wildkat's Profile

本身很期待…叫了K字頭的外賣，「鮮粟米忌廉湯餐肉通粉餐」，鮮粟米忌廉湯完全淡而無味，顏色亦偏米色（與圖文不符），所謂手打粟米及沒有落麵粉完全喝不出來，而且湯的份量極少，加上意粉也沒有外賣盒的一半，意粉偏硬而份量也偏小。餐肉也預了不多，丹麥麵包及炒蛋最正常。另一個「滑蛋蔥花叉燒飯」份量亦不多，$7x性價比甚低，男士吃不飽。餐具只有一隻叉、一隻羹但有兩支飲品棒，所以是預客人怎樣用？餐具也要節省成這樣真的有點說不過去。最後想說，本身這是土瓜灣名店，食評也很好，是抱着期望，可惜應該不會再有下次了。…Read More

之前食過一次，平日六點冇乜人正常。今次星期五7-8點黎食，一開始仲問我哋搭唔搭枱。叫咗兩個滷水，好明顯個滷水檔應付唔切，個師傅仔係老闆娘個仔，仲慢過屋企呀媽切嘢，然後老闆娘又係咁叫佢做外賣單，結果我兩碟滷水等咗接近半個鐘，仲要吹咗佢三次先至做我嗰張單。叫咗兩個滷水，本身諗住食一陣再叫，慢到咁都唔敢再叫。然後個滷水拼盤係鵝腸拼墨魚，Ko墨魚「拿」到淋曬冇味，仲要係啲頭頭尾尾。兩個餸再叫支啤酒三百五十幾，性價比超低。…Read More

服務：訂咗3位7:00，我6:55 到左比卡位。2位朋友未到，侍應每隔6/7分鐘問一次人齊未，7:25 第三次，佢話雖然冇限時但你朋友再唔黎要轉另一張檯比你，我問點解邊度寫？ 佢講唔到，只係重覆7:30 唔齊人就要轉檯。最後我朋友7:30 到左，全程個場都係7/8成唔爆滿。食物：煎蠔餅好似唔熟咁，唔係平時食開嘅質感，問侍應係咪唔熟佢話換比我地，其實換完都一樣，啲蠔有啲腥、蠔份量少、粉厚，都幾難食。水煮魚最正常、三杯雞都正常嘅。唔知係咪轉左手？ 網上訂唔到位，問佢網上啲coupon佢話用唔到黎到比返折，餐牌唔同左，去到名都轉埋叫麻辣排檔！總結： 價錢正常，但轉左手（？）改名變排檔，唔好期待食麻辣嘢。服務冇寫人齊入坐冇限時間唔滿坐都話要轉檯（我都唔知轉乜！可能唔想比窗口卡位？），咁建議門口寫明未人齊唔可以入坐，anyway唔會再去，執剩一間有原因。…Read More

4個人叫左$698套餐，和牛係ok嘅，但其他可追加既選擇唔算多，追加既和牛亦冇第一次咁靚。問題係服務一般，第一次話冷氣機滴水，個侍應冇乜反應之後行埋嚟話可能個冷氣機太大定係教得太細； 之後其實滴水減少咗，但係都係仲有。再講嘅時候佢話一係掉位，但嗰陣時剩返唔夠半個鐘，我哋話唔使啦，都係冇唔好意思，好似茶餐廳食飯咁。兩次換網要自己出聲，有次侍應換網差啲倒瀉咗杯熱水，但完全冇講唔好意思亦冇反應。整體來講，性價比唔高，2小時亦唔太夠時間。…Read More

Book 左12點帶寵物，但係排隊時一開始係一條隊，之後職員先話分開Walk in同埋有Booking，我諗住去問下啲人又勁鼓譟以為我打尖（排貓cafe 果啲人好緊張）。排到又話要等帶位去另一邊（另一個入口），好混亂同埋經驗唔係好好，同個職員講又當聽唔到。食物係幾好，咖啡都唔錯，不過就要自己去拎餐攞食物，有啲唔方便，坐高一層嘅人就不停上上落落，張檯亦太細。同埋唔知點解係冇侍應，要等有侍應經過先至可以叫埋單或者問嘢。整體黎講，價錢都算合理，食物唔錯，不過冇乜服務。但帶寵物來講坐室內有冷氣係好重要❗️香港真係冇乜地方可以室內帶寵物。…Read More

Lunch time 入去食飯，自動波嘟完安心出行就嘟針紙barcode ，跟住呀姐話barcode 唔係放喺安心出行唔可以！話要睇針紙！（我去間間都冇問題），Anyway 因為出面又落緊雨唔想拗，我話咁我比電子針紙你睇啦，跟住呀姐話要拎埋身分證出黎對number ! 真係嬲左，基本上法例冇要求出示身分證，我有barcode 基本上已經可以，又要睇針紙又要對身分證，真係bye bye (結果去左隔離間「韻心小炒」超驚喜）…Read More

用外賣app叫左4樣嘢2個人食，食物黎到包裝正常食物仲夠熱。辣子雞好香口夠辣，豬手都ok , 不過螞蟻上樹淋左少少，炒黃牛好夠淋，配菜都食埋。整體黎講夠香辣唔算太油，份量都ok 。…Read More

叫了下午茶「魚腩出前一丁」同凍檸茶走甜，侍應話係細碗ok 冇問題，但嚟到似公仔麵，湯底完全淡而冇味，叫左魚腩但薄到似魚片，得三片，出前一丁但冇比味精麻油，我問過待應話佢話係出前一丁🤔。凍檸茶來到冇走甜，我叫佢換左。態度一般但我明明是叫走甜的，茶底冇乜味。我3點幾去到，4點突然熄左一半燈同冷氣，原來得返我一個，可能想環保啲，唯有食完即走。上網睇返係落場時間，但明明下午茶係三點至五點😰。以前食開是ok 的，不過應該唔會再食了..…Read More

#服務態度差 諗住lunch 食，地下樓面沒有侍應（水吧有人但冇理我），上二樓搵位，個男侍應問有冇「安心出行」，我話冇，佢叫返我落去，話我應該係門口等帶位。我話你樓下冇人，佢話「好忙做緊嘢，你應該係門口唔好入嚟！」語氣態度差，最後我冇食啦。之前食過一次勁多人但都冇乜特別，而家買一送一都唔平，仲要態度咁差。…Read More

期待咗好耐第一次試食，因為平時都好多人買。但係真係好失望，雞蛋仔係即叫即做嘅，等左三分鐘，我見職員都有放涼一陣。我買返公司只係幾分鐘時間，袋口一直打開，但雞蛋仔口感已經係又軟又淋，佢唔係之前啲食評講空心既，但成包得一粒雞蛋仔既邊有少少脆，真係未食過咁難食既雞蛋仔！價錢$20如果好食都合理，不過真係難食。…Read More

上星期經外賣平台外賣了4樣食物， 柚子鮮蝦沙律、金邊扎肉米紙卷、甘蔗蝦、香茅豬扒飯。送餐時間比預計遲了5-10分鐘，因預備餐點的時間遲了。打開大家真的嚇一跳，也失望。首先甘蔗蝦的份量只有1條（？）再開邊成為兩條，味道普通，但這樣的份量實在太少。而柚子鮮蝦沙律的份量亦少，幾隻蝦看上去像未熟般，亦沒有任何味道，菜的份量也不多，沙律汁卻太多又沒另上。另外兩樣算是正常。網上食評好像不錯，但親身試過這樣的質素不會有下次了。…Read More

Lunch 時間黎到好滿座，點了韭菜餃子餐（有菜同埋橙汁）$41 好抵食。餃子有10隻，皮薄餡多，可以配其他小食。 午膳時間人比較多，可能新開有少少亂，但簡單家庭式小店，值得再去。…Read More

剛巧經過上環，第一次來吃午餐。食物以素菜為主，感覺清新，但味道豐富有層次，很有驚喜。前菜及主食有不同選擇 。咖啡亦不錯。唯一感覺是侍應對熟客招呼比較好，對我們則缺乏耐性。環境輕鬆closy,如客滿會有點迫挾，幸而樓底高，不會太嘈吵。…Read More