Sweetdiegrandpa's Profile

見完客係黃大仙竹園村附近，見到一間小菜館有齊曬雞煲同小菜✨啱晒選擇困難症嘅我👍🏻一入餐廳已經聞到雞煲嘅味，即刻同朋友嗌返個，嗌咗小辣試吓。呢度嘅雞煲只係$198，好抵食！ 雞煲上枱超！級！香！原來仲有跟埋油炸鬼同生菜，好似食羊腩煲咁呀😆😆芫荽同芹菜嘅份量都好多，索晒啲汁好好味！眼利嘅朋友見到好多台都有叫煲仔飯，於是我哋叫咗黃鱔煲仔飯試吓🍲一上枱已經聞到屬於煲仔飯嘅飯香，一打開仲驚喜，每一粒飯都沾滿醬油，黃鱔嘅份量都好多，真係忍唔住一啖接着一啖咁食🤤食到最尾仲有飯焦！正到爆！食完呢餐勁滿足✨性價比一流👍🏻下次一定要再嚟試吓佢嘅全日點心同酸菜魚🐟…Read More

最近公司搬左去港島北角寫字樓，放工同幾個同事係附近搵下食晚飯地方諗住傾下計放鬆下，點知搵到間台式居酒屋係專門食活蝦，居酒屋正好岩晒我地上班族下班去既聚腳點！坐低老闆介紹之下先知道原來係台北最出名嘅一品活蝦帶咗嚟香港，原來係台式居酒屋既文化，就係食台灣胡椒蝦，飲台灣啤酒。原來呢種文化喺台灣夜市嘅巷仔有好多唔同嘅台式居酒屋！介紹吓當晚我哋台式居酒屋晚餐食左咩先：冷盤 (下酒小菜)冷盤油雞我哋每人叫咗一支台灣啤酒，當然要配返一道下酒小菜，呢道冷盤油雞雞肉嫩滑，配埋薑蔥食更加惹味，而且好重麻油香味，非常推薦嘅一道前菜！之後就未到主角主菜 - 黑胡椒蝦好特別用個鐵兜去裝住啲蝦，上枱嘅時候仲係非常之熱，胡椒味好香，一兜大概有8/9隻蝦。蝦殼上嘅黑胡椒味道香口一定會啜晒D汁，蝦膏亦都好豐富，蝦肉好新鮮👍🏻👍🏻食完之後我哋同朋友都講話每人一兜先至夠！再接着就係麵線魚汁麵線麵線用左魚油魚汁，再加埋勁蒜香麻油味、新鮮蔥花，令到個湯底非常之香，加埋佢啲麵線口感軟硬適中，我哋食到最後連湯都飲埋！空心菜新鮮嘅通菜用咗蒜頭嚟炒，通菜好爽口，喺前面幾度再食咗啲比較重味道嘅，最後食個菜中和返。總結一下，我哋都好鍾意呢種台式居酒屋嘅文化，放工之後可以約返朋友一齊去食下飲啤酒傾偈，令到我哋特別掛住去台北旅行嘅時候！…Read More

新公司搬左去鰂魚涌，第一日收工諗住行吓附近有咩好食，發現一間排晒長龍嘅美式漢堡店，店名叫Villa Villa Burger，原來只限外賣不設堂食，咁我哋兩個人就order左兩個burgers同小食。 我哋order左佢既signature burger 雙層牛肉漢堡，另外叫咗特選美國牛肉漢堡，全部都係即叫即製，我地兩個都好鍾意食牛肉。雙層牛肉漢堡VILLA VILLA BURGER 佢用咗兩塊安格斯牛肉，兩邊煎到微微焦脆，令到層次感豐富所以先咁juicy，而且牛味香濃，加埋車打芝士，芝味十足。另外topping仲有特製焦糖洋蔥配芥末醬，仲有牛油生菜同蕃茄，成個burger好豐富。麵包亦都有烘過底，香脆得來內面軟熟。特選美國牛肉漢堡 US BEEF BURGER呢個係單層牛肉漢堡，亦都係選用左美國安格斯牛肉，做法同樣兩邊煎香兩邊帶香脆，令到牛肉層次感豐富，牛肉汁juicy，加埋車打芝士令成個漢堡層次昇華。Topping都係配上特製焦糖洋蔥配芥末醬，仲有牛油生菜同蕃茄。套餐 +$20可以配薯條同飲品French Fries 薯條即叫即炸熱辣辣，香脆得來唔會太油，食得出係新鮮薯仔，薯條配漢堡包簡直係perfect蒜香炸雞翼我哋另外再加咗個雞翼，炸得非常之香脆，香脆之餘肉汁亦都保留住juicy，非常推薦田園沙律除咗Burger同炸野外，我地都叫左一份沙律，全部新鮮蔬菜配上特製沙律醬，令到呢份沙律特別好食，好適合食完太多肉之後食返啲蔬菜中和返總結一下，如果喺鰂魚涌想食漢堡包，VILLA VILLA絕對係首選，尤其是鍾意食牛肉漢堡，佢哋將安格斯牛肉煎得非常之香口，完全發揮到安格斯牛肉嗰種肉質豐富既特色！…Read More

心血來潮 想食烤魚 喺OpenRice搵吓觀塘附近有咩餐廳有得食 搵到小紅館 一於去試吓啦🙌🏻我哋叫咗避風塘炒蝦，個賣相真係不得之了，食落真係好得👍🏻好貼心咁開咗邊，就咁食就得，避風塘味都好出，完全係一隻接一隻咁食!! 黃金墨魚餅都好正，一嚟到已經見到份量十足！好彈牙同食得出一粒粒墨魚🐙推介推介✨最最最最最期待嘅就係烤魚🐟揀咗麻辣江團魚(小辣)，烤魚嚟到超驚喜，原來跟埋配料有豆卜，大量芽菜，枝竹，仲有薯粉!!條魚係煎香左，麻辣味都啱啱好，送飯一流👍🏻總結一下，如果想食烤魚又想多款式選擇，可以食呢間小紅館，而且價錢都比較大眾化 今次因為得我同朋友兩個人 試唔到太多菜式，所以留番下次機會 試埋雞煲及辣子雞等等鑊氣小炒！…Read More

係旺角朗豪坊附近番工，知道最近開左間新野食川菜，即刻約左朋友去試下入到餐廳感覺幾乾淨同光猛，同埋廚房傳岀一浸辣香，坐低睇下menu 都幾多款式 有香鍋 酸菜魚 其他川味小菜等等首先叫左個冷盤-酸辣木耳個汁好開胃 酸酸辣辣咁 木耳亦夠爽口作為前菜係幾適合之後就係主菜-麻辣香鍋口味有香辣,麻辣同醬香 咁我就叫左麻辣風味 辣度揀左小辣 因為同行朋友唔係好食得辣 配料叫左田雞，肥牛，五花肉片，鯛魚片，萵筍 野食黎到份量都幾多幾大碗 仲有配左兩碗白飯 而田雞值得一讚，廚師處理得非常好，應該有用高温拉過，食落肉質好彈牙最後叫左份孜然羊肉侍應一放低碟野就好香羊肉味 同埋無so味仲跟埋麼麼皮有6塊 將羊肉同洋蔥放上去包住食 肉汁比塊皮吸收哂 再加上洋蔥既香味好味道另外叫左兩杯野飲 金桔檸檬茶 茶底做得唔錯 唔單止係檸檬 仲加上青檸 令到檸檬味更加有層次 配上金桔既味道 好fresh 好岩食辣野既時候解辣 百香果檸檬茶 同樣地有檸檬加青檸 配上酸酸甜甜既百香果 天然既酸味令到杯飲品無咁甜 連平時唔係經常飲甜野既朋友都覺得易入口總結一下，如果想食川菜又想多款式選擇，可以食呢間麻辣香鍋，而且價錢都比較大眾化 今次因為得我同朋友兩個人 試唔到太多菜式，所以留番下次機會 試埋水煮魚及毛血旺等等鑊氣小炒！…Read More

剛過去既Weekend天氣都係超好陽光，正值夏天就有一種想去旅行relax下既感覺今日同朋友相約係旺角食brunch見下面，搵到一間好有歐洲成日見到既bar & restaurant，成個氣氛好chillWOFT係一間酒吧主打手工啤酒，提供來自德、澳、美、日、新西蘭及本地等等，而且食物都係歐美fusion互相結合一入餐廳會見到好多來自唔同品牌及產地既啤酒樽，加上工業風既裝潢，令到間餐廳更加有特式，係香港好少見到！好適合打卡影相我地兩個人一共order左3份食物 + 2杯 mocktails1. 黑松露芝士薯條黑松露 + 芝士本身就係一個love & match！！  本來炸到香脆可口既薯條表面再淋上金黃色既芝士已經好食，再加埋黑松露醬絕對係令味道錦上添花！呢個小食係100%必點 (配埋飲啤酒，一定更加perfect)，唔怪得係外國有美食雜志排名10大外國小食，黑松露芝士薯條佔頭5名！2. 經典烤焗香辣雞中翼作為前菜小食其中一個必點之一，烤雞中翼肉汁豐富，外表烤到有小小脆，加上惹味嘅辣汁，將味蕾推到最高！3. 忌廉菠菜煙三文魚水牛芝士墨汁Pizza之前係意大利食過一次之後就愛上，估唔到事隔5年，終於係香港搵到一間餐廳有得食呢款Pizza，實在太感動！墨汁除在可以做意粉外，做Pizza個餅底都係超級正，好有創意而成功既做法！加上忌廉菠菜煙三文魚既配合，令呢個Pizza非常豐富同有層次！個人極力推薦，因為呢個Pizza唔係所有食pizza既地方都有，所以呢令我對WOFT有深刻印象！- Billion Bacteria (紫色，左面)  特色mocktail (即無酒精)，有乳酸 + 藍莓 + 熱情果，tropical味道香甜酸爽，絕對岩夏天飲，仲要天氣咁熱成35度！- Old Land Peach (粉紅色，右面) 特色mocktail (即無酒精)，士多啤利 + 蜜桃，又係tropical味道但係fruity甜既味道，都係好適合夏天飲，消暑飲品！總結一下，如果放假想約朋友食lunch / brunch想搵個relax d既地方，WOFT絕對可以滿足到，而且鍾意飲酒可以happy hour埋！今次因為有渣車未有機會試下手工啤酒，所以正好留返下次再黎既機會！期待下次再約朋友過黎…Read More

星期五晚同朋友行過灣仔，發現利東街旁邊有間隱世omakase - 鮨生賢入到去餐廳職員好有禮貌咁歡迎我地，由於我地2個人就安排左我地坐sushi bar枱，然後貼心遞上熱茶同毛巾。 坐Sushi bar枱既好處係可以一邊欣賞師傅既手藝之餘仲可以有多d互動交流！馬上介紹下當日menu：前菜四點：果茄鮮甜帶微酸，超開胃。柚子蘿蔔係師傅自己醃製，蘿白既甜味同柚子既清甜好夾湯葉係用新鮮豆腐去特製，豆香味好濃黑棓貝，係季節性限定貝殼類，食落好爽脆，超正！接住係刺身:穴子苗 (即海鰻BB)，瓜子鯛 - 呢兩款都係第一次食，相信只有廚師發辦先有機會嘗試到，充滿驚喜鯛白子 - 白子即是魚既精子，呢款係春天食材，季節限定赤貝 口感爽脆鮮甜鮟魚肝 - 魚肝絕對充滿魚油既鮮香，師傅教我地要慢慢一啖食先至享受滿足壽司 (各一貫) 均用左日本的赤糙米石鯛 - 比較硬身 有口感帶子連海膽夾紫菜 - 帶子係半生熟經常稍微火燒，帶子配上馬糞海膽簡直是bonus，口感十分豐富，紫菜超脆，師傅仲提醒要三秒內食先食到紫菜最脆口既一刻赤鯥 香港罕有 價值高！大拖羅 唔需要多講 Toro係日本人認為非常高級既食材，魚油散佈成個口腔 馬糞海膽 - 來自北海道，海膽非常新鮮 色澤鮮豔奪目吞拿魚蓉手卷 無得頂一咬落去成口吞拿魚蓉超有滿足感熱湯鯛魚湯 (由七種不同鯛魚) - 魚味超濃又帶鮮甜，湯既質感香滑，骨膠原爆滿！水果靜岡蜜瓜 - 超甜超juicy超香！靜岡出產蜜勝地！非常滿足既一餐，試到好多新食材之餘，仲同師傅傾左好多計，師傅係台灣人好後生去左日本深造壽司學，再返香港自己開餐廳！ 最後師傅d廣東話超好！好開心既一餐！…Read More

要係粉嶺食個靚嘅下午茶以為會好難，點知最近開咗間新嘅西餐廳，重要唔係連鎖餐廳，即刻去試試！一入門口就見到個長長嘅bar檯同兩部電視，原來佢地有得睇波，啱哂同班朋友黎chill住睇！無食晏晝嘅關係，一坐低即刻睇睇menu有咩食先。上面樣樣都好吸引，煩惱緊叫邊樣時，店員好好人向我地推介咗佢地新出嘅English afternoon tea set。睇相已經畀佢個鳥籠吸引咗，所以即刻叫左一set再加多一個香蒜汁菠菜鮮蝦意粉。店員話需時15分鐘制作，所以係等嘅時候可以欣賞下店內設計。餐廳以復古、電影同音樂做主題，分外有格調同優雅。坐位闊落，空間感十足！店員亦有介紹佢地餐廳提供包場服務，呢個環境要嚟請客或搞party都係個好好嘅選擇！終於有得食啦！首先上咗個意粉先，個香蒜汁剛剛好掛上意粉，包住彈牙嘅意粉同爽脆嘅蝦，同有少少白酒香味，可以去除菠菜本身嘅澀味，令人非常回味！朋友叫咗杯凍奶茶，而我就試咗佢地嘅法國有機大吉嶺茶，清一清個口，準備食個tea set。壺茶非常大之外，亦好有心思放一小束花做裝飾！個tea set一上嘅時候，非常吸晴！首先食咗咸點（底層）先，最淡味嘅開始：焗蘆筍薯仔餅、蟹鉗肉多士、芝士蘑菇煙肉撻同英式鬆餅。薯仔餅有咬落有口感，唔係一pat pat！塊多士係香草味嘅，令味道更有層次！鋪面嘅蟹肉同魚籽嘅份量都好多！焗得唔乾，蘑菇咬落去重有少少juicy！鬆餅做得好厚實，而且一食就知新鮮製，佢重配有紅莓醬同鮮忌廉搽嚟食，好食到唔記得影相...甜品有三款：咖啡奶凍、雲石cheesecake 同士多啤梨撻。三款甜品都唔太甜，口味適中！男女都會鍾意！咖啡奶凍上面有一層脆脆，加埋底下嘅奶凍一齊食，中和甜度之餘，令口感層次更豐富！Chessecake個芝士味控制得好好，剛剛好唔會漏，不過餅底太濕，拎起時差點出醜🙈。最後食嘅係士多啤梨撻，上面朵小花好可愛！最令我驚喜係啲士多啤梨本身好甜！通常tea set上用到嘅都唔會太甜，甚至會偏酸，呢個好啱我口味，亦都令呢一餐有個完滿句號！總括而言，雖然間舖坐落粉嶺會比較偏離市區，但會有一種靜中帶旺嘅感覺，入嚟靜靜地同朋友chill下其實幾舒服。餐廳選播嘅音樂係英文流行歌，令氣氛更加有渡假嘅悠閒感。價格中上，食物有水準。而且餐廳裝修靚地方大，提供包場服務，又有得睇波，想係粉嶺有個地方休閒聚會，會係個值得推介嘅選擇！◦…Read More

今日同朋友去咗尖沙咀食一間日本野，每一次去食日本野都會叫一個沙律，今次叫咗松葉蟹子沙律，個份量都幾大碟，食落去好開胃，清清涼涼嘅感覺，松葉蟹食落去甜甜的，加埋啲青瓜好清爽☺。我同朋友平時都好鍾意食生蠔，今日店員同我地介紹一種生蠔叫做岩蠔，嚟到真係好大隻，有我隻手掌咁大隻🤭，但係估唔到食落去唔會太腥味，反而有少少爽口嘅感覺，加少少檸檬汁就會更加開胃，真係有啲衝動叫多兩隻😂我哋仲叫咗一個刺身拼盤，所有嘅刺身都好新鮮，完全唔會有話食到雪藏味，而且叫呢啲拼盤就可以食到唔同嘅刺身🥰壽司方面今次我哋叫咗火炙銀雪魚海膽、吞拿魚三重奏和北海道白蝦肉，超級足材料，仲要個擺碟超級靚😂好啱拎黎影相，海膽食落嘅感覺比較軟身，但佢嘅海水味唔會好重，所以連我平時唔太鍾意食海膽都可以接受到，仲有個吞拿魚有三種唔同嘅部位、完全係一舊壽司滿足三種口感👻完全唔可以一次過放入囗，要分開食咗啲刺身再放入口😂真係太大了。食日本野就會莫名其妙好想食天婦羅🍤，因為一直食落去其實都有啲飽，所以最後我哋淨係叫咗帶子天婦羅，帶子食落去冇任何調味料，但都保持到帶子爽口嘅感覺。最後最後一定要叫一碗佢哋嘅魚湯烏冬，佢哋嘅湯底完全沒有無放味精，有一種好似婆婆煮野嘅味道，好清淡但好魚味，我同我個朋友都飲晒成個湯😂如果唔係食到咁飽都真係想再叫多碗🥰…Read More

琴日咁岩係何文田收工，於是同個fd係附近行咗陣搵食，見到呢間Cafe啲餐牌同環境都唔錯。於是就入咗去食野，我地一人哎咗一個餐，一個系和牛洋蔥煙肉漢堡、一個係香草烤紐西蘭羊架同埋洋甘菊茶。第一個上菜既系和牛洋蔥煙肉漢堡，一上黎就不自覺，哇！咗一聲。真系好大個，而且個和牛漢堡超厚，就咁睇一個女仔食既話，大半個都已經好飽。開頭見到個漢堡咁大舊都好驚食落去又乾又鞋颯颯，但食落去個下，都好juice，呢個真係值得一讚。 🤤另外薯仔都出乎預料之外，佢唔系平時炸到乾身個隻，咬落去外面脆脆地但個心仲少少水份同林林地，完全唔乾，好食。👍🏻👍🏻而朋友食個個香草烤紐西蘭羊架，睇落去唔錯，個羊架睇落去似5成熟，切落去岩岩好，有時出街食5成羊架，切落去啲肉好難分開，睇落都仲好生。但呢間唔會，岩岩好，食落去有少少羊肉騷味，但都接受到（因為本人唔系太食到羊肉騷味），食得出店主好有心機咁燒，而且完全無落過鬆肉粉。而我地哎個杯洋甘菊茶，有淡淡既菊花味，小小既清新感覺，可以中和返羊架同漢堡。真心唔錯最後我地全部都清哂所有食物，完全無哂任何野，😋😋😋下次可以再試下其他新野。P.s. 我地落完單之後先發現原來$238可以任飲任食，早知哎呢個喇！…Read More

今次朋友生日,黎到尖沙咀既樓上鋪禾牛薈食雞煲同打邊爐環境寬敞 卡位仲有獨立電視可以睇叫左呢個極盛牛肉海鮮套餐, 飲品任飲. 每位加60蚊仲可以叫多個雞煲 d雞仲無限添食但係要留意返呢個餐係特定時間先食到同埋限時食雞煲係用雞脾肉 肉質超滑 仲要任加肉我地都加左兩次肉而且麻辣湯底味道好濃食完雞煲之後既打邊爐都係叫左四川麻辣鍋當然唔少得呢盤海鮮同埋自家製既食物海鮮既有花甲 蝦 脆鯇片 廣島蠔同水魷魚鬢餐廳自家製既食物就有 豬紅 韭菜餃 魚皮餃 豬粉腸 豬腰 豬皮 豬天梯 最後當然唔少得牛肉同埋黑豚肉肥牛肥瘦恰當 食落有咬口而黑豚肉就肉質結實，有口感…Read More

將軍澳近期真係起左好多新樓 今日去親戚新屋參觀之後就去附近呢間餐廳食日本野。呢度係靜中帶旺既感覺 有幾間餐廳連住 餐廳外觀一d都冇因爲係住宅區而裝飾求其 反而有d似日本好多分店既磯丸水產。講下d野食先 海產刺生都食得出好新鮮 可能真係因爲日本直送關係 我地叫左幾樣野食 而最唔少得既就係燒海鮮 食左廣島蠔同燒帆立貝 蠔同帆立貝外觀都超大粒 店員亦都會主動幫手燒海鮮 話比你聽幾時食得 而燒海鮮期間 店員會不定時落d酒調味 最後亦有d牛油蒜蓉醬既調味料自己調味 令到海鮮既鮮味更加出😋😋😋另外亦都叫左3種海鮮既刺生拼盤 拼盤有三文魚 帶子同油甘魚刺生百幾蚊有呢個份量既刺生 每片魚生都好厚切而唔會腥 好新鮮 質素非常高雖然我地冇點壽司 但係我地都叫左個魚生飯 魚生飯係三文魚拼三文魚籽飯 入面既飯並唔係普通既白飯 我地食既時候見到有色既飯都覺得好驚喜 個飯應該係茶漬飯 加左d蛋絲同紫菜 食落層次豐富 感覺唔單調。食左海鮮同刺身 當然唔少得串燒啦 串燒種類又係超多唔知點揀 最後我地叫左燒牛油帆立貝同煙肉海老 海老係日本蝦既意思煙肉包蝦食又幾得意咼 未試過 雖然隻蝦唔算好大隻 但就係能夠比我食新野既途徑🤪另外仲有燒八爪魚鬚 都係用牛油燒 八爪魚鬚好煙韌彈牙 牛油味亦都好重 非常惹味！整體黎講 餐廳坐位闊落 又有3間榻榻米房可以比一大班友果聚會如果想去日本食野而又唔想出市區 真係不妨試下呢間 真係可以再黎過🤩…Read More

今日約咗朋友係將軍澳食飯，佢帶咗我去一間以黑白為顏色嘅泰式西餐廳裝飾簡潔但好有格調而且食物好味仲帶咗啲fusion菜式。叫咗一個豬手飯 佢嘅飯係類似糯米飯食落煙煙unun好有咬口到主角豬手啦 豬手唔會太鹹外皮脆身又香口 豬手肉唔會太乾仲有啲肉汁而且佢幫你拆咗骨 食得方便 啖啖都係肉叫咗鮮蝦帶子墨魚汁意粉依個泰式意粉係fusion菜嚟醬汁係辣味中帶微微酸而且辣味都幾濃㗎加上大蝦帶子 食落好有鮮味 大蝦 帶子大大件 肉質彈牙加上有蟹子嘅口感好爽脆叫咗兩杯無酒精cocktail一杯passion fashion 同一杯oriental kiss睇顏色就覺得好夢幻好少女Passion fashion飲落好解膩唔會太甜飲落有少少青檸酸 熱情果味好香Oriental kiss係番石榴沙冰 好好飲好重番石榴味 仲帶咗啲話梅味成杯嘢充滿泰feel最後點少得甜品甜品叫咗個thai coffee crepe cake佢個千層蛋糕做得好好唔會太多cream而好膩佢啲餅皮同cream比例岩岩好而且Thai coffee味好濃好濃食完係超級滿足！！…Read More

今日同我嘅朋友一齊食飯，佢今日工作上有唔愉快，所以我諗住請佢食餐勁嘅回復翻心情。我地上網睇過鮨一嘅評價好唔錯，所以我地就出去厚福街食日本菜。日本高糖度蕃茄沙律，蕃茄真係真係好香甜同好juicy，沙律菜好新鮮爽脆，Salad dressing微酸甜好開胃。石垣貝刺身好新鮮 食落鮮甜，質感爽彈嫩口，十分美味。甲羅燒係蟹蓋入面有蟹肉蟹膏同鵪鶉蛋製成嘅，蟹膏同蟹肉好鮮甜同好濃厚，加埋蛋黃係超級Creamy。同烘多士一齊食係絕配。牛舌唐揚係炸牛舌，依個太好味啦！外脆內嫩，炸過嘅外皮不油膩，牛舌食落juicy又香口。辣酒煮廣島蠔，隻隻蠔都漲卜卜好肥美，食落鮮甜又唔腥。…Read More

平時堂食拉麵係食完就賣單，但依到好特別係好似日本咁有部拉麵售票機，真係好似去咗轉日本咁 好搞笑，依到嘅拉麵好味之餘舖頭設計仲好適合打卡添，絕對要同朋友嚟食一次。依個就係售價機，真係好過癮。叫咗個黑蒜油拉麵，黑蒜油味好香同豚骨湯好夾，飲落好順口而且味道超級濃郁，叉燒大大件應該有燒一燒個面因為有少少火灸香，麵條軟硬適中帶點咬口，溏心蛋好好食 流心程度100分。溏心蛋嘅蛋白好入味，蛋黃好滑仲會有少少黏口。辛辣拉麵比較無咁膩，可以一啖接一啖咁入口，湯底仲要帶啲辣味，浸味好令人上癮。仲叫咗兩枝嘢飲葡萄梳打同蜜瓜梳打，葡萄梳打唔藥水味，飲落就清啲無咁甜膩，蜜瓜梳打就比較甜，但蜜瓜味唔假 飲落喉嚨好舒服，食濃味嘅拉麵最好就係gur一gur佢。…Read More