經過維記見仲有位喎，自己又未食過，所以就入去食啦
一入去就叫左想試好耐既豬潤米，望望周圍都唔少人叫豬潤同牛肉
豬潤米粉($30)，份量好足，豬潤好入味，同時亦落左薑去辟走血腥味，一啖豬潤一啖米粉，真係一種平民既享受
今次第一次食維記，由於趕時間既關係所以無試其他野，但今次既經驗好滿意，所以下次會再黎試其他野，當然一定會試埋岀曬名既咖央西多士
到時再分享…Read More
去到都點零兩點，舖頭唔算多人，但外賣就見到不停接單，幾好生意喎講返正題，呢度唔同既餸係唔同價錢(廢話)，但份量絕對令人滿意架！首先小弟果碗揀左油麵($8)小辣(講真好少聽同試麻辣既油麵，但唔知點解又會tick左)，其他就包括肥牛($10)、魚皮餃($10)同娃娃菜($4)。呢度既肥牛同一般任食邊爐既肥牛唔同，因為真係"牛"多過"肥"，呢個比例唔錯架
魚皮餃就同一般街買到既差唔多，但溝埋d麻辣湯又幾好味娃娃菜幾淋，岩曬鍾意食菜係食好淋既小弟
不過對於小弟黎講，雖然只係小辣，但已經係我既極限咁濟，未食到一半已經飲曬跟餐罐可樂($4）了
雖然好辣，但又真係越食越過癮女朋友果碗就有粉絲($8)bb辣，餸就包括水魷($8)、蘿蔔($4)、萵荀($4)、冬菇($4)同娃娃菜($4)。由於bb辣既關係本身應該幾岩我地，但粉絲又異常咁"索湯"，所以我地都係食到好似好辛苦咁
水魷好平，味道雖然唔算非常岀色但呢個價錢絕對可以一試另外值得一提既就係蘿蔔好淋好甜
下次再食都必點
總括黎講幾十蚊又解決到一餐，而且食到好滿足，真係無黎錯…Read More
我地下午3點零去到佐敦，天氣熱到不得了，好彩舖頭幾近地鐵站岀口，所以好方便一入去就見到店員即場包餃子，可能呢個鐘數先有時間比佢地坐低慢慢包（店員姐姐話午市同晚市好多客人架）睇餐牌雖然唔算好多款揀，但我地好快就可以扑槌喇，因為黎之前我地已經做曬功課睇下有乜野食係吸引既我揀左麻辣雞絲冷麵($48)，雖然自問自己算幾大食，但店員姐姐一拎上枱我已經忍唔住同女朋友講"點解咁大碗既?"麻辣醬油係另上既，作為係連鎖米線集團食開小辣既我落左8成醬油左右就覺得岩岩好了冷麵有個好處就係佢唔熱辣辣，所以我將冷麵混合紅椒、青椒、蘿白絲同雞絲等等撈左成分鐘(因為真係幾大碗)就即刻狼呑虎嚥麵質幾爽，配合幾款椒絲同麻辣油非常惹味因為食辣所以都叫左杯豆漿($5)，甜味十足但好岩我價錢黎講我覺得非常抵女朋友就揀左素三鮮水餃及蕃茄雞蛋餃，再配蕃茄湯底($52)，一上枱就傳黎好大陣既蕃茄味。水餃皮厚薄適中、餡料豐富，素食人士應該會好鍾意不過一向嘴刁既女朋友就話個湯底味道有d似超級市場買既茄醬溝水，聞係幾香食落去就爭少少。價錢合理，下次有機會會再黎試下其他款式…Read More
佢話諗起係日本食既烏冬，咁見到附近有丸龜，我地又比較懶唔想周圍走所以就入左去啦呢度點餐係自助形式，先睇餐牌諗好想食乜，跟著就去點餐處話比店員知想食邊款烏冬，拎左烏冬後就一路行，沿途有天婦羅、飯團同飲品，全部自助形式，搞掂就係收銀處比錢喇一落order，師傅就好有效率咁岀餐，因為繁忙時段既話真係可以排長龍一個客接一個客架我今次食既係豚骨湯烏冬午餐($55)，雖然係午餐但去到5:30都會有，可以揀一個中size烏冬、一份$13或以下既天婦羅、兩個腐皮飯團。除左兩個腐皮飯團無得揀之外，我就揀左豚肉烏冬同魷魚鬚。烏冬湯底有好濃既豚骨味，而家有唔少豚肉碎，岩曬重口味既我魷魚鬚同街邊小食有d似，雖然我拎果陣得一份，但食落去都係新鮮，肉質係爽既腐皮飯團入面有d芝麻，整體口感甜甜地，我本身麻麻地腐皮但都有食曬女朋友就揀左下午茶既溫泉蛋烏冬($25)。佢好鍾意食溫泉蛋，尤其是果種流心既質感，呢個價錢黎講佢話好抵無菜不歡既佢又追加左個西蘭花($8)，不過佢就表示今次d菜淋左d，唔夠爽脆咁話。由於下午茶時間，店內唔算多人，但值得一提係餐具、冷熱水、天婦羅脆及葱花等全部都係自助形式架，至於食完之後就將托盤同食具放回退餐口等店員回收返就得，真係由入門口去到走果刻都係自己「照顧」自己架不過我地覺得呢種文化幾好呢個下午茶連晚餐，我地兩個人都係食左$88真係仲平過自己煮呀…Read More
