ckl_shirley's Profile

第一次食呢間手工麻糬揀咗黃豆粉口味+肉桂蘋果奶蓋+ Oreo碎佢哋將黃豆粉同麻糬完美混合唔會有太多黃豆粉令到一入口就俾啲粉濁親👍🏼口感唔會好黐立立一咬就咬得開嗰種麻糬size整到一口size啱啱好一啖一粒👍🏼肉桂蘋果奶蓋肉桂味十足仲有煮軟咗嘅蘋果粒👍🏼但個人就覺得同粒麻糬好似唔係太夾🫢至於個Oreo碎基本上都好百搭同粒麻糬都幾夾👍🏼不過我都係喜歡喺台灣淡水食到嗰種牛奶麻糬’糯嘰嘰‘拉絲嗰種口感多啲*以上評價純粹個人口味…Read More

連續三日係OpenRice到訂餐，但因order太多而比餐廳拒單😭今日朝早9點就落order，終於成功👍🏼因為唔清楚個飯嘅portion大細，所以決定試左個小盛先，慢煮肉眼有8塊，大細厚薄適中，入口嫩滑唔韌👍🏼佢哋應該落咗少少鹽同黑胡椒調味，味道唔錯👍🏼👍🏼再加埋個新鮮蛋黃，將牛肉點少少蛋黃一齊食，更加滑💯不過可能因為外賣嘅關係，個賣相冇係堂食咁靚仔，不過味道依然好正，值得一試！…Read More

一蘭進駐香港已經一段時間，但今日先第一次去幫襯😆可能抱有期望咁去食，所以有啲啲失望😅$95一碗拉麵，配菜只有一片薄薄嘅叉燒，紫菜、溏心蛋同木耳都係冇，要另加錢～唔緊要！食拉麵最緊要係湯頭同個麵，但坦白講，湯唔算好濃，麵嘅筋道亦唔夠，以差不多嘅價錢一幻好食過佢😅甚至一啲小店好似荃灣嘅台風拉麵或者大角嘴嘅大丸拉麵都比佢好，一蘭都係食名氣多，好在冇係一開張時排隊去食😅😅…Read More

6月1號專登校定鬧鐘一到九點就即刻上網訂位，最後成功訂到8月20號！不過由於最近睇緊中醫要戒食甜品，所以就算啲甜點有得無限refill，都只可以淺嘗🥲一坐低已經有侍應介紹afternoon tea set有咩食，亦都會主動推介餐飲，當佢哋上咗鹹點嗰set三文治之後，有一個侍應推住部調酒車過來，介紹杯tea champagne cocktail比我地，我同朋友天真咁以為係免費嘅，所以要咗一杯試下，係佢介紹嘅期間完全冇提及過杯Cocktail係要錢，到最後買單先見到收咗$98🤭如果佢哋可以稍為提及一下要收費嘅會比較好🙈講返啲食物先，set三文治總共有四款，分別都係碎蛋沙律、煙三文魚、火腿芝士仲有一款唔記得咗🤣🤣味道中規中矩，其中三文魚嗰件上面放咗少少魚子醬，而碎蛋三文治上面放咗三片新鮮嘅松露，擺盤尚算精緻，三文治之後上咗一杯好濃郁嘅蘑菇湯，個湯有啲驚喜！好濃郁嘅蘑菇味，湯嘅口感好滑，飲嘅時候每啖都有好多蘑菇碎粒，正👍🏼👍🏼👍🏼鹹點就咁就完咗，跟住到甜點部份，首先上咗兩個scone，一個提子一個原味，Size比起其他酒店嘅scone細啲，但係本人就覺得啱啱好，太大個的話好容易就食到飽飽滯滯，佢配搭左三個醬，分別係藍莓醬、橘子醬同埋鮮奶油，個scone微暖，甜度適中，自己就鍾意搽少少鮮奶油咁食👍🏼👍🏼跟住嗰兩部甜品餐車就出場，第一部餐車嘅甜品選擇比較多，我同朋友每樣叫咗一件一齊share，最好食係佢個雲呢拿拿破崙，啲雲呢拿cream唔會好甜，拿破崙餅好趣，兩塊拿破崙餅中間夾住雲呢拿cream，我覺得佢個size啱啱好，用手拎住食或者切開佢都唔會話好容易散晒👍🏼👍🏼👍🏼而另外一件令我驚喜嘅係焦糖芝士餅，本身以為佢好甜，點知食落又ok喎，焦糖香味同芝士餅好夾，不過由於都幾大件下，我同朋友兩個share都食唔晒😆至於另外三件甜點都不過不失，而另外一部餐車主要係食朱古力嘅甜品，但係由於我哋兩個已經食到好飽，最後只係揀咗佢嘅香蕉朱古力撻同埋黑朱古力撻嚟試，香蕉朱古力撻好甜但真係食唔到香蕉味🤣反而個黑朱古力撻嗰啲冇咁甜，不過可能自己唔係太鍾意食朱古力，所以兩個都覺得麻麻🙈其實食晒呢幾樣野之後都真係已經好飽，不過最後我都堅持叫多個拿破崙同埋提子scone嚟食🤣🤣我哋13:00開始，食到15:00就清場，如果可以坐耐多少少就好喇🙈整體來講，$798再加一/2位，大部份價錢都係食個名氣同酒店品牌，我自己就比較鍾意Grand Hyatt同埋st. Regis嘅tea set多啲，性價比會比較高…Read More

週末跟好姐妹3人聚餐，今次揀左係灣仔修頓球場對面呢座保育建築嘅地下新開嘅餐廳嘆意大利菜，佢哋週末嘅中午應該只提供weekend set lunch，每位好似$385🤔（唔記得左🤣）包左appetizer, main course,甜品同tea/ coffee，由於我地幾個睇左餐牌好一陣子都冇idea，最後直接叫待應介紹～坦白講，3個前菜入面最好味係吞拿魚他他，另外兩個就基本野，煙肉滑蛋多士同mozzarella蕃茄仔沙律，不過佢地嘅portion都算幾大，我地三個女仔食完前菜都有啲飽飽地😆到主菜出場，我地揀左seabass同海鮮意大利麵，由於份魚係兩人份量，所以主菜只有兩樣，但一上菜嘅時候真係嚇左一跳，我哋三個完全冇諗過條魚係成條上！仲要好大條🤭條魚應該係用焗爐焗嘅，肉質都算嫩滑，幾新鮮，伴碟配菜有細細粒嘅薯仔、蕃茄仔同西蘭花苗？我哋幾個真係睇見都已經飽咗😆到最後埋單睇到個總數之後，我諗佢應該係將條魚嘅份量加到三人份量，食嗰陣都覺得奇怪冇理由二人份量會咁多🙈至於個海鮮意大利麵，正👍🏼佢哋嘅麵條應該係手工制，食落口感煙韌，醬汁似係用新鮮嘅蕃茄蓉去燴，唔似係茄膏嗰種，海鮮包括有大蝦、青口、蜆、帶子，真係幾足料下👍🏼我哋三個抱住食完今餐夜晚都唔使食嘅心態，盡量去食，不過都係食唔晒🤣🤣最衰佢哋唔可以三個人叫兩個餐，以女仔嘅食量來講，一個人食一個餐真係有啲難度🤪最後嚟到甜品方面，由於食緊中藥嘅關係，醫師吩咐落唔好食甜品，所以我都只係淺嘗左一口，不過味道好似冇想像中咁好食，不過不失咁～～整體黎講，佢哋嘅嘢食質素唔錯、環境裝修得唔錯，三五知己喺度食下野傾吓計影吓相，兩三個鐘就咁就過咗，仲有值得一提嘅係，佢地嘅待應好nice，會主動介紹，讚👍🏼…Read More

其實我好怕推薦餐廳比朋友，但係熱記係我唯一一間毫無顧慮咁推薦俾人嘅餐廳！好食嘅菜式太多，真係不能盡錄，但係要數到我最愛嘅菜式，一定非佢哋出品嘅滷水鵝肝莫屬！真係好好食、好好食、好好食！重要嘅嘢最少要講三次🤣照我所知佢哋嘅鵝肝大多數都係由老闆親自主理，不過有時都會係由佢嘅徒弟代為製作，佢哋嘅滷水鵝肝非常嫩滑，真正做到入口即溶，第一次食嘅時候覺得咁滑一定係整得唔熟，都有啲擔心會肚痛😆😆但係食過N次之後，從來冇一次因為食完而令到肚仔有任何唔舒服，我就知道呢個應該係老闆嘅獨門製作方法👍🏼我強烈推薦去熱記食飯嘅朋友一定要叫呢個餸👍🏼👍🏼👍🏼至於其他出色嘅菜式仲包括有：山珍啫龍躉扣、芥菜戀豬膶、蔥油鮮魚皮、蟹黃海鮮燜飯、黃金涼瓜、豉油王大蝦等等…Read More

Pokka cafe屬於和式洋食，有意粉、蛋包飯、鐵板牛扒、沙律等菜式。今晚就試左燒牛肉沙律，燒牛肉睇落似半生熟，不過食落有啲‘鞋’口，冇睇落咁嫩，沙律醬就用咗日式沙律汁，不過都落得幾多下，有啲濃得滯，好在有幾粒藍莓同奇異果中和返😆老公就叫左鐵板牛柳200g，上菜時待應話牛柳只有3-4成孰，不過由於塊牛柳比較薄加埋鐵板上，就算即刻淋上醬汁，塊牛柳都好快變咗7-8成熟，如果好似我老公一樣鍾意食生啲嘅就差少少，不過鐵板牛就係咁，生孰度比較難控制～好在牛柳肉質比較淋，就算全孰咁食都ok，配菜就有炸蒜片、粟米粒同蒜芯，特別一提上菜時個餐盤放左一個牌仔，寫住「若牛扒跟腱太多，我們樂意為你更換」👍🏼👍🏼唔錯唔錯🥩另外仲叫左份飯團，中規中矩，都係用拌飯素撈埋珍珠米一齊做成三角形狀，唔會特別推介🤪…Read More

以前成日去韓國，除咗生牛肉之外，最鍾意食就係水冷麵，韓國食嘅水冷麵啲湯有一半係雪成碎冰，酸酸地少少鹹咁，味道好特別，蕎麥麵勁煙韌，一定要剪幾下先至容易食到，加埋啲青瓜絲、雪梨絲同半隻烚蛋，好味又飽肚👍🏼尋晚突然好想食，咁今日晏晝放飯就喺公司附近搵間韓國餐廳食，落單姐姐話水冷麵要等得耐少少，最後等咗15分鐘左右，一黎到個賣相唔錯，不過可惜佢只係落咗普通冰粒，而唔係用湯整成嘅碎冰，蕎麥麵有啲鹹鹹地，麵嘅質地就比韓國淋少少，而啲湯嘅味道同韓國都有八成似👍🏼除咗有青瓜絲同雪梨片之外，仲有醃蘿蔔同牛展，食晒一碗真係超級飽🤪價錢已包餐飲同前菜，都算合理👌🏼下次再去試下其他野先～…Read More

青花屬於fusion泰菜菜式普遍偏甜分量屬於正常餐廳環境舒適適合女孩子三五知己聚餐妹妹今天突然想食泰國菜但因為她不吃辣立即就想起青花😆但如果喜歡正宗泰菜的話青花就未必適合…Read More

星期日朝早自己一個去食早餐，叫咗一份沙嗲牛肉烏冬+火腿煎蛋餐包+咖啡，落咗單之後5分鐘個烏冬同咖啡就到，食晒個烏冬（大約15分鐘之後），就同職員講仲差火腿煎蛋餐包，職員冇幫我同廚房追單，淨係話就到就走左去，好！我再等多一陣，再過多5分鐘到，有個職員同其他客講話我就走叫佢哋等我張枱，我就再同個職員講我仲有嘢食未到，佢又係Hea我話就得，再過多5分鐘左右，我再同個職員追單，點知佢問我係咪差杯咖啡？！即係代表佢哋根本一直都冇同我追過單！連我差啲乜嘢都唔知！我即刻起身走人，我同收銀講話收小我份火腿煎蛋錢，我等左足足三十分鐘有多，我真係趕時間所以唔等！我明白假期去食早餐係比較多人同埋要等，但係最大嘅問題係佢哋嘅態度！我每次追單都有同佢講話係差啲乜嘢，但追咗幾次佢哋竟然以為我差咖啡？！到最後個經理竟然拎住杯打咗包嘅咖啡出收銀處嗰度俾我，我真係忍唔住發爛渣同佢講話我其實係差火腿煎蛋餐包唔係咖啡！我講咗三次喇！後都唔會幫襯！…Read More