Smiley_Foodie's Profile

琴晚第一次黎呢間舖頭試下, 落單後每人上左碗麵豉湯同前菜, 不過食食下先醒起冇影相之後食個沙律清新一下先, D材料夠新鮮, 估唔到仲有D藜麥, 加埋青瓜蕃茄同埋溫泉蛋一齊食有幾樣唔同既口感~ 胡麻醬就正常發揮啦都幾香既~成件事都好味清爽~之後就食呢隻牛油果醬麻糬多士, 個擺盤賣相幾elegant! 同埋唔係得個樣既, 個牛油果醬都整得好食, 落單果陣以為個醬係就咁牛油果打成醬, 但原來入面仲有紫薯,蕃茄,芫茜等等~ 跟左4塊麻糬多士, 煙煙韌韌既質地, 加埋D醬咁食又幾夾到~食完D fresh野就食返D香口野最鍾意呢種冇骨既炸雞, 可以食落口啖啖肉~ 個皮炸得好香脆,入面仲係好嫩滑同埋肉汁juicy~ 本身唔點醬都好夠味, 點埋甜辣醬味道就再豐富D啦~再食左碟熱辣辣香噴噴既鐵板豆腐~ 勁多木魚絲 一D都唔姑寒~ 豆腐厚厚一大塊有4件, 煎到金黃色又幾滑! 最後當然叫埋呢度既烙芙啦, 我揀左特濃朱古力味, D朱古力醬真係又香又濃, 口感軟滑, 配合埋香軟既烙芙一齊食, nice!…Read More

朋友知我鍾意食星馬菜, 就帶我黎呢度食個下午茶餐~  餐廳裝潢都好新淨, 環境都幾企理幾光猛咁~ 同好多餐廳一樣, 依家都係自己嘟QR Code落單~ 我就叫左個下午茶D餐 雞絲湯河, 飲凍南洋咖啡, 仲用優惠價$39追加左兩款小食 - 班蘭咖央多士(4件) & 椰香咖央南洋包(4件)~雞絲湯河 & 凍南洋咖啡雞絲湯河個湯底唔差, 顏色同味道都有D似平時食上海野砂窩雲吞雞果隻湯, 但略嫌淡左D,  如果可以濃郁D就好好多! 雞絲正正常常, 河粉都滑而且份量好多! 凍南洋咖啡既顏色比其他新加坡食物既餐廳更深色, 味道濃郁, 有D焦糖香味, 可惜用QR Code落單時冇得揀少冰, 食到一半既時候 D冰一溶就整淡晒杯咖啡所以我都係鍾意人手落單多D!班蘭咖央多士 & 椰香咖央南洋包呢兩樣野其實好相似, 當時以為多士同南洋包係唔同既, 以為南洋包起碼唔係脆口啦, 點知黎到其實都係一樣果種深色既多士兩樣野唯一唔同就係椰香咖央南洋包會放D 椰絲喺塊多士上面, 同埋南洋包果隻每件只得一片多士! 不過有個我諗唔明既地方就係, 明明兩樣野咁似, 但製作時間黎講南洋包係長好多anyway兩樣野其實味道都好食, 多士夠脆, 厚切牛油同咖央味道好夾得黎南洋包果隻仲多左椰絲既香味~呢度下午茶價錢相宜, 全日都唔洗加一, 下次會試下佢個主打海南雞飯~…Read More

早個星期試左呢間759飯堂的LUNCH, 地方都幾大, 人頭湧湧, 好彩兩個人都易搵位.我叫左個常餐, 都幾唔錯呀, 入面選擇夠彈性, 樣樣都可以自己隨意配搭. 我就揀左沙爹牛肉麵, 配餐肉和腸仔, 仲有一塊厚多士. 餐肉同腸仔都係正正常常啦, 反而個沙爹牛肉麵唔錯, 麵質幾好, 沙爹牛肉都幾好食. 厚多士都係剛烘起的, 搽埋牛油上 好味又夠鬆軟. 奶茶都OK!價錢原價是$38, 出示759會員卡可以有8折, 即係$30!! 相當抵食依家多數茶記既常餐都要$35以上了. 如果佢KEEP住有8折我都會再黎食的!!…Read More

經過崇光百貨，發現這家有名氣的芝士撻沒有人龍，就買一個試試看吧。把芝士撻拿上手後才發現芝士撻是完全不熱的，只能說是一點點微暖，漸近是凍的，感覺不新鮮。撻皮也不是鬆化可口那類，而且很厚，口感頗硬，牛油味也不明顯。。再吃真一點，芝士內餡也沒有香濃芝士味，芝士味十分淡，只有微微酸味，HKD20只有這麼細小又味道一般的一個撻，感覺不划算。即使不用排隊也不會再來買芝士撻吃了，有點名過其實。…Read More

之前排隊買麵包時發覺凱施原來都出左奶黃月餅，仲可以散買~ 我見40蚊已經有兩個咁抵就買黎試下~ 早兩日終於吃了~ 估唔到咁平嘅價錢都食到呢個質素! 首先月餅外型係一朵玫瑰花~樣子都幾靚! 一拆開包裝袋就聞到奶味同埋蛋黃香，食落去好香，唔會好甜，口感唔漏，餅皮都整得唔錯，夠薄又鬆化。不過略為覺得奶黃餡唔夠黏! 如果個餡冇咁散就仲 perfect~ 不過以呢個價錢來說性價比真係算好好了! 下年中秋會考慮買呢間~~…Read More

早兩天經過半熟工房就入去逛逛, 竟然比我遇見它: 葉子派....! 我之前到日本果陣都買過這種葉子形狀的食物! 而介紹葉子派的卡仔寫上 “由日本運送到港，每天於工房新鮮烤焗，保證做到《香、酥、脆》”, 感覺挺正宗的~ 就買一盒回味下吧~ 一口咬下去 入面係層次豐富的酥皮, 有多層次口感, 超酥脆, 而且牛油味好香, 味道不錯.. 葉子派上面仲佈滿粒粒楓糖, 令味道多了份楓蜜香味, 甜度剛剛好. 唔錯吖.…Read More

路經這間貌似新開但裝潢感覺較舊式的點心店，行入店內比其他店光猛，店員服務也很主動殷勤。坐低睇下張點心紙，都幾多選擇，仲有我至愛“家鄉煎薄餅”，可惜當天喉嚨不適。。所以主要叫蒸的點心為主。招牌櫻花流沙包見佢寫招牌，就當然試試啦！賣相幾靚，顏色就像櫻花的粉色，上面有少少蟹籽，本來以為內餡是櫻花味的，點知原來只是流沙奶黃包，好明顯我想得太多了不過味道不錯，幾流沙，奶黃亦香的。蠔皇鮮竹卷這款有驚喜！首先不是用蒸籠裝的，是碟上的！而且好少食到鮮竹卷是脆脆地的，上面只是淋了少少蠔油汁，鮮竹卷皮的口感煙韌有咬口，和平時食開的不同呢！味道不錯，唔會好鹹～瑤柱菜苗餃相信他們是即叫即蒸的，因為上枱時是熱騰騰的，菜苗餃皮都算薄，望落通透，咬入口黏黏的，內餡份量都不少呢，蝦粒亦爽口不“霉”，整體味道幾香。原隻鮮蝦腸鮮蝦腸又係另一驚喜位，腸粉好滑好薄，入面真係原隻蝦，仲有好幾隻！蝦依然係爽口，感覺新鮮，真心推介！鳳爪排骨飯飯質煮得好，不太硬又不軟，是盅頭飯應有的質感。出面很多酒樓或點心店都會把飯煮得太稔，鳳爪都幾好味，排骨就正常啦～下次等喉嚨好番會再黎試下“脆脆蝦多士”同埋“雪梨咸水角”！！見隔離枱的雪梨形狀咸水角很特別…Read More

上次過來這邊吃附近一間點心店, 無意中發現這間小小的泰國菜, 今次就專登過來吃個午餐試試.這間泰國菜好特別, 是分開了兩個小舖位的, 我入了寬敞一點的那間坐下, 點了午餐其中一款:海南雞飯$41, 還附送例湯, 加$5 再要一杯原價是$18的椰汁冰, 感覺幾抵~ 例湯是中式的紅蘿蔔粟米煲粉葛, 估唔到都幾好飲喎, 味道濃郁好足料, 唔似有溝稀或者加左味精, 同屋企媽媽煲既有得比! 而椰汁冰都幾好飲喎, 比"椰X大王"好飲添~大熱天時飲完真係透心涼. 無幾耐店員就從隔離舖拎碟海南雞飯過來了. 賣相不俗, 雞和油飯的份量都頗多的. 先吃一口油飯, 味道不錯喔! 儘管外表沒有太金黃色, 原來油飯味道都夠香夠味的~飯帶微暖, 軟硬度可以. 雞肉是去骨的, 啖啖肉, 肉質都算嫩滑的, 不過味道就略為淡了少少. 附帶一碟泰式酸辣醬 味道幾正, 都幾辣, 如果雞肉點了這碟醬就會好食啲. 食物和服務是可以的, 不過店內衛生就要多注意了, 唔知係咪因為我午市來吃店員仲未清潔, 我見到座位地下有些掉落的食物, 卡位的梳化位上也有不少塵, 感覺都有啲污糟, 希望店主可以改善一下. …Read More

今天趁假期就去尖沙咀試了半熟工房的"布雪", "布雪"這個名字真的好靚, 原來係由法文名"bouchee"直譯過來的在這個三十度的天氣下, 拿著這一個外型可愛又涼浸浸的布雪真是享受! 它貌似一粒馬卡龍, 但其實外層兩片是好鬆軟(真心超鬆軟!)的蛋糕, 質地軟綿綿, 充滿蛋香, 又有一點點像中式的光酥餅味道~ 而中間就夾住北海道忌廉及煉乳做餡~ 充滿奶同忌廉香味, 口感軟滑creamy, 真係有少少入口即融的口感. 整體甜度適中, 尤其係夾心餡都唔會好甜漏~ 兩個字:好味! 原本心情麻麻的我吃了布雪之後, 心情也不自覺好了起來好吃的甜品對我來說真是一粒神丹!差點忘記說, 我吃的是"原味"布雪, 還有三款口味的: 抹茶, 士多啤梨和朱古力.…Read More

今日去左南記食晏, 見肚餓就點了B餐, 有春卷墨丸米粉和一碟生菜+大豆漿, 春卷一如既往好好吃, 出面有好多麵店都有魚肉春卷, 但始終都係南記最好食彈牙有咬口, 好有香味~墨丸係第一次試, 都唔錯, 幾彈牙有墨魚味, 但都係偏好這裡的牛丸多D~米粉普普通通, 口感唔會好硬, 下次都會叫番河粉食, 總覺得河粉配春卷會夾D, 同埋這裡的河粉又薄又滑正好多! 湯底望落好清, 但飲落唔會淡"貿貿"的, 幾好.碟生菜比預期中大碟, 灼得爽口, 豆漿亦都唔會死甜, 飲到少少豆味 簡簡單單又一餐!…Read More

自從有次吃過這裡午餐的其中一款"扎肉炒粉絲", 間唔中就會想起它而來光顧的. 味道其實沒有什麼特別的, 但就總是很喜歡聞到和吃到它:). 份量好大碟, 唔算炒得好油, 當中加了扎肉, 洋蔥, 芽菜, 韭菜, 少許黑椒粒一齊炒, 聞落惹味, 食落好好味, 加上每次都係即炒, 所以來到枱面香噴噴, 而我懷疑我覺得它特別好食的原因係因為每次食都要等大約15-20分鐘...當其他食客的食物已經陸續到的時候, 我還在飢腸轆轆地等著 . 幸好每次都沒有令我失望, 味道水準仍然保持, 扎肉和粉絲的份量也多, 再撈埋灑在上面的乾蒜一起吃, 味道仲香~口感也更豐富~不過等候食物的時間真係有點長, 如果肚餓的話千萬不要點這款...而且價錢就稍貴了一點點, 尤其星期六日要再另加$6, 但仍會間唔中去食的…Read More

今日朋友帶左我黎呢間比較偏僻既地方食晚飯, 唔講唔知原來呢邊都幾多野食, 兩人食左7款點心:燒賣可以叫兩粒或四粒, 咁就叫一人一粒試試先, 都幾大粒, 味道不錯不過冇乜驚喜, 可試可不試.蝦餃好味!!! 皮薄, 入面隻蝦幾爽口又大粒, 有驚喜, 如果唔係咁飽 一定會追加!煎蘿白糕煎得好香, 唔錯, 我幾喜歡呢種質地, 食到入面蘿白絲都足料, 正.鮮蝦腸粉另一驚喜! 腸粉皮滑又薄, 仲要每一舊腸粉入面都有一粒大大的蝦, 感覺都幾新鮮, 爽口. 必吃!海鮮蘿白絲煎薄礃這個其實味道不錯, 薄礃邊位煎得脆脆的, 但略嫌佢有少少太厚身, 如果可以再薄D會煎得仲香. 多汁小籠包不錯! 估唔到在這些點心店都食到咁薄皮的小籠包. 入面真係"包如其名"幾多湯汁的. 幾好味!鮮竹卷呢個就冇乜特別, 剩係記得食落口超熱, 差D辣親. 但都係好味既.順帶一提, 舖面都幾大間, 裝飾都幾靚, 印象中有D新派雀籠裝飾. 服務可以.下次都會再去食.…Read More

來大圍踏單車前先在附近的餐廳吃下午茶, 有氣有力先踩得郁嘛點了個黑椒豬扒炒烏冬, 放在枱面聞到炒得好香呀, 雖然係下午茶, 但都唔算細碟喎, 豬扒有好多件, 每件仲幾大塊, 都幾稔身, 食落口又冇乜梳打粉味. 炒烏冬炒得幾惹味, 加黑椒炒味道都唔會太辣, 辣度剛剛好 香噴噴. 烏冬炒得幾彈牙, 加埋其他配料(韭菜, 芽菜, 紅蘿蔔絲) 一齊食, 口感相當豐富最好就係唔會成個碟底都係油, 感覺冇咁肥膩. 服務就麻麻啦, 眼見多數侍應都係比較粗豪既男人, 所以講野都一定大聲同埋唔會好著重禮貌既... 不過普通叫個餐就冇乜影響既. 下次都會再食.…Read More