Lungs's Profile

每次來到錦麗，都必定吃人氣牛肉湯河，但今次想試試新菜式。今日吃了濃湯系列香茅豬扒金邊粉（濃雞湯）。有點失望，濃雞湯不是我想像中的味道，金邊粉有點硬，炸香茅豬扒還好，夠大件，但是不夠Juicy，整體上感覺一般，下次我還是點牛肉河好了。全店選用自助點餐，單上有提供Wi-Fi。…Read More

鮨樂開了這麼久，一直還沒有時間來，今天碰巧有空又不用排隊，便進來吃吃。點了特選北海道丼定食，有味噌湯及前菜沙律。特選北海道丼有甜蝦、蟹肉、帶子、海膽同三文魚子，帶子、甜蝦、海膽新鮮，三文魚籽有驚喜，粒粒在彈牙，要咬才爆開，並不像一般的帶有腥味，入口即爆。唯一缺點，蟹肉帶有蟹殼碎。味噌湯鮮甜好味，飲得出有海鮮的鮮味，足料炮製，温度夠熱坐在吧枱前面，看着師傅處理刺身，感覺很好。店員親切有禮。下次會再來。…Read More

放假的第N天，今天風和日麗，出去海旁走走。沿途見到這間餐廳有戶外雅座，很配合今天的心情，便走入去看看。店舖分三部份，入口設有零售，主要售賣有機食材調味料，亦有售賣牛扒、威靈頓牛，可以回家烹調，店員亦會教授烹調技巧。餐廳分室內用餐區及戶外用餐區，戶外亦有鞦韆坐位，打卡一流。這間餐廳吃牛扒是最有名的，但我想吃得輕盈些就點了牛油果蓉多士，牛油果蓉加入葵花籽及少許辣粉調味，另點了一壺lemon grass tea作為一日的開始，但花茶令人失望，毫無味道🙁…Read More

進補要及時，快來一場冬日嚐味盛宴！說到進補，養血滋補的鮑魚花膠遼參少不了，現在有限時優惠，實在來得太合時了！頭盤先來青瓜酒醉鮑魚、豉油皇鮮元貝及極品蜜汁叉燒，仙氣十足，每次來明閣都必定要食的叉燒，入口即溶，蜜汁香醇。進補必須要有湯，淮杞燉花膠螺頭，燉湯香濃，飲後全身都暖笠笠，厚花膠配鮮味螺頭，手腳冰冷的我都溶化了。然後是令人驚喜的金沙牛油果伴金沙虎蝦球，外脆內軟，咸蛋黃香，回味無窮、滋味滿分。整個盛宴最期待的蝦籽脆皮遼參素千層，矜貴遼參製作過程複雜，竟然用這個價錢可以品嘗到！上層皮脆，中間膠質滿滿，下層素千層，三重口感配上香濃蝦籽汁，真的想再來一客！巧手醋香黑豚肉，陳醋香醇，黑豚嫩滑，擺盤美如畫。然後來點清新的，濃雞湯魚肚浸時蔬，温補雞湯去了時菜的寒涼。吃過六道菜的我已飽飽了，如果你仍未夠還有珍珠雞在等你。最後甜品有養胃桃膠薑茶湯丸及暖胃棗皇糕，寒風也不覺凍。優質食材 巧手廚藝 眼球滿足 令人再三回味！環境幽靜 服務員親切 屬米芝蓮質素！…Read More

經過搵食見到，被全店粉紅色櫻花樹吸引住就入左去，正統台式食品，但主食選擇唔算多，反而飲品就有好多選擇。叫左一個紅燒半筋牛肉麵，麵好食，唔太淋，牛筋及牛肉唔算好淋，要咬下，唔係入口即溶個隻，不過牛味不太濃，沒有身在台灣的感覺。另外點左個兒童餐比小朋友注意是肉醬台式麵不是意大利粉，小朋友好鐘意食，而炸雞同炸薯條，因為比小朋友食所以沒有落鹽調味，好細心，媽媽好鐘意，炸雞有調味過偏淡，適合小朋友食用但啫喱小朋友就唔鐘意食…Read More

很搶眼的落地大玻璃，餐廳入面佈置了得多綠色植物，面積大，枱與枱之間有空間，侍應很nice,有心機介紹餐牌食物點了精選意大利飯德州燒牛肉漢堡奶昔 Pink PantherStone Fruits Milk Foam Pancake核果奶蓋班戟環境好 有梳化位 侍應nice 令人食嘢心情都好d味道好 burger 夠juicy 只是略嫌奶昔太甜，連小朋友都覺得甜Pancake 要等大約45分鐘，所以想食既朋友點餐時要注意，期待下次再來…Read More

好耐冇黎，今日早食lunch 11:30am, 冇乜人大把位，又黎食下，鐘意佢耐不耐都會轉下個menu, 有時令野！秋天當然是蟹的季節，點了海膽蟹膏海鮮丼有海膽蟹膏甜蝦北寄貝刺身甜蛋等 仲點左吞拿魚丼新鮮刺身鋪在暖暖的日本醋米上，非常可口，冇得飛去日本就頂住先！每一set丼/燒魚都會附送三文魚蘿蔔味噌湯，今日的湯令我十分失望，好似未煲出味咁，味道淡如水，既冇味噌味亦冇三文魚味，所以都冇影到了。期望下次再黎味噌湯會有改善。…Read More

因為小朋友每個星期都黎補習，所以成日都黎呢個商場，有新開的手搖飲品店，試下小店，估唔到有驚喜，之前買過珍珠奶茶，茶味香濃，珍珠有咬口，多次回購。今次試左水果茶，葡萄柚綠茶，清新解渴，酸甜balance得好好（本人不太好甜，我叫的是少甜少冰），啖啖果肉，飲極都有，唔似出面果d得2啖，誠意之作，食完果肉仲有茶味留係口。買過佢哋芋圓做甜品都好好食，唔太甜，好多料芋圓彈牙好味，返到屋企老公同阿女都讚好，仲所以平日有時都見到人龍排隊，即叫即整！…Read More

好耐都冇去飲過茶，所以要對自己好D，搵間好既去唔好浪費左個quota友人在灣仔返工，就去灣仔明閣。友人話香辣豆腐海鮮餃之前未食過，想試下，本身唔係好食得辣既我，都一試難忘，麻的感覺比辣重，很香口，吃後還有花椒的餘香，完全不油膩，作為頭盤很開胃，下次再黎的話一定會再點。另外推介蠔皇鮮菌鮑魚酥，唔係包住入面唔知有幾多鮑魚，而係原隻鮑魚上，大方得體，仲要一口放唔晒入口，要分2口先食到，廚房都好細心已經切開一半，斯文既女仕們都唔會食到好狼狽。到我平日最愛陳皮雞湯小龍包，待應哥哥拎開個蓋時，仲有一陣蒸氣蒸上黎，皮簿但成籠都冇爆，最怕一夾起即爆，雞湯香濃涵靚，忍唔住食左兩隻。以前同前輩食飯教落，想知一間中菜好唔好就要試燒味。今次試左極品密汁叉燒，肥瘦適中，入口即溶既感覺，一D都唔柴皮，加上大量蜜汁，夾時仲起絲，食落一D都唔膩。濃湯花膠雞絲羹，加上懷舊厚身簿脆，並不是用剩下春卷皮炸，配菜都咁用心；加上簿脆有點像蛇羮的感覺，花膠絲易入口，補身之選。海龍皇脆米窩燒飯，口感脆脆，有龍蝦、帶子、蝦子、松子仁，飯粒分明，每粒飯都有大量蝦子，而家睇返相都見到，鹹香鹹香，令人回味。甜品係抺茶十勝紅豆卷，不會太甜，抺茶粉在卷上有回甘味，正 !總括黎講，食物質素、環境、洗手間、服務都係五星級 !…Read More