or#tm67667594's Profile

位置：於體藝館往零售館2的通道。唔識路真係未必輕易搵得到。 容易啲搵嘅方法，從零售館2地下詢問處，隔離有間Nike，Nike隔離就係往餐廳嘅路啦！食物：唔仔細睇餐牌，其實未必留意到。我哋一行三人，所以食得唔多，但會再幫襯。1. 自家製冬陰公醬雞肉比薩，另加$40 火山熔岩芝士 - 勁邪惡，但又勁好食，啲芝士拉絲，正 -冬陰公醬，果然特別，唔辣，但好好食2. 自家製煙燻豬腩窩夫三文治 - 又咸又甜，口感特別，好食嘅3. 凱撒沙律 - 正常嘢，呢個無特別環境：地方好闊落，唔會同隔離枱迫埋一齊，更加唔會嘈到人，亦唔會俾人嘈到。服務：雖然得2個職員，但服務好好，服務員影相技術仲非常好🤣 幫我地影左好多靚相。抵讚👍🏻👍🏻👍🏻👍🏻👍🏻…Read More

啟德零售館內平民價新鮮水果店🥳午後買杯即制果汁，正。依家仲有優惠，第二杯半價。 店內人員全部好nice。今次試咗芒果啫喱西米露，無任何添加劑，飲嘅係芒果帶出嘅甜味，又有啲咬感，有啫喱同西米露，非常正⋯⋯ 仲有啲飽肚感⋯⋯ 下次嚟開睇演唱會或比賽個啲，飲杯先入場，包你唔駛買貴價野食。下次試下熱飲先。另外，仲有即日即場制嘅生果杯及生果盤。睇見都係非常新鮮嘅生果，重點係亦無加任何添加劑，食得方便又健康，仲要一個杯只係 $25，抵。…Read More

驚喜嘅。1. 一人一鍋，唔再怕又公筷又食其他人口水尾2. 一人自己叫一個湯底 & 套餐3. 套餐份量睇落唔多，但食落其實好夠。仲要一定有一盆菜，成件事健康晒4. 套餐有台式飲品，正5. 半自助，無限添王子麵、公仔麵、紫薯麵、肉噪飯、刨冰、台式糖水可惜，有限時，90分鐘。同時間地，就算無人等位，未爆場，90分鐘真係叫我地要走。 唔係有錯，因為入座時已講明，不過其實如果可以有啲彈性，成件事會更加完美。另一讚係場地的確乾淨嘅，因為睇住佢哋認真清潔，而且地下亦無一般火鍋店黐黐立立嘅感覺。…Read More

星期六，是但搵間食晏，估唔到喜出望外！1. 老闆伙記服務超好，有禮貌，細心，用心服務2. 仲唔到會有銀針粉，除咗早餐會見到，其實真係好少會有3. 食物淡啲，因為無用好多味精，食落健康啲。 想味濃，都仲可以自己加醬料，一樣咁好食4. 叫咗杯400次岩鹽咖啡，成樽岩鹽自己落。伙記仲好細心會教埋你點樣落5. 食物非常夠熱，所以亦每張枱都會有個隔熱墊，呢點非常細心6. 餐廳唔算寬敞，但又未至於貼緊隔離枱，還可以值得推介，值得再嚟…Read More

位於觀塘地鐵站D4出口，觀塘工業中心一期地庫。由於店內都分上下兩層，所以就算人多，都唔會太覺。店內貓貓自由行嘅，所以玩貓都會行上行落。最重要，店內有兩隻雪貂，超級活潑可愛！今日店內有7隻貓店長，隻隻唔同性格，有負責做公關嘅，有成日要訓嘅，有唔喜歡人抱嘅，總之隻隻都任抹，非常友善。入場費分幾種：1. 購物滿$500，免費玩1個鐘2. $78 一小時，送小食及一杯飲品3. $198 三小時，送小食，飲品任飲😌 嚟得都預3小時慢慢玩吧啦！ 下次試吓平日嚟hea吓chill吓先！店員亦都非常主動協助同埋好友善，無論對人定動物都非常好。感覺好，自然會再幫襯！…Read More