YinWong9761's Profile

係銅鑼灣次次學車都經過加路連山道依間專食豬排既舖頭，次次都坐滿哂人無機會試，終於有時間黎試下餐廳環境都係一般小店咁，幾企理同女朋友一人叫左一個飯，驚唔夠飽仲叫多左個小食（後尾飽到有少少後悔），因為我地兩個都叫豬排飯，所以叫左個清淡既豆腐小食豆腐唔錯！係硬豆腐再加魯肉同埋木魚花，食落豆味幾重，清新開胃。女朋友叫左豬排撈面，豬排勁大份同埋蔥俾得好爽手，唔似有d餐廳嗌蔥油雞排飯都係得一pat仔蔥油。豬排好入味，食得出無用鬆肉粉"la"過，包係外面既炸漿上得好薄，唔係食落成口粉咁，撈面質地都好乾爽、唔會太油太乾我就叫左焗豬排飯同樣都係咁大份豬排，超級厚，每一口咬落去都好滿足到我依個食肉獸醫。飯焗得好乾身。蕃茄汁唔會死甜、仲有蕃茄既酸甜。而家加埋芝士同蛋，我覺得完勝唔少連鎖餐廳既焗豬排飯咁既價錢、咁既份量係銅鑼灣黎講真係算好抵食，難怪日日都咁坐滿…Read More

係D2 place 睇完戲想揾間未食過既西餐，就黎左INN cafe 環境好舒服，因為位置係樓上舖，就算星期日Dinner時間都唔算多人，餐廳枱櫈擺得好闊落一黎就嗌左份黑松露薯條，上菜時熱辣辣好脆佢係額外上一份黑松露醬自己點，除左黑松露仲溝左蛋黃醬，味道多左一份層次我既主菜： 8安士澳洲草飼牛配大啡館。一上菜有驚喜，睇樣煎得好香脆，而且份量足（有好多餐廳都俾唔足磅）我叫左Medium，火候控制得好好，最緊要係肉味好足！（草飼牛既特色）肉質嫩滑大啡菇配煙肉非常香口，水份好夠女朋友叫既慢煮鴨脾都好靚仔！我試左少少鴨肉既香味好出，正…Read More

黎大角咀帶唔一定淨係係奧海城揾野食既，原來附近有間日式鐵板牛。😎好少見食牛扒之前，有鋪頭既門面比你睇同親自揀牛肉。🥩🥩🥩有唔同部位可以揀，即刻現場睇到啲牛肉夠唔夠新鮮同油花分佈靚唔靚。牛扒按重量收費，要係入座之前落order，店員就係我面前磅重，🍖保證足磅，然後即放上鐵板上面煎好，夠熱辣辣～我就鐘意比較tender既牛肉，所以叫左🔸牛柳🔸300g，都幾大份。🔪一切開煎得岩岩好，最怕過熟，呢個內裡仲係好鮮嫩，肉質不錯👍，再加上面既蒜，非常惹味。加$28仲有套餐，我就揀左🥗沙律解下膩，同🥚温泉蛋，牛肉沾蛋汁都唔錯，飲品就再加$28叫左冰凍既suntory 啤酒，咁先夠爽！鋪頭裝修好似一間磚屋咁，幾有味道，而且位置幾寬倘，有唔少座位。…Read More

北海道帶子配菠菜蓉依個組合好match，帶子煎既火侯控制得好好，完全無過熟仍然好juicy好鮮甜。菠菜蓉配埋三文魚籽，令到菠菜蓉多左一層口感同味道，亦到蓋過左菠菜既草青味。惟一美中不足係帶子外層可以用牛油煎再香脆啲。依個洋蔥湯係成餐令我最驚喜同驚豔既一道餸！！以往飲到既洋蔥一係就好咸一係就太甜（係好假果種），但依個洋蔥湯入口味道溫和平衡，洋蔥既甜味恰得好處之餘個湯又唔會過咸，而且成碗湯都係滿滿煮到焦糖化既洋蔥絲，加埋有少少瘦肉，非常好飲！M5和牛牛柳同鴨肝煎既火侯完全對得住依間餐廳既水準，兩者都係外脆內軟。和牛外層焦脆而內層係完美既三成熟，肉味十分濃、油脂分佈好靚，而鴨肝入口即溶既濃厚油脂更加令和牛既味道再升一級。Champagne人口順滑清新fruity，果味偏甜，相信平時無飲開wine都會接受到生蠔新鮮嫩滑，帶有海水及礦物味跟Starter麵包好香麵粉味，配住餐湯食一流…Read More

同朋友週末去旺角行街兼食飯，無意中見到有間位於鬧市嘅法式餐廳 sky726，就決定同朋友一齊去試下。果然係靚景餐廳嘅得主，雖然無尖沙咀海傍嘅高樓大冰廈，但如果坐係窗邊，你腳邊就係旺角繁忙街道嘅路人同埋香港特式嘅建築物，都不失為一種風味。室內中間係水吧區，坐位都尚算闊落。我地就嗌咗海鮮意大利飯同西冷牛扒，再加48蚊就可以升級做套餐，就包埋餐湯，沙律同飲品。待應嘅服務都唔錯，每次上菜時都會介紹下食品同埋都會適時幫你收走啲野方便食野。首先個前菜個幾清新，有袖子醋調味，但略酸。湯就係周打魚湯，附送嘅餐包比較出色，微溫同埋有好濃烈嘅香草味。主菜係西冷牛扒，配菜有粗薯條同露荀。粗薯條金香而且內裏軟熟，露荀無草清味而且吸收咗牛扒嘅油脂，令人食不停口。牛扒調味亦非常足，但我就食唔慣熟得太熟嘅牛朋友就叫咗個海鮮意大利飯，酸酸地幾開胃，份量都好大，我朋友係女仔就食唔晒了。最後我地叫埋杯餐飲完結一個幾人驚喜嘅brunch~…Read More

旺角分店個位置好方便，如果坐窗邊位仲可以睇到旺角夜景，景色都唔錯架~今次試咗麻辣鷄煲，BB辣個辣度可以話係啱啱好，有少少麻辣味，好適合唔食得辣但又想食麻辣鷄煲嘅人。鷄煲非常入味，鷄肉好嫩滑！鷄煲醬味道好香，同埋食完之後唔會口乾，唔洗驚鈉含量超標。鷄煲分量十足，可以同幾個朋友share，200幾蚊嘅價錢可以話係非常抵食！其他配菜就有少少貴，不過見到特定時段配菜有半價優惠，咁就更加抵食啦！下次可以weekend黎食lunch~特別推介芝士響鈴卷！暫時未係其他地方見過，非常新鮮特別。響鈴入面卷住濃鬱嘅芝士，一啗咬落去就可以獲得流心芝士+響鈴嘅雙重享受,大家如果黎食一定要試下芝士響鈴卷！今次仲嗌咗個冰菜，但唔知點解煮完之後好酸，可能因爲煮太耐，或者冰菜唔當造？…Read More

趁可能係12月最後一晚有堂食，約埋女朋友黎食講左好耐想食既burgerroom係ig睇到朋友食個個鵝肝牛肉漢堡之後就決定一定要黎試裝修玩工業風，仲有露天座位，想吹下風可以坐出面不過坐低睇menu估唔到原來都仲有好多其他burger選擇野飲選擇黎到緊係叫最出名個個，我叫左雙鵝肝牛肉漢堡，女朋友叫左黑松露芝士大烤菇煙肉牛肉漢堡另外仲叫左芝士旋風薯條，仲有門神手工啤首先黎既係兩枝門神手工啤，分別係Thunder God (ale), Monkey King (amber ale)Thunder God 花香、果香味好重，偏甜，易入口，岩女仔飲Monkey King 就麥味重啲，但都係偏甜同易入口之後係薯條，一望到已經流哂口水，勁大pat芝士係啲薯條上面薯條熱辣辣又脆，連埋芝士一口食勁滿足，但真係要兩個人share，因為都會幾漏牛肉勁juicy、個包質地好好同埋兩面都有查牛油，唔會擺一陣就索哂啲油同汁變到軟淋淋煙肉＋烤菇＋蕃茄＋芝士依個組合無得輸，全部野食既味好夾又食到各自既味道主角！鵝肝煎到外脆內軟，試左就咁食左小小鵝肝，一咬鵝肝好香既油脂甘味係個散發哂出黎同樣都係牛肉＋芝士＋番茄，對比之下依個burger比上一個食落更香不過因為牛肉本身都好濃肉味，一齊鵝肝道會無咁出埋單無加一鍾意burger既人一定要黎試下…Read More

🤣唐宮小聚菜式新派有創意，連裝修都好靚，一入黎就有幅壁畫再配餐桌，扮佢地打乒乓波較量既畫面皮蛋豆腐 $59第一次見皮蛋豆腐整成咁，😍好刀功，擺盤又靚，但略嫌皮蛋有點少蟹粉麻球 $89😖呢個有點怪，因為煎堆甜，但內餡咸的肥牛叉燒 $149雖然價錢略貴，💯但牛肉叉燒大推，燒到表面香脆，叉燒汁正 ，裡面牛肉肉質嫩滑白玉乳鴿 $49一隻乳鴿幾大隻，香脆，油香肉嫩，🤪會食唔停口荷花蒸飯 $99😚份量好大，飯夠香，配料又多，有蝦，火鴨，雞丁同瑤柱黑金流沙 $49係屬於奶味比較重既流沙金蘿蔔糕 $89🎈避風塘好香，令蘿蔔糕表面好香脆，內裡既配料都大大粒，仲有芋頭～椰皇燉雞 $69🤩椰子味好出，所以好香，入面又多雞件，再挖啲椰肉食，😁好清甜得意小豬 $70可愛背後，🥲身體爛了，🤗但食落幾順滑貓山雪糍 $79以為係煙靭糯米糍，點知外皮似一層硬膠，😣浪費了入面既綿綿既貓山榴槤十三么麻雀 $49以為煙靭椰汁糕，🤨點知又係口感奇怪無味，只岩打卡用.總括黎講，😂😂😂甜品就不推薦了，但今次一家人黎，🧑🏻‍🦳👨🏻‍🦳老人家都幾滿意，而且菜式新穎，叫左好多不同菜式就不能盡錄啦～…Read More

東涌食肆唔叫多，大多連鎖店，當大家只會在商場揾野食，🤗其實商場以外有小店質素唔錯，😋呢度既泰菜價錢合理又好味。環境雖然細，但唔算多人黎，唔洗等好耐就有得食泰式青咖喱雞肉配飯 $55雖然青咖哩理應比其他咖喱辣，但出面食既都係得隻色，其實就得股甜味 ，👀呢間既就真係有辣味啦。👌而且湯裡料又多，飯又一大碗，份量很足夠冬蔭公湯金邊粉 $58🤩好大一碗冬蔭公湯，酸得黎，少辣，好開胃😜配菜都唔少，🍤仲有一隻大蝦，咁既價錢同質素，絕對可以接受.黑糖珍珠泰式奶茶 跟餐$15😙見加十幾蚊就有黑糖珍珠奶茶，就試下。感覺不過不失，而且比較偏甜，茶味未係好出。…Read More

🤔縱觀整個餐牌都幾平民價，而且又夠吸睛。🥘雖然招牌主打寫咖喱，但依我食過幾次既經驗，😓呢度既咖喱係唔出色的，還是建議大家選其他類別會開心啲😂😂吉列豬扒咖喱飯 $58咖哩普通，而且一眼睇曬，係無咩配菜🤥🤥😐豬扒表現也是普通，表面夠脆，但肉質無味温泉蛋烤汁牛肉丼 $65😁呢個不錯，🐂牛肉唔會un，又有肉味 ，份量都多，🤔再有最愛既温泉蛋～唐揚雞球 $34🐓肉質還好，不會很乾，而且有五件～…Read More

東涌新開outback ，😂可能東涌好食既野唔多，呢間算係比較多人幫襯既一間，的確水準唔會差既，而且環境好寬敞😇每次黎到最期待一定係黑糖包，夠香，再配cream一流餐湯係西蘭花忌廉湯，不過不失啦雪山飛牛 $42👍👍👍要讚既係movenpick藍莓芝士蛋糕雪糕好正，真材實料 ，🤩真係食到blueberry 又有cheesecake係雪糕裡面。😋原來都幾夾可樂美國精選肉眼牛扒 $198配甘藍沙律，酸酸地幾開胃特製洋蔥花球 $78😭😭😭呢個算係outback經典菜式，大份得黎又靚，但竟然失手！食落去洋蔥好苦澀，我地硬著頭皮先食到小小由於我有membership （朋友送的），優惠年票只要滿三百就有多一份牛扒同樣地，outback 牛都算夠juicy既.每碟份量好足，除左洋蔥花球大失所望之外，其實都keep到水準既…Read More

之前食既神山沾麵感覺很差 ，🤨其實也是麵屋武藏的，今次再來佢既虎洞，質素同樣地差啊🥲白虎叉燒拉麵 $75份量係夠既，但一睇個湯就知，唔濃，無味，只係油😣😭😭黑沾麵 $79😞黑蒜香味欠奉，再一次想講只係油，質感唔好麵條特意兩條中間有坑，🤔可知有心思想麵條可以掛湯點，但可惜麵質唔夠彈牙 ，而且湯底質素唔夠好，😔掛湯的功能也變得無用.餐牌既大多拉麵價錢都係一百以內，😌不過我寧願比貴少小食到好食既拉麵啊，所以應該難以再幫襯了…Read More

平時天丼出面都大排長龍，知道係青衣城裡既🤩人氣食肆，😙今次很好彩唔洗點排，當然要試試，結果都好滿意～🔅所有定食都只係79，價錢實惠天婦羅蕎麥麵 （冷麵）$79😣本身不太喜愛天婦羅，覺得都係熱氣既炸野，得麵糊，😇但原來只係我一直未食過好食既天婦羅。其實要整好既天婦羅唔簡單，唔可以麵糊太厚，內裡又要保持食物既鮮味，🧐🔥好取決於整既温度。呢度就做得幾好，外表鬆脆，唔會只食到出面既粉，咬入去保持到個水份，😚係鮮甜既。😯再配冷蕎麥麵，成個感覺都係fresh，無油膩感～鯖魚天丼🤗不時會推出限定菜式，今次係鯖魚，而且仲有黑虎蝦，蟹柳，四季豆，紫菜，蜆肉牛蒡餅，材料豐富～…Read More

一向對連鎖餐廳無咩期望，🤗但依間原來水準幾好，可惜鋪位係最尾，唔算顯眼，所以人都唔算多經典美國牛肉芝士漢堡 $88初嘗必試經典款啦～🥩牛肉扒厚肉，入面夠多肉汁，肉味算重，幾juicy是拉差脆辣雞肉包 $88好大塊雞，都包不住了～而且夠香辣🤩最驚喜係薯條～😋個人的確比較偏好粗薯條，😞可惜好多鋪都整到淋曬，🥰呢度既粗薯就整得出色好多，😇鬆脆惹味🍔🍔🍔一百以内就食到大份又好食既burger，的確唔錯…Read More

🧐好耐未去過IKEA 餐廳，因為長期多人，事過境遷，而家人少左，味道都唔同左烤豬鞍架伴焦糖蘋果及香草烤南瓜 $59😕主角豬鞍好乾，用刀切都好費力，幾失望，😳反而配菜做得好好多，特別係南瓜酥炸咸豬手 $66💯最讚必定係豬手，🤩第一次見實物比餐牌既圖更好，因為實物大份好多。😚外表好脆，內裡既肉又夠嫩,再配酸椰菜，薯仔同蒜蓉汁 ，一流😋瑞典肉丸 十粒 $22經典款當然必試啦，😗但係感覺細粒 ，肉質都無以前咁好食🔆其他小食有葡撻，菠菜薯餅同薯格。前兩款很普通，👀葡撻味道一定不及kfc,薯餅太淋，👍但薯格夠香脆，🤭可能因為係黎自新換既一盤薯格有關…Read More