irene0516's Profile

九龍城的甜品店開到成行成市, 間間都好多人, 特別係多年青人幾個一堆去食, 莫非是附近的讀書人?可能係新開的關係, 笑甜甜的情況不算很熱鬧, 但我抱住一試的心態去食, 都算沒有中伏見賣相好像不錯, 就選擇了一客的笑椰椰, 畢竟焦糖燉蛋吃得多, 放進椰子入面焗是第一次食的呢燉蛋很注重雞蛋的香味, 焗得不好, 便會水汪汪, 吃時感覺會好核突, 此店的燉蛋火喉控制還可以, 雞蛋完全沒有液體狀而口感很滑, 合格之作, 焦糖燒得夠, 香噴噴期望的椰子味反而不算濃厚, 令我覺得椰子只是裝飾品, 如果整得更椰子可能效果會更好$58一個, 加上有$5coupon, 收費合理…Read More

現在的快餐店, 很多時比起一些餐廳的價錢都不遑多讓, 大快活可算比較平的一間 (比起其對手)這天午餐醫肚, 就在工作的商場裡的大快活搞掂, 豉油雞肶飯, 又估唔到油雞幾好食, 件頭夠大件, 雞肉的肉都合理地多, 仲有蔥油都好有水準! 如果話雞肉又嫩滑又咩又咩就係亂講廿四, 但作為一個我這類打工仔小女子, 呢碗飯已合格有餘杯檸茶就澀左d, 始終係快餐店水準…Read More

ikea 的食堂出左名係慳錢人的天堂, 因為一餐只要十零廿蚊便可得到溫飽, 其精神當然可加, 試想想現在香港的生活真的令人窒息, 月入兩萬都要露宿, 故有如此一間餐廳實在是市民之福!我很喜歡食ikea的熱狗餐, 十蚊有汽水加隻長長熱狗, 好味又抵食, 今次就試試其他的食物這個肉丸意粉又是平平之作, 不過味道就真係好一般, 先講個醬汁, 淡而無味的, 像是食腸粉的麻醬再加淡的味道, 配一小pat像是士多啤梨果占的醬, 那真令我吃不下意粉..肉丸還可以, 不過沒有特別之處, 要不是平, 應該得到一個劣評了…Read More

剛過去的週末, 路過太子一潮州粉店, 名字雖然有點"涼", 但見不少人幫親, 再加上牆上貼上了多張大大粒魚丸的相片, 便入去試一碗27蚊的魚丸粉, 價錢公道, 品質是超值的, 魚丸很爽, 很有魚的味道, 紫菜, 蔥花的配合, 令味道更深刻, 店內播放店主接受big6 電視台的訪問, 看見魚丸生產過程, 雖然"涼""涼"地, 但又好欣賞如果間食店在尖沙咀有分店, 那可方便我午餐去打打卡了…Read More

尖沙咀工作的我, 飯碧得一個小時, 通常都會找一個地方又近又方便的, 但今次就去一間距離遠少少的, 不過就喜出望外其實我公司樓下都有泰國餐廳, 食物過得去, 不過今次三個人的午餐最大發現係呢度的餐飲係做得幾好 (以凍檸茶同奶茶黎講), 我杯凍奶茶, 比尖沙咀的某連鎖茶餐廳做得更好, 試問放飯其中一大享受 (嘆奶茶同煲返支煙) 如果滿足到我又點可以唔黎講返食的, 三個女仔三個餐, 我食泰式炒貴刁, 味道合格, 加點青檸汁吊味會更可口鴨肉粉同菠蘿飯友人都收貨, 另外炒通菜都ok時間充足的話, 我當然會走遠點到此飯碧, 加上唔使點等位, 最重要係, 收費都不太高…Read More

最近發現一個bbq的好地方, 叫海天一色儘管食物不是一流, 但尚算合格, 種類基本的都會有, 仔仔最鍾意食的多春魚味道都唔錯蒜蓉豬扒同埋南乳雞翼係我至愛  雖然係星期五, 但人不算太多, 地方闊落, 坐得好舒服, 最重要係, 價錢唔貴 :) …Read More

聽朋友講杏花新城幾好行, 因為地方大, 人流不多, 特別係去波波池玩, 小朋友玩得開心又乾淨玩樂過後, 又到醫肚時間, 於是就在隔離的譽居晚飯, 我叫左碗豬腰肉丸粥食, 先讚個粥底, 入口都幾滑, 仲有米香, 豬腰洗得乾淨, 無尿味, 另外牛筋腩麵味道都ok, 柱侯味道偏甜少少, 不過牛腩唔會太硬, 岩小朋友食除了粥同麵, 另外仲有小菜供應, 我地再食南乳炆豬手, 估唔到一間名不經傳的粥店都有這個水準, 豬手很軟熟, 這個是會令我再回頭之作再加一碟油菜, 埋單獨$16x, 以後再去波波池, 之後食飯都不作他選了…Read More

開飯了, 今次食最具人氣韓國餐燒烤用的醬汁, 兩款, 豉油同檸檬汁, 兩者味道都一般, 另外一款像麵豉醬的, 跟青椒的配合很不錯, 特別用來點牛肉前菜就比較少, 只有泡菜, 菠菜及芽菜, 味道都一般燒烤的價錢唔平, 一份多春魚百二蚊, 膁到笑了, 但醃得普通這個牛拚盆雖然肉質不錯, 但三百幾蚊的價錢, 加上一般的燒烤醬汁, 令人覺得物非所值服務都不好, 價錢貴, 所以一試便算了…Read More

朋友提及一間位於銅鑼灣的拉麵店好好食, 但去, 要有心理準備, 因為可能要排成個鐘先有得食好奇心驅使下, 就同家姐去等, 門口的長龍都唔算好長, 不過唔知點解要等成35分鐘先入到去, 不過唔緊要啦, 最緊要有得食原來入到去食, 選擇只有一個, 就係拉麵, 可算是一間專門到極拉麵店, 我要做的, 就係揀, 清淡, 不要蔥, 不要义燒, 少油, 普通辣, 這幾個選項, 聽朋友說要試試個溫泉雞蛋tim, 就加多15蚊要一隻, 按鐘後有個店員拉開塊布, 收去店菜紙後, 一會碗麵便到最大發現係湯底, 豐厚的豬骨湯底, 呷一啖就會上癮的那種, 我就明白點解會咁多人等位, 因為真係好好味, 不過, 價錢真係唔平, 碗麵加埋隻雞蛋, 已經要成一百蚊, 所以我只會一個月來食一次, 但係希望下次來不用用等咁耐啦聽講隔離就快擴充, 咁就好啦, 唔使等咁耐了:)…Read More

有一段時間無光顧何文田的勝利小廚, 今日再去, 係因為小狗又生病了:(等小狗做小手術期間, 在勝利小廚找一點吃的充飢, 簡單的一碗泰式鴨肉米粉, 有傳統泰國人的口味, 充足的芹菜, 蔥, 冬菜, 青新通菜, 是不可缺少的; 鴨肉份量不少, 脂肪, 肉比例平均, 點店主提供的酸甜醬又幾好味~~價錢大眾化, 食完去接回小狗, 好彩早去睇醫生, 沒事了:) 下次再去食, 希望唔係因為呢個原因啦…Read More

午膳我地一家人到又一城的皇府去, 間店感覺同池記很相似, 氣氛, 裝修, 食物種類都差唔多, 差D仲以為自己入O左池記食TIM 老公, 我同阿媽三個人, 一共食O左三樣, 包括白切雞飯, 淨雲吞同牛腸, 味道不過不失, 切雞飯最抵讚係去骨的, 啖啖肉, 仲有兩條小露筍伴碟, 不過露筍就真係好細條, 像牙簽, 但總好過比兩條老菜心我 雲吞好好味, 入面的餡好食, 蝦肉食得出係鮮蝦, 因為味道甜而肉質有彈性, 上湯的味道都好, 牛肉腸都OK, 豉油好味, 粉皮夠滑, 但碎牛的味道就失色.. 不過價錢比較高, 三樣食物要百二蚊…Read More

自從阿沛公搬ED之後就已經無再去食佢地出品的布丁, 今次係半年之後的再遇, 去到新店, 生意同以往一樣好, 都係咁多人排住隊買, 勁啊 我今次買O左盒香芋椰果布丁同仔仔兩份食, 香芋的味唔係好夠, 又或者係因為椰果之過... 點解咁講? 因為D椰果有陣好強烈的藥水味, 仔仔好怕呢陣味, 所以食O左一啖就成杯比O左我食, 我就要同佢執手尾:( 雖然我唔怕陣藥水味, 但頭先講過, 我覺得芋頭味唔夠香, 雖然杯布丁係沛公出品一貫的滑, 但呢杯香芋椰果, 味道就真係麻麻, 值得提大家係每日沛公都有一款特價$5的甜品, 想食平O野可以一試…Read More

上星期日行新開的MIKIKI, 雖然商店未開哂, 但都幾多O野睇, 特別係一樓有間METRO BOOK, 專售兒童圖書的, 帶仔仔O黎就O岩O西了 行到樓下的PANASH, 驚見買麵包送麵包刀的宣傳單張 咁就梗係入去打個ROUND啦, 買廿蚊麵包就有把麵包刀送WOR 抵抵抵抵抵 除了咁JETSO所以要入去之外, 佢個蒜蓉包都真係好好味的, 麵包好軟熟, 仲好香蒜蓉味, 返到屋企切開再放多士爐焗一焗, 成間屋都香噴噴, 流口水啊 見有咁筍JETSO, 所以唔同大家分享又點得呢…Read More

因為某原因, 要到北角一趟, 到了九點先辦完事情, 肚餓死了:( 唔想再周圍搵餐廳之下, 就是是但但的入去雙喜燒腊茶餐廳食燒味飯啦 其實入去之前都無咩期望可言, 只想食一碟正正常常的雞飯而已, 不過今次就真係失望而回:( 無論切雞, 油雞, 皮都係厚厚的, 唔知係唔係例牌的關係, 無胸又無脾, 所以成碟雞飯都無咩雞肉可食, 不過就算有肉都無用, 因為雞肉都係鞋鞋地:( 就連薑茸都係淡淡的無味, 而且仲成PET淋落飯度, 可憐碟飯變得油淋淋, 食到一半已經無興趣再食落去了:( …Read More

前日中午在the one商場食, 上到最高層的Wooloomooloo 餐廳, 環境好高級啊 個景仲好靚, 坐在窗口位, 成個九龍同香港東盡收眼底可能係中午lunch的關係, 食物的選擇不多, 價錢都好貴:( 勉強要了燒春雞.. (註, 餐牌完全係英文的, 仲有食物名都好難) 作為我的午飯份主菜來到面前, 很精美:) mushroom做的燒汁味道是perfect 的, 雞肉很滑, 我食得好滿意:) 好彩仲有兩隻豬仔包, 可以混埋mushroom汁一齊食, 嘻嘻 下次想試夜晚去, 個景一定好靚:)…Read More