第一次寫食評
因為上網見到9月尾就結業，所以就約朋友一行4人一齊食飯。用餐日子係星期二(並非公眾假期及公眾假期前夕)因為取消左網上訂位服務，用餐前一日(星期一)巳打去book 位,12:00(用餐時間2小時)。餐廳開12:00 因爲怕會好多人,朋友11:45就到左。因為有2位朋友塞車，本身到左既2位朋友想入座先叫定野食，朋友巳同店員表示知道2小時用餐可以計時先無問題，我地2點前就會走！但店員堅持要齊人先入得，並12點開始計時！🤷🏻♀️到朋友到齊12:30入座，係餐廳一半人都坐唔滿既情況下2點我地巳經自動埋單起身走。埋完單，去買紀念品(現在有半價優惠，但款式比較少)，2隻12oz既杯(一隻諗住自己要，另一隻送比屋企人)。店員表示樓上付款，樓下取貨。落到樓下，下層係有2-3張枱比客人order咖啡企係度飲既位置。店員拎左張單後，就係沖咖啡枱後拎左2隻杯比我，叫我檢查。因為杯係無任何膠袋，紙盒包裝，杯入面滿佈灰塵(我明白店鋪對出係馬路會有塵，但杯入面係清晰所見一粒粒黑色....)問店員:可唔可以抺下佢？ 店員直接叫我選過第2隻😑 佢再係身後拎幾隻一樣封哂塵，杯身同杯底仲要有啡色咖啡積既杯比我。但店員表示d杯係新既，我問佢可唔可以抺下d積(我心諗可能放係工作枱唔少心掂到污糟咗，抺得到就ok😊)但店員竟然叫我再選過第2隻...然後佢比我果d都係杯身花左同有污積....因為我地之後仲有其他活動，唔想耽誤時間，所以問店員可唔可以退款..店員話可以。因為我大肚，同行朋友怕我又行樓梯上去，所以幫我上去退款。點知朋友上去換來店員一句，其實特價品無得退！到最後佢好唔願意同無禮貌咁樣退左比我☹️我事後有打返去餐廳投訴同解釋點解唔要隻杯！其實做退款覺得麻煩我都明白，但會唔會了解下點解要退款？佢地自己員工既處理手法有無問題？其實下面個員工肯拎張紙巾可以抹得走杯身既污積，我巳經直接拎左隻杯走😐😐總結: 野食味道 一般朋友聚會lunch 一人一個lunch set (人均消費$160)服務態度 一般
…Read More
因為上網見到9月尾就結業，所以就約朋友一行4人一齊食飯。用餐日子係星期二(並非公眾假期及公眾假期前夕)因為取消左網上訂位服務，用餐前一日(星期一)巳打去book 位,12:00(用餐時間2小時)。餐廳開12:00 因爲怕會好多人,朋友11:45就到左。因為有2位朋友塞車，本身到左既2位朋友想入座先叫定野食，朋友巳同店員表示知道2小時用餐可以計時先無問題，我地2點前就會走！但店員堅持要齊人先入得，並12點開始計時！🤷🏻♀️到朋友到齊12:30入座，係餐廳一半人都坐唔滿既情況下2點我地巳經自動埋單起身走。埋完單，去買紀念品(現在有半價優惠，但款式比較少)，2隻12oz既杯(一隻諗住自己要，另一隻送比屋企人)。店員表示樓上付款，樓下取貨。落到樓下，下層係有2-3張枱比客人order咖啡企係度飲既位置。店員拎左張單後，就係沖咖啡枱後拎左2隻杯比我，叫我檢查。因為杯係無任何膠袋，紙盒包裝，杯入面滿佈灰塵(我明白店鋪對出係馬路會有塵，但杯入面係清晰所見一粒粒黑色....)問店員:可唔可以抺下佢？ 店員直接叫我選過第2隻😑 佢再係身後拎幾隻一樣封哂塵，杯身同杯底仲要有啡色咖啡積既杯比我。但店員表示d杯係新既，我問佢可唔可以抺下d積(我心諗可能放係工作枱唔少心掂到污糟咗，抺得到就ok😊)但店員竟然叫我再選過第2隻...然後佢比我果d都係杯身花左同有污積....因為我地之後仲有其他活動，唔想耽誤時間，所以問店員可唔可以退款..店員話可以。因為我大肚，同行朋友怕我又行樓梯上去，所以幫我上去退款。點知朋友上去換來店員一句，其實特價品無得退！到最後佢好唔願意同無禮貌咁樣退左比我☹️我事後有打返去餐廳投訴同解釋點解唔要隻杯！其實做退款覺得麻煩我都明白，但會唔會了解下點解要退款？佢地自己員工既處理手法有無問題？其實下面個員工肯拎張紙巾可以抹得走杯身既污積，我巳經直接拎左隻杯走😐😐總結: 野食味道 一般朋友聚會lunch 一人一個lunch set (人均消費$160)服務態度 一般…Read More
