yanpp828's Profile

夜晚諗唔到食咩，就試下呢間泰國菜，七點幾黎到排隊等咗一陣就入得嘢食選擇唔算好多，但勝在價錢平，平均$4-50一個飯/麵，小食大約$30-40海南雞飯嘅份量都幾多，雞肉好滑同唔肥，個醬汁都幾開胃，$46黎講十分抵生菜包就比較普通，可以唔洗試見好多人叫脆豬飯，可能即整，所以呢個飯都等咗一陣。肉係半肥瘦，似燒味店燒肉，外脆肉軟，但又唔會好咸，個汁甜甜地，幾好食呢個價錢同份量黎講十分抵，而且味道唔差，環境都好乾淨，值得再去…Read More

早一日係網上預約, 12點準時到達餐廳, 隨即被安排入座, 用餐時間係1.5小時。一坐低店員會送上兩杯水, 分別係青瓜水同碟豆花水, 碟豆花水飲落無味但有色, 青瓜水就有青瓜味, 可能有啲人會唔鍾意。叫咗兩個三品料理($88), 每份可以簡兩冷一熱, 叫咗兩份馬鈴薯沙律, 胡麻菠菜, 糖心蛋, 婆婆咖喱同埋金平牛肉, 跟烏冬。每個餸都好細碟, 男仔食應該唔係好夠飽。冷菜好普通, 自己係屋企都整到, 胡麻菠菜幾好食同開胃。婆婆咖喱偏甜, 用杯仔裝住, 望落好少, 入面都有幾舊雞肉同紅蘿蔔, 撈飯應該唔錯。金平牛肉有少少辣, 我幾鍾意, 牛肉係肥牛, 有幾塊蓮藕同洋蔥, 食到底有少少油。食物普通, 量偏少, 裝修同環境幾舒服, 座位唔多, 去之前記得book位…Read More

之前朋友介紹過呢間酸菜魚,話酸菜魚要訂,否則唔會食得到個日朝早先決定去食,朝早11點訂已經得返8點半先有位,預留一個酸菜魚(例)諗住早少少當walk in去睇下有無位,8 點就到?,成間舖好full,門口位都開?兩?,企?門口10分鐘大約8點2先同呀姐講我早咗到,我企係門口,你有位先叫我過咗5分鐘門口有一枱客走,有兩個人又係等緊位,話入面個負責人留咗呢張枱俾佢,但呀姐話佢無訂枱,唔坐得,俾咗我坐到我坐低呀姐就串我,你訂咗8點半,唔係8點3,西我面又反白眼江南四小拼($128),似前菜,有沙薑豬手,醃蘿蔔,海蜇頭,口水雞,樣樣都好好食,酸酸甜甜,愈食愈開胃。好鍾意醃蘿蔔,好入味,每一塊大細一樣同好薄,好快一塊又一塊咁食晒主菜酸菜魚($188),一大鍋,配菜有椰菜花,薯粉,芽菜,酸菜。魚肉都幾多,唔似冰鮮魚,魚肉好滑同唔會好鬆散。湯底好夠味,夠酸同小小辣,配菜吸晒啲湯底好好味整體食物質素好好,係個呀姐態度太差,男嘅負責人態好好,唔講以為個呀姐係老細…Read More

難得平日入黎西貢，唔洗放假同人迫，見到呢間餐廳menu有扒又有pizza，就試下Weekday lunch一律$138，包湯或者沙律，一個主菜，嘢飲同甜品叫咗肉眼扒 5成熟，呢個價錢有啲失望塊扒好薄，5成熟但都好韌，又食唔到肉味薯條嘅份量幾多，而且新鮮炸，幾好食，薯條比塊扒仲好食最後甜品係一件好細又好酸嘅蛋糕，無下次紙巾上面有佢地集團其下嘅餐廳資料，發現呢區周圍都係同一個集團，唔怪得知d menu都差唔多，下次都唔會再試…Read More

一直聽聞萬芳炸脾都好出名，之前早餐試過沙嗲牛肉覺得唔錯，咁啱入開元朗，就去萬芳食lunch午市都幾多選擇，有全餐、常餐、午市套餐，一般茶餐廳嘅炒粉麵飯都有，價錢大約$45-$60，最緊要多選擇，總有一款會啱食午市套餐可以簡中型炸脾($58)或者巨型炸脾($65)太陽蛋飯，我叫咗中型炸脾，已經覺得好大隻飯嘅底有豉油，記得撈渾食，隻雞脾炸得有啲乾，啲汁又係晒飯嘅底部，有啲難餸飯，無其他人講到咁好食，有啲失望午市黎講都算抵食，下次會試其他嘢…Read More

餐廳只提供一款任食火鍋套餐，唔似其他餐廳有分唔同等級肉類，每枱都會有海鮮拼盤、兩碟比較靚嘅牛，食晒可以用手機落單叫其他嘢食。除此之外，打邊爐之前可以簡食雞煲定半隻芝士焗龍蝦。龍蝦佈滿芝士，熱辣辣，又多膏，食完半隻已經有啲飽海鮮拼盤有好唔同種類嘅海鮮，蝦、帶子、青口，肉丸、蠔、蟹柳、飽魚等等，跟人頭俾，唔洗爭。呢啲食完就無得再落order，係好食啲，而且份量都唔少。不過兩碟牛就比較差，賣相幾靚，上碟時仲有乾冰係底，出煙效果好夢幻。食落我覺得好韌，之後叫任食嘅牛仲差，相都費事影。湯底叫咗豆乳海鮮同埋皮蛋芫茜，豆乳海鮮幾特別，不過之後加湯係加普通清湯，溝淡晒啲豆乳味食完龍蝦同海鮮己經幾飽，任食嘅嘢叫咗少少，無乜特別食個晚係星期五，餐廳坐滿晒人，侍應又唔夠，叫咗幾次啲嘢先齊，不過佢地服務都好好。如果驚整污糟件衫可以問佢地拎即棄圍裙，嘢食其實普通，勝在地方大同地點方便，今次第二次食，第一次食早啲book有俾一間我地，幾適合一班人…Read More

有時放假都會特登搭車入去，唔係住個區，附近又無嘢行，真係特登食佢嘅自家製嘅雪菜同辣椒油雖然舖頭最出名係瓦煲奶茶，但飲落其實唔係太大分別，同茶餐廳嘅奶茶一樣，都好飲，有茶底，唔係飲緊奶同糖水叫咗雙拼麵，雪菜豬扒麵，跟凍奶茶($35）凍飲唔洗加錢真係幾少見，呢個價錢出面真係揾唔到，平 仲要好食雪菜唔同出面食開嘅雪菜，顏色比較鮮綠同硬身，感覺比較新鮮，同埋唔會好咸豬扒醃得好入味，份量都算多，有五 六舊如果食辣記得加佢嘅辣椒油，好香，唔食得辣落少少已經好好味不過夏天黎食要有心理準備，因為無冷氣，熟食中心黎講都算乾淨，起埋啲枱無痴lup lup。有個叔叔應該係老闆，見我食個陣係咁望啲枱，主動問我想要咩，又見佢係咁同啲街坊傾計，好親切…Read More

平時都好鍾意食台灣嘢，今次試咗阿元魯肉飯同爆蛋雞肉飯，兩個飯嘅飯量都算多，價錢又唔貴 $43一碗魯肉飯有分大小兩個份量，大嘅會有半隻蛋同菜。肉嘅份量都好多，而且有啲汁可以撈埋飯一齊食，唔會太乾。不過我覺得有啲肉太肥，不過未算油膩相比雞肉飯就比較乾，無醬汁，感覺比較健康，雞肉似雞胸肉個人比較鍾意魯肉飯叫咗個肉鬆起司蛋餅($35)，即叫即整，熱辣辣好好食，每件都包住好多肉鬆，芝士相對較少，碟邊有辣椒醬，唔點醬其實都好夠味*蛋餅只限晚上五點半後供應其他麵/小食大約$3-40，又免加一，相當抵食。不過繁忙時間用餐只得45分鐘，唔適合慢慢食同傾計…Read More

呢個泰式Afternoon tea幾抵食，特別係平時食厭西式三層架，可以簡要甜定鹹點第一次試，簡咗甜+鹹 $328，包兩杯嘢飲鹹點大部分我覺得都幾好食，跟四款唔同嘅醬，餐牌有建議邊樣食物跟邊款醬。最鍾意牛肉沙爹，沙爹醬好好味，其他鹹點都忍唔住繼續點沙爹醬嫩雞卷好滑，配甜豉油好夾，幾大舊雞其他鹹點就不過不失，蝦多士油炸，比較油膩呢個set嘅甜點我就覺得一般，斑蘭千層糕嘅斑蘭味好香精 好假，椰汁西米糕超甜飲品簡咗 Rose Apple Delight, Lychee Smash 兩杯都好飲…Read More

平日有午市套餐，$50-60包嘢飲，幾抵食，而且份量都好多食過唔同湯底嘅牛肉麵，都係最鍾意麻辣牛肉麵，可以簡角切或者片切，一碗有四舊牛肉，而且都好大舊牛肉有兩舊炆得好淋，好入味，另外兩舊有少少硬，可能炆嘅時間唔同平時都食得辣，所以個湯底唔算超辣，仲可以落少少佢嘅自家辣椒醬，我覺得更加好味湯底唔油，食完都唔會太口渴。每碗都有跟葱同酸菜，唔鍾意可以落單時寫低之前飲過佢嘅奶茶，覺得麻麻，味道好淡，所以都係跟返檸檬紅茶，味道正常唔洗加一，份量又多，可惜平日先有lunch set…Read More

第一次食呢間台式料理，假日午餐有酸菜魚就好想試酸菜魚套餐份量都幾多，入面有紅薯粉，再跟一碗白飯或者魯肉飯，食晒其實都幾飽同一般酸菜魚一樣，入面有酸菜、窩荀、雲耳、泡椒。魚嘅份量都算多，不過味道始終唔夠正宗，唔夠酸同辣，呢個價錢算抵食。呢個炸雞扒飯份量都幾多，雞扒超大塊，有四五舊，炸得幾脆，個沙律醬就普通咗啲，唔點醬都好食。可以跟飯或者麵，魯肉飯都幾好食，肉唔會太肥或者太瘦，不過啲飯食食下覺得有啲硬。兩個套餐都有跟嘢飲或者可以加錢轉其他特飲，選擇都算多…Read More

兩姐妹涼皮開咗一段時間，但一直未有機會試，之前想試但勁多人排隊，lunch想食又未開門:(終於試到佢地嘅招牌涼皮，可以簡唔同辣度，第一次食，簡咗小辣涼皮好滑身，同有彈牙，亦比較厚身醬汁方面都比較多，唔似出面食嘅涼面比較乾身同油。小辣我覺得可以接受，唔會太辣，有小小酸，夏天食好開胃每碗涼皮都有花生同碗豆，加埋一齊我覺得好好食不過涼皮份量比較少，如果當正餐一定唔飽。味道其實唔錯，下次希望可以試埋涼麵同其他餸…Read More

之前上網見到人介紹小白鷺，一直都好想試，兩個星期前上網book到位星期六終於去到試。因為當日落雨，地點又比較遠，打去餐廳話會遲到，booking都照幫我hold，最終遲咗半個鐘星期六日有Brunch,價錢由$150-$2xx 包一個田園沙律，飲品要另加$15-$30叫咗一個burger同醃三文魚toast食物都幾令我失望，呢個價錢但個burger仲衰過m記，塊煙肉好似無煎過咁，淋pat pat ，真係未食過唔係脆嘅煙肉醃三文魚toast食到有塊魚鱗三文魚幾多，塊吐司幾脆，整體都好過食burger前菜田園沙律普通菜加咗啲醋，好dry呢個價錢真係無下次，不過環境係幾靚，出面見到人玩啲水上活動，幾正…Read More

旺角愈開愈多四川小吃店，不過大部分味道一般，不夠辣或不夠麻，食四川菜最重要又辣又麻才好味。我十分喜歡吃口水雞和涼麵，川長的涼麵和口水雞脾沒有令我失望。口水雞脾可以跟飯，口水汁撈飯好好食，而且雞脾都算大隻，女仔可以share食。涼麵真係超好食，可以加錢加雞絲或其他餸，麵質彈牙又掛汁，淨係食一個麵都好飽，涼麵有跟小量脆豆 花生同菜莆，撈埋麵食十分夾。拼盤都好抵食，不過我一般內臟，淨係鍾意牛栢葉，如果可以有自選拼盤就好，因為我唔食豬耳。如果唔太食得辣，可以叫雞絲涼皮，涼皮係彈牙口感，煙煙韌韌，醬汁好好味，唔覺太辣。…Read More

前排聽同事提起九龍城有間餐廳收舖時間十分早，出名食沙嗲牛肉西多士，我第一次聽到呢個組合，又咸又甜的配搭，會否十分奇怪。放假要入九龍城買泰國嘢，順便試一試馳名的沙嗲牛肉，但我選擇了雪菜肉絲沙嗲牛肉麵，西多士就有機會再試比起普通茶記平時早餐的沙嗲牛肉，味道十分濃厚，牛肉比較有咬口，應該無乜落鬆肉粉。平時單食雪菜肉絲覺得清淡，配搭沙嗲牛肉相對重口味了。可惜樂園不設任何套餐，所有食物都是單點，性價比低了點。…Read More