tracyQ's Profile

牛角日本專門店響好多區都有分店，通常見親都係排長龍所以我冇試過。今次係第一次食。 當然今晚要外賣自取啦！ 疫情關係呀嘛！ 佢OpenRice落order唔使10分鐘就有啦得拎。 仲有個open trice外賣手抽袋仔， 好精緻啊！ 我叫咗兩個丼，第一係玉子蒜香牛肉飯，第二係牛角燒牛肉飯，仲有汽水配飲！玉子蒜香牛肉飯，味道與一般市面牛肉飯差不多。牛肉是肥牛片，比一般肥牛片厚少少。 牛角日本燒牛肉， 味道不錯啊！ 牛肉片份量很多， 肉質鬆軟。 今次有7折， 真低啊! …Read More

一年前偶爾行到灣仔廈門街， 又想食泰國嘢，所以就入咗去食。 我已經唔係第一次食「穌棧」，我本係幾鍾意食泰菜，所以我都好經常幫襯泰國菜餐廳！最近疫情限聚令關係， 我只好外賣， 當我睇OpenRice裡面「穌棧」有外賣自取有優惠， 真係唸都吾洗唸即order! 超方便，巧正呢！我叫左個青咖喱雞扒飯， 佢個青咖喱真係好惹味，咖哩香得黎吾算太辣，每次我都一定成碟飯食哂！ 不過雞扒就有少少雪藏雞味。 職員態度方面， 個個都好有禮貌呀！ …Read More

沙巴馬來西亞餐廳， 起碼有10年以上歷史， 次次見親都坐滿哂人！ 嚟到當然要試咖哩啦！ 想食咖哩又吾太食得辣， 可以選擇溫和一點既青咖喱雞。青咖喱雞，以大量椰漿煮香的青咖喱，椰香味濃又帶甜，微辣得嚟又易入口。碟青咖哩雞， 內裡有好幾塊雞肉，最正係全瘦冇肥冇雞皮👍🏽👍🏽👍🏽！青咖哩好香吾算大陣椰子味， 配上檸檬葉、辣椒and圓茄子，令青咖哩汁味道更有層次感！ 至於鬆餅， 夠大份， 熱騰騰， 甜甜地， 食哂全份都會覺得吾夠喉！ …Read More

我知道「炎丸」源自日本東京，日本朋友說「炎丸」在料理方面獲獎無數，看見餐牌上的菜式+裝修，有一種強烈日本風味。 店內十分寬敞，一d都吾迫！一入到「炎丸」， 就被餐廳中央位置的炭火爐端燒深深吸引住，爐邊圍著直立式燒烤魚， 問過店員方知道，原來「原始燒」是選用了備長炭，備長炭能達至高溫九百度，有效鎖住肉汁。 所以我決定要試有燒魚既定食！ 我叫左「魚花」魚定食， 定食內有花魚原條上、蒸水蛋、白飯一大碗、味贈湯。 魚好香，但偏咸， 魚身多肉，香趣可口， （如果怕有魚骨，可以叫鱈魚），個蒸水蛋味道好特別，我食得出係加左魚湯去蒸，有別一般的蒸水蛋味道。 …Read More

糙米之家位於機利臣街內， 每逢lunch同Dinner都會排晒長龍。 店內有超過30個位， 等位大約等20-25分鐘左右。 糙米之家出名就係用咗紅米，食得健康d。 我今日叫左香蔥荷包蛋豬扒糙米飯，紅米份適尚算適中， 荷包蛋是半生熟，蛋汁流出送飯一流，係香港人都一定鐘意！ 豬扒方面，較簿比較乾， 如果厚就吾會覺得乾，豬扒咸了一點。廚師很好，會把豬扒切開一條條而你又會見到係成塊豬扒，冇偷工減料。見到好多叫沙律， 睇落夠大碟，款式算多。…Read More

餐廳內算多位， 有卡位有圓桌， 午飯時間不算太滿。 我坐了入卡位， 但感覺好吾舒服， 桌子同卡位凳太迫喇！我叫了生牛肉腩片湯河， 碗大但份量吾大， 生牛肉片及牛腩片份量好少， 牛腩吾算肥👍🏽， 但真係味道一般。成碗河粉冇越南河既香味， 當然湯底亦好一般貨式👎🏾， 完全食吾到湯底有牛骨熬完湯及香料味！芽菜得果幾條仔，九層塔一食就食到吾新鮮and 只有一至兩片很小的葉子！店員給我辣椒及青檸， 辣椒得4小粒， 青檸只有1/3粒，半粒青檸都冇！！Lunch set 有熱飲品， 我+3蚊叫了凍青檸水， 超重糖， 好似飲糖水甘！👎🏾…Read More

嘗在心， 依間小店在巷內，門口不起眼，但我聽過好多區內既朋友都會推介。 當你食過後，你會好掛住d牛肉既香味！😂我每次去都食酸菜藥膳牛肉米線， d牛肉係牛碾，肥瘦均勻，佢地既調味好特別好掂，d肉好好味，亦好入味，味道輕微辣！仲有米線既配菜酸菜係精華，mix埋米線一流！ 係會令人食完會try again既牛肉米線。 味道係好食，如果米線及菜多少少，會更好。嘗在心其他既小食都好好食！環境方面： 小店，有6-7張枱，坐方面會迫少少。…Read More

我地幾個女仔， 叫左4個套餐～轉套餐加$60，一定要轉餐！會好飽😆！ 轉餐個三文魚沙律好低食，薯仔沙津，再用三文魚維邊包住沙津，外觀好靚！香煎比目魚- 兩大塊+配菜，無骨，魚肉好滑，魚皮煎到趣卜卜，👍🏽海陸快餐（ 牛聊&虎蝦）- 牛聊超軟超香，有2塊厚厚， 切開後見到肉係紅紅地， 但食落一d都吾覺生， 好正👍🏽👍🏽👍🏽 （推介）西班牙紅酒烤雞 and 香草烤雞 - 2款味道差不多， 全隻雞上，雞皮香脆， 雞油吾多， 雞肉亦好滑！CPU Cafe 入口吾覺眼， 但Cafe內坐得舒服吾會趕人。 環境+地點吾錯👍🏽…Read More

第一次嚟盛記！吾講吾知，屋村內竟然有間隱世火鍋店！ 地點一d 都吾起眼， 我去的時候是平日夜晚，全場滿座，朋友說一定要預早訂位。 店內裝修吾似火鍋酒樓，好有香港特色！ 我地一行10人，可以地盡情叫～～～！火鍋湯底，要左蘋果雪耳湯(真係有好多蘋果）及番茄薯仔湯，。我地叫左珊瑚蚌、牛肉粒、新鮮手打墨魚丸、老友鬼鬼、魚卜、豆腐、新鮮肥牛、響鈴、水魷魚、冰豆腐、鯇魚、厚切午餐肉及聖子刺身！我最鐘意係冰豆腐，吾會散開又吸哂湯既味道；響鈴好香好趣！牛肉粒好新鮮！講真每碟配料都好新鮮！ 好食！ …Read More

難得我放半天假，lunch time 阿囡話想食薯條，我又想食Burger, 就去試試Burger Factory!!我地叫左個紅酒燴牛面珠漢堡「Braised Beef Cheek」。 轉餐有汽水及薯條。Burger Factory 店舖細細， 外面有幾張高椅供堂食， 今次我地係外賣， 坐響店外高椅等拎食物時已聞到陣陣既香味！！阿女同我都好期待😍！外賣紙盒好硬淨，吾怕壓偏， 職員哥哥見我帶住阿女，仲主動細心比支飲管and 張紙巾我個女。一開個盒，個Burger堅係香噴噴👍🏽！！ 牛面珠肉厚度ok，肉質夠林夠滑！要讚既係👍🏽，每一口都食到塊面珠肉，吾似得其他店既肉得果一塊仔！！Burger 內配料邊方面，有蕃茄，菜都有2-3種，其中仲有好多火箭菜，一d都冇「姑寒」。仲有薯條，好開心係有算多既份量！ 由味道+配搭+食材就食得出係一間用心製作既餐廳！一定會再幫親！Burger Factory 加油！ …Read More

吾好睇Express 冰室門口細細吾覺眼，每次幫襯都成日滿座，早餐時段，更加要等位。茶餐廳/Cafe嚟講，冰室食物既質數吾錯，價錢算短合理。今日趕頭趕命又肚餓， 決定take a way 返舖頭食！ 原來先發現，有d款式外買係平d架！$29-$3x有交易。我叫左個黑椒汁豬扒意粉。要值得一讚，豬扒吾係炸係煎既！肉質好滑，吾算薄，當然再厚多dd會更有口感！ 黑椒汁夠熱，夠傑身吾涌口！亦吾會好辣，不過喊左dd。 $29算係低食。…Read More

店舖細細，門口窄窄，但次次見到入面都座滿人。第一次嚟意蠔屋，餐廳內大約有5-6張枱。我地叫左2個set lunch, 分別係咖哩雞飯 and 焗芝士忌廉煙肉意粉。依度焗芝士既野出名，所以第一次點都要叫吓芝士～ Set lunch有餐湯， 我揀左羅宋湯！個好濃好香，但喊左d! 值得一讚係，個湯飲到最後一啖都仲係熱既！焗芝士忌廉煙肉意粉，香濃芝士味，煙肉份量吾錯，不過可能芝士多左少少，食落有d濟濟地(易飽）。至於咖哩雞飯，好味好香！吾辣！鐘意食咖又吾食得手辣既可以試吓喇！ 通常其他餐廳比既薯仔都好少，得果2-3塊， 但係意蠔屋既咖哩薯仔就有起碼6-7塊薯角，薯角係炸左既，所以會香d。不過d 雞又係炸過，如果雞吾炸，肉質會流身d。…Read More

經常聽到朋友講，美華酒店內有間日本餐廳，好好食，今日就去一試～銀座藏人位於美華酒店內，位於酒店內，地點不起眼，但驚喜既係入到餐廳你會發現接近全滿！Lunch 時段不設booking, 所以要早少少嚟拎位。我地叫左牛肉烏冬鍋6件壽司 and 藏人之松花堂弁當一齊分享。牛肉烏冬鍋6件壽司，湯內有陣陣既牛肉香味，湯底帶少許甜，烏冬吸滿了湯既香味，不過牛肉就有點肥。最好既係，食完全碗烏冬，湯還是熱的！ 壽司方面就冇特別。 份量好足夠，冇偷工減料，一向大食既我，都覺得好飽藏人之松花堂弁當，一上到桌上，見到都開心！有蒸蛋、天附羅、燒魚、玉子，飯、燒牛肉及刺身蝦， 超豐富！ 天附羅食落吾油利，牛肉就有少許硬。 響你飽到抱住個肚時，仲有驚喜！個餐仲有雪糕&餐茶，實在好豐富！…Read More

假期假期假期！一家去搵吓食～ 有一段時間冇去和民，諗住試吓有冇新野食吓！ 中午時間，空位好多，吾洗等位。我地叫左3樣野， 海蝦天婦羅飯、炸雞他他執汁飯，同埋鍋燒玉子牛肉烏冬～先講炸雞他他汁飯，每一舊雞都炸得過火，超硬又乾，炸粉又厚！d飯又凍d雞亦只係微微暖，再加上佢地既他他汁超難食，浪費左d食物！海蝦天婦羅，有海蝦2飯+炸雜菜， d 天婦羅同飯都係凍既！！d飯質地味道都好差！比教叫做正常d既係鍋燒玉子牛肉烏冬！ 牛肉吾肥。…Read More

下午茶時段，外店望餐廳內，賓朋滿座，就入去試試啦！ 坐低後望望餐牌，咦～下午茶好多款揀wor !！ 眼見隔離枱既下午茶餐好大碟，西多士都好大件，睇落好吸引！我叫左個沙爹牛肉少河，超大碟，都係$29！ 牛肉好多，可惜碟河粉只係微微熱，更顯沙爹汁有陣油溢味，太油啦！ …Read More