pangdeedee's Profile

喺度叫咗個Tiramisu嘅可麗餅，非常非常足料，吉士嘅比例都幾高，裏便夾咗啲浸咗咖啡嘅手指餅，有啲脆脆，覺得咖啡味唔係嗰種大人Tiramisu嘅口味，不過鍾意食cream嘅朋友應該會覺得幾好食，而且都真係有手掌咁大，一個都可以當一餐食，想試晒全部味…Read More

見到其他食評話個木糠布甸好似雪糕好好食，一食覺得不得了。個布甸可以分層食，可以疊住一齊食，好似雪糕蛋糕咁樣，同平時啲好creamy嘅texture好唔同，係硬身嘅，一嚿雪咗嘅嘢，中間仲夾住啲餅乾碎，係我食過最特別嘅木糠布甸芒果糯米糍就正常發揮，唔算大粒唔算細粒，芒果都甜，不過皮有啲厚。…Read More

試咗乾炒牛河，星洲炒米，仲有咖喱焗雞扒飯，三樣都好好食，乾炒牛河非常之有鑊氣，洲炒米除咗有鑊氣之外嗰種咖喱香味又唔會搶咗，但係又若隱若現，而且10分多材料，唔會吝嗇。咖喱焗雞扒飯尤其用心，個飯係炒飯底，非常之香，咖喱嘅椰香味都好出，而且上邊仲有芝士，送餐飲，鴛鴦嘅茶同咖啡同埋奶香味都好出，真係好耐冇食過咁好食嘅茶餐廳啦！…Read More

冇食到最出名嘅醉雞，食咗雞煲翅同埋胡椒豬肚雞，我哋揀咗食米線同埋刀削麵，米線配啲湯好好食，但刀削麵好出色，麵有筋度，麵側邊仲有啲波浪紋嘅切痕令到佢嘅口感好豐富。雞湯濃郁有料，雞肉香而鮮甜，食得出有條過少少味但係又唔會太重手。胡椒豬肚湯尤其出色，見到一粒粒嘅胡椒喺個湯度，食得出應該係喺雞湯再煮出嚟，豬肚調味都不錯，胡椒嘅辣唔係留喺個嘴好耐，即使唔係食得好辣都可以一試。店員嘅服務態度都好好，面帶笑容咁樣叫我哋坐低。係一間食得好開心嘅餐廳，用心製作！…Read More

甜而不膩，清爽，夏日首選，隱世乳酪雪糕。咁啱遇到嘅店員都非常之友善，同我介紹咗店舖最好食嘅嘢，尤其是係開心果醬，冇諗過同乳酪雪糕嘅酸味咁配，抹茶麻薯都好煙韌，仲有健康藍莓做底！…Read More