waiwaicheung2003's Profile

新店緊係想試下，環境不錯，但上菜太快，似快餐店。食物方面，點了招牌擔擔麵和蟹肉麵，招牌擔擔麵沒有花生碎和肉碎，可能只有很少吧。蟹肉麵也沒有太多蟹肉。雞絲粉皮就算不錯。…Read More

星期日晚一家四口去食火煱，其實天后區有很多火鍋店，諗住支持小店，就選了頭啖湯。估唔到價格一點不便宜，我都明白而家來貨價高，但這店比我感覺食水太深，碟頭太細，$198一碟的肩胛牛肉只有13件，少得可憐，根本唔值，象拔蚌BB真係好細隻，盛惠$63一隻，算係幾鮮甜。湯底選了椰子雞湯，冇鮮味，得個咸字。醬油方面不太吸引，應該有的都有，如蒜蓉，芫茜，葱和辣辣都有，但豉油一般。招呼方面一般，冇特別。天后區其實有很多食肆，咁嘅質素，下次未必會再選擇。…Read More

周日到訪SABROSA，因為見到大量好評，諗住試下。本身對西班牙菜式係有要求，呢度Tapas有不少選擇，今次點了伊比利亞腿，羊奶芝士松露多士，十分鬆化香軟，齒頰留香。試埋蕃茄凍湯，酸甜適中，令人胃口大開，主食選了香烤紅蝦寬帶麵和蟹蓋蟹膏蒸飯，十分濃味香口，可惜太細碟，份量太少，到喉唔到肺，再order一隻走地黃油春雞，先勉強夠飽。值得一提係此店的甜品都好出色，今次試左提拉米蘇和芝士蛋糕，值95分，喜歡甜品的朋友不要錯過。…Read More

銅鑼灣食肆多，要突圍而出不容易，星期日到火鍋隨意門用餐，有驚喜。先說環境，裝修充滿異國風情，有新意，點了卜卜蜆湯底，雖然有少少沙，但很大煲，算幾抵食，而且用上乾冰，營做了仙氣冉冉上升的氛圍，很有氣氛，蜆肉味道鮮甜，物有所值。火鍋一定要食牛肉，我們點了四國牛肉，份量不算多但好有牛味，蝦餃賣相得意，飲品方面，order 了竹庶矛根水，上枱的裝置超得意，放個杯埋去就可以裝滿，不過要小心滿瀉😂 。整體來說，招呼不錯，我會再去幫襯。…Read More

星期日一家四口去食飯，諗住食海鮮，叫咗個2人海鮮餐再叫多3味餸，其實海鮮品種不算多，價錢亦偏貴，一路上菜都沒有問題，由於海鮮餐包咗金莎蝦球，我地又另加咗一碟黃金蝦球，等咗好耐都未有，再三追單，到第三次問，店員才告知剛才上的蝦球已合併了套餐和散叫的，其實不太合理，這個情況應該早點告知客人，而且要第三次催單才勉強揾個藉口說已上齊餸，令人反感。至於味道方面，扇貝味道鮮美，酥炸蠔香口，黃金蝦球雪蝦味重，炒蜆一般，價錢亦偏貴，茶葉用一般茶包，冇乜茶味，總括來說，唔會再有下一次。…Read More