吃貨貓醬's Profile

平時經過次次都排長龍，難得今次假日4點經過冇人，就買咗個【三餸飯】（$42）試下。一去到啲姐姐就好熱情問我食乜，又推介今日有乜菜。因為款款都勁吸引，所以選擇困難症嘅我企係度惗咗勁耐要乜餸好，不過姐姐都好好人咁笑住話唔緊要慢慢惗。💵留意只收現金，因為我冇帶現金，結果姐姐裝好咗仲要等我去禁錢，好彩真係好好人完全冇黑我面。本身想食蒸魚，但咁啱今日冇，就點咗個時日推介嘅【梅子排骨】、好多人推介嘅【咕嚕肉】、仲有睇落好脆口嘅【椒鹽豬扒】。開頭以為三餸飯嘅話餸嘅份量會少啲，但每款份量都超多，完全夠兩個人食。梅子排骨啲豆卜排骨好入味，咕嚕肉甜酸度啱啱好又爽口，椒鹽豬扒唔好香口炸得啱啱好。唔怪之得平時咁多人排隊，食完已經好想encore其他餸💛…Read More

上次外賣完哩個雞脾餐，覺得大大份好抵食，食過番尋味，雖然外賣盒度有幾個窿疏風，令到啲水蒸氣唔會倒流，焗淋隻雞脾，但始終唔及新鮮嘅好食，所以今次特登嚟福丼食番個茶餐🤤生炸雞脾餐 $28哩個餐跟一杯熱飲同大量嘅薯條，隻生炸雞脾大大隻，個皮脆卜卜得嚟又唔會太厚，咬落口又唔會好油膩，夠晒肥仔同飽肚！而且$28咁大份，真係已經好少地方有😔 不過見到門口寫住月底結業，唔知以後屯門仲有邊度有抵食嘅炸雞脾餐😭 推薦指數：🐱🐱🐱🐱🐱…Read More

難得放假，去茶餐廳嘆吓下茶餐。大興商場地下有好幾間連住嘅食肆，有3間都係同一個集團，都做緊11周年優惠。本身想食漁樂輕量扎肉拼肉丸湯河($23)，但係門口見到哩個雞脾餐都係$23，紅豆冰又唔洗加錢，係心動嘅感覺😍脆脆炸雞脾配粒粒紅豆冰餐 $23哩個炸雞脾唔會太咸，而且表皮都好脆，又唔會太油，都幾好食😋。可惜同我食開嘅生炸脆雞脾有D出入，本身以為係會有炸粉個款，同會跟薯條，不過$23有埋紅豆冰，而且雞脾都大大隻，連學校Canteen都冇咁抵。推薦指數：🐱🐱🐱🐱🐱…Read More

雅都翻新咗之後，多咗GoGo MALL，裡面Food Court嘅鋪頭好多都開到凌晨1點，啱晒夜晚收工食宵夜。🤤今日就去咗試哩間豐樂拉麵！叫咗「原味豚骨拉麵」 $65 ，另外加咗個替玉+$8。麵係用幼麵，比平時食嘅更幼同偏硬身，口感同平時食開嘅拉麵有d唔同。日式叉燒份量幾多，有3大塊，湯亦唔會過咸同口乾。食完第一輪之後加咗替玉，替玉份量好多，可惜湯太少，令麵質更加硬。個人嚟講，我都係比較鐘意紅橋赤橋嘅拉麵，會比較彈牙，但如果鐘意硬身嘅幼麵，豐樂亦都一試無妨。推薦度：🌸🌸🌸🌸…Read More