ManYeeTang3551's Profile

好鍾意呢間Cat Eyes，入面嘅飯粒粒分明好好食，芡汁配埋白飯，食落胃覺得舒服。雖然平時黎都預咗要排隊，但如果12點黎，其實好快有得入座。🍛我叫咗濃茄牛肉➕和牛漢堡蛋包飯次次黎都係叫呢個set，但我覺得今次嘅和牛漢堡轉咗，無之前咁好食，濃茄牛肉都係咁出色💗濃濃的茄汁～🍛老公叫咗咖哩豬肉➕燴牛肉汁蛋包飯係甜甜哋嘅咖哩，好送飯，燴牛肉汁食得出加咗紅酒，唔知係咪分量無掌握好，汁有啲苦苦哋🫣希望改善…Read More

好耐無幫襯過悄悄食堂啦😙對上個次記得體驗無錯，所以今日book咗一點黎再享用午餐。可惜黎到原來午餐無牛舌，本身一心係想食黎食牛舌㗎ma🥹🥹唯有下次晚餐時間黎啦我哋叫咗個醬漬蘭王蛋 鹽麴燒牛小排丼飯 （$188）個名真係改得好長，等嘅時間都長😂等咗20分鐘到，先有得食，但係！食咗一啖我覺得等待係值得嘅🥺牛香味嘅油脂係口入面爆開，飯底有啲醬汁，加埋飯真係好開胃呀😍不過醬汁太多啦！搞到個飯好鹹，如果可以比少一半醬汁嘅就完美啦🤩💛羅勒雞腿馬薩拉（$138）問咗職員先知原來馬薩拉就係咖哩雞飯🍛🤣啲餐名真係無職員講解唔次好明，雞皮有啲位煎得燶咗，咖哩係甜甜哋嘅醬汁，個人覺得呢個飯不過不失啦🫣總結黎講，大推牛小排丼飯😙食得出悄悄食堂嘅食材都好新鮮，雖然價錢真係貴，但耐唔耐黎食一次真係大滿足的🫶🏻…Read More

前幾年已經好Hit嘅文記車仔麵，我今日終於嚟試啦，入到門口，首先要喺門口揀定要咩面，跟住再揀餸菜，最後姐姐會加腩汁，當然自己都可以再添加沙嗲醬或者其他醬料。首先，叫咗個米粉+瑞士雞翼+生菜+炸腐竹湯底係偏甜嘅湯底，亦可以話係冇乜味，其實唔覺得有咩特別，啲料比得都唔夠多，真係試咗今次就冇下次另一碗叫咗腩肉，魚肉春卷+豬肚反而腩肉比得份量唔少，魚肉春卷味道都正常，自己加咗啲沙嗲醬，所以湯底味道還好。呢間鋪位置闊落，所以都唔使點樣排隊，不過名氣大過於食物味道,對於我嚟講試一次就OK啦…Read More

荃灣西得返一間碩果僅存嘅鮮選壽司，今日就過嚟再試吓佢嘅水準，我哋大概6:30咁樣到餐廳，唔洗排隊可以直入，入面都好闊落，所以可以同時間容納好多客人。同之前嘅壽司醋唔同，而家啲飯用咗有色嘅壽司醋，我自己比較鍾意以前嘅飯，魚生嘅質素都冇以前富有油脂，所以今次有少少失望。不過老公大讚呢碟帆立貝，4粒粒粒都咁大粒，一碟可以食到4款口味嘅帆立貝，的確幾正❤️最後兩個人埋單$300蚊到，人均$150，食到好飽，耐唔耐黎呢到食一次轉下新口味都幾新鮮🤩…Read More

嚟到東涌，想搵間價錢抵食嘅餐廳，建議可以嚟super sandwiches睇睇，有時啲Menu都會推出啲價錢抵食嘅餐廳。今日我就見到有呢個蕃茄湯系列嘅午餐好選擇。我揀咗燒豬扒，煎太陽蛋，蕃茄湯烏冬配多士🥳 揀咗熱檸水，total $49💰大約15分鐘內就有得食，豬扒薄薄地一塊，濃湯都夠蕃茄味，不過味道就比較清淡，我個人要再加少少鹽，可能係我食得比較重口味啲。烏冬嘅份量再加埋煎蛋，一個午餐嚟講都算幾飽幾抵食。下次會再幫襯呢個餐😋…Read More

朋友推介呢間餐廳價錢正常可以任食，有雞煲又有打邊爐，咁我哋一行人就嚟咗呢間餐廳享用晚餐🌸首先會上咗雞煲先，雞肉質地正常，有啲豆卜，同埋豬肚，豬皮，一個煲入邊可以食到唔同嘅材料，雞煲嘅醬料都惹味，味道合格雞煲之後就到打邊爐，我哋揀鴛鴦鍋要再加錢。牛肉嘅質素就比較參差，質地比較韌，同埋睇個賣相唔係太新鮮，如果可以改善下牛肉嘅質素就更加好🫶🏻雞軟骨係任添嘅小食，職員見到我哋食完雞軟骨之後又好快再拎第二碟雞軟骨，服務好好。最後仲有送埋糖水總體嚟講呢間表現一般，呢個價錢嘅話可以再食好啲。要留意嘅係，喺紅日時間要比留位費，埋單嗰陣時會扣返留位費。不過呢間餐廳唔係太full booking，如果唔想俾留位費可以Walk in試吓都得。…Read More

經過葵芳成日都見到呢間拉麵，今日終於入嚟一試，本身冇抱住太大嘅期望，但竟然味道唔差，係一間可以encore嘅拉麵🤩🍜豚骨拉麵（$78）我叫咗濃湯底嘅豚骨拉麵，濃湯飲得出有筍嘅味，我個人好鍾意食筍，呢個湯底每一啖都感覺吸收咗筍嘅精華，加上青蔥做點綴，加上薄薄地嘅叉燒，女仔食嘅話其實份量係夠大。🍜真叉燒拉麵（$108 ）問咗職員真叉燒同普通叉燒嘅分別，係真叉燒係用慢煮嘅方式，所以比起普通叉燒，睇落會更加粉紅色，而肉質都更加嫩滑，對比過之後真係真叉燒比較肉質薄嫩啲，total有八塊叉燒，老公食咗都好飽😂🍗唐揚炸雞（$35 ）唔知點解雞皮炸到有啲燶燶地苦苦地，但入邊嘅雞肉係Juice嘅，呢一點如果再改良吓會更加好🥺…Read More

平時都去葵廣掃街，葵廣3樓新開咗呢間賣乳酪嘅舖頭，可能因為新開，所以冇乜人排隊，本人超鍾意食乳酪，見到有好多唔同款嘅配搭，最後就買咗一杯原味+ 蜜糖脆脆+芒果汁+綠茶糯米糍🍵第一啖已經俾個味surprise，乳酪好好味呀🤩係好濃郁嘅味道，推薦綠茶糯米，煙煙韌韌，唔會太甜。芒果汁酸酸甜甜配上乳酪，令乳酪嘅味道更加突出🤩開心又搵到一間可以長期幫襯餐廳，希望更加多人可以嚟試吓，咁好味嘅味道應該要更加多人知道😚❤️…Read More

同老公收工唔知食咩好，想食得清淡啲，就嚟咗鴻苑食牛腩。老公係食肉獸，嗌咗個咖喱雜扒飯。呢碟咖喱雜扒飯有雞扒同埋豬扒，咖喱唔算太鹹，雞扒煎得比較出色，雞皮煎得脆口，豬扒就比較肥。平時都係出街食，好少食到菜，所以加咗啲生菜走蠔油，生菜煮得比較腍，唔爽口，建議下次唔使煮咁耐，不過食得出生菜都好新鮮，值得一讚。嚟到呢度梗係要食牛腩，我叫咗個牛肚牛腩米粉，想講呢度嘅牛腩真係好正，雖然冇崩沙腩，但本身嘅牛腩已經由崩沙腩嘅質地，但米粉浸得唔夠耐，下次可能會轉河粉會好啲。…Read More