ap68yj2qd7z6's Profile

佢賣點有魚子醬，點知嚟到，我落三盒，淨係上兩盒，而且十分鐘先上。 之後我落十盒，又淨係比兩盒我。 因為魚子醬真係得好薄一層，半啖都唔使，就冇左。 之後明明未夠鐘仲有十分鐘就開始叫人食完就走，每兩分鐘嚟一次，我隔離兩枱客好嬲咁走左。仲有啲蟹腳末解涷好，上面仲有冰渣就攞出嚟，超級咸，同埋係咁滴水。同埋有個椰子甜品，唔知係咪壞左，個椰肉係酸的，或者可能紫椰本身就酸。啲宣傳圖海膽金黃色好靚，實際就啡黃色的水狀物體。…Read More

上菜用左9分鐘（有付款時間和拍照食物），加上烤肉都要時間，食飯時間就得返一半。入座大概40分鐘左右嘅時候，有個女員工，帶三位男顧客坐我旁邊的兩個空位。仲超大聲講：佢食完，你地就有得食啦。 咁樣講說話俾我聽，搞到我勁尷尬😅但當時我仲有半碗飯。同埋等位唔係應該出面攞飛，等有位先放人入黎咩？ 當時出面有十幾個人係到等，正常人都安排雙人入座我隔離啦。真係唔知個員工咩事，叫三條友望住我食野😅。咁嘅服務真係下次不了。價錢又唔係平喎。啲肉唔去骨，仲有黑點，都唔知咩垃圾嚟🤮牛角啲價錢肉嘅質量服務態度全部都好過呢間嘢，而且茶免費。…Read More

正常元氣或者壽司郎嗰啲抹茶都係免費，應該用來招待客人的，點知一坐低冇問過我哋就已經俾咗兩杯茶，係要收錢的。同埋啲湯好似加咗錢，嗰陣睇菜單一碗麵好似先$120-150，諗住買單大概around$300，點知最尾出嚟$400+，走嗰陣唔記得要返張單，但睇返其他食評原來係特定嘅湯+$20。但啲人應該都係為咗廣告嘅三款湯去試？個原版海膽，廣告影出嚟金黃色，大大版。實際上得細細版，而且啡色。仲有原來除夕嗰日係冇得加湯，網上又唔寫出嚟，完全唔夠湯食。同埋啲面沾左啲湯，個味道都係好淡，完全就冇廣告講到咁好食。個湯嘅感覺就好似係攞啲粉溝開的味道。…Read More

旺角金魚街嘅旦王酸辣粉，每次去旺角都會吃。加兩個餸人均$50左右，隔離有6-8個企位食，仲有冷氣。薯粉夠彈牙又霖。湯底好香，調料配得很合適，小辣啱啱好，賣相好睇。…Read More

老闆娘態度唔錯幾Nice。涼皮切太厚，hi到啲汁唔夠多，搞到味道會淡咗啲，同埋會有粉粉的味道，薄啲會好食啲。乾鍋肥腸，好好味，又香又辣，肥腸好脆，筷子夾實，會見到佢入面啲油，好jeng。最後，叫咗個冰粉解辣，黑糖太多太甜。整體ok…Read More

之前食過好多次。個水煮肥腸好好食，配飯都一流，而且價錢實惠。但夜晚好多人，個阿姐會催你走，枱細，環境逼。之前有試過八點去叫，等左半個鐘外賣。如果食就最好六點半前去。…Read More

入面的座位很闊，枱好大，坐着唔會逼。水煮毛血旺BB辣，但個湯底都好紅好辣，唔係好食得辣的不要叫辣。其次，蔬菜超多，同薯粉份量差唔多。佢哋嘅薯粉係寛粉，而且都幾厚，個人認為有啲難吞。整體上，味道正常。…Read More

店舖環境乾淨，上菜快。菜式的賣相不錯。首先，嗌咗個麻婆豆腐，得咸辣味，但麻香味不夠，味道正常，不難食，包滿醬汁的豆腐，撈飯食都幾開胃。另外，麻辣香鍋三個餸唔夠入味，個大腸好乾。…Read More