獅先生與貓小姐's Profile

平日既晚上人唔多，行過都係打算試下2個人食左大羊肉米線清湯，豬耳同青瓜個羊肉米線先上，原來大真係好大！個碗好似盤咁大🙈湯好清有肉味唔口渴 羊肉唔太濃味但幾好食試左佢枱既兩款辣椒一款係普通辣油另一款就有啲蒜味幾香豬耳酸酸地好開胃份量好足加埋只係$88又抵食又好食！！…Read More

一入到鋪，店面細細但天花掛左好多越南傳統草帽，幾特別兩個人叫左4樣野食，1枝啤酒1. 軟殼蟹扎肉撈檬軟殼蟹唔會炸得太乾仲熱既，又唔腥反而幾有鮮味，幾驚喜2. 牛油雞翼雞翼好細隻，待應上菜既時候特登話今日雞翼比較細所以俾多隻，算幾貼心第一啖有牛油香但唔特別好食3. 大蝦藕苖沙律大蝦係燒大蝦，又香又好食藕苗切得太幼身，同唔夠爽，有啲失色。但酸酸地好開胃4. 春卷春卷充滿胡椒味好香口😅但重到好似食胡椒餅咁但皮嫌佢有小小太厚同生菜一齊食有啲難咬河內啤酒好香麥味總括而言啲食物幾好雖然唔大碟但咁多野加枝啤先320算係咁支持支持💪🏼💪🏼💪🏼…Read More

7點去到好多人排隊好彩撞正一批人食完，好快有得入座店面好細，冒住個身有啲油煙味都要坐入面因為坐街既啲人企正你隔離望住你等位叫左咖哩吉列朱扒奄列飯個奄列係一切就流心視覺享受滿分但咖哩汁得好小由於本人中意汁飯諗住問下佢多少少汁點知係要加錢咁算啦食住先一食就知咁小汁既原因啲汁勁咸又勁濃，完全蓋過蛋既味豬扒又over fried 位置係筋同肥既合體好油整體個蛋係特別但其他都麻麻要排長龍食就免喇…Read More

食過幾次都覺得可以接受只係份量偏細咁啱想食黑椒薯仔牛柳粒但又見餐牌既係$128安格斯牛柳粒就問下阿姐安格斯牛柳同薯件牛柳係咪唔同佢好肯定咁話係仲報個價70幾但到埋單收返我128我同個四眼哥仔講佢竟然話我不嬲128架喎你係咪食左先係你就俾錢啦咩態度完全無下次…Read More

想試呢度既手工啤好耐今日就打算睇concert前食啲野叫咗12oz既Thunder God 同Kowloon BayThunder God入口甜啲，有啲果香Kowloon Bay就好香西柚味，飲落仲回甘兩隻都好正😍食物方面叫咗 fries with truffle oil同steak sandwichFries 用truffle oil攪拌過好平均分佈又唔會太滯有隻bbq sauce 一齊上幾有特色另外個steak sandwich 簡直要俾滿分個包又熱又軟牛扒7成熟唔太難咬但最驚喜係入面既洋蔥同菇用mustard 炒過好香好好食雖然唔係話好平但食物同飲品質素都好高…Read More

陵發既餐牌好特別係無價錢既之前都有聽過人話有小小海鮮價😅😏但又話食物幾正就抱住一試無壞既心態try try 佢兩條友叫咗4樣野食🙈1.韮菜豬血好正好入味，蒜味好香👍🏼2.枝竹火腩枝竹多過火腩😅根本就係枝竹燜枝竹3.滷水拼盤-墨魚鵝腸大腸成碟野無咩味🌚4.蠔餅正👍🏼啲蚊5毫子咁大隻又唔腥4樣野食加枝藍妹310都可接受既…Read More

話說獅先生同貓小姐睇完日落見到間鋪專食肉又帶點工業風既裝修幾吸引就俾次機會試試佢果然都唔錯Slow smoke with Apple wood 煙燻過既ribs好香啲肉好嫩又多汁個bbq汁唔會蓋過肉既鮮味枱上既bbq sauce 好重vinegar 但好好味薯條即炸加上味粉同一枝冰凍鬼佬啤一流👍🏼相比之下lamb有小小失色啲肉味無咁出雖然幾騷下要自己加小小salt and pepper吊返味同埋肥左小小有啲易滯值得再黎👍🏼…Read More