YSL1199's Profile

一星期都有2-3餐食素，通常自己整多，因為老實講，出面食素，尤其係中式嘅，都好多加工食品，口話想健康啲，食落又唔係嗰回事。咁當然有時個人懶都會出去搵素食，呢間我同屋企人食咗好多年，一直都保持水準，雖然都有啲齋口唔齋心，只係確實佢炒得好有鑊氣，加上得宜嘅調味同選料，食到有點幾可亂真嘅🤫蜜汁烤鱔片（西蘭花）：「鱔片」食落似蟹柳，會追食，西蘭花炒得脆身又唔過硬或有怪味蜜椒牛柳粒薯角：黑椒落得夠，好惹味，「牛柳粒」都入晒味咁，薯角走左油，好食，呢個餸如果你合埋眼食，真係唔覺係齋㗎🙈2道餸都好好食，只係我策略失當，唔應該2款都叫蜜味，搞到食到尾覺得比較甜，呢個唔關廚師事。今晚無叫到招牌咕嚕肉，其實佢先係我嘅 all time favourite 😍…Read More

食過幾間台灣嘢，感覺都唔太有台灣風味，再接再厲試埋呢間先！都算係新開無耐，加上店面算細，所以排咗接近1小時先食到，無耐性嘅遲下先嚟食應該唔使等咁耐卦紅燒牛腩刀削麵🍜：湯底唔係話淡而無味，而可能加多咗蔬果如甘筍🥕去熬湯，所以我食到比較重嘅甜味，如果揀得食紅燒湯底，我期望佢有濃郁啲嘅紅油同牛味，可能我比較重口味。牛腩有4大件，炆得夠淋同入味，加翻分。刀削麵應該係機切，每條都好工整，唔知係成份定烹調時間問題，咬落好林身，唔係我杯茶，只係$59嚟講算抵食嘅懷舊魯肉飯（小）：呢個好啱我口味，唔死鹹或過甜，滷肉甘香軟林，份量適中，餸飯🍚一流，感覺好親切，有去台灣小店食滷肉飯嘅味道👍🏻肉鬆起司蛋餅：我終於喺香港食到似樣嘅蛋餅，有蛋香，粉皮唔過厚，肉鬆夠，芝士可再慷慨啲，整體我好鍾意❤️整體係好食又抵食，會再去，而遲下先，唔想排咁耐隊😬…Read More

呢間小店對我嚟講有啲難搵，裡面座位得十幾個，是日閒日嘅下午茶時段，我哋就好彩即刻有位位處銅鑼灣嚟講，佢真係非常經濟實惠，下午茶時段仲送油菜或魚皮或熱飲，上菜都好快墨魚蝦條米：自家出品，夠味，再彈牙啲更好魚蛋魚片米：又係自家製，有魚味，無坊間某啲魚蛋咁又鹹又有味精味，唔錯油菜：個腩汁好食，所以都要提下😂一次食唔到咁多嘢，其實我仲想試埋佢哋嘅牛腩牛什，佢仲有好多款手工餃子，我有興趣下次買幾款翻屋企打邊爐🤤…Read More

唔好以為麵包類嘅嘢就求求其其，我可以講，呢間嘅熱狗🌭️，每一個部位都好出眾🤩舖前有張小bar枱可以立食。熱狗非常大隻，配料有焦糖洋蔥、安格斯牛肉、馬蘇利拉芝士、寶伐朗煙芝士、橙車打芝士、炸蒜。先講包身，雖然係喺本地麵包廠入貨，而都非常講究，佢似係法包質地，外脆內軟，煙煙韌韌，帶有麥香。香腸有成8寸長，長過個包，聽聞都係本地貨，咁本土嘢嚟講都非常出色，唔死鹹，juicy, 脆皮！牛肉份量唔算多，而好彩唔太韌，咬得開嘅，最怕一大塊好柴嘅肉然後咬唔開，食得勁尷尬。醬汁份量適中，配搭得宜唔會搶咗fo 我係2人share食嘅，隻熱狗大隻到食一隻當正餐都得👍🏻…Read More

我知我知，呢度嘅法式布甸係打卡名物嘛，咁我咪乖乖去排隊囉😅是日星期一，經搜查得知近期嘅出爐時間係下午4點，我諗住係閒日，提前15分鐘到達排隊都應該ok卦，點知⋯⋯我呢個大膽嘅建假設係好彩ok嘅🤓，當搭正4點條隊開始郁動時，我望下後面，我已經喺條隊嘅中心喇舖面唔大，有賴各位職員快手，有啲入咗盒添嘅，所以過程都好有效率我有點天真，以為裡面嘅布甸係偏向固體啲嘅，咁我就懶放心拎住佢哋行咗陣街，好快就發覺個紙盒濕咗，因為啲布甸係流質嘅，我嘅動作令到佢哋倒瀉出嚟⋯⋯返到屋企我力挽狂瀾，將流出喺包邊嘅布甸都刮翻入內籠我稍為翻熱個包先食，佢嘅法包做得唔錯，經過舟車勞頓又漏又濕後，包身依然外脆内軟，不負法包之名。布甸好香甜，我個人覺得甜咗啲，而都食到Lam Lam 脷嘅😋…Read More

喺香港食日本嘢🇯🇵，好多時都係壽司刺身、居酒屋、拉麵、鐵板燒，其實我更鍾意日本嘅家庭式料理，睇襯日劇主角每人一set精緻嘅菜式，都會覺得住家菜應該就係咁🤤，而且日式料理神奇在只要調味4寶——醬油、味醂、清酒、味噌，配合唔同嘅材料，就變化出各式各樣嘅美味！米気隨咗帶俾大家日本家庭式料理嘅美味外，仲俾到食客一定嘅新鮮感，就午餐嚟講，大家可以喺4大種類食物（米飯、主菜、冷盤、飲品）中組合出自己嘅心水，自由度同彈性都大，當然拼下加下，個價錢就未必咁家庭式喇🤫組合一：醬油蛋飯（+$8）、味噌番茄燴肥牛（$76）、八爪魚沙律、烏龍茶（+$6）、追加關東煮（$18）每人幾碟食物，每樣都精緻美觀，就係呢種感覺喇，如果平時屋企都有人咁整俾我食就好喇😌醬油蛋飯：日本蛋🥚梗係無得輸，加喺白飯🍚上再添一圈醬油，淨食已經好滋味！味噌番茄燴肥牛：味噌配番茄出奇地夾，搞到我好想自己都試下咁整。肥牛都唔算少，足夠送飯！上面嗰隻溫泉蛋我有其他用處，賣個關子先🤣八爪魚沙律：味道不錯，係八爪魚🐙有點韌關東煮：屬於追加項目，正常無特別，怕唔夠食嘅朋友叫下無妨，鮮黃色嗰啲似英式芥末醬，覺得加咗係破壞多過建設🙃組合二：日本國產米、月見博多地雞團子（$74）、鰹魚汁菠菜月見博多地雞團子：我好鍾意呢個團子，又係送飯一流日本國產米：我見個主菜都有隻生雞蛋🥚，再加上個肥牛有隻溫泉蛋，我就只要個淨白飯，自製咗蛋飯，係欠醬油囉🤪鰹魚汁菠菜：正常，想食下菜咁囉喺食緊時已決定好會再嚟，想試埋佢其他嘢食呀！😋…Read More

佢哋有2間店我都去過，比較喜歡藍地嘅本店，感覺上員工友善啲同上菜快啲😬由於行咗2個鐘山先去食，消耗大胃口佳，所以決定2個主食以外叫多個小食！第一次叫呢個魷魚蝦枝唔太知咩嚟。落完order見到職員喺雪櫃拎咗幾條白色長條物出嚟，我以為係海鮮菇，可能係整all day breakfast 或炒意粉用，之後我見到佢拎去炸就知會錯意😂，炸完個成品都幾靚仔！佢查實係麵粉皮包住魷魚條加少量蝦膠，唔知係入貨定自製，香口嘢配雞醬無得輸，食落都算驚喜，如果多啲餡就更好喇！2個主食都係跟餐，呢個韓式炒意粉聽個名就會聯想到個味道。面頭嘅韓式紫菜充滿麻油香，配搭幾條脆皮腸同年糕，加埋韓式辣醬一齊炒個意粉，我覺得配搭得宜，食過翻尋味，如果多少少泡菜更完美👍🏻Pizza香脆、芝士香濃，呢個pizza係我encore之選。完美主意嘅我希望羅勒可以差不多大小，咁就滿足埋我視覺嘅享受喇😬跟餐有2杯飲品，而我好想要狗狗棉花糖，所以額外叫多杯滿足下自己，望住都開心呀😆…Read More

此店終於進駐新界，落腳於元朗，行過路過唔好錯過，外賣咗個青森蘋果批做晚飯後甜品🤤我有用焗爐翻熱佢，一出爐就好香😌！酥皮層次分明十分鬆脆，只係我覺得脆過頭，食到散落一地😅個蘋果內餡就好啱我口味，用青森蘋果本身都應該唔會太差，調味上落咗蘋果個best friend 肉桂，應該唔係落好多，而就同個蘋果融為一體，相依為命，成個味道昇華晒。內餡無煮過龍變爛溶溶，果粒算分明，大愛🥰。加上本人唔喜歡太甜，佢就酸甜適中，感覺接近翻個原材料，無過份整色整水浪費咗個食材。仲有其他黎自日本嘅蘋果批未試，試完再作比較。整體來講今次經驗唔錯！…Read More

食過Go Go Mall 好幾間小店，唔知點解一路都留意唔到醉滋味，今日一心想試新嘢先終於輪到佢，我只能話我走漏眼👀，原來佢都幾好味，原來食過一次係會想翻兜🥢想食肉肉肉襟飽啲，所以叫左個「醉醉套餐」，有一份慢煮醉雞卷、1碗米粉、4粒椒鹽炸燒賣，同一罐汽水個醉雞卷真係做到爽嫩，調味出色，夠酒香同入味，而又唔會過咗籠而搞到味道變嗆變苦，估計係浸嘅時間都掌握得好，抵讚！👍🏻碗米粉嘅湯底落重調味，唔肯定係落咗美X定用咗濃X寶，即係味精湯😅，只係就引到你係咁食囉，好味嘅嘢，真係唔係下下健康嘅😅炸燒賣對我嚟講可有可無啦，普通來貨燒賣炸好再灑上椒鹽粉。如果唔想食燒賣又唔一定飲嘢，其實可以淨叫醉雞卷，再加$10配碗米粉嘅，相信都夠食…Read More

食小籠包除咗要新鮮熱辣之外，最緊要係皮薄餡靚，呢間小籠包皮算好薄（除咗包頂啲摺位啦），而可能我筷子未用到出神入化，所以夾到最後一隻時穿咗🙄，好彩有隻匙羹兜住佢啲湯汁。肉餡方面，調味偏清淡，個人覺得濃翻少少更好。整體係合格有餘嘅，想食小籠包又多個選擇，下次可能會試埋佢嘅湯麵🍜同其他點心！…Read More

呢2年身邊多咗朋友試下素食，其實除咗大魚大肉，幾個親朋好友走肉飯聚一樣開心☺️同2位好友補祝生日🎂，今年大家都有共識想生日食素🙏🏼，今次就試下2DP，因為其中1位壽星話見到啲食物相就覺得好食喎🙊整個沙律配搭幾好，唔會一味得green, 有彩椒蘑菇同我鍾意食嘅抱子甘藍💚，炒過嘅蔬菜夠油潤唔會食到口行行，上面嗰塊蛋黃羽衣甘藍好香脆，我食成碟都得！呢個炸髀好香口惹味，配個甜酸醬係定律嚟嘅。我哋3個最後encore多1份，雖然有d齋口唔齋心🤫我係菠蘿🍍控，本身夜晚都少食carb, 呢個原隻菠蘿椰菜花飯就好啱我胃口…Read More

呢間西餐廳開咗無耐，已經見有唔少人捧場，我試過一次就明白點解喇😎裝修幾chill幾舒服，我好鍾意佢哋嘅枱同餐具，食都食得心曠神怡啲😌呢個黑糖包味道同某連鎖店好似，而我更愛呢度嘅餐包，因為口感比較實在，有得encore或單點就更好喇😬個湯用咗牛肝菌，想唔香唔好飲都幾難啦😋呢份慢煮豬鞍有點過咗時間，整體肉質偏粉偏乾，係近骨位先叫剛剛好，味道可以。薯條沾咗粉去炸，感覺更熱氣😅呢個係健身減肥人士恩物💪🏼雞胸慢煮控制得宜，調味幾好整體食物不錯，雖有改進空間而感覺到佢哋有用心整食物，加上環境舒服，用餐體驗非常良好，我一定會再嚟試下其他嘢🤤🤤…Read More

雖然唔太愛食月餅，都想應下節，而又quota有限，所以更加要重質不重量，只選擇生隆月餅🥮。可能9月中先去買，再加上午飯時間過去，人多唔在講，有啲月餅🥮已經缺貨，只好買1個單黃紅豆沙月餅同1個單黃黃蓮蓉月餅（我想要雙黃呀😩）。1. 單黃紅豆沙月餅🥮皮薄，焗得夠色夠香，紅豆沙甜度適中又唔糊口，蛋黃漏埋油就更正🤤2. 單黃黃蓮蓉月餅🥮細個跟屋企人食開黃蓮蓉，大咗覺得大多數人係食白蓮蓉就跟下風，而家又掛住黃蓮蓉，你問我食唔食得出2款蓮蓉嘅分別，我係分唔到㗎🤫，而就係想懷念下😂。餅皮一樣出色，黃蓮蓉唔死甜只係有啲糊口，個黃漏油又加翻分！下年要早啲買，或者試埋白蓮蓉。佢其他懷舊糕點我都好想食🤤🤤…Read More