ポリー's Profile

男友姐夫推介，今次係第一次來試，雖然地方有點細，但見有D熟客食得好高興。原來要訂位架，分6點同8點2輪，我地訂左8點慢慢食。飲品點左椰青，同酸酸甜甜既紫貝天葵。第一道係泰式三味炸魚，個造型真係唔講得笑，好功夫！廚師將條魚起晒肉，淨番排魚骨炸到 “脆卜卜” 仲打直棟係度，而魚塊就炸到外脆裡面啱啱熟，唔會太乾爭爭。配埋個少少辣的醬汁，正！跟住就係泰式燒雞半隻，隻雞燒得啱啱好，雞皮燒到有d燶、雞肉好嫩好juicy、好有BBQ風味！　咖哩炒蟹都唔錯，好香、唔太辣，仲可以餸飯或係order對面檔的印度烤餅，點d咖哩汁黎食好正。(個人黎講對蟹的喜好一般)！香蕉花沙律，口感好得意、爽口、有ｄ似 “牛榜”，高纖之選，唔洗成日淨係食柚子沙律同青木瓜沙律，可以試下ｄ唔同既野。甜品：芒果糯米飯，芒果普通、有少少酸，糯米飯唔硬軟軟咁；椰汁千層糕，yin yin un un咁，都ＯＫ！最後廚師仲炸左d虾片出黎比大家試，放係碟底的餐紙無沾到油，真係好功夫！已經約定下次再來喇！…Read More

準備同媽媽慶祝生日，就搵間有多d海鮮食的 Buffet. 搜尋中發現 openrice 內的＂城景閣＂跟早前雜誌上的推介講的主題都幾吸引於是便決定係度食。曾經係這裡見會有人早點到可以影下相咁，所以當日較早已到達。到達後只有1、2枱客，我地共5人位置都適中距離食物區不遠，同時即刻將coupon交比他們，然後他們話自助餐將於6：30開始。餐廳環境舒適，不設梳化位，全部用木餐櫈易於安排坐位，而出入取食物亦非常方便。安頓後，見到食物區的食物排列得非常吸引，令你有想即食的意欲。於是便詢問職員可否影相？她很友善地話請隨便，於是我第一個走出去影相，之後陸續有其他食客都影相，更有人用video拍下各個食物區仲旁述介紹呢！ 媽媽特別 like 海鮮、魚生類，老豆 like 熟食、我最想食7月主題德國菜+海鮮美食！男友 like 生蠔甜品。細佬就樣樣都試，仲要飲咗成3碗中湯，每人都有自己喜歡的食物。先此聲明唔係繕稿、真係覚得正、同比番個正食評！冷盤：巴馬火腿配哈密瓜（好甜呀）蕃茄配水牛芝士、橄欖（好味）煙三文魚 (好味)燒蕃茄仔配意式茄子（好味）火箭菜做沙律 (新鮮）仲備有各式佐料及沙律汁（多款選擇） 刺身：三文魚、皇帝魚、吞拿魚、榮螺片、鮑片、八爪魚、北寄貝等（全部新鮮肥美）生蠔：每次可以取3隻，會先雪在凍櫃內，個人認為比起自取衛生得多。（入口creamy有海水味，連檸檬汁都冇落到）面包蟹、加拿大雪埸蟹腳（新鮮味美） 熟食：燒德國腸、有成4、5款腸款款都不同口味（我就係因為呢個主題而黎）旁邊亦有各款醬汁比大家選擇，Tabasco 都有成5款。燒豬手、已切好一片片配上酸菜食起黎冇咁膩，仲會搭件燒菠蘿，唔錯。燒羊鞍，個人來講怕羶平日甚少吃羊，但呢個整得幾好味冇羶味，仲幾嫩添。其他仲有燒蠔、炒烏冬、燒鴨胸、青、紅咖哩配白飯等等。但都開始飽冇乜位食喇。係燒腸仔爐旁邊仲可以＂淖＂下菜食，唔洗淨係食肉，都幾多選擇下！橙汁、咖啡、紅茶、仲準備埋檸檬比你任飲。甜品：分凍櫃-牛奶布甸，媽媽都話好味食咗2杯；木糠布甸，比較一般；白酒啫喱，清新淡淡甜味配上鮮果粒；藍莓芝士餅、芒果布甸都有一定水準唔錯；仲有個熱食蜜桃批，有個牌棟係度問下個員工就會攞比你。哈根大師雪糕，細佬、男友、老豆都好like、仲有人連吃2杯添！常溫甜品種類好多，有小葡撻、香脆拿破崙、Brownies、小果撻、 芒果米卷、Puff、紅豆糕、紅酒燉梨、火龍果啫喱、沙巴翁等，仲有我鍾意的班蘭蛋糕。樣樣都有番咁上下水準！仲有新鮮生果、老豆食菠蘿猛讚又甜又香呀！有一點要讚下的，佢地有提供紅、白酒、啤酒任飲，呢樣我覺得好大方，外邊一般都要加$。比人開開心心食餐飯飲杯酒真係抵讚！成家人全晚都食得好開心，多謝晒城景閣的員工對食物同服務的用心。我地都已經向朋友介紹過！媽媽仲話第時再去過呢間食添呀！…Read More