melonlyk's Profile

朋友推薦呢一間中菜廳聽講食物質素好高 所以兩個禮拜前book定窗口位 餐廳位於Hotel icon嘅廿八樓 望住個海食點心認真一流可惜當日去到環境十分嘈雜 好彩職員願意幫我哋換一個位置阿拉斯加長腳蟹餃 $108好適合打咭 亦味道唔錯 好重蟹味金箔松露龍蝦餃 $108值得點嘅點心 松露味好出 裏面嘅龍蝦亦都好彈牙陳醋蟹肉蛋白餃 $98外觀精緻 入面亦都好多蟹肉牛肝菌燒賣 $68好重豬肉味 一咬就散開嘅感覺好新鮮原隻鮑魚雞粒數 $68/粒脆皮海膽豆腐春卷 $78呢個味道就麻麻 完全食唔出有海膽味 春卷皮過厚 但擺盤尚算有心思嘅鵝肝鹹水角 $68味道一般 皮很厚 而且食5到鵝肝嘅味道羊肚菌牛肉腸粉 $82腸粉皮唔係薄 牛肉都夠滑同有牛味鮮果芝麻海鮮筒 $88味盲嘅我食唔出𥚃面嗰舊係咩肉 上面嘅鮮果有少少酸 蒸點比炸物出色好多 餐廳職員收碟速度快 可惜同普通茶樓一樣人聲嘈雜…Read More

第一日開幕嘅嘉樂冰室朋友好耐以前就話要帶食佢一試難忙嘅超厚蛋三文治 但始終荃灣腳程太遠未有機會一試 終於等到佢第一間分店係土瓜灣今日開始正式營業 就狗衝過去試味離土瓜灣地鐵站好近 A出口5分鐘左右就到U Place 7點鐘去到唔洗等位就入得 門面超有懷舊氣氛 第一日好快就話好多嘢沽清 但好彩想食嘅嘢仲有得食超厚夠吋鹹牛肉滑蛋治 $33傳說中超級厚嘅蛋牛治 估唔到真係有高度係夠晒厚 對鍾情於茶記蛋牛治嘅人係恩物 一邊咬D蛋會一邊跌落隻碟度 的確係出面少見到咁厚身嘅滑蛋 33蚊完全係足料版大滿足火腿奄列 $35成隻碟咁大嘅奄列 比起出面普通茶記亦明顯落足料 由細到大都中意食火腿奄列嘅小妹成日會食到D唔足料嘅奄列 呢度嘅一定唔會令你失望 切開奄列會見到係火腿會瀉出嚟 而蛋亦都有適量嘅厚度 脆爆華田西多士 $39唔好睇佢一粒粒四方形 原來都好大粒好飽肚 每舊都好厚都有塊牛油舖面唔會驚唔夠搽另上一碟仔華田脆脆切開每舊西多 中間係會有層花生醬 足料 但略嫌唔夠軟身西米焗布甸 $19坊間食開通常有蓮蓉嘅蓮蓉西米焗布甸 佢呢個就冇 而係用紅豆同煉奶鋪喺上面好難得見到茶記有焗布甸食 可惜呢個就覺得唔夠甜 但19蚊就真係好抵食阿華田脆脆 $30雪糕咖啡 $25…Read More

一見到小白鷺有中菜廳，中意食點心飲茶嘅我就想嚟試好耐 半個月前打電話book枱两個人食點心 8月19星期四13:00 我哋到大埔再轉的士 地方都幾偏僻 但一落車見到billow隔離就係金鷺湖 無論係室外定內𥚃嘅裝修都好歐陸式好靚 帶媽媽嚟食點心真係一流 一入到餐廳好full house 咁遠水路嚟一定要book咗枱先敢嚟流心鵪鶉蛋燒賣 ($78)呢個一定要食 燒賣𥚃面包住粒鵪鶉蛋 仲係流心嘅 有新意得嚟又好食鮑魚珍菌千層酥 ($76)$38/1粒 飽魚size 又唔係太大粒 酥皮唔係太鬆化 但擺設就好靚 仲有食用花做裝飾 黑松露野菌餃 ($68)好重嘅黑松露味 好飽滿嘅餡 皮厚度適中 田園蘿蔔絲酥 ($78)熱辣辣好多餡 好值得點 而且好少餐廳可以將蘿蔔絲酥餅present咁靚 鹹水角啤梨仔 ($58)又係一個吸睛嘅點心 味道係咁多款點心最普通 但係靚嘅鮮蝦紅米腸 ($78)上面有肉鬆 腸粉皮好脆 粒粒都有好多蝦肉鮮茄魚湯鮮竹卷 ($62)鮮竹卷發揮正常 蕃茄味唔會太濃楊枝甘露 ($58)好靚嘅楊枝甘露 茶杯嘅size分量唔多雙色花晶凍 ($58)一個打卡必點之選 真係好靚 味道唔會話特出 又唔會係唔好食生磨蛋白杏仁茶 ($62)今餐賣相最低調嘅item 但好食好香杏仁味 同好多蛋白 好味道户外環境成棟建築物都係打卡熱點Hea到3點15左右先有大部分人離席 終於都影到室內相最後两個人食咗$792, 每人$396 以咁靚嘅環境 可以係小白鷺食到咁靚嘅點心仲係味道一啲都唔差嘅中菜廳 而且每個人都唔洗$400 我覺得今餐係超值嘅 係一間高汁嘅中菜廳如果金鷺湖再轉餐牌 一定會再嚟encore…Read More

朋友推薦呢間Pizza 店 一個禮拜前電話book咗7點半户外位 我哋两人9月17號星期五嚟到西九文化區食Pizza 本身諗住可以佐敦打的去西九 點知截唔到的士又狂塞車 最後我哋係九龍站坐小巴去 落車行過去唔洗10分鐘就到都幾方便一到餐廳waitress就問我哋有冇卜枱再叫我哋填google form 好快就坐低 正正對住維港海景真係好chillCoconut Lemon Spritz ($58)朋友點嘅 話有好香嘅椰子味仲食到一條條椰子肉Iced Latte ($40)正常發揮 坐室外咁熱一定要整番杯凍飲Linguine Algio e Olio ($128)扁意粉好食 因為相比起多汁多醬嘅意粉 我比較鍾意呢種冇乜汁嘅 佢加咗大蒜片,辣椒同橄欖油去整 整得好好食 好重蒜味少少辣 啱晒唔係幾食得辣嘅我Pepperoni Pizza ($158)係薄批除咗辣肉腸之外仲有水牛芝士,蕃茄醬,奧勒岡草,羅勒葉 以呢個價錢嚟講 分量好大料好足 薄皮食落去好脆卜卜熱辣辣 好好食Pizza Nutella ($88)Nutella多到一個點 一拎起塊pizza D醬多到斷開咗加埋香蕉好味道Tiramisu ($78)好食食完覺得唔夠喉 想再食多杯餐廳都好welcome帶竉物入去一齊用餐 當日都好full last order之後都有唔少人入嚟摸門釘 而係度用餐比我一種好優閒好享受嘅感覺最後我哋兩個人食咗$605, 每個人$300左右 以咁嘅海景嚟講加上係西九文化區裏面 原全係好抵食 最難得嘅係食物嘅質素唔會因此而下降 可以係西九以咁嘅價錢食到咁高質嘅pizza好難得 一定會再encore…Read More

約咗朋友两個人一齊試呢間cafe 但唔見有電話book位 終於鼓起要排隊嘅勇氣10月5號星期三下午茶時間4點鐘去walk in好彩平日tea time人少少唔洗排隊就入到室內環境好靚呢到嘅waitress都好nice 辣手撕豬肉窩夫 ($95)份量唔多 窩夫少脆軟身得嚟好有蛋香味 手撕豬肉都好味嘅 辣茄汁煙豬肉闊條麵 ($95)可以揀貓耳朵粉or扁意粉 味道唔錯飲品跟餐可以減$10火龍果乳酪 ($46) 好吸睛 凍Baileys朱古力($46)到甜品上枱 侍應會自動自覺換過D餐具意大利芝士蛋糕 ($72)賣相好靚 但打完卡好快就淋咗 重咖啡味薄脆拿破崙 ($72)两塊薄脆 幾特別 雪糕上有爆炸糖 最後两個人一共$416, 每人$208返到屋企先至知道一杯餐飲計咗原價收多咗$10 下次要check下單先得但overall食物味道賣相都幾好 侍應好nice 餐廳環境都乾淨整體感覺良好…Read More

如果要例出土瓜灣高質cafe一定會諗起heysonuts, 高質嘅大排檔一定係楚撚記, 而土瓜灣高質嘅居酒屋 就一定會諗到十戶第一次食十戶係喺7月28號 喺社交平台見到啲post就好想去試一次 今次係突然興起两個人經過土瓜灣附近星期三夜晚7點半左右walk in唔洗等位有bar枱可以坐 入面都有90%滿座 估唔到離土瓜灣MTR大約6分鐘嘅路程有間隱世嘅居酒屋我哋叫咗一個刺身鯛魚薄切 ($138)份量都好多 以$138呢個價錢嚟講 我覺得CP值都幾高 酒盜芝士 ($78)呢個味道就麻麻 主要係魚內臟鹹到一個點 我食咗一塊已經頂唔順 但我朋友就覺得好好味仲食晒全部螢光魷魚 ($68)$68有六隻螢光魷魚相比出面嘅日本餐廳算比較抵 好味到今餐晚餐嘅主角豚腩肉包糖心雞蛋 ($48/隻)呢個認真好味 本來麻麻哋糖心雞蛋嘅我 有塊薄薄地燒得啱啱好嘅豚腩肉包住嚟食係另外一番風味 係今餐嘅驚喜 之後嚟食都encore 而且要每人一隻先夠喉燒免治雞肉棒(附無菌雞蛋) ($42)呢個相比起豚腩肉包糖心雞蛋 就冇咁特別 但味道都唔差 雞肉好嫩滑仲食到有啲軟骨 ok嘅清酒煮海蜆 ($68) 呢個就麻麻哋 蜆嘅size普通唔會話大隻都唔會話細隻 但肯定唔係鮮甜 肉質有D”鞋” 酒味係有嘅 但一定唔會再encore蘋果烤鵝肝 ($88)呢個就好好食厚肉得嚟烤得啱啱好 入口即溶多汁 燒飯團 ($38)燒到黃金色好好食淮山 ($28)無酒精飲品得乳酸梳打可以選擇(左)白桃果酸梳打 ($48)(右)乳酸(原味)梳打 ($48)最後两個人一共食咗$878, 叫咗12款食物每人~$440 以居酒屋嚟講CP值幾高總體嚟講 食物係用心去做尤其係烤物 氣氛都好好 下次經過土瓜灣想食日本嘢嘅話一定會嚟呢間…Read More

係IG路經見到來佬餐館11週年嘅11道菜套餐 見菜式都好啱口味之前話套餐做到8月31就急不及待去試前一日訂位平日星期三两個人夜晚7點 都容易卜位一入到餐廳原來空位都好多 加上自己正係得2,3枱客11道菜套餐一共包咗每人6款前菜，1個餐湯，1個主菜同1杯飲品而甜品係要加錢但唔貴之後上嘅係餐湯有两款選擇 1. 黑松露野菌湯2. 羅宋湯我哋叫咗两碗黑松露野菌湯 好好飲黑松露味好突出Appetizer 一共有6款 1. 來佬一口海南雞飯2. 自家西班牙黑毛豬叉燒3. 大蝦多士4. 法式香草焗田螺5. 經典凱撒沙律6. 黑松露炸薯條侍應會排得好靚比你打咭而且每一款都做得好仔細 好睇得嚟都好好味 來佬一口海南雞飯法式香草焗田螺自家西班牙黑毛豬叉燒大蝦多士而主菜可以3款裏面揀2款1. 法式牛柳伴鵝肝忌廉焗千層薯，黑松露燒汁 (+$40)2. 燒西班牙漿果黑毛豬，蘋果蓉3. 脆皮乳鴿半隻，乳鴿崧生菜包最後我哋揀咗 黑毛豬同鵝肝牛柳比起前菜 主菜反而做得冇咁出色 味道相對比較普通燒西班牙漿果黑毛豬，蘋果蓉法式牛柳伴鵝肝忌廉焗千層薯，黑松露燒汁最後我哋每人揀咗1個甜品share食呢個餐可以加$11加1款甜品 一共有3個選擇 1. 兒時回憶2. 火焰雪山3. 意大利芝士蛋糕意大利芝士蛋糕 (Homemade Tiramisu Plant)個人感覺食落去怪怪的 可能因為用嘅係salted caramel sauce 賣相還可以但食落去咸咸的好唔慣 我食咗一啖之後就冇再食落去火焰雪山 (Baked Alaska)相反呢個係必點嘅 侍應會好好等你ready好影相先開始著火 有動感得嚟又睇得又食得總括依然呢個餐嘅前菜係做得比較出色 亦都感覺到係有用心做嘅一個套餐 尤其是海南雞飯叉燒同焗田螺真係好好味 而甜品嘅火焰雪山都令人留下深刻嘅印象 而環境都好寧靜 可能因為比較少人 所以食得好舒服原本$328/人 因為加咗甜品同服務費最後total兩個人一共$789係食得開心嘅:)…Read More

一直都好想試下仙后餐廳嘅high tea見到7月中開始轉咗high tea嘅主題 一於要襯機試下 知道都好難卜位 因為afternoon tea set係逢星期六日 15:15-17:15先有得供應今次好好彩係網上8月1號嘅時候book到8月28號食今次個tea set充滿住童真同夢幻得嚟 仲滿足晒眼球同味覺嘅需要我哋两個人早咗15分鐘到達餐廳 門口已經有十幾個客人係外圍打咭 因為先後嘅門面已經好有古典氣氛好靚侍應係門口confirm埋booking後 等到15分先準時入席一坐低 tea set就會陸續上枱真係好靚首先係scones 每人有2件 有小紅莓鬆餅 同 迷迭香蕃茄乾鬆餅 再配果醬,奶油忌廉同黑蒜醬其中黑蒜醬真係好好食天鵝湖(Swan Lake)個造型真係好靚好仔細 睇得出好有心思正係两隻天鵝🦢已經加晒分 但原來係湖面係食得嘅香檳啫喱 仲有石頭朱古力同荷葉裝飾 成個天鵝湖嘅構造真係擺咗好多心機熱氣球 (Hot Balloon) &旋轉茶杯 (Tea Cup Ride)其中熱氣球係用檸檬杯子蛋糕+百力支承托住個朱古力波而杯子蛋糕有兩隻味道:意大利軟芝士配忌廉和香橙or紅桑子味而鹹點一共有四款 全部都放咗係摩天輪上面1.鴨胸沙律配紅菜頭啫喱撻2.醃生吞拿魚及藍蝦肉配蘿蔔苗，香脆威化3.煙燻魚子醬配法式忌廉，香脆薯餅4.煙熏三文魚他他配檸檬忌廉，三文魚子，青瓜及麵包壓軸仲有識郁識轉圈嘅旋轉木馬蛋糕紅桑子朱古力伯爵茶海棉蛋糕配忌廉隨後仲附送仙后餐廳字樣嘅方型音樂盒 令成個tea set充斥住既童話又浪漫嘅氣氛 加上餐廳嘅古典華麗嘅環境 好享受今次嘅用餐Total:$728 +10%= $801/ 2人…Read More

今次係open rice book咗位有8折優惠 (可以用係正價餐牌 lunch set同套餐除外) 我哋2個人係7月16號星期五 2點半開始食 都有8成滿座 有lunch set同2人4人套餐可以叫 但冇我哋想試嘅菜式 所以我哋用咗8折優惠叫咗想食嘅嘢香煎法式鵝肝多士 ($98)鵝肝好厚肉 下面嘅多士脆卜卜得來又唔會太硬 呢個可以話係必食白酒忌廉汁大蜆 ($128)份量適中 個白酒忌廉汁煮得好好味 酒味唔係太出但好creamy 蜆size唔係太大但都叫頗肥美 蜆肉夾埋D忌廉汁一齊食真係好滋味 本身見到Menu有pizza 仲係薄身嗰種 所以想試吓佢嘅西班牙黑毛豬無花果pizza 但後來餐廳職員話無花果缺貨 所以決定轉食海鮮拼盤手搖秘製醬汁海鮮拼盤 HandShake Seafood Platter (單點$488)包咗5款海鮮: 龍蝦,大蝦,鮮鮑魚,炭燒八爪魚,紐西蘭青口同大蜆 醬汁同海鮮都好match 但我朋友子就覺得好辣 海鮮嘅size都幾大 二人份量嚟講都幾飽肚 底下嘅粟米好鮮甜 薯仔都做得好爽口朱古力千層蛋糕 ($48)賣相好靚 係深啡色同白色相間 唔會太甜 好味日式抹茶紅豆班戟蛋糕 ($46)雖然size比想像中細 但好好味 紅豆唔會搶晒抹茶味Latte (hot $35) Cappuccino (hot $35)原價total 878, 用咗八折優惠之後 两個人total $702 =$351/人…Read More

某張信用卡做做promotion Total $753.6两個人就可以食到 Ritz-Carlton嘅週末自助午餐 早3個月through信用卡網上付款加電話book位 3個月後嘅今日 7月4號嘅12點開始食到2點半座位唔係太多 我哋两人被安排係4人桌對住樓下意大意餐廳 都可以望到高處嘅風景凍海鮮有蜆 凍龍蝦 生蠔 龍蝦夾 蟹 同鮮蝦生蠔刺身 蝦好鮮甜熱葷有十多款選擇 燒味有叉燒 燒鵝 其他有黑胡椒炒蜆 黃金脆斑球 烤魔鬼魚 沙嗲豬肉串 雞肉串燒 烤羊架 烤蕃薯 燒莖菜 牛肉漢堡 味道ok嘅 唔會話難食又唔可以特別好食湯有蘑菇忌廉湯 同胡椒味好重嘅肉骨茶 要讚嘅係肉骨茶好啱我個人口味 胡椒味重到好辣口 令我諗起新加坡某一間肉骨茶好出名嘅餐廳然後到甜品區 甜品佢喺熱葷區 同凍海鮮刺身區嘅正中間甜品款式有好多 每一款都做得好精緻 賣相十分好之餘味道都好好味 有芒果布甸 朱古力布甸 榴槤慕絲蛋糕 椰糖西米布甸 斑斕意式奶凍 焦糖燉蛋等等 尤其是榴槤慕絲蛋糕榴槤味十分重 裏面仲有榴槤肉 我一個人食咗三件 另外仲有Movenpick嘅雪糕 但只得三種味道最後每人包一個飲品有信用卡優惠 係103層食weekend lunch buffet 除開$753.6= $376.8 食到生蠔同龍蝦嘅自助午餐 都叫係價錢合理嘅…Read More

前幾日打電話book枱 話follow IG/FB都可以有8折優惠 最後我哋两個人係7月21號19:00入座 座位都有9成滿 一坐低就有3塊餐牌 侍應好主動會問你想點啲咩食 我哋一次過就點咗好多 第一round已經點左刺身拼盤加10款食物 因為張枱唔係太大 都有D擔心好彩嘅係上枱嘅速度唔太快 我哋先嚟咗8款小食 食晒之後要催單先上到個刺身拼盤先嚟鐵板鴨肝 好好食 好juicy 底下塊面包唔會太大塊 最後encore咗3次鐵板帶子帶子都好厚肉 上面舖晒櫻花蝦 好味鐵板薄燒牛肉 (4人份量)1年幾前第一次嚟碗屋就已經知道呢個好食 如今都係好好味 薄牛肉𥚃面包住D葱花 燒得啱啱好 完全係當年嘅水準每人包一份嘅小食 可以揀鮑魚/帶子/燒龍蝦/龍蝦刺身年幾前就揀咗鮑魚每人有一隻 今次就揀咗2人一份嘅燒龍蝦 點之前侍應已經提醒左我哋龍蝦size只有大約一隻筷子長最後嚟到度一度 原來連埋龍蝦尾都係唔夠一隻筷子長 但燒得肉汁好彈牙 色澤都好靚 一人有两舊龍蝦肉 如果下次再嚟都係會揀燒龍蝦接下來係炸軟殼蟹 size適中 一份只係包半邊蟹 但熱辣辣好多膏 海膽小手卷 size真係唔大 海膽好鮮點唔會腥 飯量唔會好多釀蟹蓋 細細隻 但食到蟹肉 大約等咗25分鐘 催咗一次單終於都嚟刺身拼盤 一上枱就覺得擺得好靚 食材好新鮮刺身我哋每一款都要 包括:三文魚,鯛魚,油甘魚,甜蝦,北寄貝,希靈魚,赤貝,北海道海螺,八爪魚同呑拿魚第一round嘅銀鱈魚要再過多陣先上到 但都係好好味 加埋沙律醬食一流 燒到啱啱好 唔會太乾身 夠厚肉鐵板燒蝦Size大 味道ok串燒魷魚筒 細細隻味道好甜品就有唔同口味嘅糯米糍同雪米糍雪糕就有5款口味 (豆腐,綠茶,芝麻,柚子同芒果) 任君選擇仲有好多想試嘅嘢因為太飽所以試唔到 唯有再等下次 順帶一提嘅係佢哋嘅鯛魚湯真係好好味 通常日本餐廳飲嘅都係味噌湯 但嘅隔離有幾枱都叫呢個就叫碗嚟試下 真係好濃郁奶白色 好重鯛魚味 飽到120%前飲到呢碗湯有D喜出望外另外燒雞翼5係幾夠鹹 炸蠔大粒個多麵粉金芋好好味好甜因為朋友請食 我估大約$528加一再8折 =around $460/人 …Read More

位於海港城嘅映水芙蓉 因為朋友俾咗優惠卷所以食唔到辣嘅我就膽粗粗試吓食川菜因為驚冇位所以用電話早兩日book咗枱 卜咗7月14日星期三嘅晏晝5點半因為清潔時間我哋係第一台人入座 一坐低就即刻送上welcome drink Martini 唔係太飲得酒嘅我飲完呢一小杯就紅都面晒但比我嘅感覺食川菜有Martini 做welcome係有驚喜嘅附送嘅前菜十分之極度鮮甜椒麻南非鮮鮑 ($168)一上枱就有煙霧彌漫嘅感覺 $168有4隻鮑魚價值係超值 雖然鮑魚嘅size唔係太大 但鮑魚底下綠色嘅椒麻醬好好味 夾埋一齊食好match 係另一番風味嘅食法核桃小蕃茄 ($15/粒)擺盤十分之靚之餘 可以睇得出啲蕃茄十分新鮮好靚仔 但如果唔係之前睇過OpenRice食評 都未必會因為蕃茄新鮮而叫呢味餸 呢道菜真係要咬開第一啖先知佢唔係齋得個外表 而係內裏有乾坤 就算一早知道佢裏面有餡 但一咬 裏面嘅沙律汁即刻咇晒出嚟 每一粒蕃茄真係裏面有幾粒合桃喺入邊 三樣嘢夾埋一齊食真係好好味 呢個真係驚艷到小妹 有樣有內涵有心思有驚喜千絲西葫蘆 ($88)一上枱就present得好靚 之後就會有侍應就會倒啲Chili soy sauce 落去 再幫葫蘆分屍唔係幾食得辣嘅我都接受到 唔會覺得好辣但有少少麻蓉城雞豆花 ($68)雞湯味好濃郁嘅雞味 黑松露豆腐湯 ($68)淨係見到個豆腐就一定要嗌嚟打卡 相比起雞湯呢個味道就比較淡 但好吸睛口味豬蹄 呢個係朋友送嘅優惠卷而叫嘅 侍應好好喺相枱之前就拎咗一隻完整嘅主題問使唔使影相打卡 影完之後先會再切 估唔到嘅係個皮好脆 底下肉又唔會做得太淋或乾身 可惜嘅係食唔到辣嘅我覺得底下嘅汁都幾辣吓 但對於食到辣嘅朋友來講應該係十分之好味 淨係塊皮就已經想encore 我地两個差啲要爭皮食蝦膏泡瀘沽湖紅米飯 ($88)侍應會想蝦膏湯倒入石窩𥚃面 再等2,3分鐘等啲飯吸收晒啲湯再食會比較入味 好好味因為book咗枱剛好要19:00前交枱 所以林尾30分鐘有啲緊張點解未見到有甜品Menu 正想沖口而出問嘅時候 侍應見我哋食得7788就拎住個甜品Menu問我哋使唔使叫甜品食 因為之前見食評D甜品十分吸引人 所以就充滿着期待茉莉花茶布丁 ($58)果然冇令我失望 外貌一流 喺布丁上面鋪滿晒一粒粒嘅西米同埋芒果 潤肺雪梨爽 ($58)賣相好靚好晶瑩剔透 呢個我就冇試味 但我朋友就話凍食得嚟都幾好味之後再送兩粒泡芙作為總結 味道應該係隨機嘅 我哋有一粒係焦糖味一粒紅桑子味 味道係中上 我覺得成餐飯嘅菜式擺盤得好靚之餘 好多嘢都好有動感 好驚喜 而且呢度嘅服務態度十分之好 可能因為比較早食晚餐 侍應真係唔會比機會你自己動手斟茶 反而佢哋每次望到你飲咗一啖茶之後就急不及待衝過黎refill 真係細心到一個點順帶一提嘅係 Book枱都唔可以book太早 因為餐廳驚曬親顧客 所以5點30到6點45左右都落咗半個窗嘅簾even request咗坐窗口位但大部分時間睇5到出面嘅海景但到6點45開晒窗簾見到個落地玻璃後望住個夕陽西下落山個心又開心番晒睇到呢個夕陽無限好 真係好enjoy呢一刻因為豬蹄係免費送嘅 所以最後呢餐係total $800= $400/人 可能因為用咗優惠 總覺得$400一個人可以有咁嘅用餐體驗係十分之值得 會有想再嚟嘅感覺…Read More

早半個多月卜枱 終於卜到天龍軒嘅窗口位 6月28日12點正二人食點心 點知遇正黑雨 只可以話難得可以係高層102樓睇雨景食米芝蓮二星嘅點心一坐底就有waiter好耐心咁講解餐牌 點咗想食嘅點心後 就上咗琥珀合桃 黑椒洋蔥鵝肝鹹水角 ($118)窩貼大蝦多士 ($156)蔥蓉星斑燒賣 ($118)羽衣甘藍官燕粿 ($120)三文魚子蟹腿鳳眼餃 ($120)中東吉品鮑魚酥 ($168)蜜燒西班牙黑豚肉叉燒 ($200/半份)化皮乳豬件 ($350)乳豬嘅皮每一塊都好大塊 仲十分之脆甜品就揀咗杏汁擂沙湯丸 ($85)仲附送合桃酥同糯米糍每一樣點心都有用心擺設 點心啱上到枱面嘅時候都仲係熱辣辣嘅 而且擺盤都擺得好靚好中意呢度好甜心嘅服務 完全唔比機會你自己斟茶 另外一方面值得讚嘅係 點心唔會一次過上晒而係逐樣逐樣上枱 唔會搞到啲點心凍晒之餘 仲可以專心試每一道食物 再加上靚景同好靚嘅室內裝修 令到我好享受今次嘅用餐對住海景喺102層高空食中菜 係視覺同味覺都好享受 完全係值回票價最後两個人叫咗10樣嘢total: $1811= 埋單$905/人…Read More

今次Staycation係East 東隅酒店住一晚連dinner buffet 酒店職員一早就問我入座時間幫我卜埋位之前聽過東隅嘅熱葷係最好味嘅 所以對呢餐自助餐充滿着期待係7月19號星期一6點正入座 打住3號風球都揀咗窗口位置坐 離自助取餐區不遠飲品有熱咖啡茶同多款罐裝飲品同汽水任拎生蠔係開定殼任拎唔嬲 有法國🇫🇷同愛爾蘭🇮🇪產 每一隻都好鮮甜而且好肥美 完全冇腥味得嚟仲清洗得好乾淨一粒沙都食唔到凍海鮮就有三款 蟹腳，螺 同蝦蟹腳好多肉好大隻 而且好鮮但螺就十分多沙 4隻都有好多沙 最後一隻都冇食到壽司同刺身都係自己任拎 刺身有5款選擇 熱食係掃QR Code 點菜嘅 around 17款可以任點任叫 烤豬腩肉點解話呢一間嘅熱葷做得好好 一舊豬腩肉就睇得出 一上枱就覺得個擺盤十分之精美 真係即點即做 上枱嗰陣仲係熱辣辣 有啲似平時食開嘅烤肉 層皮真係卜卜脆 真係冇得輸 我哋每人食咗3舊烤美國肉眼扒 又係睇得出用心擺盤 叫咗medium rare 真係好好味煙肉帶子卷 熱辣辣調味好 色澤好靚黃金椰絲脆蝦 芒果莎莎蝦好大隻好多肉 烤紐西蘭羊扒 有羊味配上烤肉汁 味道好西京燒銀雪魚 好多肉 燒得啱啱好 味道好出色 encore咗兩次甜品好靚 係自己出去任拎 焦糖燉蛋好味好重蛋香 前後食咗3個呢間自助餐係絕對一定會encore 完全滿足呢個鍾意食熱盤嘅我 對住個open kitchen 睇住廚師們即叫即整 隔離就好多waiters standby住上枱 所以每樣嘢點完之後5夠5分鐘就上到菜 仲保持住熱度 真係好appreciate 呢間酒店餐廳嘅心思仲有要讚嘅係呢度嘅service 收拾餐具好快 而且好有禮貌 仲會好主動serve客 呢一餐真係好滿足…Read More

已經係第三次嚟Hotel Icon 食High tea 1次Baileys 1次係榴槤主題 一直覺得佢嘅High Tea係有質素保證 所以一見到榴槤下午茶決定要再encore今次嘅afternoon tea set係升級版榴槤飄香下午茶 6月27號係hotel icon website book枱 比咗每人$100 deposit後成功卜到7月10號 星期六1500食準時3點鐘先可以入去the market坐 一坐底waitress就會拎住餐牌問我哋飲咩餐飲 之後就會上set包咗嘅貓山王榴槤銀耳燉紅棗白玉湯味道幾特別 真係有2舊榴槤喺入面 甜得嚟又陣微微嘅榴槤味再過一陣waiter就會拎住1set set嘅tea set上枱 好快連餐飲都上埋第一層係1. 榴槤焗釀珍菌波士頓龍蝦2. scones with clotted cream and jam3. FORBIDDEN D24 榴槤蛋捲龍蝦嘅榴槤味唔係幾食得出 龍蝦殼裏面係一堆菌類,蝦同龍蝦嘅混合物 而唔係完整嘅龍蝦肉第二層係鹹點1. 魚子醬煙三文魚卷2. 車厘茄配水牛芝士3. 日式磯煮鮑魚4. 吞拿魚粒鮑魚係每人一個殼但只有半邊嘅鮑魚 其他嘅鹹點味道正常底層係甜點1. 馬來西亞直送D197榴槤2. 馬來西亞直送D175紅蝦榴槤3. 榴槤泡芙4. 榴槤木糠布甸5. 烏龍茶啫喱今次嘅afternoon tea 係包埋任食雪糕 有3種選擇: Godiva嘅榴槤雪糕同朱古力雪糕 仲有自家製嘅D197 D24榴槤雪糕GODIVA嘅榴槤雪糕榴槤味都頗重 好味但比起自家製嘅榴槤雪糕 始終都係自家製嘅好味係呢個afternoon tea 嘅主角 D榴槤味重到一個點 上年食hotel icon嘅high tea 就已經迷上咗佢 今年終於食到 一食就食咗6球順帶一提嘅係 二人桌面積5大 两個餐飲加tea set加2個湯盎令到桌面有D劑逼 飲完嘅渴碗1個小時多要顧客要求先會收拾 如果侍應可以主動收拾餐枱會更好連加一 total $738+10%=$410/2人…Read More