＞鵝, 會化算一點…Read More

其實而家食放堤真係好貴😓😓😓有水準出名果幾間閒閒地都3百幾up/位有啲直頭4百幾添~不過一分錢一分貨既但唔係個個負擔到架嘛😅適逢小妹牛一,通常朋友請客我好仁慈~梗係搵間經濟實惠架啦 😂😂😂我係0係呢度搵食搵到呢間野既見到咁多好評就即管一試!長話短說~呢度真心覺得有驚喜竟然完全無漏單同上菜算快 ~真係幾意外😂侍應態度都唔差 (當然總有個別人士啦)雖然食物種類唔算多~但質素算幾好某啲食物好食到不停encore我覺得熟食係比刺身優勝得多!刺身太凍~得雪味蓋曬魚味~即係無味 熟食有好多都非常值得推介：牛舌, 炸雞翼, 芝士蝦丸, 香芋球, 羊鞍, 炸蝦天婦羅都勁 甜品都有5/6樣野選擇, 可以試下迷利心太軟同焦糖布丁另外, 生日壽星至少早1日前預訂果時講明~壽星同同行者會有Haagen Dazs雪糕送有曲奇/士多啤梨味2款味比你揀埋單每位都係2百幾蚊 (可以參考番時段)絕對食得過!!! :)…Read More

小妹身邊每個柚子都迷上泡菜國次次生日飯都話要食炸雞好似要試盡每間炸雞先安落咁上星期日下午來到~都好full下好彩有book定枱試左佢呢度最招牌既芝士雞芝士係可以拉架 😂 望落好濃但味道其實偏淡最好食左呢個先~因為芝士凍左就會瓊左就好難點麵包同雞食啦但當你食完呢個先食其他又會食唔落野 😂碟上既年糕同炸物都ok!冷麵基本上無味的~食根本只係食佢啲醬麵質又麻麻~好粉~好似食左一餅野咁至於粉絲算唔錯但配菜仲多過粉絲同肉而且份量好少……3個人share………每人只可夾到一小捽來試小妹自問覺得一般般啦……價錢唔平但質素又唔見得好高……可以試但自問唔會回頭……因為冇乜野特別好食…Read More

因生日有要事要到元朗, 男友為此做功課找了這間餐廳慶祝我的生辰😆😆😆估唔到平時又蠢又唔浪漫既佢識得book呢度幾鍾意餐廳個名~叫＜Forever＞(其實可能係我諗多左 😂)入正題, 餐廳位置都唔算難搵~係千色附近去到門口已經見到入面有好大盞水晶燈大枱主要0係門口大廳位置行入少少近水吧位就放左幾張2人枱當日連我地就有3 pair人係度慶祝2人餐選擇其實唔同~但5百幾蚊呢個價錢算係交到功課 ! 個人很推介主菜黑毛豬配蘋果蓉黑毛豬既肉質非常幼嫩~配埋佢既汁非常好味大蝦龍蝦汁意粉 既汁亦都非常濃郁意粉質地岩岩好~唯獨係蝦得2隻 :(另外, 湯同前盤，甜品都唔錯預先打電話同佢地講還有手寫甜品送要注意的是出餐慢同風口大，野食凍得快總括黎講都算滿意! :)…Read More

三多係九龍越開越多~本應係開心事因為比較方便~唔洗特登再去新界先食到但今次真係勁失望由於食過大埔同旺角店好多次~水準都好高!咁岩今日去紅磡個fd屋企玩~知道又新開左一間~朋友又未試過~梗係諗住買比佢試下啦!叫左總共3樣野~1)三多士 2)炸脾飯 3)炸芝心丸首先, 打開啲盒第1個反應係驚嚇個芝心丸係燶曬!係全深啡黑色!!睇見已經唔想食 張相out左fo我先冇擺上黎!!! 簡直o咀~正常果啲係微微炸~勁大粒!外面少少金黃仲見到白色~係超好食架囉~而呢間呢! 炸到燶曬~縮曬水!個皮又靭又硬又亁想點? 難為我仲係咁同朋友講必推芝心丸直頭想搵窿捐伏! 個3多士係一件西多!!! 唔係咩3多士連切都懶? 人地原本係一粒粒攞去炸呢個係原件上比我仲要係細件好多! 兼好少醬我最無奈就係連我最鍾意既滷水汁飯 個汁都同人地唔同…………旺角鋪係食到我上癮會好掛住……帶有好香甜蜜糖味道既滷水汁而呢度完全係燒味鋪既滷水汁………😧😧😧😧完全2回事黎……點解可以差咁遠??!得1樣值得讚就係炸雞肶真心好食又多汁味道好皮又薄又冇燶……但死啦~如果淨係賣招牌雞肶先好食咁淨係賣雞肶算啦~重點係小吃黎講你地定價算貴~我幫襯既時候仲要係冇乜人咁都交啲咁既野比人? 今次証明了就算材料1樣 來源1樣 不同分店品質大不同希望你們會有所改進…Read More

藍+白=? 當雪糕用上天空咁令既顏色,試問有咩可能唔停低注目( ´▽` )ﾉ-藍色係Vanilla,白色係Tofu-2種都係我鍾意的口味, 所以揀左雙拼!Cup比Cone貴,要加5蚊另外,可選1款topping♡ 個人認為其實唔加反而會好啲因為呢2種口味都唔太夾佢提供既topping只係加左無可否認會突出啲,靚啲(￣∇￣)我就揀左棉花糖, 係真係唔太夾的 (汗)講重點了! 藍色Vanilla味道非常淡亦冇乜奶味反而白色Tofu真係有淡淡豆腐味滲出黎!所以2樣溝埋都只係食到豆腐味咁滯囧值得1讚既係當時天氣好熱~但雪糕keep住非常冰凍! 但亦都係好凍既關係令到杯雪糕入口顯得更加淡味~另外, 食完非常口渴係真既~ 可能而家呢個時代太多選擇,就連雪糕都係!人永遠鍾意開發新品種新口味,但最開初的原有味道往往被忽視! 個人認為要將Vanilla-最basic既口味做得好先算一間真正既雪糕店! 杯幻彩雪糕的確令人賞心悅目,其實一試無妨!但再回頭就未必了 ~ …Read More