eatwithkaren's Profile

新都會開了不少新食堂 呢間日式fusion 料理 鹹食有質素 但甜品相對失色可惜有限時 90分鐘 無人等位先可以繼續坐.蟹肉飯堡 蟹肉很足 飯堡的飯焦仲有少少脆添 size都唔細.明太子蛋卷 明太子份量剛好 唔會太鹹 最驚喜係蛋卷入口微暖.帶子三文魚冬甩 帶子很大顆啊.蟹肉三文魚子冬甩 蟹肉都好多 兩個冬甩都加左少少wasabi 所以少少微辣 開胃啊 唔會食到好膩.燒鱈魚骨腩 骨多 無咩肉 配沙津醬唔太夾 少少檸檬汁已經夠味.牛奶雪糕布朗尼蛋糕 朱古力醬有點假 牛奶雪糕奶味唔濃 蛋糕麻麻.#丸十日本食堂#葵芳#新都會廣場 …Read More

最近試左呢間人氣高既”鮮芋仙”可以揀冰底 仙草底 紅豆湯底，再加唔同配料，夏天當然揀凍黎食啦，消暑消暑！.珍珠甜甜的 是小的那種 口感很Q 與仙草很配 相反芋頭同芋圓就有點失色 芋頭唔太粉 無咩味 芋圓沒芋味🙈紅豆味道正常.仙草底比冰底好味 冰底食到最尾開始無味 糖水又太甜.整體份量好足，食完好有滿足感. 不過下次想試埋牛奶冰！.自助搵位，無加一，晚上八點已經大排長龍，令人唔好意思食咁耐🤣.#鮮芋仙#銅鑼灣#香港#芋圓#台式甜品…Read More

Cafe 103 Afternoon tea x sugarfina.之前食過位於ICC 既Ritz-Carlton Cafe 103 既brunch buffet, 食物質素同埋景色都非常impressed, 所以對於今次既afternoon tea都好期待.點知期望愈大 失望愈大😩.有四款鹹點同埋scone, 酥盒個酥皮好厚實但不酥脆. 蟹肉burger個包好乾. 迷你牛角包🥐是普通的蛋沙津牛角包而且牛角包一點都不酥軟.Scone不是即焗的，士多啤梨果醬同奶油都很普通.甜點有紅桑子脆筒，脆筒唔脆.菠蘿🍍慕絲撻的菠蘿味有點假.士多啤梨香檳忌廉杯的酒味挺濃，士多啤梨都浸在酒中.一人都要$398，性價比唔高呀. 朋友話唔crossover既afternoon tea仲好味，其實今次crossover都係甜品上加多左粒sugarfina既軟糖jei😂.聽說sugarfina既軟糖同朱古力係香港人氣挺高，試完呢set afternoon tea真係完全卻步，無咩興趣去買呢個品牌既軟糖食🙈.時間由3:30-5:30，由於緊接晚餐自助餐，所以時間咁上下就會催你交台.…Read More

Peru Japanese fusion cuisine ..They have the best chocolate dessert in town!!.It’s called the chocolate lover🍫.Flavor is so rich, chocolate mousse is smooth but not so sweet🍰with coconut and vanilla icecream, so delicious!.The tuna roll is good, but the size is too small, but it costs $140 for six pieces only.We also ordered two salad, one called T-3, another one is called S.S. The salad dressing is matchy with the veggies, and the squad eggs are cooked perfectly! ..We also ordered the tuna and watermelon tartare, amazed by the dressing. Combination of Tuna, watermelon and avocado is unexpectedly good..The seafood of Ceviche Japones is also very fresh!.The seabass is a bit salty, but the fish skin is crispy🐟.Overall the food quality quite impressive. highly recommended you to try! .The portion of each dish is quite small, price is quite expensive..The service is so so, bit disappointed with their service, they have nice birthday celebration service indeed. They would help you write the blessing wordings on the dessert plate, take a free photo for you and sign the birthday card to you with coupon.…Read More

Handmade pasta 🍝 .呢間bookmark左一陣子既餐廳主打手工pasta, pasta 選擇唔算好多，份量亦不大，但真係好有彈性，配埋醬汁好味！.他們的Tiramisu 果然是必點的！唔會太甜，底既咖啡蛋糕唔會太苦，整體唔會太膩. 一個人KO一份都完全無問題😋.職員仲好貼心係碟上面加字，之後仲送了一張即影即有俾我地留念，加分！.餐廳有地下同一樓兩層，只得walk-in, 雖然坐得舒服，但當出現人流時，職員會催你埋單🤷🏻‍♀️…Read More

Burger Tuesday🍔.漢堡選舉好多，連素食都有，個漢堡仲好足料！我點了芝士魚柳輕型漢堡（$36），加$20配套餐，可以揀薯條同趣雞堡，飲品可以揀汽水🥤我就揀左美祿，凍熱飲同價.店鋪都有五六張台，有一張bar台，中午時間都有不少人，不過唔使等位.有lunch set, tea set，唔食burger仲可以食沙津. …Read More

灣仔Lunch食咩好系列.係韓式餐廳點左似係日式既咖哩吉列蝦飯.野食都黎得好快，飯量好夠，仲配埋韓式小菜，泡菜、魚乾、蓮藕，同埋味噌湯要walk in同埋落單後先入座，幸好店員都好considerate, 我朋友未到佢地都肯留張枱俾我地.Total $82, 無加一. 送熱飲，有柚子、紅棗、蘆薈、生薑揀，蘆薈是伏，紅棗反而不錯喔！.唔算特別好坐，但勝在地理位置方便，比起附近動輒要過百蚊既lunch,呢間都算唔錯了！…Read More

去銅鑼灣經過呢間麵包店，門面不錯，以為麵包都一定唔平.點知價錢不貴之餘，好多款麵包仲提供試食添，非常貼心抵讚.今次因爲朋友生日，買左原個的抹茶紅豆戚風蛋糕，細size,兩個人食剛剛好.價錢最有驚喜，才不過$32，且質素唔差，抹茶味帶甘香，蛋糕鬆軟，抹茶忌廉仲幾滑添.有五六款口味，下次一於再去試其他口味先…Read More

灣仔Lunch食咩好系列.呢間台灣菜既餐廳一直bookmark左好耐，今日就約個同樣係附近返工既朋友去試下. 中午好旺場，如果無book台，就要睇下條隊有幾長，入面都幾大，有兩人台，卡位同圓台. 裝潢行懷舊風. .有麵有飯，選擇都有不少.叫左新竹炒米粉，有點似撈米粉，米粉上面鋪左一層滿滿既蔬菜，仲有幾粒蝦仁添，份量好足. 仲有前菜送.飲品另加..$70 唔使加一，環境坐得幾舒服.值得再試其他😊吃個滿足的午餐，再展開下午的工作吧😉…Read More

上次去灣仔藍屋附近食泰國野，見到同一條街新開左呢間串燒店喔，香噴噴！今次一於去試下.有好多選擇，特別係海鮮，有蝦、帶子、海膽蟹子甲羅燒配飯一流！蝦係店既secret menu, 據老闆講要預訂先有，他們每天見有咩海鮮新鮮先會入貨. 唔怪得蝦同帶子香口得黎咁彈牙啦！所有野食都係即點即整，誠意十足！熱辣辣，正！仲要價錢相當合理，以灣仔區黎講，性價比相當唔錯！食物有驚喜喔.老闆好好人，推介大家記得要問下老闆當日有咩新鮮海鮮點呀！聽說他們中午有lunch set，四十幾蚊左右. 下次再去試下先！…Read More

話說呢晚約咗朋友食飯，咁岩喺網上見到呢間餐廳新出左點心自助餐，就諗住打電話去訂位，點知個電話打極都唔通，就諗住用WhatsApp訂位，點知又冇回應，於是就walk in. 去到餐廳先六點半居然一個客都冇。成間餐廳得一個樓面，佢話自助餐已經滿座而且係一樓，地下淨係做單點。我哋不虞以詐就繼續坐低叫嘢食。點知由我地坐低到我哋走，都唔見有其他客人話上一樓食自助餐，淨係聽到個樓面同入嚟嘅客人講自助餐已經滿咗。本身有另一個客特登入嚟訂位，佢都居然話成個月嘅Booking已經full左，而個自助餐只係做到月尾🤔至於食物我哋要咗櫻花蝦蝦餃，蝦餃涵是冷的，要再拎入廚房蒸。綠茶醬爆西多士，完全食唔到有綠茶味。蛋煎糯米卷，超級油膩。食物質素相當一般👎🏻非常失望🤦🏻‍♀️叫咗一款玫瑰茶（$38），free refill，但味道怪異。…Read More

Green Monday同朋友去左呢間餐廳食晚餐.呢到晚餐每人最低消費係$200, 一個set dinner就$230以上，食素一點都唔平呢.幸好食物質素都唔錯. 有好多選擇揀！二人叫左幾款食物share.手作迷你漢堡（$78）賣相精緻，肉煎得外脆內軟，雖然唔係肉既質感，但有點似薯容. 汁唔會太多，剛剛好.-泰式香煎如餅（$58）香茅味重，微辣.香脆！香芒牛油果手卷（$38/件）Japanese veggie roll: 食落好fresh, 紫菜好脆.-蘆筍青瓜手卷（$28/件）泰式炒金邊粉（$98）感覺同唔係食素既炒金邊粉無大分別，都係咁惹味！除左少左點蝦. 呢道菜仲可以走埋蛋添.伯爵紅茶乳酪蛋糕（$38）份量迷你，伯爵味濃. 食完甜品正好為一餐劃上句號.…Read More

星期五晚Happy Friday 約左朋友去呢間串燒店輕鬆下.我地訂左位七點半，都唔算太多人，有室外同室內既座位. 我地揀左坐室內. 估唔到既係通常串燒店都會好大油煙味，點知呢到一點都無，加分吖！而且食物既選擇都有好多！我地叫左炸芝士蝦球（$38），蝦球中間係拉絲既芝士！又叫左炸魷魚圈（$48），香脆得黎魷魚彈牙，配埋沙律醬，無得輸.叫左鱈魚脆條（$38），卜卜脆，淡淡的鱈魚味，最有驚喜！本身仲叫左二人前大阪燒（$68），但味道一般，尚算足料.如果驚食串燒唔夠飽，黎呢到唔使擔心，因為有飯叫.叫左櫻花蝦乾炒飯（$68），超大份，二人食份量十足，而且有櫻花蝦乾同蟹子加魷魚，多重口感.…Read More

香港人愈來愈著重健康，今晚去左呢間旺角分店食晚餐既自助餐，性價比很高喔. 我地六點左右入去，都已經唔少人，七點半後已經要排長龍，建議大家最好打電話訂左位先。呢間素餐廳近黎愈開愈多分店，北角、佐敦都有. 晚餐大人只需$118，唔使加一，自助形式，九十分鐘用餐時間。沙律吧有superfood羽衣甘藍同藜麥，仲有三款沙拉醬揀。有多款涼菜，根本上每款都唔錯，推介涼拌麵同木耳，仲有秋葵同紅菜頭，開左個胃繼續食！有飯，有粥，有老火湯、冬瓜盅.亦有炒粉麵飯.主菜相對普通，主要係炒雜菜，不過腐皮卷都唔錯. 仲有素蘿蔔糕、芋頭糕同馬蹄糕.甜品有純素蛋糕，味道同一般蛋糕無異，蛋糕鬆軟，仲有馬拉糕添！店員好細心，會係食物旁邊寫有蛋、奶等字眼，讓全素人士留意。最最喜歡餐廳既芝士撻. 每次新鮮出爐都好搶手，撻皮脆，芝士餡半溶，熱辣辣，正吖，黎到一定要試下！…Read More