Oppa Xaiver's Profile

要向下落嘅店舖總帶着神秘感，加上門面原宿風格。武漢肺炎冇得去旅行，就抱住參觀嘅心情，當去咗日本頂頂癮，睇睇食物係咪都係咁得。油甘魚三文魚魚生丼碗飯有啲細，食落還可以，最緊要有塊紫蘇葉。配埋杯麥茶一流。最奇怪佢係比有色食飯，雖然味道唔差，但係我都係鍾意比較白飯。…Read More

提起文記，每次都係勁排隊，見到咁長人龍，令我不了。但見到佢個餐牌又令我心思思，忍唔住都令我排一排等一等入去試吓。揀咗佢哋嘅魷魚同埋花膠。麻辣小辣。坦白講確係隻花膠抵食，大大隻，手掌咁大條呀。魷魚就一般般，個麻辣汁確實過癮。粗麵麵條質感都係我食過咁多車仔麵之中最好味。…Read More

呢間車仔麵檔處於繁忙嘅新填地街。長而闊大嘅簷蓬，掩蓋唔住佢嘅光芒。見好多工友坐喺外面枱櫈，就知裏面應該有好嘢食。一入舖頭，大量蔬菜美食盡在眼簾，確實好Fresh 好新鮮，靚姐見我入嚟就問我想要食咩麵，然後所有餸菜都整齊排列，絕不苟且，醬汁齊備，我最後揀了五個餸先至五十零蚊，抵食！嗰舊辣椒醬更加不得了牛肚爽滑，夠淰！酸齋好味！韭菜豬皮，最美味雞翼尖！…Read More

忙⋯ 一直「被」開會，忙到早午餐都無時間食。可以放鬆嘅時候，竟然已經到下午三點半。無奈行下四周圍，搵搵可以醫肚放空嘅地方。要放鬆，難免諗超法國旅行時，在咖啡店放空嘅感覺。今日竟然俾長沙灣搵到。Grove 雖然係連鎖店，但佢有親切感覺，下午茶有all day breakfast 。個兩塊全麥方包，好香。環境亦夠德國小店feel。 …Read More

夜晚，肚餓，獨自要來一啲刺激嘅食物。行經呢間係灣仔道門口細細嘅小店。獨自嚟一碗牛展刀削面。先上咗牛展，之後等咗呢碗刀削麵有成15分鐘食得出佢係人手削，麵條好大塊而且非常有咬口。確實大碗非常飽肚。…Read More

行經金魚街，一直都對呢間菜館好好奇。記得以前，有個串燒位放喺門口，佢同隔離嗰兩當魚蛋檔互相輝映，當然魚蛋檔選擇多，搶曬風頭。難得條街咁清淨，午餐時間就走入去睇吓嗰邊咩環境。 傳統曼谷餐廳格局幾吸引，樓底勁高，有樓梯可以上二樓。冇諗過，鬧市之中下午茶有幾抵食。叫咗個牛肉撈粉，再加多個凍飲，有埋冬瓜湯，都係$40有找。撈粉啲配菜好足，牛肉亦唔少，調味醬料任落。食過返尋味，下次一定要再其它。…Read More

山長水遠假日入元朗開會。唯有搵間就腳，啲咖啡唔好太難飲就算數。為咗約人方便，就揀咗間餐廳喺正個商場電梯，貪佢夠養眼。午餐選擇算ok ，要咗個牛肉漢堡嚟試下。簡單嘅嘢要做得好唔容易。先上一個餐湯，南瓜湯不過不失，不太稀亦不太濃。漢堡上的牛肉有點兒乾身，切開一粒粒牛肉碎掉下來，配以濃烈嘅Blue cheese 醬，好鹹。薯條亦很鹹。令我諗起食神裡周星馳嘅說話⋯ 薯條炸得有咁熱氣，得咁熱氣，汽水加有咁多冰得咁多冰。我都係頂唔住，餐飲杯熱咖啡上再叫多杯凍嘢飲。侍應好搞鬼，經常睇你唔到，睇你唔到，又當你睇佢唔到，事實上地方唔大，叫佢買單又好乜都好，真係舉到手軟。…Read More

大烈日下，旺角女人街頭缺少了大陸人嘅擠擁噪雜。在我毫無頭緒揀lunch嘅情況下，睇到蛋包飯日式料理嘅門牌，勾起我童年時對日本卡通味吉陽一裡蛋包飯料理～～好好味呀～嘅遐想。店內一陣蛋香。打開Menu , 日本蛋包飯圖片簡單直接，整齊賣相令我回味在旅行嘅感覺。咖哩蛋包飯好吸引、芝士海鮮亦唔錯。飯是炒底，芝士形成了拉絲，另我高估了味道和食材。算啦，食在往日屬於香港人旺角信和哪種感覺啫。…Read More

一道落地玻璃大門，光線從外直落，隔絕了兩個空間。難得在繁華五光十色的尖東，找到寧靜角落。 這裏的氣氛和諧舒適，室雅明亮而溫暖。午餐簡潔選擇，意粉和沙律。牛肉粒沙律🥗充滿鐵質同蛋白質，仲有豐富嘅蔬菜及蘋果，好味飽肚健康選擇。味道和口感十足。 三文魚雞蛋沙律好多嘅三文魚，完全係健康之選，份量足以飽肚充滿着咖啡香氣的小店裏，又怎能來一杯 cuppuchino ，用作整個午飯的Ending , 足以中午心靈及機能上補給。…Read More

各大佬吹雞食飯，火鍋確有點厭了去哪個老闆乜哥也哥火鍋店，不是食物吃不去，老實講火鍋來來去去都係烚下烚下。今次就有點新意，單是店名食字已特別。一出𨋢門，牆上掛門木牌，要睇「翻牌」就知道入邊間貴賓房。 當然有大廳任坐啦。一行6人，小小房間，有五六十年代風月場所格調，諗起胭脂扣。我們揀了兩個湯底，一個是椰子雞湯底，另一個是蕃茄湯底。我們各先品賞一碗鮮湯，先試雞湯，白濃雞湯汁，滲著椰子味香甜清新，番茄薯仔豬骨湯酸味開胃。各點了牛肉，羊肉及黑毛豬肉，各片是薄身而且雪花均勻。 主角是期待嘅煲仔飯，香噴噴熱辣辣，暖胃之選。甜品脆麻花唔少得。綜合各種，普通朋友食飯賣gimmick 這裏可以。…Read More

自自由行佔領香港，一直很少遊油尖旺，印象中的廟街應該是滿街鬼佬，雜貨地攤，桑拿茶舞廳，平民夜總會。 天氣寒冷，尤記得暖胃煲仔飯，千年油炸大腸潮汕蚝仔餅，充滿八十年代滄桑味道。當然牛雜簡直係地道代表美食，尤其是牛肺軟綿口感配上瑩光黃芥辣，喉部爽脆。最鐘意係老闆把鉸剪聲，睇住剪牛雜，幾治癒。最後要一口咬落去白蘿蔔，清甜可口， 都幾正。…Read More

MK 係一個神奇地方，經歷各種飲食潮流洗禮，五花八門各門各派，都聚集旺角。 午請飲好平常，嚟到呢度餐廳，食點心要有少女心， 心態上自然加晒分。「睇住流沙」招牌包果對眼look 實你，咬落去就知濑嘢，鹹蛋沙流出嚟。其餘surprise 有酥炸四季豆、芝麻醬冷豆腐。鮮蝦腸粉亦以全新姿態出現。…Read More

深水埗有幾樣食物出名：餃子、豬潤麵、豆品鋪、蛋牛治全都係睇上去老老舊舊，實實際際，小本經營，本土特色兼夾地踎招呼。老實講，半斤八両為兩餐嘅香港人，實而不華，確實討人歡心。眼見蛋牛治老店冇人排隊，一場嚟到舊區，就是一事咖啡同蛋牛治嘅工架。蛋牛治無選擇烘底，或者是一個低級錯誤嘅選擇。食得出蛋汁與牛肉嘅美味，沒有空陪麵包抵擋不了滿溢肉汁，而厚身話我知佢分量係幾咁實在。 唯獨那咖啡令整個下午茶都遺憾，他充滿本土茶餐廳咖啡中的苦澀，讓我真心喝不下，或許又是我的錯誤，或應該選擇奶茶。…Read More

早在八卦雜誌已幫她做marketing的時候，這裏下午茶絕對不陌生，很多shopping名媛，明星姐仔首選，唯獨這地方這麼多年來都沒有變，在這裏下午茶，囂張嘅位置，令全世界眼睛都可以看見你，但卻依然Decent ，是樓上或最底層coffee shop 無可比美。平常在這裏早餐是weekend首選，今日約了朋友在這裏飲咖啡，看上去餐牌更是吸引。竟然具人氣嘅日式梳乎厘班戟，依家夾緊是非常親民，在中環性價比甚高。鬆軟梳乎厘班戟充滿蛋香，半碟有大量野梅水果和cream， 然後呷一口 Cappuccino ，一切都很美好，環顧四周感覺，中環人的自豪。…Read More

午夜，寂靜銅鑼灣。連續數夜寄催淚彈釋放下，街上的店舖、銅鑼灣嘅食市早在一片示威浪潮中落閘關門。 唯遠處看到呢間糖水舖，依然燈火通明。 小舖在利舞台後面，依賴着光管照明，在這一片漆黑的波斯富街上額外明晚。進去時，客人只有兩位。看到桌上餐牌，我揀了芝麻糊燉鮮奶，來溫暖空間，緩和一下四周緊縮嘅政治氣氛。 芝麻嘅香氣與燉奶嘅幼滑合乎期望，黑與白分得那麼清那麼細。草草吃完，溫暖了我的胃，再者寂靜冷漠的晚上，我心得到了安慰。…Read More